Sona.kz

Рубрика: Оқиғалар

  • Алматы облысында 16 жастағы қызды азаптаған екі әйел ұсталды

    Алматы облысында 16 жастағы қызды азаптаған екі әйел ұсталды

    лматы облысында кәмелетке толмаған қызды азаптау ісіне қатысты екі әйел ұсталды, деп хабарлайды Sona.kz облыстық полиция департаментіне сілтеме жасап.

    Тергеу деректеріне сәйкес, жанжал қыздың ЖОО-ға түсу мәселелері бойынша ер адаммен сөйлесуінен басталған. Кейін ол ер адамның “қалыңдығы” екенін айтқан әйел хабарласып, қызды кездесу үшін шақырған.

    Күдіктілер қызды елсіз жерге апарып, ұрып-соғып, темекімен денесін күйдіріп, суға батырып, болған жағдайды видеоға түсірген. Сондай-ақ оны қорлайтын әрекеттерге мәжбүрлеген.

    Қыз болған оқиғаны біраз уақыт жасырып келген, кейін анасына айтып берген. Анасы дереу полицияға арыз жазған.

    1996 жылы туған екі күдікті уақытша ұстау изоляторына қамалды. Дереккөздерге сүйенсек, олардың бірі ауылдық округ әкімдігі аппаратында оператор қызметін атқарады. Бұл ақпаратты растау үшін әкімдікке ресми сұрау жолданды.

  • Қазақстан тауларында үш күн бойы қалған ресейлік альпинист құтқарылды. Оның серігі — Өзбекстан азаматы — қаза тапты

    Қазақстан тауларында үш күн бойы қалған ресейлік альпинист құтқарылды. Оның серігі — Өзбекстан азаматы — қаза тапты

    Түркістан облысында ауқымды іздестіру-құтқару жұмыстары аяқталды: Ресей азаматы, 28 жастағы Андрей Орлов аман қалды, ал оның 29 жастағы серігі, Өзбекстан азаматы Ақмал Махкамов қайтыс болды, деп хабарлайды Sona.kz Tengri Travel-ге сілтеме жасап.

    ҚР ТЖМ мәліметінше, альпинистердің жоғалғаны туралы хабар 1 қыркүйекте түскен. Туыстары олардың 31 тамызда Шымкенттен тауға кеткенін, бірақ қайтып оралмағанын айтқан. Іздеу жұмыстары 2200 метр биіктіктегі Сайрамсу шыңы маңында, «Сайрам-Өгам» ұлттық паркінде, Қасқасу ауылынан шамамен сегіз шақырым жерде жүргізілді.

    Құтқарушылар Игры доброй воли асуы маңында Орловпен дауыстық байланыс орнатқан. Ол серігінің шатқалға құлап, қаза тапқанын жеткізген. Өзі үш күн бойы жартаста тамақсыз және сусыз қалған.

    Эвакуация қиын жағдайда өтті: тікұшақ рельефке байланысты жақындай алмады, құтқарушылар жаяу жылжыды. Шымкенттен бес кәсіби альпинист шақырылып, олар МЧС қызметкерлерімен бірге шыңға көтеріліп, аман қалған турист пен марқұмның денесін төменге түсірді.

    Жалпы, операцияға 18 құтқарушы, бес техника, «Қазавиақұтқару» тікұшағы, дрондар және полиция қызметкерлері жұмылдырылды. Зардап шеккен туристі атпен таудың етегіне жеткізіп, туыстарына тапсырды. Қайтыс болған адамның денесі де полицияға берілді.

    Андрей Орловтың туыстарымен байланысуға әрекет жасалды, бірақ жариялау кезінде олардан пікір алынбады.

  • Жамбыл облысында әкесіне туған қызына зорлық жасағаны үшін өмір бойына сотталды

    Жамбыл облысында әкесіне туған қызына зорлық жасағаны үшін өмір бойына сотталды

    Жамбыл облысында ер адам туған қызына қатысты қылмысы үшін өмір бойына бас бостандығынан айырылды, деп хабарлайды Sona.kz Tengrinews.kz-ке сілтеме жасап.

    Оқиға қалай болды?

    Сот деректеріне сүйенсек, 2025 жылдың сәуір айында Қордай ауылында тұратын азамат Ж. алкогольдік мас күйінде 2019 жылы туған туған қызына қатысты зорлық-зомбылық әрекеттер жасаған. Ол баланың дәрменсіз жағдайын пайдаланған.

    Дәлелдер

    Айыпталушының кінәсі сотта толық дәлелденді. Бұған оның өз мойындауы, кәмелетке толмаған жәбірленушінің заңды өкілінің және куәгерлердің айғақтары, сараптама қорытындылары мен іс материалдары негіз болды.

    Тараптардың ұстанымы

    Мемлекеттік айыптаушы соттан айыпталушыға ең қатаң жаза — өмір бойына бас бостандығынан айыруды сұрады. Жәбірленуші тарап та оны кешірмейтінін мәлімдеп, заң аясында әділ жазалауды талап етті. Айыпталушы кінәсін толық мойындады.

    Сот шешімі

    ҚР ҚК 121-бабының 4-бөлігі өмір бойына бас бостандығынан айыру жазасын көздейді. Сот айыпталушының өкінуін жеңілдететін мән-жай ретінде қабылдады, бірақ ауырлататын жағдайлар анықталған жоқ.

    Сот үкімімен Ж. кінәлі деп танылып, өмір бойына бас бостандығынан айырылды. Сонымен қатар, жәбірленушінің пайдасына 5 миллион теңге көлемінде моральдық өтемақы өндіру туралы шешім шығарылды.

    Үкім әлі заңды күшіне енген жоқ.

  • Ақсудағы ферроқорытпа зауытында үш қызметкер күйік алды

    Ақсудағы ферроқорытпа зауытында үш қызметкер күйік алды

    Ақсудағы ферроқорытпа зауытында болған оқыс оқиға салдарынан үш қызметкер зардап шекті. Бұл туралы зауыттың баспасөз қызметі хабарлады, деп жазады Sona.kz Kazinform агенттігіне сілтеме жасап.

    Зауыт өкілдерінің мәліметінше, қызметкерлер өндірістік жұмыстарды орындау кезінде күйік алған. Қазір бір жұмысшы жансақтау бөлімінде, екіншісі амбулаториялық ем қабылдап жатыр, үшіншісі үйіне жіберілген.

    «Оқиға туралы мемлекеттік органдарға дереу хабарланды, тексеріс басталды. Компания зардап шеккендерге барлық қажетті көмекті көрсетуде», – деді Ақсу ферроқорытпа зауытының баспасөз қызметі.

    Павлодар облыстық полиция департаменті де жағдайға түсініктеме берді. Алдын ала деректерге сәйкес, оқиға пештен шихталық материалдардың шашырауы салдарынан болған. Ведомство еңбек қауіпсіздігі ережелерін бұзу фактісі бойынша тергеу басталғанын мәлімдеді.

    Еске сала кетейік, бұған дейін Степногор жылу электр орталығында монтаж жұмыстары кезінде бір жұмысшы қаза тауып, тағы үшеуі жарақат алған болатын.

  • 25 жылдан кейінгі шындық

    25 жылдан кейінгі шындық

    Батыс Қазақстан облысында 25 жыл бұрын перзентханада қайтыс болды деп рәсімделген нәрестеге қатысты қылмыстық іс қайта тергеліп жатыр.

    2000 жылы Ақжайық ауданының 27 жастағы тұрғыны Оралдағы №3 перзентханаға кесар тілігі үшін жеткізілген. Анасына сәбиі жатырда шетінеп кеткені айтылып, оған нәрестенің денесі берілген. Әйел жолдасымен бірге сәбиді туған ауылында жерлеген.

    Алайда 2024 жылдың қарашасында әйелге АҚШ-тан қоңырау түсіп, қызының тірі екені хабарланған. Бастапқыда сенбегенімен, көп ұзамай анасы қызының дауысын естіп, шындыққа көз жеткізді. Құжаттарды рәсімдеу мен виза алуға бірнеше ай кетіп, 28 тамызда Оралда анасы мен әкесі қызымен алғаш рет қауышты.

    Бүгінде 25 жастағы қыз АҚШ-та өсіп, магистратураны тәмамдаған және психолог болып жұмыс істейді. Оны тануға перзентханадағы туған кезде тағылған, анасының тегі жазылған бирочка себеп болған. Бұл белгішені асырап алған ата-анасы барлық жылдар бойы сақтап келген.

    Родственниктердің айтуынша, қылмыстық іске ол кезеңде перзентхананың бас дәрігері, медбике және ЗАГС қызметкерінің қатысы болуы мүмкін. Бірақ ол уақыттағы туу жөніндегі мұрағаттық құжаттардың барлығы жойылған. Әрі анасы баладан бас тартты деген құжат пайда болғанымен, әйел мұны түбегейлі жоққа шығарады.

    Қазіргі таңда сотқа дейінгі тергеу амалдары жүріп жатыр. «Іс барысы полиция департаменті басшылығының бақылауында. Барлық қажетті тергеу әрекеттері жүргізілуде. Тергеу қорытындысы бойынша қолданыстағы заңнамаға сәйкес процессуалдық шешім қабылданады», – деп хабарлады БҚО Полиция департаментінің баспасөз қызметі.

  • Актауда әйелге күш көрсеткен ер адам видеоға түсіп қалды

    Актауда әйелге күш көрсеткен ер адам видеоға түсіп қалды

    Әлеуметтік желілерде ер адамның қызды ұрып, кейін жерге сүйреген сәті түсірілген бейнежазба тарады, деп хабарлайды Sona.kz Kriminal Kazakhstan-ға сілтеме жасап.

    Оқиға 31 тамызға қараған түні Ақтаудың 20-шағынауданы аумағындағы «Кербез» тұрғын үй кешенінің маңында болған. Кадрда ер адамның қызға қол көтеріп, кейін оны жерге сүйрегені байқалады. Көп ұзамай оқиға орнына патрульдік полиция көлігі келіп тоқтаған.

    Маңғыстау облыстық полиция департаменті бұл жағдайды растады. «Полиция келген соң қыз арыз жазудан бас тартты. Ер адамға қатысты ҚР ӘҚБтК-нің 437-бабы («Тыныштықты бұзу») бойынша әкімшілік хаттама толтырылды», – деп хабарлады ведомствоның баспасөз қызметі.

    Қазір бейнежазба әлеуметтік желілерде қызу талқыланып жатыр. Қоғам белсенділері мұндай оқиғаларда зардап шеккен тараптың шағымданбауы құқық қорғау органдарының әрекетін шектейтінін атап өтуде.

  • Қарағанды облысында күзетші қызмет барысында әріптесін атып өлтірді

    Қарағанды облысында күзетші қызмет барысында әріптесін атып өлтірді

    Қарағанды облысының Абай ауданы, Топар кентіндегі ГРЭС аумағында қайғылы жағдай болды, деп хабарлайды Sona.kz Tengrinews.kz-ке сілтеме жасап.

    Алдын ала мәліметтер бойынша, мамандандырылған күзет қызметінің екі қызметкері кезекшілікте тұрған. Белгісіз жағдайларда олардың бірі табельдік қарудан оқ атып, әріптесі сол жерде қаза тапты.

    Оқ атқан күзетші ұсталып, уақытша ұстау изоляторына қамалды. Қазіргі уақытта қылмыстық іс қозғалып, сотқа дейінгі тергеу және қызметтік тексеріс жүргізілуде.

    ? Қарағанды облыстық ПД баспасөз қызметі тергеу мүддесіне байланысты басқа деректер жарияланбайтынын мәлімдеді.

    Бұған дейін Атырауда болған қақтығыс кезінде 23 жастағы фельдшердің көз жұмғаны хабарланған еді.

  • ️ Таразда төбелес кезінде оқушы қаза тапты

    ️ Таразда төбелес кезінде оқушы қаза тапты

    1 қыркүйекте Тараз қаласында жасөспірімдер арасында жанжал шығып, соның салдарынан бір бала пышақ жарақатынан көз жұмды, деп хабарлайды Sona.kz kriminal_kazakhstan-ның телеграм каналына сілтеме жасап.

    Ақпаратты Жамбыл облыстық полиция департаменті растады. Ведомство мәліметінше, аталған дерекке қатысты Қылмыстық кодекстің 99-бабы («Адам өлтіру») бойынша іс қозғалды.

    ? Күдікті жасөспірім «ізін суытпай» ұсталып, уақытша ұстау изоляторына қамалды. Қазір оқиғаның барлық мән-жайын анықтауға бағытталған тергеу амалдары жүргізілуде.

    Әлеуметтік желілерде тараған деректерге сәйкес, қаза тапқан баланың жасы 14-те болған. Қақтығыс мектеп аумағынан тыс жерде болғаны атап өтіледі.

    Еске сала кетсек, бұған дейін Алматыда да жасөспірімге қатысты шулы жағдай тіркелген еді: ол бейтаныс кішкентай баланы жерге қатты лақтырып, соның салдарынан бүлдіршіннің сүйегі сынған. Бұл дерек бойынша полиция орташа дәрежедегі денсаулыққа қасақана зиян келтіру бабымен қылмыстық іс қозғаған.

  • Шымкентте полицей қызметтік көлігімен әйелді қағып өлтірді

    Шымкентте полицей қызметтік көлігімен әйелді қағып өлтірді

    Шымкентте полиция қызметкерінің қатысуымен болған жол-көлік оқиғасы бойынша қылмыстық іс қозғалды, деп хабарлайды Sona.kz Kazinform-ға сілтеме жасап.

    Құқық қорғау органдарының дерегінше, қайғылы жағдай 28 тамызда Желтоксан көшесінде, Шымкент қалалық полиция департаментінің жанында болған. Әйел адам ағаштардың арасынан жүгіріп шығып, жолды белгіленбеген жерден кесіп өтпек болған.

    Соққы салдарынан ол ауыр жарақат алып, оқиға орнында көз жұмды.

    «Аталған факті бойынша қылмыстық іс тіркелді. Алдын ала мәліметтерге сәйкес, жүргізуші жол жүру ережесін бұзбаған, мас күйде болмаған және жылдамдықты асырмаған. Қазір тергеу амалдары жүргізіліп жатыр. Соның нәтижесі бойынша процессуалдық шешім қабылданады», — деп хабарлады Шымкент ПД өкілдері.

     

  • Алматы облысында өгей әкесінен зорлық көрген қыз көмек сұрады

    Алматы облысында өгей әкесінен зорлық көрген қыз көмек сұрады

    Алматы облысында өгей әкесінен зорлық-зомбылық көріп жүргенін айтқан жасөспірімнің жанайқайы әлеуметтік желіде тарады. Бұл туралы журналист Жазира Бегалы өзінің парақшасында жариялады, деп хабарлайды Sona.kz Azattyq Rýhy-ға сілтеме жасап.

    Журналистің айтуынша, қыз бала екінші сыныптан бастап өгей әкесінің қысымына ұшырағанын жазған. Ол көмек сұрап хат қалдырып, жағдайын бейнежазба арқылы жеткізген.

    «Анам ол кісімен 2015 жылы тұрмыс құрды. Бастапқыда бәрі жақсы еді, бірақ уақыт өте келе маған тиісіп, зорлық көрсете бастады. Ұятсыз видеолар көрсететін. Бұл туралы анам да, туыстарым да біледі», – делінген қыздың хатында.

    Оқиғаға қатысты Қарасай аудандық полициясы қылмыстық іс қозғап, жасөспірімді оңалту орталығына жіберген. Алайда облыстық полиция департаментінің шешімімен іс қысқартылғаны белгілі болды. Қыз бала қазір дағдарыс орталығында тұрып жатыр және үйіне барудан бас тартып отыр.

    «Жасөспірімнің анасы оны үйге алып кеткісі келеді. Бірақ қыз өгей әкесінен қатты қорқатынын айтып отыр», – деді Жазира Бегалы.

    Агенттік тілшісі бұл жағдайға байланысты Алматы облыстық Полиция департаментіне ресми сауал жолдады.