Sona.kz

Рубрика: Аймақ

  • Атырауда емхананың бас бухгалтері 8 жылға сотталды

    Атырауда емхананың бас бухгалтері 8 жылға сотталды

    Атырауда қалалық емхананың бас бухгалтері 8 жылға сотталды. Ол өзіне сеніп тапсырылған 573 млн теңгеден астам бюджет қаражатын иемденген.

    Қылмыстық іс қаланың №2 сотында қылмыстық кодекстің 189-бабының 4-бөлігінің 2-тармағы, 218-бабының 1-бөлігі негізінде қаралды.

    Сотта әйелдің қызмет бабын пайдаланып, қасақана пайдақорлық ниетпен 2012-2023 жылдары өзіне сеніп тапсырылған 573 млн теңгеден астам бюджет қаражатын иемденіп, банктердегі өз есепшотына аударғаны анықталды.

    Қылмыстық жолмен алынған қаражатты мәмілелер жасасу арқылы заңдастырған.

    Істі қарау барысында сотталушы 3 млн теңгені өтеді. Сотталушы өз кінәсін ішінара мойындап, шынайы түрде өкініп, жеңіл жаза түрін тағайындауды сұраған.

    Сотталушы тағылған айыптар бойынша кінәлі деп танылды, қылмыстық жолмен табылған қаражатқа сатып алынған мүлкі мемлекет пайдасына тәркіленді.

  • Астанада жатақхана өртеніп, 5 адам зардап шекті

    Астанада жатақхана өртеніп, 5 адам зардап шекті

    Оқиға Байқоңыр ауданындағы Тараз көшесінде болған. Өрт сөндірушілер оқиға орнына келгенде жатақхананың шатыры мен 3 және 4-қабаттағы бөлмелер жанып жатқан. Қызыл жалын ортасынан алты адам арнайы өрт сөндірушілердің баспалдағының көмегімен құтқарылды.

    «ТЖМ күштері үш иінді баспалдақтың көмегімен 3-қабаттан 6 адамды құтқарды. Алдын ала мәліметтер бойынша жану өнімдерімен уланған 5 адам жедел медициналық жәрдем қызметкерлеріне тапсырылды», — делінген Астана қаласының Төтенше жағдайлар қызметінің хабарламасында.

    Төтенше жағдайлар министрілігінң мәліментінеше,  өртті сөндіру жұмыстарын ғимараттың жан-жағындағы автокөліктердің көптігі  қиындатқан. Тілсіз жау 850 шаршы метр алаңға тараған. Өрт сөндірілді. Шығу себебі анықталуда.

     

  • Қарағанды облысында 80-ге жуық үй жылусыз қалды

    Қарағанды облысында 80-ге жуық үй жылусыз қалды

    Қарағанды облысына қарасты Саран қаласының су жаңа жылу орталығы сыр беріп, 80-ге жуық үй жылусыз қалды. Басы даудан арылмай, 13 жылға созылып, әзер аяқталған жылу желісі әлі қалыпты күйіне жетпеген. Қазір үйлер қосымша желілік қазандықтарға қосылды. Қанша жыл бойы орталық жылыту жүйесін армандап келген Сарандықтардың қуанышы су сепкендей басылды. Бүгінде 77 үй әлі де жылусыз отыр. Қазір пәтерлер салқын, тұрғындар электр жылытқыш қосуға мәжбүр.

    «Алда қыс келе жатыр. Ал бізде әлі жылу жоқ. Үй суық. Бұнын бәрін болдырмай алдын ала дайындап қоюы керек еді. Қыс келсе не боламыз?»,- деді Саран қаласының тұрғыны Людмила Костюк.

    Жаңа қазандық қажетті температураға жеткен соң барлық үйге жылу берілуі тиіс. Жалпы қала бойынша орталық қазандыққа 168 көпқабатты үй жалғанған. Оның 91-і желілік қазандықтармен амалдаса, қалғандарына бүгін жылу беріледі деп сендірді.

    «Орталық қазандық жұмыс істеп жатыр. Режимдік жұмысына шығайын деп жатыр. Бұл – жаңадан салынған қазандық, жаңа қондырғылар, бүкіл мамандар бар. Бізге қалай жұмыс істеу керектігін үйретіп жатыр», — деді Саран қаласының әкімі Еркін Баулықов.

  • Жамбыл облысында алимент бойынша тергеп-тексеру басталды

    Жамбыл облысында алимент бойынша тергеп-тексеру басталды

    Жамбыл облысының прокурорлары алимент бойынша борышкерге
    қатысты сотқа дейінгі тергеп-тексеруді бастады.

    Тараз қаласының прокуратурасы талдау аясында 2019 жылдан бері дәлелді себептерсіз 4 млн теңгеден астам алимент берешегін төлемеген борышкерді анықтады. Сот шешімін тиісінше орындамағаны үшін борышкер бірнеше рет әкімшілік жауапкершілікке тартылған.

    «09.09.2024 жылы осы факті бойынша қала прокуратурасы ҚК-нің 139-бабы бойынша сотқа дейінгі тергеп-тексеруді бастады. ҚПК-нің 201-бабына сәйкес өзге де ақпарат жария етуге жатпайды. 2024 жылдың өткен кезеңінде қала прокуратурасы 30 борышкерді әкімшілік жауапкершілікке тартып, 41 млн теңге көлемінде алимент берешегін өндірді», — делінген Жамбыл облысы прокуратурасының хабарламасында.

    Прокуратура алимент төлеуден жалтарған борышкерлерге ҚК-нің 139-бабына сәйкес 2 жылға дейінгі мерзімге бас бостандығынан айыру жазасы қарастырылғанын ескертеді.

  • Шахтинск қаласында әскери қызметшінің денесі табылды

    Шахтинск қаласында әскери қызметшінің денесі табылды

    Шахтиск қаласындағы көпқабатты үйлердің бірінде ҚР Ұлттық ұланы «Орталық» өңірлік қолбасшылығы 6505 әскери бөлімінің келісімшарт бойынша әскери қызметшісінің мәйіті табылды.

    Қайғылы оқиға 13 қазанда болған. Келісімшарт бойынша қызмет етіп жатқан әскери қызметшінің денесін өзі тұрып жатқан пәтерден тапқан. Ол белдікке буынып қалған. Бұл оқиға қатысты ҚР Ұлттық ұланы «Орталық» өңірлік қолбасшылығының баспасөз қызметі ресми мәлімдеме жасады.

    «Осы жылдың 13 қазанында Шахтинск қаласында қызметтен тыс уақытта өзі тұрып жатқан пәтерден келісім шарт бойынша әскери қызметшінің денесі табылды. Болжамды ақпарат бойынша әскери қызметші отбасылық-тұрмыстық жанжал негізінде өзіне-өзі қол жұмсаған. Қазақстан Республикасы Ұлттық ұланы „Орталық“ өңірлік қолбасшылығы әскери қызметшінің туыстары мен жақындарына көңіл айтады», — делінген хабарламада.

  • Қарағанды облысында жол қозғалысына шектеу қойылды

    Қарағанды облысында жол қозғалысына шектеу қойылды

    Ауа райының қолайсыздығына байланысты Қарағанды облысында жол қозғалысына  шектеу қойылды.

    «2024 жылғы 14 қазанда сағат 08:30-да ауа райының бұзылуына байланысты “РФ шекарасы(Екатеринбургке) -Алматы” автожолының 1610-1855 шақырымы аралығындағы Ақсу-Аюлы — Балқаш бағытында автокөліктің барлық түрінің қозғалысына шектеу қойылады», — делінген ҚазАвтоЖол ұлттық компаниясының хабарламасында. 

    Еске салайық, қазгидромет 14 қазанда еліміздің 14 өңірінде ауа райына байланысты ескерту жариялағанын бұған дейін хабарлаған болатынбыз.

     

  • Семейде жаңа туған баланы өртеп жіберген

    Семейде жаңа туған баланы өртеп жіберген

    Семей қаласында жаңа туған баланы  қоқысқа тастап, өртеп жіберген. Денесінің 80 пайызы жанып кеткен шақалақ ауруханада қаза болды.

    Абай облыстық полиция департаменті баспасөз қызметінің мәліметінше, қазіргі уақытта тәртіп сақшылары күдіктіні іздестіріп жатыр.  Қазақстан Республикасындағы Бала құқықтары жөніндегі уәкіл Динара Зәкиева нәрестенің сағат 19.40-та көз жұмғанын мәлім етті.

    «Оның денесінің 80 пайызын күйік шалған. Абай облысындағы Бала құқықтары жөніндегі уәкілмен байланыста болып отырмын», — деп жазды ол өзінің әлеуметтік желісіндегі парақшасында.

  • Ақтөбеде мектеп басшылары бюджет қаржысын бәс тігуге жұмсаған

    Ақтөбеде мектеп басшылары бюджет қаржысын бәс тігуге жұмсаған

    Прокуратураның мәліметінше, өңірдегі балалар мен жасөспірімдер спорт мектептерінің басшылары бюджетке түсуге тиіс болған қаржыны жымқырған. Аталған қаражат спорт алаңдары мен залдарды жалға беру қызметінен, әуесқой спорт командаларынан түскен.

    Соңғы 3 жылда Ақтөбе облысында кәсіби клубтарды дамытуға арналған шығыстар 2 есе ұлғайтылған. Облыста республикалық және халықаралық жарыстарға дайындалуға және қатысуға бюджеттен 13 млрд теңгеден астам қаржы бөлінген. Спорт мектептерінің басшылары 6 млн теңгеден астам бюджет қаржысын өз қажеттіліктеріне, соның ішінде букмекерлік кеңселердегі ставкаларға жұмсаған, – делінген прокуратура хабарламасында.

    Сонымен қатар, «Ақтөбе» футбол клубы командасы үшін әуе қызметтерін көтерілген бағамен 165 млн теңгеге бірнеше делдал арқылы сатып алу фактілері анықталды.

    Барлық фактілер бойынша прокуратурамен ҚК-тің 189-бабының 4-бөлігімен («Сенiп тапсырылған бөтен мүлiктi иемденiп алу немесе талан-таражға салу») 3 сотқа дейінгі тергеп-тексеру басталды, – делінген прокуратура хабаралмасында.

    Тексеру нәтижелері Ақтөбе облысының заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің отырысында қаралып, жауапты мемлекеттік органдарға бұқаралық спортты қаржыландыру жағдайын түзету, бюджет қаражатын мақсатты және тиімді пайдалану тапсырылды.

  • Оралда электронды темекі сатушыға айыппұл салынды

    Оралда электронды темекі сатушыға айыппұл салынды

    Оралда электронды темекі сатушыға айыппұл салынды.

    «Орал қаласы тұрғынының Қазақстан Республикасы Қылмыстық кодексінің 301-1-бабымен (Шегілмейтін темекі бұйымдарының, электрондық тұтыну жүйелерінің (вейптердің), оларға арналған хош иістендіргіштер мен сұйықтықтардың айналымы) көзделген қылмысты жасаудағы кінәсі толық дәлелденді», — делінген  БҚО прокуратурасының хабарламасында.

    Ведомствоның ақпаратына сәйкес, қала тұрғыны электронды темекіні сатумен айналысқан және вейптерді сатуға тыйым салатын заң күшіне енгеннен кейін сатылмай қалып қойған электронды темекілерді «Telegram» мессенджеріндегі топ арқылы сатқан.

    Сотқа дейінгі тергеп-тексеру барысында 227 вейптің қалдықтары тәркіленді. Орал қалалық сотының үкімімен сотталушы кінәлі деп танылып, 73 840 теңге айыппұл салынды.

    Сот үкімі заңды күшіне енді.

    Батыс Қазақстан облысының прокуратурасы тұрғындардың назарын вейптерді сату және тарату қылмыстық жауапкершілікке әкеп соғатынын еске салады.

    Айта кетейік, 20.06.2024ж. вейптер мен электронды темекілерді сатуға, әкелуге және таратуға тыйым салу туралы норма күшіне енді.
    Аталған мәселе мемлекет басшысымен көтеріліп, 2024 жылғы 19 сәуірде тиісті Заңға қол қойылды.
    Заң әсіресе жастар арасындағы жаман әдеттермен күресуге бағытталған және бұзушылықтар үшін қатаң жазаларды қамтиды.
    Қылмыстық кодекске енгізілген өзгерістерге сәйкес вейптерді сату мен таратқаны үшін қылмыстық жауапкершілікті көздейтін жаңа 301-1 бап белгіленді.

    Атап айтқанда, осы қылмыстық құқық бұзушылықты жасағаны үшін 200 айлық есептік көрсеткішке дейін (шамамен 738 400 теңге) айыппұл салу, түзеу жұмыстары немесе 50 тәулікке дейін қамауға алу қарастырылған.

    Сонымен қатар, вейптерді әкелу және өндіру 2000 АЕК-ке дейін айыппұл салуға (шамамен 7,3 миллион теңге), қоғамдық жұмыстарға тартуға немесе тіпті екі жылға дейін бас бостандығынан айыруға әкеп соғуы мүмкін.

    Қылмыстық топ жасаған немесе аса ірі көлемде пайда тапқан әрекеттер үшін жаза 5 жылға дейін бас бостандығынан айыруға және 18,4 миллион теңгеге дейін айыппұл салуға әкелуі мүмкін.

  • Талдықорғанда жасөспірімдер арасында бұзақылық көбейген

    Талдықорғанда жасөспірімдер арасында бұзақылық көбейген

    Талдықорғанда жалпы қылмыс деңгейі 14 пайызға азайғанымен жасөспірімдер арасында бұзақылық көбейген. Талдықорған қаласы прокуратурасының мәліметінше,  жыл басынан бері кәмелетке толмағандарға қатысты 12 іс сотқа жөнелтіліп, үкім шыққан. Ал қазан айының 10 күнінде тағы 4 қылмыстық іс қозғалған. Арасында топтасып төбелесу, ақша немесе ұялы телефон бопсалау және есірткі заттарды жасыру сияқты ауыр қылмыстар бар. Басым бөлігі мектеп оқушылары мен колледж студенттері. Мәселе өзекті болғандықтан қалалық прокуратура кешенді бағдарлама әзірлеп, жасөспірімдерге қатысты құзырлы органдармен жиын өткізді. Қылмыстың алдын алу жолдары қарастырылып, ұсыныстар айтылды. Бұдан былай кәмелетке толмағандар арасында қылмыс немесе теріс қылықтар тіркелсе, ата-анасынан бөлек басқа да қатысы бар тұлғалар жауапкершілікке тартылуы мүмкін.