Теміртауда ата-анасын өлтірді деген күдікпен 20 жастағы жігіт ұсталды
Теміртауда ерлі-зайыптылардың өліміне байланысты қылмыстық іс қозғалды. Кісі өлтіруге қатысы бар деген күдікпен олардың 20 жастағы ұлы ұсталды.
Sona.kz KopSoz-ге сілтеме жасап хабарлағандай, қайғылы оқиға 7 қазанда Республика даңғылындағы пәтерлердің бірінде болған.
Пәтерден 52 жастағы ер адам мен 49 жастағы әйелдің мәйіті табылды.
Құқық қорғау органдары қылмысқа қатысы болуы мүмкін деген күдікпен марқұмдардың 20 жастағы ұлын ұстаған.
Күдікті уақытша ұстау изоляторына қамалды.
Аталған дерек бойынша адам өлтіру фактісімен қылмыстық іс қозғалды. Қазіргі уақытта тергеушілер оқиғаның барлық мән-жайын анықтап жатыр.
Қылмыстың себебі мен өзге де мәліметтер әзірге белгісіз. Тергеу мүддесіне байланысты қосымша ақпарат жарияланбайды.
Күдіктінің кінәсі сотта дәлелденген жоқ.
