Sona.kz

Рубрика: Аймақ

  • Алматы облысында күдікті сот залынан қашып кетті

    Алматы облысында күдікті сот залынан қашып кетті

    Адам зорлады деген күдікпен ұсталған айыпталушы Қаскелең қаласындағы аудандық сот залынан қашып кетті.

    Желіде Алматы облысындағы автожолдарда полиция қызметкерлерінің тексеріс жүргізіп жатқан бейнежазбалары тарады.

    Алматы облысының полициясы бұл деректі растады.

    «Қамауға алынған күдіктінің қашып кету фактісі бойынша қылмыстық іс қозғалды. Қашқынды ұстау бойынша іс-шаралар кешені қабылданды. Сонымен қатар болған оқиғаның барлық мән-жайын анықтау мақсатында қызметтік тексеру тағайындалды. Азаматтардан сабырлық сақтауды және іздеуде жүрген адамның орналасқан жері туралы ақпарат болған жағдайда 102 телефоны бойынша дереу хабарлауды сұраймыз», – деп хабарлады облыстық полиция департаменті.

  • «Qonaev Media» өңірлік телеарнасына 1,7 млрд теңге жұмсалмақ

    «Qonaev Media» өңірлік телеарнасына 1,7 млрд теңге жұмсалмақ

    Алматы облысының билігі жаңа телеарна ашуды жоспарлап отыр. Дегенмен, жергілікті билік үш жылда  БАҚ-қа арналған мемлекеттік тапсырыс бойынша 3,3 миллиард теңгеге жуық қаржы жұмсап үлгерген. Енді оған қосымша тағы 1,7 миллиард бөлмекші.

    Трансляция сынақ режимінде 2025 жылдың мамыр айында басталып, қыркүйек айында толық іске қосылады. Жоба облыстық бюджеттен қаржыландырылып, қазірдің өзінде оған 1,7 млрд теңге жұмсалды.

    Редакция жолдаған сауалға Алматы облысының ішкі саясат басқармасы былай жауап берді: 

    Мемлекеттік ақпараттық тапсырыс аясында 2025 жыллың өзіне 742 млн теңге қарастырылған. Оның ішінде:

    республикалық деңгейде – 196 млн,

    облыстық баспа басылымдарына – 439 млн,

    облыстық телеарнаға – 107 млн теңге.

    Бұл Qonaev TV-ны  іске қосу және техникалық қолдау үшін бұрыннан жарияланған 1,7 миллиард теңгеге қосымша қарастырылатын қаржы. Сондай-ақ ведомствоның мәліметінше, БАҚ мемлекеттік тапсырыс бойынша:

    2022 жылы – 1,4 млрд теңге,

    2023 жылы  – 923 млн теңге,

    2024 жылы – 926 млн.

    Есептесек, үш жылдың ішінде  3,3 млрд теңгеге жуық қаржы бөлінген. Жаңа телеарнаны есепке алғанда – 2025 жылы тағы кемінде 2,4 млрд теңге көзделмек. Жалпы алғанда, ақпараттық саясатқа 6 млрд теңгеге жуық қаржы қарастырылып отыр.

    Алайда, 1,7 миллиард теңгеге осы телеарнаны  іске қосудың қаншалықты қажеттілігі болды? 2025 жылдың қаңтарында Президент Қасым-Жомарт Тоқаев қиын жағдайға қарамастан, үкімет үнемдеуді қамтамасыз етіп, бюджетті тек нағыз қажетті қажеттіліктерге жұмсау керек деген жоқ па?

    Айтпақшы, Алматы облысымен қатар, республика көлемінде тікелей хабар тарататын арнаға танымал тележүргізушілер жетекшілік етпек. Жаңа арнаның басшысы – Қымбат Хангельдина, ал бас продюсер қызметін Қымбат Досжан атқарады.

    Жаңалықтарға негізделген телерадио кешені қазақ және орыс тілдерінде тәулігіне 12 сағат хабар таратады.

    – Мамыр айында кезең-кезеңімен іске қосыла бастаймыз. Жалпы штат саны – 80 адам. Негізгі құрам анықталғанымен, әлі де телеарнаның «ыстығына күйіп, суығына тоңуға» дайын әріптестерді іріктеп, жұмысқа қабылдаймыз. Қазіргі таңда жұмыс жоспары әзірлену үстінде, – деді «Qonaev Media» телерадиокомпаниясы» ЖШС директоры Қымбат Хангельдина.

     «Qonaev Media» телерадиокомпаниясының директоры Қымбат Хангелдинаның айтуынша,  ақпараттық хабарлар күнделікті үш мезгіл эфирден беріледі, жалпы контенттің 70 пайызы қазақ тілінде, 30 пайызы орыс тілінде болмақ. Ағылшын тіліндегі бағдарламалар да мүмкін.

      Қазіргі таңда «Qonaev Media» телеарнасының уақытша ғимараты Алматы қаласында орналасқан. Ал облыс орталығы – Қонаев қаласында арнайы медиаорталық ашылған кезде, арна толықтай өңірдің бас шаһарына көшпек. Болашақта арна жанынан жергілікті радио құрылып, әуе толқынында хабар тарату жоспарланып отырған көрінеді.

  • Павлодарда қаржы пирамидасын ұйымдастырушылар сотталды

    Павлодарда қаржы пирамидасын ұйымдастырушылар сотталды

    Павлодарда 5000-нан астам адамды алдап, 1 миллиард теңге жиналған қаржы пирамидасы анықталды. Ұйымдастырушылар әлеуметтік желілерде жалған құрылыс жобаларын жариялап, адамдарды инвестиция салуға үгіттеген. Сот 5 адамды 6-12 жылға бас бостандығынан айырды, ал олардан алынған мүліктер мен қаржылар жәбірленушілерге қайтарылады.

  • Ақмолада көрші есебінен 1,2 млн теңге несие рәсімдеген алаяқ ұсталды

    Ақмолада көрші есебінен 1,2 млн теңге несие рәсімдеген алаяқ ұсталды

    Белгілі болғандай, күдікті жәбірленушінің сеніміне кіріп, телефонын алып, банк қосымшасы арқылы 1,2 миллион теңге рәсімдеген.

    Қазір бұл дерекке қатысты тергеу жүріп жатыр. Полиция азаматтарға жеке деректер мен банк қосымшаларына бөгде адамдардың қол жеткізуіне жол бермеуді ескертеді.

  • Тараздағы саябақтан ер адамның мәйіті табылды

    Тараздағы саябақтан ер адамның мәйіті табылды

    Марқұмның басынан ауыр жарақат алғаны анықталды.

    Жамбыл облыстық полиция департаменті бұл оқиға бойынша «Кісі өлтіру» бабы бойынша іс қозғалғанын хабарлады. Қазір күдіктіні анықтау және ұстау шаралары жүргізіліп жатыр.

    Әлеуметтік желіде марқұм бұрынғы құқық қорғау қызметкері болуы мүмкін деген ақпарат тарады, алайда полиция бұл мәліметті растамады.

  • Қостанай облысында 8 ауыл ішімдіктен бас тартты

    Қостанай облысында 8 ауыл ішімдіктен бас тартты

    Қостанай облысында 8 ауылы арақ-шараптан бас тартқаны анықталды. Бұл бастама өңірде 2024 жылдың қыркүйегінен бастап жүзеге асырылып келе жатқан «Мәдени қоғам» жобасының бір бөлігі болды.

    Қостанай облысы Полиция департаментінің бастығы Ерлан Файзуллин есеп беру кездесуінде өткен жылы барлық қылмыстардың шамамен 27%-ы масаң күйде жасалғанын атап өтті. Бұл маскүнемдер, қоғамдық тәртіпті бұзушылар және отбасылық жанжал шығарушылар сияқты қауіпті топтарға полицияның бақылауын күшейтуге үлкен себеп болды. Бұған жауап ретінде үйде де алкогольді ішуге тыйым салатын 4 мыңға жуық сот шешімі шығарылды.

    2024 жылы облыс аумағында тұрғындары алкогольден бас тартқан 6 елді мекен (Милісай, Сарысу, Әбдіғапар ,Крамское , Отынағаш , Көктал ауылдары) бар.

    Бұл ауылдарда осы күнге дейін бірде-бір қылмыстық құқық бұзушылық немесе отбасылық-тұрмыстық зорлық-зомбылық фактісі тіркелген жоқ.

    Биыл Ұзынкөл ауданындағы тағы екі ауыл – Абай мен Уқатқан «ішпейтін» ауылдар қатарына кірді.

    Жобаның маңызды аспектілерінің бірі-жұртшылықты тарту. Қалалар мен ауылдық елді мекендерде қоғамдық комиссиялар белсенді жұмыс істейді, олардың құрамына жергілікті билік, діни көшбасшылар мен ақсақалдар кіреді.

  • Текелідегі құтқару: Жергілікті тұрғын мен полицейлер жас жігіттің өмірін сақтап қалды

    Текелідегі құтқару: Жергілікті тұрғын мен полицейлер жас жігіттің өмірін сақтап қалды

    31 наурыз күні Текелі қаласында жергілікті тұрғынның қырағылығы мен полиция қызметкерлерінің жедел әрекеттері 22 жастағы Тимур Абдулиннің өмірін сақтап қалуға көмектесті. Ес-түссіз жатқан жігіт қаладағы кешендердің бірінің жертөлесінен табылған.

    Кешкі уақытта үйіне қайтып келе жатқан қала тұрғыны «Жетісу Резорт» кешенінің маңында танысы Тимурдың көлігін байқап қалады. Онымен амандаспақ болып ішке кіргенде, оны таба алмайды. Телефон соққанымен, жауап ала алмайды. Алаңдаған ер адам іздеу жұмыстарын бастап, жертөлеге түседі. Сол жерде Тимурдың телефонын, кілтін және киімдерін көріп, әрі қарай өтіп, оны бояу қалдықтары бар кеңістіктің ішінде ес-түссіз жатқан жерінен табады.

    Уақытты босқа өткізбей, ер адам көшеге жүгіріп шығып, өтіп бара жатқан патрульдік полиция көлігін байқап, көмекке шақырады. Көмекке бірден капитан Азамат Қазыбаев пен Елдар Амангельдин, және аға лейтенант Жанатбек Ахметов келген. Полицейлер жедел әрекет етіп, зардап шеккен азаматты сыртқа шығарып, алғашқы медициналық көмек көрсеткен. Кейін оқиға орнына жедел жәрдем келіп, жас жігітті дәрігерлерге табыстаған. Қалалық аурухананың анестезиолог-реаниматологының айтуынша, полиция қызметкерлерінің уақтылы әрекет етуі жас жігіттің өмірін сақтап қалуда шешуші рөл атқарған.

    Айта кетейік, полиция капитаны Азамат Қазыбаев бұған дейін де батылдық танытқан. 2011 жылы ол Жапония мен Оңтүстік Корея делегациясын тасымалдаған автобусты «Ақ-Бұлақ» кешеніне қарай алып бара жатқан. Алматы – Көкпек – Көктал тасжолының 13-шақырымында қарсы бағытқа «Subaru Impreza» автокөлігі шығып кетіп, автобусқа соғылу қаупі туындаған. Сол кезде капитан Қазыбаев өз патрульдік көлігімен жолды жауып, соққыны өзіне қабылдап, үлкен апаттың алдын алған. Осы ерлігі үшін ол Мемлекет басшысының жарлығымен «Ерлігі үшін» медалімен марапатталған.

    Жетісу облысының Полиция департаменті бей-жай қарамай, азаматты құтқаруға көмектескен тұрғынға алғыс білдіреді және төтенше жағдайларда жедел әрекет етудің маңыздылығын еске салады.

  • Жалдамалы пәтерден полицейдің мәйіті табылды

    Жалдамалы пәтерден полицейдің мәйіті табылды

    Таразда адам шошырлық оқиға болды. Тәуліктік жалдамалы пәтерден полиция қызметкерінің мәйіті табылды.

    Бұл туралы ақпарат әлеуметтік желіде жарияланды. Белгілі болғандай, марқұмды пәтер иесі баспананы қабылдауға келгенде тапқан.

    Жамбыл облыстық полиция департаментінің баспасөз қызметі хабарлағандай, аталған фактіге сәйкес, «Өзін-өзі өлтіруге итермелеу» бабы бойынша қылмыстық іс қозғалды.

    «Оқиға орнына полиция департаментінің басшылығы мен жедел-тергеу тобы дереу жетті», — деп хабарлады ведомстводан.

    Құқық қорғау органдары сондай-ақ оқиғаның барлық мән-жайы мен себептерін анықтау үшін қажетті кешенді тергеу және жедел-іздестіру шаралары жүргізіліп жатқанын қосты.

  • Тротуарда кетіп бара жатқан екі адамды көлік қағып кетті

    Тротуарда кетіп бара жатқан екі адамды көлік қағып кетті

    Қарағандыда жеңіл көлік тротуарға шығып кетіп, екі адамды қақты. Бір адам оқиға орнында көз жұмды.

    Оқиға 31 наурыз күні шамамен сағат 23:00-де Бұқар жырау даңғылы бойында болды. Audi автокөлігінің жүргізушісі Дүйсенбеков көшесіне қарай бағыт алып келе жатып, жылдамдық режимін асырып, көлікті басқара алмай, жаяу жүргіншілер жолына шығып кеткен.

    «Жол апаты салдарынан әйел оқиға орнында көз жұмды, ал екінші адам, сондай-ақ автокөлік жүргізушісі мен оның жолаушысы түрлі жарақаттарымен облыстық клиникалық ауруханаға жеткізілді», — деп мәлімдеді Қарағанды облысы Полиция департаменті тергеу басқармасының бастығы Азамат Ахметов.

    Аталған факті бойынша қылмыстық іс қозғалып, тергеу амалдары жүріп жатыр.

    Қарағанды облысы Полиция департаменті жүргізушілерді жылдамдық режимін және жол қозғалысы ережелерін сақтауға шақырады.

  • Жамбыл облысында жер сілкінісінен 17 әлеуметтік нысан бүлінген

    Жамбыл облысында жер сілкінісінен 17 әлеуметтік нысан бүлінген

    Әлеуметтік нысандарды аралап, тұрғындармен кездесті. Баспаналары зардап шеккендерге атаулы көмек көрсетілетіндігі айтылды. Бүлінген ғимараттардың ішінде 11 білім беру, 2 денсаулық сақтау, 2 әлеуметтік қорғау, 1 спорт және 1 мәдениет нысаны бар. Сондай-ақ 104 тұрғыннан баспаналарына зақым келгені туралы арыз-шағым түскен.

    Тұрғын үйлерді тексеру және шығын көлемін анықтау жұмыстары жалғасуда. Еске салайық, 28 наурыз күні Жамбыл облысында жер сілкінісі тіркелген еді.