Sona.kz

Рубрика: Аймақ

  • Бас архитектор 92 млн теңге пара алғаны үшін 7 жылға сотталып кетті

    Бас архитектор 92 млн теңге пара алғаны үшін 7 жылға сотталып кетті

    Ведомствоны басқарған 33 жастағы Мұратбек Тәшенбаев пара алу және қызмет бабын асыра пайдаланғаны үшін кінәлі деп танылды. Сот оны жеті жылға бас бостандығынан айырды. Бұл туралы  «Мой город» басылымы хабарлады.

    Дәл осы іс бойынша ведомствоның бас маманы 27 жастағы Нұрсұлтан Ғатау сотталды. Осыған ұқсас қылмыстары үшін ол 3 жыл 6 айға сотталды.

    Бұл істе үшінші айыпталушы да бар, пара алғаны үшін кінәлі деп танылған 41 жастағы Асылжан Купбаев болды. Ол да жеті жылға бас бостандығынан айырылды.

    Тергеу деректері бойынша, Тәшенбаев пен Ғатаудың әрекетінен мемлекетке 92 млн теңгеге жуық залал келді.

    Сотталғандар үкіммен келіспей, аппеляциялық шағым түсірген. Шағымды қарау күні әлі белгіленген жоқ.

  • «Қазақмыс» кенішінде тағы бір кенші қаза тапты

    «Қазақмыс» кенішінде тағы бір кенші қаза тапты

    Ұлытау облысындағы «Қазақмыс» кенішінде тағы бір кенші көз жұмды.  Жазатайым оқиға Ұлытау облысындағы «Қазақмыс» компаниялар тобына қарасты Шығыс-Жезқазған кенішінде болды.

    «№57 шахтада тауарлық-материалдық құндылықтарды түсіру кезінде 1994 жылғы жұмысшы жүк оқпаны алаңындағы саңылауға құлап кеткен. Алған жарақаттарының салдарынан жұмысшы оқиға орнында көз жұмды.

    Оқиғаның мән-жайы мен себебі анықталуда, жазатайым оқиғаны тергеу бойынша арнайы комиссия құрылды.

    «Қазақмыс» компаниясының басшылығы мен ұжымы марқұмның жақын туған-туысқандарына қайғыларына ортақтасып, көңіл айтады. Қаза тапқан жұмыскердің отбасына ұжымдық шартта қарастырылған барлық қажетті көмек көрсетіледі, оның ішіне жерлеу шығындары да кіреді», – делінген «Қазақмыс» компаниясы таратқан хабарламада.

    Айта кетейік, өткен айдың ортасында «Қазақмыс» кенішінде жеті бірдей кенші қаза тапқан болатын.

  • Шамалған стансасында темір жол өткелі жабылды

    Шамалған стансасында темір жол өткелі жабылды

    Алматы облысы Қарасай ауданы Шамалған стансасы маңында 19 наурыздан бастап автокөліктер қозғалысы өзгереді.  Бұл туралы «ҚазАвтоЖол» баспасөз қызметі мәлімдеді.

    «ҚазАвтоЖол» ҰК» АҚ республикалық маңызы бар KAZ01 «Астана-Қарағанды (айналма жол) – Алматы» автожолының «Шамалған стансасының айналма жолының» 2453-2446 шақырым (42-49 шақырым) аралығындағы учаскесінде құрылыс жұмыстарының аяқталуына және қолданысқа берілуіне байланысты жол пайдаланушыларға өзгерістер туралы ескертеді.  19 наурыздан бастап «Қазақстан темір жолы» ҰК» АҚ хаты негізінде Алматы облысы, Қарасай ауданы, Жібек жолы елдімекені арқылы өтетін аталған автожолдың 2448+900 шақырымында (46+100 шақырым) орналасқан теміржол өткелі жабылады. Көлік құралдарының үздіксіз қозғалысын қамтамасыз ету мақсатында барлық қауіпсіздік талаптарына сәйкес келетін жаңа айналма жол ұйымдастырылды», – делінген хабарламада. Яғни, бұл жолға шектеу қойып отырған – «Қазақстан темір жолы» АҚ. «Қазавтожол» тек балама жол ұсынғанын айтты.

    Қазіргі уақытта барлық қажетті жол белгілері мен қозғалысты реттейтін құралдар белгіленген аймаққа орнатылған.

    Sona.kz тілшісі Қарасай ауданы әкімдігіне хабарласып, мән-жайды сұрап көрді. 

    «19 наурыз күні Жібек жолы ауылы Р.Байжарасов көшесінде орналасқан темір жол өткелі толықтай жабылды. «Қазавтожол» АҚ тарапынан бетондар және арнайы жол белгілері қойылып, «Қазақстан темір жол» АҚ темір жол өткелінде торлы қоршау орнатып, демонтаж жұмыстарын жүргізуде», – деп жауап берді.

  • Екібастұзда полицейлер өртеніп жатқан үйден адамдарды құтқарды

    Екібастұзда полицейлер өртеніп жатқан үйден адамдарды құтқарды

    Павлодар облысы ПД МКҚБ қызметкерлері “Клен” бау-бақшасындағы үйдің шатырынан түтін байқайды.

    Олар төтенше жағдайды көрген бойда дереу көмекке ұмтылып, өрт сөндірушілер мен жедел жәрдем қызметін шақырады. Тұрғындарды қауіпсіз жерге шығарып, үйде ешкімнің қалмағанына көз жеткізеді. Сонымен қатар, құжаттар мен бағалы заттарды алып шығуға көмектеседі.

    Полицейлердің жедел әрі батыл әрекетінің арқасында тұрғындар аман қалды, ешкім зардап шеккен жоқ.

  • Жамбыл облысында балабақшада 10 бала уланды

    Жамбыл облысында балабақшада 10 бала уланды

    Олардың тоғызынан жіті ішек инфекциясы анықталса, бір баладан энтеровирусты инфекция тіркелді. Қазіргі уақытта бір бала жансақтау бөлімінде жатыр, жағдайы тұрақты.

    Оқиғаға байланысты облыс әкімі Ербол Қарашөкеевтің тапсырмасымен арнайы жұмыс тобы құрылды. Мамандар балабақшадағы санитарлық жағдайды тексеріп, улану себебін анықтауда. Ауруханалар қажетті дәрі-дәрмекпен толық қамтамасыз етілген. Санитарлық-эпидемиологиялық бақылау басқармасы зертханалық сынамалар алып, қорытындысын күтуде.

    Бұл оқиға мектепке дейінгі мекемелердегі санитарлық қауіпсіздік мәселесін қайта көтерді. Балалардың денсаулығына қауіп төндірмеу үшін ата-аналар мен қоғам өкілдері қатаң бақылау қажеттігін айтуда.

  • Таразда жасөспірім әкесінің көлігімен полициядан қашқан

    Таразда жасөспірім әкесінің көлігімен полициядан қашқан

    Таразда 14 наурыз түнінде жасөспірім Hyundai Sonata көлігімен полициядан қашпақ болды. Тәртіп сақшыларының тоқтау талабына бағынбаған ол жылдамдықты үдетіп, қауіпті маневрлер жасады.

    Бірнеше патрульдік экипаж оны жол қозғалысына қауіп төндірмес үшін қоршап, ақыры тоқтатты. Тексеру барысында көлік оның әкесіне тиесілі екені, ал жүргізушінің кәмелетке толмағаны анықталды.

    Жасөспірімнің ата-анасы шақырылып, түсіндіру жұмыстары жүргізілді. Оған қатысты төрт әкімшілік хаттама толтырылып, көлік айып тұрағына қойылды.

  • Экс-депутат таңқурай өсіру үшін 474 миллион теңгеге заңсыз субсидия алған

    Экс-депутат таңқурай өсіру үшін 474 миллион теңгеге заңсыз субсидия алған

    ҚМА Алматы облысы бойынша департаменті Алматы облысы Қарасай аудандық мәслихатының экс-депутатына қатысты аса ірі көлемде алаяқтық  және қылмыстық кірістерді заңдастыру фактісі бойынша тергеу жүргізілуде, деп хабарлайды агенттіктің баспасөз қызметі.

    Мемлекеттен субсидия алу мақсатында күдікті Алматы облысының ауыл шаруашылығы басқармасына «Награда» түріндегі таңқурай көшеттерін сатып алу туралы жалған құжаттарды ұсынған. Сомасы 947 млн теңгені құрады.

    Нәтижесінде ол 474 миллион теңге деп көрсетілген соманың 50% көлемінде заңсыз субсидия алған.

    Бұл кірістерді жылыстату үшін күдікті 21 жеке кәсіпкермен көшеттерді орау, тиеу, түсіру жұмыстарын орындау үшін жалған келісімшарттарды қамтитын көп деңгейлі схеманы әзірлеген, бірақ іс жүзінде бұл жұмыстар орындалмаған.

    Аталған жалған келісімдер мен төлем құжаттары негізінде 431 млн теңге сомаға қолма-қол қаражат алынды.

    Сонымен қатар, ұрланған қаражаттарды заңды айналымға тарту мақсатында ол жұбайының атынан бағалы қағаздармен операциялар жүргізіп, қосымша 89 млн теңге қылмыстық табыс тапқан.

    Қылмыстық табысқа ол Алматы қаласынан екі бөлмелі пәтер және «Toyota Highlander» автокөлігін сатып алған.

    Аталған мүлікке, сондай-ақ 50 млн теңге ақша және 91 млн теңге құны бар бағалы қағаздарға тыйым салынды.

    Сонымен қатар, мемлекеттен ұрланған 170 млн теңгені күдікті Қонаев қаласындағы казиноға құртқан.

    Соттың санкциясымен күдікті 2 айға қамауға алынды.

  • Зорлық көрген 15 жастағы қызды тұрмысқа берген: полиция қылмыстық іс қозғады

    Зорлық көрген 15 жастағы қызды тұрмысқа берген: полиция қылмыстық іс қозғады

    1. Қарағанды облысының полиция департаменті 15 жастағы қызға қатысты жасалған қылмыс бойынша іс қозғалды.

    Кәмелетке толмай тұрмысқа күштеп берілген және зорлық-зомбылық көрген қыз баланың басындағы тауқыметті Немолчи қоры жария етті. Қордың таратқан ақпаратына сүйенсек, өгей әке 15 жасар қызын 38 жастағы танысына тұрмысқа берген. Ал ол қызға бес күн бойы зорлық көрсеткен.

    «Не молчи» қорының негізін қалаушы Дина Смаилованың айтуынша, бұл жаға ұстатарлық жағдай Қарағанды облысының Абай қаласында болған.

     Қыздың ағасы бізге хабарласты. Бес күн көрген қорлықтан кейін қыз қашып шығып, туған әкесіне келген. Әкесінің жүрегі ауырады. ОЛар бірден арыз жазды. Әдеттегідей өтінішті қабылдамай, сараптамаға жібермей уақытты созған. Іске біз араласқаннан кейін ювеналды полиция қызды Қарағандыға медициналық тексеруге жіберді. Бірақ бірге барған тергеуші құжатты дұрыс ресімдемей, тексеруден өте алмай қайтты. – деп жазды “Не молчи” басшысы.

    Смаилованың айтуынша, біреулер әкесінің үйін торуылдап, қорқытуға тырысқан көрінеді.

    Полиция бұл қылмысқа қатысы бар адамдардың бәрі анықталып, жауап алынғанын айтты.

    Осы қылмысқа қатысы бар барлық адам анықталып, олардан жауап алынды. Тергеу аясында болған оқиғаның мән-жайын анықтауға бағытталған қажетті сот сараптамалары тағайындалды. Кылмыстық іс жүргізу кодексінің 201-бабына, сондай-ақ тергеу амалдарының жүргізілуіне байланысты өзге ақпарат жария етілмейді, — деді Қарағанды облысы ПД-ның баспасөз қызметі

  • Ер адам бұрынғы әйелін көлікпен қасақана қағып кеткен

    Ер адам бұрынғы әйелін көлікпен қасақана қағып кеткен

    2025 жылы 6 қаңтар күні таңертең Павлодарда 41 жастағы әйелді көлік қағып, ауыр жарақат алған. Көлікті оның бұрынғы азаматтық күйеуі жүргізген.

    Жәбірленушінің достарының айтуынша, ол алты жылдық қарым-қатынастан кейінгі айырылысуды қабылдай алмаған. Қайғылы оқиға болған күні ол әйеліне қоңырау шалып, жұмысқа апарып тастауды ұсынған. Әйел бас тартса да, ер адам көндірген. Жолда тағы да жанжалдасқан. Жеткен кезде, ол әйелді көліктен шығармай қойған. Жәбірленуші қашып, аялдамаға қарай жүгірген. Сол сәтте ер адам оны көлікпен қағып кетті.

    Дәрігерлер жамбас сүйегінің бірнеше жерден сынғанын, жұмсақ тіндердің жыртылғанын және қатты қан жоғалтқанын анықтады. Дәрігерлердің барлық күш-жігеріне қарамастан, бір аяғын ампутация жасауға тура келді.

    Полиция тергеу жүргізуде.

  • Қазақстан темір жолы қызметкері есірткімен ұсталды

    Қазақстан темір жолы қызметкері есірткімен ұсталды

    Жедел іздестіру кешенін өткізу барысында есірткі өткізумен айналысқан қаланың екі тұрғыны қолға түскен.

    Ұсталғандардың бірі «ҚТЖ — Жүк тасымалы» ЖШС қызметкері екені белгілі болды. Тінту барысында шамамен 700 грамм есірткі тәркіленді, электрон таразы, электрошокер, пневматикалық мылтық, 2 мылтық және оқ-дәрі алынды.

    Қылмыстық кодекстің екі бабы бойынша полиция қылмыстық іс қозғады. Күдіктілер қамауға алынды, — деді Павлодар облысы Полиция департаменті өкілі.