Ақмола облысындағы ең ірі кәсіпорындардың бірі – «ПО Көкше-Цемент» ЖШС жұмысшыларына 144 миллион теңге жалақы қарыз болды, деп хабарлайды Sona.kz Halyqstan-ға сілтеме жасап.
Кәсіпорын жұмысшылары бірнеше ай бойы еңбекақыларын ала алмай, мемлекеттік органдарға ұжымдық хат жолдаған. Онда жаппай жұмыстан шығару, өндірісті әдейі тоқтату және қаржылық бұзушылықтар туралы айтылған.
683 жұмыскердің 200-ден астамы зауыттан кетуге мәжбүр болған.
? «Өз еркімен кететіндерге ақшаны бірден береді. Ал қалғандарына – жоқ. Бізді осылай кетуге итермелеп жатыр деген әсер қалдырады», — делінген хатта.
Жұмысшылар зауыттың «ПО Бетон» және «Пром Инвест Алматы» атты екі компанияға қаржылық тәуелді болып қалғанын айтады.
? Сонымен қатар, қытайлық Xinjiang Sanbao Industrial Group Co., Ltd. компаниясының зауытты сатып алуға ниетті екені туралы ақпарат қызметкерлер арасында алаң тудырды.
Олар мемлекеттік органдардан басшылықтың әрекеттерін тексеруді және зауытты мемлекет меншігіне қайтару мәселесін қарастыруды сұрайды.
⚖️ Прокуратура жалақының кешіктірілуі бойынша тексеріс бастады.
