Атырау және Қызылорда облыстарында мұнай-газ кешенінде заңнаманың сақталуын қамтамасыз ету бойынша жүйелі жұмыс жалғасуда, деп хабарлайды Sona.kz Kazinform-ға сілтеме жасап.
Энергетика министрлігінің дерегінше, 2025 жылдың 9 айында көмірсутек саласында 100 тексеріс жүргізілді:
•18 профилактикалық бақылау;
•30 жоспардан тыс тексеру;
•15 келісімшарт шарттарының орындалуын тексеру;
•37 рұқсат беру тексерісі.
Нәтижесінде:
•18 нұсқама берілді;
•жалпы сомасы 110 млн теңге болатын 80 айыппұл салынды;
•мұнай мен газды тиімсіз пайдаланудан 14 млрд теңгеден астам залал өндірілді.
Қазіргі уақытта 4 млн теңге айыппұл мен 2,4 млрд теңге залалды өндіріп алу ісі қаралуда. Министрліктің мәліметінше, бұл бағыттағы жұмыс жалғасатын болады.
