Атыраулық Жанна (Яна) Легкодимованы қатыгездікпен өлтірген Ризуан Хайыржанов пен Алтынбек Қатимов өмір бойына бас бостандығынан айыру жазасын «Қара бүркіт» түрмесінде өтейтін болды. Бұл туралы Sona.kz Лия Нуртайға сілтеме жасап хабарлайды.
«Қара бүркіт» — Костанай облысы Жітіқара қаласынан 25 шақырым жерде орналасқан ерекше қадағаланатын, елдегі ең жабық режимді колония. Мұнда Қазақстандағы ең қауіпті қылмыскерлер қамалады.
Түрме режимінің басты ерекшелігі — шартты түрде мерзімінен бұрын босату қарастырылмағаны. Колония пайда болғаннан бері бірде-бір адам УДО арқылы бостандыққа шықпаған.
2004 жылдан бері мұнда өмір бойына сотталғандарға арналған арнайы бөлім жұмыс істейді. Қазақстанда мұндай жазаны өтейтін орындардың саны — екеу ғана. Сол себепті қауіпсіздік талаптары өте қатаң: тәулік бойы бақылау, жеке камералар, қозғалысқа шектеу және арнайы күзет тәртібі.
«Қара бүркітте» отырған танымал қылмыскерлер:
* Владислав Челах — «Арқанкерген» постында 15 адамды өлтіру
* Олег Власкин — Шымкенттегі үш адамды өлтіру
* Руслан Күлебаев — Алматыда 10 адамды ату
* Игентай Сопыжанов — үш жасар баланы өлтіру
* Сергей Наумцев — 15 жастағы оқушыны зорлап, өлтіру
* Сайдолим Гайнозаров — бес жасар қызды зорлап, өлтіру
* Игорь Дужнов — Алматыда бес адамды өлтіру
Енді олардың қатарына Жанна Легкодимованың өліміне кінәлі деп танылған Хайыржанов пен Қатимов қосылады. Олар сот үкімі бойынша өмір бойы бас бостандығынан айыру жазасын өтейді.
