Sona.kz

Рубрика: Аймақ

  • Жемқорлардан қайтарылған ақшаға медициналық нысандар салынады

    Жемқорлардан қайтарылған ақшаға медициналық нысандар салынады

    Павлодар облысында медициналық нысандар салуға Арнаулы мемлекеттік қордан 228 млн теңгеден астам қаржы бөлінді.

    Қаражат Екібастұз, Ақсу қалалары ауылдық округіндегі, сондай-ақ Ертіс, Железин, Тереңкөл ауданындағы жобаларды жүзеге асыруға бағытталады.

    Екібастұз ауылдық округінің Бәйет ауылында 1983 жылы пайдалануға берілген жалғыз ФАП орнына фельдшерлік-акушерлік пункт салу жоспарланып отыр. Ескі ғимарат жөндеуге жарамсыз деп танылды. Бүгінде елді мекенде 822 адам тұрады.

    «Ертіс ауданында дәрігерлік амбулатория ашылады. Нысан санитарлық талаптар мен нормаларға сай жабдықталады. Аудандағы медициналық пункт мыңнан астам тұрғанға қызмет көрсетеді.

    Қолданыстағы денсаулық сақтау нысандарының шалғай орналасуына байланысты Мыңкөл, Ивановка және Құркөл ауылдары да жаңа медициналық нысандар салуды қажет ететін елді мекендер тізіміне енгізілген. Оларға ең жақын аудандық емхана 18 шақырымнан 115 шақырымға дейінгі қашықта орналасқан. Ауылдарда тұрғылықты жері бойынша медициналық қызмет көрсететін жаңа медициналық пункттер салынады.

    Павлодар облысының елді мекендерінде 168 мыңнан астам тұрғын бар. Жаңа денсаулық сақтау нысандарын салу жұмыс істеп тұрған ұйымдарға түсетін жүктемені азайтып, халыққа көрсетілетін медициналық көмектің сапасын арттыруға мүмкіндік береді», – делінген Үкімет хабарламасында.

  • Теміртауда зейнеткерді ұрып-соғып, қорлаған жасөспірімдер ұсталды

    Теміртауда зейнеткерді ұрып-соғып, қорлаған жасөспірімдер ұсталды

    67 жастағы қарияның үйіне өзін электрикпіз деп таныстырған жасөспірімдер кіріп, оны соққыға жығып, балағаттап, қорлаған. Қарт кісі жалғыз тұрады, жақындары өмірден өткен.

    Полиция қылмыстық іс қозғап, күдіктілерді уақытша ұстау изоляторына қамады. Олардың ата-аналары да жауапқа тартылады.

  • Сенімхат арқылы пәтер сатып алған қарағандылық 11 млн теңгесінен айырылды

    Сенімхат арқылы пәтер сатып алған қарағандылық 11 млн теңгесінен айырылды

    Сатушымен алдын ала келісіп, 100 мың теңге алдын ала төлем жасаған. Алайда мәміле жасалар күні сатушының орнына сенімхатпен келген туысы құжаттарды рәсімдеген.

    Нотариус пәтер құжаттарында ескі мекенжай көрсетілгенін анықтап, алдын ала келісімшарт рәсімдеуді ұсынған. Отбасы пәтер үшін 11 млн теңге төлеп, қалған 5 млн теңгені құжаттар түзетілген соң беруге келіскен.

    Келесі күні сатушы ақшаны алмағанын айтып, оның орнына келген адамның алаяқ екенін мәлімдеген. Жәбірленуші осы уақытқа дейін ақшасын қайтара алмай жүр.

  • Алматы облысында мешіт маңынан жас жігіттің денесі табылды

    Алматы облысында мешіт маңынан жас жігіттің денесі табылды

    Әлеуметтік желілерде бұл туралы ақпарат тарады, оны полиция растады.

    Алматы облыстық ПД мәліметінше, қазір күдікті анықталып, оны ұстау бойынша жедел-іздестіру шаралары жүргізіліп жатыр. Сондай-ақ оқиғаға қатысы бар тұлғалар мен куәгерлерден жауап алынуда.

    Аталған факті бойынша “Кісі өлтіру” бабы бойынша сотқа дейінгі тергеу басталды. Іс облыстық полиция департаменті басшылығының ерекше бақылауында.

  • Павлодарда мүгедек балаларды оңалту орталығы заңсыз төлемақы алып келген

    Павлодарда мүгедек балаларды оңалту орталығы заңсыз төлемақы алып келген

    Павлодар қаласының прокуратурасы жергілікті бюджеттен қаржыландырылатын оңалту орталықтарының бірінің басшылығының мүгедектігі бар адамдарға арнаулы әлеуметтік қызметтер көрсеткені үшін төлемақыны заңсыз алу фактілерін анықтады.

    Орталық басшысы жалған шарттар жасасқаны анықталды, соның негізінде көрсетілетін қызметті алушылар ұзақ уақыт бойы орталыққа бюджет қаражаты есебінен көзделген қызметтер үшін ақы төледі.

    Бүгінгі күні кәмелетке толмағандардың заңды өкілдеріне жалпы сомасы 7,6 млн теңге көлемінде зиян келтірілген.

    Алаяқтық фактісі бойынша Павлодар қаласының полиция басқармасы Қылмыстық кодекстің 190-бабы бойынша сотқа дейінгі тергеп-тексеруді бастады, тергеу іс-шаралары жүргізілуде.

  • Петропавлда телефон қуаттағышы өртеніп, үй отқа оранды

    Петропавлда телефон қуаттағышы өртеніп, үй отқа оранды

    Төтенше жағдайлар департаментінің мәліметінше, өрт 15 шаршы метр аумақты шарпыған. Төбе жабындысы, жиһаз және жеке заттар зақымданды. Өрт сөндірушілер дер кезінде жетіп, жалынды ауыздықтады. Зардап шеккендер жоқ.

    Мамандар өрттің шығуына телефон қуаттағышының қысқа тұйықталуы себеп болғанын анықтады. ТЖД тұрғындарға гаджеттерді қараусыз қалдырмауды және тек сертификатталған зарядтау құрылғыларын пайдалануды ескертеді.

  • Жер сілкінісі: жедел штаб жұмыс істеп жатыр

    Жер сілкінісі: жедел штаб жұмыс істеп жатыр

    Тұрар Рысқұлов ауданы Қарақыстақ ауылындағы мәдениет үйі, Меркі аудандық ауруханасы, Ойтал ауылындағы мектеп ғимаратының қабырғасында жарықшақ пайда болғаны анықталды. Басқа нысандар туралы ақпарат нақтыланып жатыр.

    28 наурызында түнде Жамбыл облысының бірқатар аудандары мен Тараз қаласында жер сілкінісі тіркелді.

    Жер дүмпуінің жоғары қарқыны – 5 балл. Меркі ауданындағы Меркі ауылында тіркелді. Тұрар Рысқұлов ауданының Құлан ауылында жер сілкінісінің күші 4 балл, Тараз, Шу қалаларында, Қордай, Мойынқұм аудандарында – 2 балл болды.

    – Облыс әкімінің тапсырмасына сәйкес облыстық жедел штаб жұмыс істеп жатыр. Барлық тіршілікті қамтамасыз ету жүйелері қалыпты жұмыс істеп жатыр. Зардап шеккендер туралы мәлімет жоқ. Алдын ала мәлімет бойынша Тұрар Рысқұлов ауданы Қарақыстақ ауылындағы мәдениет үйі, Меркі аудандық ауруханасы, Ойтал ауылындағы мектеп ғимаратының қабырғасында жарықшақ пайда болғаны анықталды. Басқа нысандар туралы ақпарат нақтыланып жатыр, – делінген Жамбыл облысы әкімдігінің баспасөз қызметі хабарламасында.

    Аймақ басшысы Ербол Қарашөкеев жағдаймен танысу үшін Тұрар Рысқұлов және Меркі аудандарына барды.

    8(7262)513575 нөмірі бойынша «жедел желі» іске қосылған.

     

  • Жамбыл облысының Меркі ауданында жер сілкінді

    Жамбыл облысының Меркі ауданында жер сілкінді

    Бүгін, 28 наурыз күні түнде Жамбыл облысының бірқатар аудандарында жер сілкінді.

    Бұл туралы Төтенше жағдайлар министрлігі хабарлады. Дереккөзге сүйенсек, жер Астана уақытымен түнге сағат 03:42-де сілкінген.

    «Жер сілкінісінің ошағы Алматы қаласынан оңтүстік-батысқа қарай Қазақстан аумағынан 323 шақырым жерде орналасқан. Жамбыл облысы Меркі ауданында 5 балл, Құлан ауданында 4 балл, Шу, Төле би, Сарыкемер, Тараз, Қордай, Аса және Мойынқұм аудандарында 2 балл», — деп хабарлайды ТЖМ.

  • Тараздық кәсіпкерлер «Айша бибі» кесенесінің жерін заңсыз иемденіп алған

    Тараздық кәсіпкерлер «Айша бибі» кесенесінің жерін заңсыз иемденіп алған

    Жоғарғы сот мәліметінше, «ежелгі Тараз ескерткіштері» тарихи-мәдени қорық-музейі Жамбыл облысының бес тұрғынының үстінен жерді пайдаланудағы кедергілерді жою туралы сотқа талап қоюмен жүгінген. Музей-қорықтың иелігінде «Айша-Бибі» кесенесі бар, оған 2 гектар жер учаскесі тұрақты жер пайдалану құқығы берілген.

    Бұл аймақ әкімнің шешімі және жер пайдалану құқығы туралы актісі бойынша сауықтыру, рекреациялық және тарихи-мәдени мақсаттарға арналған ерекше қорғалатын табиғи аумақтарға жатады. Бұл жерде бірнеше техникалық бөлмелер салынған.

    Алайда бес кәсіпкер бұл ғимараттарды заңсыз иемденіп, қазір оларда коммерциялық қызметпен айналысуда. Музей-қорық сотқа жүгініп, кәсіпкерлерді өздері тұрып жатқан ғимараттарды босатуды талап еткен, өйткені жауапкерлерде сауда жасауға рұқсаттары, сондай-ақ бұл үй-жайларды кәсіпкерлік үшін пайдалану құқығы мен құжаттары жоқ.

    Сондай-ақ талап қоюшы «ежелгі Тараз ескерткіштері» тарихи-мәдени қорық-музейінің аумағында сауда жасауға тыйым салынғанын атап өткен.

    Төрт кәсіпкер талап қоюды мойындамаған, кәсіпкерлердің бірі даулы ғимараттарды 2010 жылы өз қаражатына салып, кейін оларға сауда жасау үшін тегін бергенін мәлімдеген. Бесінші кәсіпкер де талап қоюды мойындаған.

    Жамбыл аудандық соты кәсіпкерлер қорық-музейге тиесілі ғимараттарды заңсыз иемденген деген қорытындыға келді. Талап қою қанағаттандырылды: сот кәсіпкерлерге заңсыз иеленген үй-жайды босатуды міндеттеді.

    Жауапкерлер бұл шешімге апелляциялық тәртіппен шағым түсірген. Алайда, Жамбыл облыстық соты бірінші сатыдағы соттың тұжырымымен келісіп, шешімді өзгеріссіз қалдырды. Қаулы заңды күшіне енді.

  • Курьерден бір келі есірткі тәркіленді

    Курьерден бір келі есірткі тәркіленді

    Есірткі қылмысына қарсы іс-қимыл бөліністерінің қызметкерлері есірткінің заңсыз айналымына қатысы бар бірқатар қылмыстың жолын кесті, деп хабарлайды Полиция.

    Шымкент қаласында 25 жастағы азамат ұсталды.

    «Одан есірткі және синтетикалық есірткілерді өткізуге арналған заттар тәркіленді. Оның айтуынша, ол есірткі таратумен айналысып, интернет-есірткі дүкені үшін ораушы әрі курьер қызметін атқарған. Тәркіленген есірткінің жалпы салмағы бір килограмға жуық. Күдікті ұсталып, уақытша ұстау изоляторына қамалды», – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.