Ақтөбе облыстық полиция департаментінің мәліметінше, қайғылы оқиға 10 қазан күні кешке Сәтбаев көшесінде болған.
Алдын ала ақпарат бойынша, әйел мен таныс ер адамның арасында жанжал туындаған.
Жанжал кезінде ер адам әйелге пышақ жарақатын салған деген күдікке ілінді.
Жәбірленуші алған жарақаттарынан оқиға орнында қайтыс болды.
Полиция қызметкерлері күдіктіні анықтап, ұстады. Ол Атырау қаласының 28 жастағы тұрғыны болып шықты.
Ер адам уақытша ұстау изоляторына қамалды.
Аталған дерек бойынша қылмыстық іс қозғалды.
Қазір оқиғаның барлық мән-жайын анықтауға бағытталған тергеу амалдары жүргізіліп жатыр.
Жанжалдың себептері мен қылмыстың ықтимал мотивтері әзірге белгісіз.
Тергеу барысы Ақтөбе облыстық полиция департаменті басшылығының бақылауында.
