Қонаевта 8 ақпаннан 9-на қараған түні 27 м/секундына боран соқты. Осыған байланысты қалада штаб құрылып, түнгі уақыттан коммуналдық қызмет көрсетуші компаниялар күшейтілген режимде жұмыс істеуде.
Инженерлік желілерде ақаулар орын алып, тұрғын үйлердің шатыры ұшып, жеңіл конструкцияларға зақым келді. Түнде құлаған ағаштар мен жеңіл конструкциялардан тазарту жұмыстары жүргізілді, бұл қызмет әлі де жалғасуда.
Сондай-ақ бірқатар шағынаудандарда жарық өшті, қалпына келтіріліп жатыр.
1-11-сынып оқушылары түгелдей қашықтан оқуға көшірілді.
Қала әкімі Асхат Бердіханов ТҮКШ бөлімінің мамандарымен жиын өткізіп, боранның салдарын жою бойынша тапсырмалар берді. Зардап шеккен адамдар болса, заң аясында көмек көрсетіледі.
Тұрғындардан қауіпсіздік шараларын сақтануды сұраймыз. Үйлердің шатырларына жақын жүрмеңіздер. Қазгидрометтің мәліметінше, боран бүгін түске дейін соғуы мүмкін.
Барлық жағдайлар бойынша 109 қызметіне хабарласуды сұраймыз!
