Sona.kz

Рубрика: Әлем жаңалықтары

  • Ресейде Павел Дуровқа қатысты 205.1-бап бойынша жауапкершілік мәселесі талқылануда

    Ресейде Павел Дуровқа қатысты 205.1-бап бойынша жауапкершілік мәселесі талқылануда

    Ресейлік бұқаралық ақпарат құралдары Павел Дуровқа терроризмге жәрдемдесу бабы бойынша күдік айтылуы мүмкін екенін хабарлады. Материалдар Федералдық қауіпсіздік қызметі деректеріне негізделгені көрсетілген.

    Ақпаратты алғаш болып Российская газета және Комсомольская правда жариялаған. Мақалаларда Telegram платформасы экстремизмге шақыратын және террористік ұйымдардың материалдары бар арналарды жою туралы талаптарды орындамағаны айтылған.

    Авторлар мессенджер пайдаланылған деп көрсетілген бірқатар қылмыстарды мысалға келтіреді. Олардың қатарында «Крокус» концерт залындағы теракт, Дарья Дугинаның өлтірілуі және генерал Игорь Кирилловтың қаза табуы бар.

    Роскомнадзор, ІІМ және ФҚҚ деректеріне сүйенсек, платформа 10,5 мыңнан астам экстремизмге шақыратын арнаны және 1125 экстремистік әрі террористік ұйымдардың материалдары жарияланған арнаны жоймаған.

    Сондай-ақ 1369 арна, чат және боттың балалар порнографиясымен, 3771 арнаның есірткімен, 2666 арнаның суицид тақырыбымен және 2124 арнаның кәмелетке толмағандарды құқыққа қарсы әрекеттерге тартумен байланысты екені көрсетілген. 2022 жылдан бері Telegram 153 мың қылмыстық істе қандай да бір түрде аталғаны, оның 33 мыңы диверсиялық-террористік және экстремистік сипатта екені жазылған.

    Ресей Қылмыстық кодексінің 205.1-бабы 1.1-бөлігіне сәйкес, терроризмге жәрдемдесу үшін сегіз жылдан өмір бойына дейін бас бостандығынан айыру жазасы қарастырылған. Алайда Дуровқа қатысты қылмыстық іс қозғалғаны жөнінде ресми хабарланбаған.

    Бұл ақпарат Telegram-ды 1 сәуірден бастап толық бұғаттау мүмкіндігі талқыланып жатқан кезеңде жарияланды. Бұғаттау туралы Baza телеграм-арнасы анонимді дереккөздерге сілтеме жасап хабарлаған. Ресей билігі өкілдерінің пікірлері әртүрлі болды.

  • Наркокартель жетекшісі жойылған соң Мексикада жолдар жабылып, өрт қою оқиғалары көбейді

    Наркокартель жетекшісі жойылған соң Мексикада жолдар жабылып, өрт қою оқиғалары көбейді

    Қазіргі уақытта жаппай толқулар Халиско, Веракрус, Мичоакан, Тамаулипас, Герреро және Нуэво-Леон штаттарын қамтыды.

    Аталған өңірлерде жолдарды жаппай жабу, көліктер мен кәсіпорындарды өртеу фактілері тіркелуде.

    Жергілікті билік қауіпсіздік шараларын күшейткен.

    Білім беру мекемелерінде сабақтар кемінде 13 штатта уақытша тоқтатылды.

    Құқық қорғау органдары жағдайды тұрақтандыру бағытында жұмыс жүргізіп жатыр.

    Оқиғаға қатысты қосымша мәліметтер ресми ақпарат көздерінен кейін белгілі болады.

  • Оңтүстік Кореяның экс-президенті өмір бойына бас бостандығынан айырылды

    Оңтүстік Кореяның экс-президенті өмір бойына бас бостандығынан айырылды

    3 желтоқсанда ол үкімет жұмысына кедергі келтіру арқылы демократияны әлсіретуге тырысты деп оппозицияны айыптап, елде әскери жағдай жариялаған болатын. Бұл шешім жаппай наразылықтарға ұласып, кейін парламент әскери жағдайдың күшін жойып, импичмент рәсімін бастаған.

    Прокуратура өлім жазасын сұрағанымен, сот өмір бойына бас бостандығынан айыру туралы үкім шығарды. Бұған дейін экс-президент құжаттарды қолдан жасау дерегімен қоса өзге эпизодтар бойынша да кінәлі деп танылған. Жалпы оған қатысты сегіз қылмыстық іс қозғалған.

  • Ресейде қазақстандық рэпер Ганвестке қатысты іс қозғалды

    Ресейде қазақстандық рэпер Ганвестке қатысты іс қозғалды

    «Лига безопасного интернета» ұйымының басшысы Екатерина Мизулина жариялаған ақпаратқа сәйкес, Санкт-Петербург полициясы әкімшілік тергеу бастаған. Әңгіме әртістің «ВКонтакте» желісінде жарияланған композициялары туралы болып отыр. Аталған туындылар психологиялық-лингвистикалық сараптамаға жолданған.

    «Санкт-Петербург қаласы бойынша ІІМ Бас басқармасы Ганвест орындаушысына қатысты бірқатар композицияларда есірткі заттарын тұтынуды насихаттау дерегі бойынша әкімшілік құқықбұзушылық ісін қозғады. Әкімшілік тергеу жүргізілуде, материалдар сараптамаға жолданды», — делінген хабарламада.

    Орындаушының шын есімі — Руслан Гоминов. Ол Ақтау қаласының тумасы, 33 жаста. Кең танымалдыққа 2018 жылы «Никотин» трегінің шығуымен ие болды. 2025 жылы ол әлеуметтік желілерде сөйлеу мәнеріндегі «пепе», «шнейне», «фа» секілді сөз оралымдарына байланысты қайтадан көпшіліктің назарын аударды.

    Материал жарияланған сәтте орындаушы тарапынан ресми пікір берілген жоқ.

  • ҰҚК Нұрлан Сабуровтың ЧВК-ны қаржыландыруы мүмкін деген ақпаратты тексеруде

    ҰҚК Нұрлан Сабуровтың ЧВК-ны қаржыландыруы мүмкін деген ақпаратты тексеруде

    Ведомство бұл дерек бойынша тексеру іс-шаралары жүргізіліп жатқанын растады. Тергеу мүддесіне байланысты өзге мәліметтер жария етілмейді.

    Бұған дейін адвокат Евгений Пронин Украина Қауіпсіздік қызметі Сабуровқа қатысты материалдық ресурстарды ресейлік қарулы құрылым өкілдеріне беруі мүмкін деген күдікпен қылмыстық іс қозғағанын мәлімдеген. Оның айтуынша, әңгіме техника беру туралы болуы ықтимал.

    Талқылауға интернетте тараған бейнежазба түрткі болған. Онда комик жеке әскери компания өкілдеріне бірнеше мотоцикл беруі мүмкін деген болжам айтылады.

    Сондай-ақ бұған дейін Сабуровтың Ресей аумағынан шығарылып, 50 жыл мерзімге елге кіруіне тыйым салынғаны хабарланған еді.

  • Қазақстан – ЕАЭО елдері арасында жанармай бағасының өсуі бойынша көшбасшы

    Қазақстан – ЕАЭО елдері арасында жанармай бағасының өсуі бойынша көшбасшы

    2025 жылғы желтоқсан қорытындысы бойынша республикада автомобиль бензинінің тұтынушылық бағасы 2024 жылғы желтоқсанмен салыстырғанда 15,7%-ға өсті. Салыстырмалы түрде айтсақ, Қырғызстанда өсім 15,1%, Ресейде – 10,8% болса, Арменияда керісінше 0,8%-ға төмендеу тіркелген.

    Ұқсас жағдай дизель отыны бойынша да байқалады. Қазақстанда баға 14,1%-ға артқан, Қырғызстанда – 11,1%, Ресейде – 9,8%. Ал Арменияда 0,9%-ға төмендеу болған.

    Сондай-ақ Қазақстанда бензин өндірушілерінің бағасы 15,4%-ға өскені атап өтілді. Бұл көрсеткіш Ресеймен шамалас, онда да осындай деңгей тіркелген. Ал Қырғызстанда бұл өсім 22,9%-ға жеткен.

    Бұдан бөлек, Қазақстанда электр энергиясын өндірушілер бағасының өсімі 19,6%-ды құрады. Бұл – одақ елдері арасындағы ең жоғары көрсеткіштердің бірі.

    Сонымен қатар, өсім қарқыны жоғары болғанына қарамастан, долларлық есеппен алғанда Қазақстан ЕАЭО елдері ішінде бензин мен дизель отыны ең арзан мемлекет мәртебесін сақтап отыр.

  • Әлемде Дүниежүзілік радио күні мерекеленуде

    Әлемде Дүниежүзілік радио күні мерекеленуде

    13 ақпанда әлемде Дүниежүзілік радио күні аталып өтеді. Бұл күн ақпарат таратудың ең қолжетімді және тұрақты көздерінің бірі саналатын радионы насихаттауға арналған, деп хабарлайды Sona.kz Kazinform-ға сілтеме жасап.

    Аталған дата 1946 жылы БҰҰ радиосының іске қосылуына орай белгіленген. Халықаралық күнді ЮНЕСКО Испанияның бастамасымен бекіткен.

    ЮНЕСКО-ның мәліметінше, радио – ақпаратты кең аудиторияға жеткізудің тиімді құралдарының бірі болып қала береді.

    Ұйым бұл күнді радиостанциялар, бұқаралық ақпарат құралдары, қоғамдық ұйымдар мен аудитория арасындағы ынтымақтастықты нығайтуға пайдалануға шақырады.

    Дүниежүзілік радио күні алғаш рет 2012 жылы аталып өтті. Содан бері бұл дата жыл сайын халықаралық деңгейде атап өтіледі.

    Радио қазіргі таңда да төтенше жағдайлар кезінде жедел ақпарат таратудың маңызды арнасы саналады

  • Нұрлан Сабуровтың Ресейге кіруіне 50 жылға дейін шектеу қойылуы ықтимал

    Нұрлан Сабуровтың Ресейге кіруіне 50 жылға дейін шектеу қойылуы ықтимал

    Ресейлік бұқаралық ақпарат құралдарының мәліметінше, комик Нұрлан Сабуровқа Ресей аумағына кіруге 50 жылға дейін тыйым салынуы мүмкін, деп хабарлайды Sona.kz MASH телеграм каналына сілтеме жасап

    РИА Новости агенттігі құқық қорғау органдарындағы дереккөздерге сілтеме жасап хабарлағандай, шешім Ресей Федерациясының ұлттық қауіпсіздігі мүддесінде қабылданған.

    Аталған ақпаратқа қатысты ресми органдар әзірге ресми мәлімдеме жасаған жоқ.

    Дереккөздердің айтуынша, шектеудің ықтимал себебі — Ресей аумағында табылған қаражатты делдалдар арқылы заңсыз жолмен шығару жөніндегі күдік.

    Сонымен қатар бірқатар БАҚ Сабуровтың Ресейге кіре алмағанын хабарлады.

    Мәліметтерге сәйкес, ол Дубайдан Мәскеудің Внуково әуежайына ұшып келген кезде елге кіргізілмеген.

    Қазіргі уақытта бұл ақпарат ресми түрде расталмаған.

    Нұрлан Сабуровтың өзі де жағдайға қатысты түсініктеме берген жоқ.

    Ақпарат нақтыланып жатыр.

  • Қазақстан азаматтарына Ресейден алтын тасымалдау қиындайды

    Қазақстан азаматтарына Ресейден алтын тасымалдау қиындайды

    Ресей билігі 1 қыркүйектен бастап жеке тұлғалардың алтын алып шығуына қатысты жаңа шектеулер енгізуді жоспарлап отыр. Бұл талаптар Еуразиялық экономикалық одақ елдеріне, соның ішінде Қазақстанға да қатысты болады, деп хабарлайды Sona.kz Nege.Aqsha-ға сілтеме жасап.

    Жаңа ережеге сәйкес, жеке тұлғаларға салмағы 100 грамнан асатын алтын құймаларын Ресей аумағынан тыс жерге әкетуге тыйым салынады. Бұл шектеу ЕАЭО шеңберіндегі тасымалға да қолданылады.

    Белгіленген лимиттен асатын алтынды тек арнайы халықаралық әуежайлар арқылы және Ресейдің пробирлік палатасының рұқсатымен ғана алып шығуға болады.

    Ресей тарапы бұл шаралар заңсыз капитал шығарумен күрес аясында енгізіліп жатқанын атап өтеді. Ведомство өкілдерінің пікірінше, алтын құймалары бейресми қаржы тасымалдау құралы ретінде қолданылуы мүмкін.

    Осы уақытқа дейін жеке тұлғаларға алтынды алып шығуға қатысты мұндай шектеулер болмаған, оның ішінде ЕАЭО аясында да еркін тасымалдауға мүмкіндік болған.

    Жаңа талаптар күшіне енген жағдайда, жеке азаматтардың Ресейден алтын әкету мүмкіндігі айтарлықтай шектелмек.

    Қазіргі уақытта шектеулерді іске асыру тәртібі мен рұқсат етілген әуежайлардың нақты тізімі жарияланған жоқ.

  • Санкт-Петербург соты Екатерина Биволды әкімшілік жауапкершілікке тартты

    Санкт-Петербург соты Екатерина Биволды әкімшілік жауапкершілікке тартты

    Санкт-Петербургте сот Екатерина Биволды әкімшілік жауапкершілікке тартты. Қалалық соттардың біріккен баспасөз қызметі оның 60 сағат міндетті жұмыстар орындауына шешім шығарылды, деп хабарлайды Sona.kz Криминальный Казахстан-ға сілтеме жасап.

    Сот шешімі лингвистикалық сараптамаға негізделген. Сараптама Биволдың сөздерінде қорлаулар, ар-намысқа тиетін сөздер, сондай-ақ бір халықты екінші халықтан «жоғары» деп көрсетуге қатысты пікірлер бар екенін анықтады.

    Естеріңізге сала кетейік, бұған дейін Екатерина Бивол әлеуметтік желілерде Қазақстан мен Қырғызстан азаматтарына қатысты қорлайтын видеолар жариялаған болатын.