Sona.kz

Рубрика: Әлем жаңалықтары

  • Pantone 2026 жылдың түсін жариялады — Cloud Dancer

    Pantone 2026 жылдың түсін жариялады — Cloud Dancer

    Pantone түстер институты 2026 жылдың негізгі түсі ретінде Cloud Dancer («Бұлт биі») таңдалғанын жариялады. Kazinform ағылшын редакциясының хабарлауынша, бұл – қазіргі ақпараттық қарбаласта тыныштық пен шабыт сыйлайтын бейтарап ақ реңк.

    Институттың мәліметінше, «Бұлт биі» функционалдық пен жайлылықты үйлестіретін кеңістік қалыптастырады. Бұл реңк тыныштық пен жеңілдікті сезіндіретін, көзге жайлы орта құруға бағытталған.

    Pantone басшысының айтуынша, бұл түстің таңдалуы қоғамның шоғырлануға деген сұранысымен және артық сыртқы алаңдататын факторлардан арылу ниетімен байланысты.

  • Кэри-Хироюки Тагава өмірден өтті

    Кэри-Хироюки Тагава өмірден өтті

    Жапон тектес америкалық актер әрі продюсер Кэри-Хироюки Тагава 76 жасында дүниеден өтті. Бұл туралы шетелдік БАҚ хабарлады. Мәліметке сәйкес, актер Санта-Барбара қаласында инсульттен кейінгі асқынулар салдарынан көз жұмған.

    Тагава Токио қаласында дүниеге келіп, бала кезінен АҚШ-та өскен. Кино саласындағы жолын 1986 жылы бастап, америкалық жобаларда дебют жасаған. Әлемдік деңгейдегі танымалдылыққа оны «Mortal Kombat» фильміндегі Шан Цзун бейнесі алып келген.

    Карьерасы барысында ол АҚШ, Қытай, Ресей және басқа да елдердің киножобаларына қатысып, толықметражды фильмдер мен сериалдарда түрлі рөлдерді сомдады. Сондай-ақ продюсерлік жұмыстарға да атсалысқан.

    Марқұмның туыстары ресми мәлімдеме жасаған жоқ. Жаназа мен қоштасу рәсіміне қатысты ақпарат кейін жарияланады.

  • Ресей Roblox ойын платформасын бұғаттады

    Ресей Roblox ойын платформасын бұғаттады

    Ресейде кеңінен қолданылатын Roblox ойын платформасы бұғатталды. Роскомнадзордың мәліметінше, мұндай шешім сервис арқылы «экстремистік материалдар мен ЛГБТ-насихаттың таралуына» байланысты қабылданған, деп хабарлады Sona.kz Kazinform-ға сілтеме жасап.

    Ведомствоның айтуынша, платформада пайдаланушылар «террористік әрекеттерді» орындауға, мектепке шабуыл жасауды имитациялауға немесе құмар ойындарға қатысуға мүмкіндік беретін локациялар жасалған. Сонымен бірге РКН Roblox-та балаларға қатысты сексуалдық қысым көрсету және интимдік материалдарды алдап алу фактілері тіркелгенін мәлімдеді.

    Roblox-тың жұмыс істемей қалғаны туралы шағымдар Ресейде 3 желтоқсанда түсе бастады. Шағымдардың басым бөлігі мобильді қосымшаға, қалғаны веб-нұсқаға қатысты болды.

    Платформаны бұғаттау қаупі қараша айының соңында-ақ хабарланған. Роскомнадзор ол кезде «балалардың рухани-адамгершілік дамуына кері әсер етуі мүмкін контент» анықталғанын мәлімдеген. Ведомствоның дерегінше, 2019 жылдан бері сервис әкімшілігіне тыйым салынған материалдарға қолжетімділікті шектеу туралы бірнеше рет ескерту жіберілген.

    Роскомнадзор Roblox модерациясының «контенттің толық қауіпсіздігін қамтамасыз ете алмайтынын» атап өтті. Бұған дейін платформа ведомство талабы бойынша кейбір жобаларды, соның ішінде атауында LGBT аббревиатурасы бар серверлерді және ЛГБТ-тақырыбы кездесетін материалдарды өшірген.

  • Австралиядағы казиноны алдап, 1,18 млн доллар ұрлады деп айыпталған қазақстандық жұп

    Австралиядағы казиноны алдап, 1,18 млн доллар ұрлады деп айыпталған қазақстандық жұп

    Тергеу мәліметінше, олар Crown казиносында жасырын камера мен арнайы құрылғыларды пайдаланып, 1,18 млн доллардан астам қаржы ұтып алған, деп хабарлайды  Sona.kz NewTimes.kz-ке сілтеме жасап.
    Дильноза Исраилова мен Алишерыхожа Исраилов Австралия полициясының нұсқасы бойынша жасырын техниканы қолдану арқылы ірі ұтыстарға қол жеткізген.
    фото : коллаж SONA.KZ
    Жаңа Оңтүстік Уэльс полициясының мәліметінше, казино қызметкерлері 36 жастағы әйелдің Микки Маус бейнесі бар футболкасына бекітілген шағын камераны байқап қалған. Одан кейін Дильноза мен 44 жастағы жұбайы казино аумағында қамауға алынған.
    Тергеу деректеріне қарағанда, ерлі-зайыптылар:
    •магниттік датчиктерді,
    •батареяларды,
    •бейне түсіруге арналған арнайы құрылғысы бар мобильді телефонды,
    •ойын кезінде нұсқаулық алу үшін жасырын орналастырылған құлаққаптарды қолданған.
  • Үндістандық ұшақ Дубайдағы авиашоуда құлады

    Үндістандық ұшақ Дубайдағы авиашоуда құлады

    HAL Tejas атты үндістандық жеңіл жекпе-жек ұшағы Dubai Airshow кезінде демонстрациялық ұшу кезінде апатқа ұшырады, деп хабарлайдыSona.kz Associated Pressөке сілтеме жасап.

    Апат 14:10 шамасында Al Maktoum International әуежайы маңында орын алған. Куәгерлер ұшақтың құлаған жерінен қара түтін мен дабыл естілгенін айтады.

    Қазіргі уақытта пилоттың катапультировался ма, жарақат алғандар бар ма белгісіз.

    Үндістан үкіметі шоу кезінде Tejas Mk1 ұшағынан майдың ағып жатқаны туралы желідегі дабыраларды жоққа шығарды. Бұл суыған конденсат болуы мүмкін деген түсіндіру берілген.

    Апаттың себептері әлі анықталуда. Тексеру жұмыстары және сараптамалар жүргізіліп жатыр.

  • Новороссийскідегі «Шесхарис» кешеніне шабуыл: ҚР Энергетика министрлігі түсініктеме берді

    Новороссийскідегі «Шесхарис» кешеніне шабуыл: ҚР Энергетика министрлігі түсініктеме берді

    БАҚ Новороссийск қаласындағы ірі мұнай құю терминалы «Шесхариске» жасалған шабуыл туралы хабарлады. Бұл кешен арқылы қазақстандық мұнайдың бір бөлігі де тасымалданады. Шабуыл салдарынан мұнай базасы мен жағалау инфрақұрылымы зақымданғаны айтылады, деп хабарлайды Sona.kz t.me/tengrinews сілтеме жасап.

    Осы жағдайға байланысты әріптестеріміз ҚР Энергетика министрлігінен түсініктеме сұралды. Ведомство мұнай тасымалы қалыпты режимде жүріп жатқанын мәлімдеді.

    Министрліктің ресми жауабы:

    «Қазіргі уақыттағы жағдай бойынша Атырау – Самара және Ақтау – Махачкала бағыттары арқылы қазақстандық мұнайды қабылдау және тасымалдау қалыпты режимде, ешқандай шектеусіз жүргізілуде.
    Ведомство жедел ақпарат алу үшін „Транснефть“ компаниясымен байланыста. Жағдай тұрақты бақылауда».

  • Қытайлық ғарышкерлер алғаш рет ғарышта барбекю пісірді

    Қытайлық ғарышкерлер алғаш рет ғарышта барбекю пісірді

    Желіде тараған бейнежазбада ғарышкерлердің арнайы сүзгілермен жабдықталған пеште тауық қанаттары мен стейк пісіріп жатқаны көрсетілген. Пеш түтіннің, майдың және тағам қалдықтарының ауаға таралуына жол бермейді, деп хабарлайды Sona.kz stankznews-ке сілтеме жасап.

    Тағам 28 минутта дайын болған, ал оның хош иісі туралы ғарышкерлер әзілдеп айтып өтті. Бұл оқиға ғарышта пісірілген алғашқы барбекю ретінде тарихқа енді.

  • Парижде Swarovski зергерлік бутигі тоналды

    Парижде Swarovski зергерлік бутигі тоналды

    Парижде кезекті ірі ұрлық тіркелді — Лувр музейінен король әшекейлерінің жоғалғанынан кейін екі апта өтпей жатып, белгісіз адамдар Swarovski зергерлік бутигін тонап кетті, деп хабарлайды Sona.kz Kazinform агенттігіне сілтеме жасап.

    Le Parisien басылымының мәліметінше, қылмыскерлер шамамен 200 мың еуро тұратын зергерлік бұйымдар мен сағаттарды ұрлап кеткен.

    Дүкендегі дабыл жүйесі іске қосылмаған, ал бейнебақылау камералары қылмыскерлерді тіркемеген. Оқиға тек келесі күні таңертең, қызметкер жұмысқа келген кезде белгілі болған.

    «Кіреберіс есік бұзылған, касса мен әйнек сөрелер қираған», — деп жазады басылым.

    Париж прокуратурасы ұрлық фактісін растады.

    «Алдын ала деректер бойынша, дүкен есігінің құлпы бұзылған. Залал шамамен 200 мың еуро деп бағаланып отыр. Тергеу жалғасуда», — деп мәлім етті құзырлы орган.

    Бұл — соңғы апталардағы Париждегі зергерлік дүкендерге жасалған екінші ірі қылмыс. Бұған дейін Лувр музейінен король әшекейлері ұрланған болатын.

  • Amazon Web Services жүйесіндегі ақау әлем бойынша онлайн-сервистердің жұмысын тоқтатты

    Amazon Web Services жүйесіндегі ақау әлем бойынша онлайн-сервистердің жұмысын тоқтатты

    Amazon Web Services (AWS) қызметіндегі ірі ақау Zoom, Roblox, Canva, Amazon Prime Video секілді танымал платформалардың істен шығуына себеп болды, деп хабарлайды Sona.kz Tengrinews.kz және The Verge-ке сілтеме жасап.

    Ақау Астана уақытымен 13:11-де басталып, АҚШ-тағы Вирджиния штатында орналасқан US-EAST-1 деректер орталығын қамтыды. Бірақ оның салдары әлемнің өзге өңірлерінде де байқалып отыр.

    Компания мамандары қателер мен кідірістердің көбею себебін зерттеп, ақауды жоюға кіріскен.

    Downdetector мәліметінше, қиындықтар ондаған онлайн-қызметке әсер еткен:
    Canva, Zoom, Roblox, Fortnite, Snapchat, Slack, Duolingo, Epic Games Store, PlayStation Network, Signal, Tidal, Wordle, Perplexity AI және IMDB.

    Сондай-ақ ақау Ұлыбританиядағы банктер мен мемлекеттік мекемелердің жұмысына әсер етті — Bank of Scotland, Halifax, Lloyds Bank және HMRC.
    Мәселелер BT, Vodafone, Sky Mobile, Atlassian, Asana, Smartsheet және Square компанияларында да байқалуда.

    Пайдаланушылар Coinbase, Peloton, Eventbrite, Ring, Rocket League, Clash of Clans, Dead by Daylight сияқты қосымшаларға кіруде қиындықтар туралы хабарлап жатыр.

    Бұған ұқсас жағдайлар 2023, 2021 және 2020 жылдары да тіркелген — ол кезде дәл осы US-EAST-1 аймағындағы ақаулар бірнеше сағат бойы жаһандық сервистердің істен шығуына әкелген.

  • АҚШ Қытайға қарсы 100% кедендік баж енгізбек: әлемдік экономикаға әсері қандай болмақ

    АҚШ Қытайға қарсы 100% кедендік баж енгізбек: әлемдік экономикаға әсері қандай болмақ

    10 қазан күні АҚШ президенті Дональд Трамп Қытайдан келетін импортқа 100 пайыздық баж салығын енгізу жоспарын жариялады, деп хабарлайды Sona.kz Kazinform-ға сілтеме жасап.

    Трамптың айтуынша, бұл шешім АҚШ пен Қытай арасындағы сауда қатынастарындағы «әділеттілікті қалпына келтіруге» бағытталған. Алайда сарапшылар мұндай қадам жаңа сауда соғысын туғызуы және әлемдік нарықтарға қысым жасауы мүмкін екенін ескертеді.

    Мамандардың пікірінше, баж салығының өсуі Қытай тауарларының бағасын қымбаттатып, АҚШ-та инфляцияның үдеуіне және жеткізу тізбектерінің бұзылуына әкелуі ықтимал. Ең көп зардап шегетін салалар — технология және автокөлік өндірісі.

    Сондай-ақ Қытай да жауап ретінде сирек кездесетін металдар мен электроника экспортына шектеу қоюы мүмкін, бұл өз кезегінде әлемдік өндіріс пен электроника бағасына әсер етеді.

    Сарапшылардың пайымдауынша, жаңа баж толқыны әлемдік сауда жүйесі үшін үлкен сынаққа айналмақ, себебі нарықтар пандемия мен геосаяси шиеленістерден кейін әлі толық қалпына келген жоқ.