Талғар аудандық сотында «Хуторские» ОПГ жетекшісі ретінде аталып жүрген Хасан Қасымбаевқа қатысты қылмыстық іс қаралуда. Отырыс кезінде айыпталушылардың бірі сырқаттанып, сот залына жедел жәрдем шақырылды, деп хабарлайды Sona.kz Tengrinews.kz-ке сілтеме жасап.
Оқиға түстен кейін Руслан Алиевтің жауап беруі алдында болды. Оның қатты тіс ауруы ұстап, сотта 15 минуттық үзіліс жарияланды. Алайда уақыт созылып, жағдайы нашарлаған соң дәрігерлерді шақыруға тура келді.
Медициналық бригада Алиевті тексеріп, алғашқы көмек көрсетті. Кейін ол жедел жәрдем көлігіне жеткізілді.
