Sona.kz

Рубрика: Оқиғалар

  • Алматы облысында өрттен ана мен бала қаза тапты

    Алматы облысында өрттен ана мен бала қаза тапты

    Алматы облысының Кенена Әзірбаев ауылында болған ірі өрт салдарынан әйел адам мен оның баласы қаза тапты. Тілсіз жау үш тұрғын үй мен қосалқы ғимараттарды шарпыды, деп хабарлайды Sona.kz облыстық ТЖД-ға сілтеме жасап.

    Құтқарушылардың мәліметінше, өрт туралы хабар кешігіп түскен, сондықтан жалын тез тараған. Өрттің жалпы аумағы 448 шаршы метрді құрады.

    Құтқару жұмыстары кезінде екі адамның мәйіті табылды. Тағы бір тұрғын күйік жарақатымен ауруханаға жеткізілді.

    «Өртті сөндіру жұмыстары ауа температурасының жоғары болуына, қатты түтінге және ғимараттардың ерекшелігіне байланысты қиындады. Қосымша қиындық туғызғаны – үйлердің тығыз салынуы мен өткелдердің тарлығы: арақашықтық небәрі 1,5–2 метрді құрады», – делінген ТЖД хабарламасында.

  • Алматыда кәсіпкердің үйіне қарақшылықпен кіргендер ұсталды

    Алматыда кәсіпкердің үйіне қарақшылықпен кіргендер ұсталды

    Алматыда криминалдық полиция қызметкерлері кәсіпкердің үйіне жасалған қарақшылық шабуылды ашты. Бұл туралы Sona.kz қалалық Полиция департаментіне сілтеме жасап хабарлайды.

    Тергеу деректеріне сәйкес, қылмыс алдын ала жоспарланған. Үш күдікті кәсіпкердің үйіне баса-көктеп кірген. Сол сәтте үй иесі, оның жұбайы және баласы үйде болған. Қаскөйлер отбасы мүшелерін байлап, өлтіреміз деп қорқытып, құнды заттар сақталған сейфтің орнын көрсетуді талап еткен.

    Күдіктілер сейфтен ірі көлемде ақша мен зергерлік бұйымдарды алып кеткен. Келтірілген шығын көлемі шамамен 500 миллион теңгені құрады.

    Оқиғаға байланысты дереу жедел-іздестіру шаралары басталды. Қысқа мерзім ішінде қылмысқа қатысы бар күдіктілердің тұлғалары анықталып, ұсталды.

    «Криминалдық полицияның үздік қызметкерлерінің жұмылдырылуы арқасында қарақшылық шабуылға қатысы бар үш күдікті ұсталды. Олардың қолынан заттай дәлелдер алынды. Қазір күдіктілер уақытша ұстау изоляторына қамалды», — деді Алматы қаласы ПД бастығының бірінші орынбасары Қуатбек Науатов.

    Оның айтуынша, операция қылмыстың ауыр сипатына және келтірілген шығынның ірі көлеміне байланысты ерекше назарда болды.

    Аталған факті бойынша ҚК-нің «Қарақшылық» бабымен сотқа дейінгі тергеу басталды. Күдіктілер ұзақ мерзімге бас бостандығынан айырылуы мүмкін.

  • Қарағандыда төтенше жағдай: полиция пунктінен мәйіт табылды

    Қарағандыда төтенше жағдай: полиция пунктінен мәйіт табылды

    Қарағандыда полиция бекетінде болған оқиғаға қатысты тергеу басталды. Михайловка шағынауданындағы қызметтік ғимаратқа кірген аға учаскелік инспектор мәйітті және әріптесін — полиция майорын ес-түссіз күйде тапқан, деп хабарлайды Sona.kz жергілікті БАҚ-қа сілтеме жасап.

    Қарағанды облыстық полиция департаменті оқиғаның болғанын растады. Ведомство қызметкердің ауруханаға жеткізілгенін мәлімдеді. Дегенмен, әзірге ресми расталмаған ақпаратты таратпауға шақырды.

    Аймақтық полиция департаментінің бастығы Негмет Исмағұлов істің өз бақылауында екенін атап өтті.

  • Қостанай облысында қос кісі өлімі тіркелді

    Қостанай облысында қос кісі өлімі тіркелді

    Қостанай облысы Аулиекөл ауданына қарасты Аманқарағай ауылында қос кісі өлтіру дерегі тіркелді, деп хабарлайды Sona.kz Kriminal Kazakhstan-ға сілтеме жасап.

    Полицияның мәліметінше, 29 қыркүйекте жергілікті тұрғын құқық қорғау органдарына жүгінген. Оның айтуынша, көшеде қыз бала кездесіп, үйінде анасы мен бауыры еденде жатқанын айтқан.

    Күдікті — 51 жастағы ер адам. Ол «ізін суытпай» қолға түсіп, уақытша ұстау изоляторына қамауға алынды.

    Қазіргі уақытта қылмыстық іс қозғалып, тергеу амалдары жүріп жатыр.

  • Даулы видео: Алматы ПД шын мәнінде не болғанын түсіндірді

    Даулы видео: Алматы ПД шын мәнінде не болғанын түсіндірді

    Әлеуметтік желіде полиция қызметкері ұсталған азаматтың қалтасына бірдеңе салып жатқандай көрінетін видео тарады. Жазба қоғамда қызу талқыға түсті, деп хабарлайды Sona.kz Nur.kz-ке сілтеме жасап.

    Полиция мәліметінше, оқиға жалға алынған пәтерақының төленбеуіне байланысты орын алған. Нәтижесінде екі адам ұсталған: оның бірі — кәмелетке толмаған жасөспірім, ол ата-анасына тапсырылды, екіншісі — мас күйде болған ер адам қарсылық көрсеткен.

    Ведомство өкілдері кадрда тыйым салынған затты «қалтаға тастау» емес, жанжал кезінде қалтасынан түсіп қалған жеке затын қайтарып беру сәті екенін түсіндірді.

    Сонымен қатар, полиция әлеуметтік желілерде жалған ақпарат таратқандардың жауапкершілікке тартылатынын еске салды.

  • Атырауда 9 жастағы балаға көпқабатты үйдің ауласында ер адам шабуыл жасады

    Атырауда 9 жастағы балаға көпқабатты үйдің ауласында ер адам шабуыл жасады

    Атырауда кәмелетке толмаған балаға шабуыл жасалды, деп хабарлайды Sona.kz Атырау облыстық полиция департаментіне сілтеме жасап.

    Куәгерлердің айтуынша, жасы 20–25 шамасындағы белгісіз ер адам тұрғын үй кешенінің ауласында ойнап жүрген 9 жастағы баланың қасына келіп, бірнеше рет ұрған.

    Бала жеңіл жарақат алып, дәрігерлер мен психологтардың көмегіне жүгінді. Жақындарының сөзінше, оқушы қатты қорқып қалған.

    Оқиға тұрғындар арасында алаңдаушылық туғызды. Көптеген ата-ана балаларын аулада жалғыз қалдыруға қорқып қалғанын айтады.

    Полиция оқиға бойынша қылмыстық іс қозғап, тергеу жүргізіп жатыр.

    «Қазіргі уақытта күдіктіні іздеу іс-шаралары жүргізілуде, бейнебақылау камералары тексеріліп, куәгерлерден жауап алынып жатыр. Жәбірленушіге қажетті медициналық және психологиялық көмек көрсетілді. Тергеу мүддесіне байланысты қосымша ақпарат жарияланбайды», — делінген Атырау облыстық ПД хабарламасында.

  • Алматының орталығында кафе өртенді — зардап шеккендер жоқ

    Алматының орталығында кафе өртенді — зардап шеккендер жоқ

    Алматының Алмалы ауданында Брусиловский көшесінде орналасқан кафеде өрт шықты, деп хабарлайды Sona.kz қалалық ТЖД баспасөз қызметіне сілтеме жасап.

    Оқиға 24 қыркүйек күні таңертең Тастақ ауданында болды. Сағат 10:28-де өрт сөндірушілер жоғары дәрежелі шақыру бойынша оқиға орнына жетті: 10 техника және 32 құтқарушы жұмылдырылды.

    «Оқшау тұрған кафеде өрт шықты. Қызметкерлердің айтуынша, ішінде адамдар болмаған. Өрттің көрші ғимараттарға таралу қаупі жоқ», — делінген Алматы қаласы ТЖД хабарламасында.

    ТЖМ мәліметінше, өрт кезінде кафе ғимараты ашық жалынмен өртенген және жанындағы құрылыстарға таралу қаупі болған. Өрт сөндірушілер бірнеше су оқпандарын беріп, үздіксіз сумен қамтамасыз етті.
    Жалын шамамен 200 шаршы метр аумақты шарпыған. Зардап шеккендер жоқ.

  • Қызылордада тіс жұлдырған ер адам ауруханаға түсті: қызметті дәрігер емес, ассистент көрсеткен

    Қызылордада тіс жұлдырған ер адам ауруханаға түсті: қызметті дәрігер емес, ассистент көрсеткен

    Қызылордада медициналық салғырттыққа қатысты ерекше іс қаралды, деп хабарлайды Sona.kz Azattyq Rýhy сайтына сілтеме жасап.

    Қала тұрғыны жеке стоматологиялық клиникаға барып, тісін емдету үшін ақы төлеген. Дәрігер тістің емдеуге келмейтінін айтып, оны жұлып тастаған. Бірнеше сағаттан кейін науқастың қызуы көтеріліп, қатты ауырсыну пайда болған. Ер адам жедел түрде ауруханаға жеткізілді.

    Тексеру барысында көрсетілген қызметті дәрігер емес, орта білімді “стоматолог ассистенті” орындағаны анықталды. Бұл — заң бұзушылық.

    Жәбірленушінің арызы бойынша сот клиникадан 25 мың теңге материалдық шығынды, сондай-ақ 500 мың теңге моральдық өтемақыны өндіру туралы шешім шығарды.

    ⚖️ Мұндай жағдайлар Қазақстанда бұрын да тіркелген:
    • 2022 жылы Алматыда әйел адам сәтсіз жасалған протездеуден кейін қайта ем алуға мәжбүр болған;
    • Шымкентте ер адам имплант орнатудан кейін асқынуларға байланысты сотқа жүгінген.

    Мамандар азаматтарға медициналық қызмет алар алдында клиниканың лицензиясын және дәрігердің біліктілігін тексеруге кеңес береді

  • Түркістан облысында ер адам әйелін балғамен өлтіріп, кейін өзіне қол салды

    Түркістан облысында ер адам әйелін балғамен өлтіріп, кейін өзіне қол салды

    Түркістан облысы Қарамұрт ауылында ауыр қылмыс тіркелді, деп хабарлайды Sona.kz Azattyq Rýhy-ға сілтеме жасап. 56 жастағы ер адам төрт баласының көзінше әйелін балғамен ұрып өлтіріп, артынша үйдің ауласындағы дәретханада асылып қалған.

    Көршілерінің айтуынша, оқиғаға куә болған балалар шошып, көмекке жүгірген. Марқұмның туыстарының сөзінше, ер адам әйелі өзін алдады деп ойлаған. Ол қанды оқиғадан бұрын туыстарына аудиохабарлама жіберіп, «қатыным көзіме шөп салды» деп жазған.

    Оқиға кезінде үйде болған балалардың ең кішісі науқас болғаны хабарланды. Анасының қансырағанын да, әкесінің өзіне қол салғанын да өз көздерімен көрген олардың психологиялық жағдайына ауыр соққы тигені анық.

    Полиция екі адамның өлімі бойынша қылмыстық іс қозғағанын мәлімдеді.

  • Семь школьников получили ожоги после эксперимента с химией в Павлодаре

    Семь школьников получили ожоги после эксперимента с химией в Павлодаре

    В Павлодаре семь учеников шестого класса школы №37 получили ожоги рук, лица и глаз после эксперимента с бытовым средством «Крот», напитком и фольгой на школьном футбольном поле, передаёт Sona.kz со ссылкой на областную детскую больницу.

    Сигнал о происшествии поступил в 12:49, к школе прибыли две бригады скорой помощи. Пострадавшие доставлены в областную детскую больницу. По данным медиков, угрозы жизни нет, тяжёлых случаев зафиксировано не было.