Щучинск қаласында 33 жастағы ер адам тау бөктерінен құлап, жарақат алды. Құтқарушылар оны медициналық көмек көрсету үшін тапсырып, емханаға жеткізді.
Мәлімет бойынша, “101” пультіне “103” қызметінен хабарлама түскен. Онда “Телевышка” бақылау алаңы маңында адам құлағаны айтылған. Құтқарушылар жарақат алған ер адамды таудан түсіріп, жедел жәрдем бригадасына тапсырды.
Жамбыл облысы Шу ауданында босану кезінде ана мен бала көз жұмған оқиға бойынша дәрігерлер кінәлі деп танылып, жауапты тұлғалар жазаланды. Арнайы комиссия акушерлердің салғырттығын анықтаған.
Жазаланғандар:
• Аурухана бас дәрігері қызметінен босатылды
• Орынбасары мен босандыру бөлімінің басшысы — жұмыстан қуылды
• Облыстық денсаулық сақтау басқармасындағы екі басшыға қатаң сөгіс берілді
25 жастағы Әдемі Ешеналиеваның қан қысымы 170-ке дейін көтерілген, ал дәрігерлер алдын ала белгілерге көңіл бөлмеген. Сәбиі іште шетінеген, әйел 12 күн комада жатып көз жұмды.
Жеті этноауылдан тұратын қалашықта өңірдің бай мәдениеті, ұлттық дәстүрі мен түркі халықтарының ортақ мұрасы көрсетіледі.
4–6 сәуір аралығында этноқалашықта Маңғыстау өнерпаздары мен түркітілдес елдердің әртістері қатысатын үлкен концерттік бағдарлама өтеді. Әр этноауыл Маңғыстаудың бір ауданын таныстырады.
Басты шара — 5 сәуірде өтетін «Ақтау – түркі әлемінің мәдени астанасы» жылының ресми ашылу салтанаты. Бұл шара елдің мәдени өміріндегі айтулы оқиға болмақ.
Оқушылардың тамақтан улануына байланысты санитариялық-профилактикалық іс-шаралар өткізуге шешім шығарылып, әкімдіктің жанынан штаб құрылды.
Денсаулық сақтау министрлігі Маңғыстау облысының Бейнеу ауданындағы Манаш жалпы білім беретін мектептің 12 оқушысына қатысты тамақтан болатын топтық инфекциялық ауру фактісі бойынша тексеруде.
Балалардың улануына байланысты Бейнеу аудандық полиция басқармасына, Маңғыстау облыстық полиция департаментіне, білім басқармасына, аудандық және облыстық прокуратураға хаттар жіберілді.
Бейнеу аудандық полиция басқармасы хабарламасының негізінде мектептің асханасы жабылды.
Тергеу шеңберінде басқарма мамандары ҰСО Маңғыстау облысы филиалының мамандарын тарта отырып, тамақ өнімдерінің, судың, шайындылардың, дезқұралдардың сынамаларын іріктей және қызметкерлерді ішек инфекциясын тасымалдауға зерттеп-қарай отырып, нысанға шығуды жүзеге асырды, сынамалардың нәтижелері жұмыста.
Уланған амбулаториялық емделуде, медицина қызметкерлерінің бақылауында. Қабылдау бөлмесіне түскен кезде олар құсу, жалпы әлсіздік, іштің өтуі, іштің ауыруы, жағдайының қанағаттанарлық екені туралы шағымданды. 9-12 жас аралығындағы жасөспірімдер дәрігерлердің тексеруінен кейін үйлеріне жіберілген.
Сауалнамаға қатысқан мектеп оқушыларының ата-аналары ауруды мектептің асханасындағы сапасыз тамақпен байланыстырады, онда бастауыш сыныптардың 417 оқушысы ыстық тамақпен қамтылған.
Қонаев қаласында «Таза Қазақстан» акциясы аясындағы іс-шаралар жалғасуда. Оның бірі – тазалық мәдениетін қалыптастыру. Ескертулер мен әкімдіктің ресми хабарламаларына қарамастан, қалада тазалық ережесін бұзушылар өте көп.
Мысалы, 22-28 наурыз аралығында Қонаев қалалық полиция бөлімі ҚР ӘҚБтК-нің 434-2-бабына (Ортақ пайдаланылатын орындарды ластау) сәйкес, 24 хаттама толтырып, 943 680 теңгеден астам сомаға айыппұл салды.
Одан бөлек, ҚР ӘҚБтК-нің 505-бабына (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) сай, 67 хаттама толтырылып, 235 920 теңге айыппұл салынды. Барлық айыппұл сомасы 1 179 600 млн.тг. құрады.
Қала халқына «Коммуналдық қалдықтарды басқару қағидаларын бекіту туралы» бұйрығына сәйкес, ірі көлемді қоқыстар мен құрылыс қалдықтарын шығаруға тұрғындар жауапты екенін жеткіземіз. Жалпы, жыл басынан сенбіліктерге 3000-нан астам адам қатысты. Бұл көрсеткішті ұлғайту мақсатындағы жұмыстар жалғасын табады.
Сіз де заңбұзушылықтың куәгері болсаңыз, 102 немесе 109 нөміріне хабарласыңыз.
Шығыс Қазақстан облысы Зайсан ауданында 21 адамды алдап соққан алаяқ 6 жарым жылға түрмеге қамалды.
Зайсан аудандық сотында аса ірі мөлшерде алаяқтық жасаған адамға қатысты қылмыстық іс қаралды. Белгілі болғандай, ол таныстарына «Даму» кәсіпкерлікті дамыту бағдарламасы бойынша қомақты несие алатынын, бірақ соған ақша құю қажеттігін айтқан. Сол кезде алған ақшасын екі есе қылып қайтарып беретіндігіне сендірген.
– 2022 жылдың сәуір айынан бастап 2024 жылдың наурыз айына дейін 21 адамнан жалпы мөлшері 101 563 988 теңге алған. Сот барысында жәбірленушілер айыпталушыдан материалдық шығынды өндіріп беруді және қатаң жаза тағайындауды сұрады. Сотталушының асырауында кәмелетке толмаған екі баласының болуы іс бойынша жазаны жеңілдететін мән-жай деп танылды, – деп хабарлады ШҚО сотының баспасөз қызметінен.
Сот шешімімен Қ. есімді 6 жыл 6 ай мерзімге бас бостандығынан айырылды. Жәбірленушілерге келтірілген материалдық шығын толықтай өндірілді. Үкім әлі заңды күшіне енген жоқ.
Түркістан облысында куәгер сотта жалған айғақ бергені үшін сотталып кетті, деп хабарлайды Azattyq Rýhy.
Прокуратура мәліметінше, бұзақылық және адам ұрлау қылмыстары бойынша сот барысында куә сотталушының аса ауыр санаттағы қылмыстық жауаптылықтан босату мақсатында екі рет жалған жауап берген.
Куәнің бұл іс-әрекеті сотқа дейінгі тергеп-тексеру барысында берген жауабын өзгерту арқылы сотты жаңылыстыру болған.
«7 тамыз 2024ж. сот аталған қылмыстарды жасаған сотталушыға 12 жыл мерзімге бас бостандығынан айыру жазасын тағайындап, куәге қатысты қылмыстық іс қозғау қажеттігін қарастыру туралы жекеше қаулы шығарған.
Cот барысында мемлекеттік айыптаушы айыпталушының кінәсін толығымен дәлелдеді.
Нәтижесінде сотта куә ретінде жауап берген азамат аса ауыр қылмыстық іс қарау барысында қасақана жалған айғақтар бергені үшін ҚР ҚК 420-б. 2-б. бойынша кінәлі ретінде танылып, 5 жыл 6 ай мерзімге бас бостандығынан айыру жазасына тағайындалды», – делінген хабарламада.
Күдіктіні өтіп бара жатқан тұрғындар ұстап, полицияға тапсырған.
Оқиға кешкі уақытта, теңіз жағалауында болған. Қыздың көмек сұрап айқайлаған дауысын естіген тұрғындар дереу көмекке барып, бойжеткенді құтқарған. Ер адам оны зорламақ болған. Тұрғындар күдіктіні полицияның қолына тапсырды.
Маңғыстау облыстық полиция департаменті оқиғаны растап, қылмыстық іс қозғалғанын жеткізді.
Полиция мәліметінше, ер адам серуендеп жүрген қыз балаға тиісіп, зорлық әрекеттерді жасауға тырысқан.
«Бейнежазбадағы зорлауға оқталу әрекеті 11 наурыз күні болған. Дереу қылмыстық іс қозғалды. Полиция қызметкерлері күдіктіні ұстап, тергеу изоляторына қамады. Іс жүргізу аяқталып, айыптау қорытындысымен прокуратура арқылы сотқа жіберілді», – делінген хабарламада.
Бүгін Қызылорда облысының кәмелетке толмағандардың істері жөніндегі мамандандырылған ауданаралық соты 16 жастағы оқушы қызды секс-құлдықта ұстаған оқушылар мен олардың сыбайластарын соттады.
Қылмыстық іс кәмелетке толмаған қызды ірі мөлшерде пайда табу мақсатында қорқыту және көрінеу кәмелетке толмаған адамға қатысты азаптау, сондай-ақ кәмелетке толмағанды жезөкшелікпен айналысуға тарту баптарымен қаралды. Сотқа осы іс бойынша 9 адам күдікті деп танылған.
«Олардың кінәсі оқиға орнын, заттар мен құжаттарды қарау хаттамаларымен, бейнежазбалармен, «WhatsApp» арқылы хат-хабарлармен, карточкалық шоттардың банктік үзінділерімен, сараптама нәтижелерімен, сондай-ақ жәбірленушінің жауабымен дәлелденген», – деп хабарлады Қызылорда соты.
Прокурор үш адамды 6,8 жылға, бір адамды 4,6 жылға, тағы екі адамды 4 жылға. Тағы үш адамды 8 жылға соттауды талап еткен.
«Сот жаза тағайындау кезінде сотталушылардың жазасын жеңілдететін мән-жайлар ретінде төрт адамның кәмелетке толмағанын, тағы екі адамның ісіне қатты өкінгенін ескерген. Олардың жазасын ауырлататын мән-жайлар анықталмаған. Осылайша, сот кәмелет жасына толмаған үш бала 6,8 жылға сотталды. Тағы үш адам 4,8 жылға, тағы үш адам 7,6 жылға сотталды», – деп хабарлайды Қызылорда облысының кәмелетке толмағандардың істері жөніндегі мамандандырылған ауданаралық соты
Маңғыстау облысы Бейнеу ауылының мектебінде 11 оқушы астан уланып, ауруханаға түскен. Балаларды дәрігерлер тексергеннен кейін үйіне жіберген, деп хабарлайды Lada.kz сайты.
Оқиға 1 сәуірде болған. Дереккөзге сүйенсек, 9-12 жас аралағындағы 11 баланың жүрегі айнып, құсқан, әлсіздік сезінген.
«Дәрігерлер балаларды тексеріп, үйлеріне қайтарған. Қазір балалардың денсаулығы жақсы, қазір амбулатория деңгейінде ем қабылдап жатыр», – деп хабарлайды дереккөз.