Sona.kz

Рубрика: Жаңалықтар

  • Талдыкорғанда полицей қызметкері зейнет жасындағы әйелді қағып кеткеннен кейін жұмыстан босатылды

    Талдыкорғанда полицей қызметкері зейнет жасындағы әйелді қағып кеткеннен кейін жұмыстан босатылды

    Талдыкорғанда полицияның тергеу бөлімінің қызметкері қатысқан жол апаты тіркелді, деп хабарлайды Sona.kz Kazinform-ға сілтеме жасап.

    Оқиға 2 қараша күні Мұстафа Өзтүрік пен Орақты батыр көшелерінің қиылысында болған.
    Жетісу облысының полиция департаментінің мәліметінше, Toyota автокөлігін басқарған полиция қызметкері Aito M9 көлігімен соқтығысып, салдарынан 60 жастағы әйел адамды қағып кеткен.

    Зардап шеккен әйел көпсалалы ауруханаға жеткізілді.
    Қазіргі уақытта оқиға бойынша қылмыстық іс қозғалып, тиісті сараптамалар тағайындалды.

    Полиция департаментінің баспасөз қызметі мәлім еткендей, көлікті басқарған қызметкер ішкі істер органдарынан босатылды.
    Іс бойынша тергеу жалғасуда.

  • Қостанайда әйелін және енесін өлтірген ер адамға 19 жыл жаза тағайындалды

    В Костанае осудили 45-летнего Виталия Логунова, который летом этого года убил свою супругу и её мать, передаёт Sona.kz со ссылкой на Halyqstan.

    По материалам дела, трагедия произошла в июле в одном из сёл Карабалыкского района. Логунов, находясь в конфликте с семьёй, нанёс смертельные ножевые ранения 39-летней жене и 74-летней теще, после чего попытался покончить с собой и скрылся.

    Мужчину нашли в сарае — он истекал кровью после нанесённых себе ран. Пострадавшего доставили в больницу, где оказали помощь, затем его задержали.

    Судебное разбирательство проходило в закрытом режиме — из-за обстоятельств, связанных с частной жизнью участников.

    Гособвинитель просил назначить 20 лет лишения свободы, однако суд вынес решение о 19 годах заключения в колонии средней безопасности.

    Кроме того, суд удовлетворил гражданский иск о компенсации морального вреда, однако сумма не уточняется. Приговор пока не вступил в законную силу.

  • Президент бекіткен жаңа саяси бағдар: ішкі саясаттың негізгі қағидаттары мен құндылықтары жарияланды

    Президент бекіткен жаңа саяси бағдар: ішкі саясаттың негізгі қағидаттары мен құндылықтары жарияланды

    Мемлекет басшысы Қасым-Жомарт Тоқаев «Қазақстан Республикасының ішкі саясатының негізгі қағидаттары, құндылықтары және бағыттары туралы» Жарлыққа қол қойды, деп хабарлайды Sona.kz Ақордаға сілтеме жасап.
    Бұл құжаттың мақсаты — мемлекеттік органдардың жұмысын жүйелеу және ішкі саясаттағы бірыңғай тәсілді қалыптастыру.
    Ұсыныс Ұлттық құрылтайдың IV отырысында айтылып, Президент тарапынан қолдау тапқан болатын.
    Құжат Президент Әкімшілігі мен мүдделі мемлекеттік органдардың бірлескен еңбегінің нәтижесінде дайындалған. Онда ел дамуының ұзақмерзімді басымдықтары, Президенттің Жолдауларында және 2029 жылға дейінгі Ұлттық даму жоспарында белгіленген міндеттер қамтылған.
     Негізгі қағидаттар:
    •«Заң және Тәртіп»
    •«Еститін мемлекет»
    •«Әртүрлі пікір – Біртұтас ұлт»
    •«Күшті Президент – Ықпалды Парламент – Есеп беретін Үкімет»
    •«Адал азамат»
    •«Таза Қазақстан»
    Құжатта сондай-ақ ұлттық бірегейліктің негізін құрайтын жалпыұлттық құндылықтар мен ұлттық рәміздер тізімі берілген.
    Ішкі саясаттың басым бағыттары:
    қоғамдық диалог, этносаралық және діни қатынастар саясаты, мәдени-гуманитарлық, отбасылық, жастар және ақпараттық саясат.
    ? Бұл тұжырымдамалық құжат мемлекеттік органдардың үйлесімді және тиімді жұмысын қамтамасыз етуге бағытталған.
  • “Түрмеден мәміле жасап, пәтерімді тартып алды”: Индира Елемес әділдік сұрады

    “Түрмеден мәміле жасап, пәтерімді тартып алды”: Индира Елемес әділдік сұрады

    Белгілі әнші Индира Елемес өз басынан өткен қиын жағдайды жария етті. Оның айтуынша, бұрынғы жұбайы Иманмади Қалилхан қазір Алматы қаласындағы №72 мекемеде жазасын өтеп жатыр, алайда түрмеде отырып-ақ оның атына тіркелген пәтерді сатып жіберген, деп хабарлайды Sona.kz Azattyq Rýhy-на сілтеме жасап.

    Индира 2018 жылдан бері балаларымен бірге «Иль де Франс» тұрғын үй кешенінде тұрған. Ол өз қаражатына үш пәтер сатып алып, оларды біріктіруге ресми рұқсат алғанын айтады. Алайда жуырда пәтерінің өзінен хабарсыз түрде сатылып кеткенін білген.

    «Пәтерімізді құрылыс компаниясының өкілі 25 миллион теңгеге сатып алған. Ал нарықтағы құны — 125 миллион теңге. Қазір сол адам мені өз үйімнен қуып жатыр. Бұрынғы күйеуім қамауда отырса да, түрмеден мәмілелер жасап, менің мүлкімді заңсыз иемденіп отыр», — дейді әнші.

    Индираның сөзінше, экс-күйеуі әлеуметтік желілерде әлі де белсенді. Ол түрмеде отырып, Instagram арқылы оны және туыстарын қорқытып, ар-намысына тиетін жазбалар жариялап жүрген көрінеді.

    Әнші бұл жағдай бойынша полицияға шағым түсірген. Алайда Медеу аудандық полиция басқармасы ауыр қылмыс белгілеріне қарамастан, іс қозғаудан бас тартқан.

    «Мен әділдік сұраймын. Мемлекеттік органдар қылмыстың алдын алу орнына, тек формалды жауап берумен шектеліп отыр. Мен және балаларым қазір далада қалу алдындамыз», — деді Индира Елемес.

    Ол Қазақстан Президентіне ашық үндеу жасап, өзінің және балаларының құқығын қорғауды сұрады.

    Редакция оқиғаға қатысты пікір алу үшін Алматы қалалық полиция департаментіне сауал жолдады.

  • Қазақстандықтар көз емдеуге зейнетақы жинақтарын жаппай жұмсай бастады

    Қазақстандықтар көз емдеуге зейнетақы жинақтарын жаппай жұмсай бастады

    Қазақстанда көз ауруларын емдеуге арналған біржолғы зейнетақы төлемдеріне өтінімдер саны рекордтық деңгейге жетті, деп хабарлайды Sona.kz Tengrinews.kz — ке сілтеме жасап.

    2025 жылғы қазан айында 15,4 мың өтінім орындалды, жалпы сома 13,3 млрд теңге болды. Бұл қыркүйекпен салыстырғанда он есе көп. Сарапшылар мұны стоматологиялық қызметтерге төлем жасауға тыйым салумен байланыстырады.

    Бюро деректеріне сәйкес, офтальмологиялық қызметке өтінімдер саны қаңтар–тамыз аралығындағы орташа көрсеткіштен 73 есе өскен. Қыркүйекке дейін көз емдеуге берілген жалпы өтінім саны қазан айындағы көрсеткішпен шамалас болған.

    Қазан айында сондай-ақ 730 млн теңге сомасына 901 өтінім қайтарылған. Бұл — айдағы жалпы орындалған өтінімдердің шамамен 6 пайызы.

    Сонымен қатар, тұрғын үй жағдайын жақсартуға арналған өтінімдер саны да тұрақты өсуде — 138,4 мың өтінім (+7%) жалпы 79,9 млрд теңгеге (+9%).

    Бұған дейін Отбасы банк жалған құжаттар мен мақсатсыз пайдалану жағдайлары көбейгендіктен, мұндай өтінімдерді қабылдауды уақытша тоқтатқан еді.

  • Іздеуде жүрген Екатерина Бивол бұрынғы күйеуінің әкесінен соққы алды деп мәлімдеді

    Іздеуде жүрген Екатерина Бивол бұрынғы күйеуінің әкесінен соққы алды деп мәлімдеді

    Қазақстанда іздеуде жүрген Екатерина Бивол тағы да жанжал ортасында қалды, деп хабарлайды Sona.kz Jagdai-ға сілтеме жасап.

    Әлеуметтік желілерде тараған бейнежазбада, куәгерлердің айтуынша, боксшы Дмитрий Биволдың әкесі оның бұрынғы жұбайына қол жұмсаған. Кейіннен видео өшірілген.

    Екатерина соққы алғанын айтып, полицияға арыз түсіргенін жеткізді.

    «Қандай ұл — сондай әке. Ол заң алдында жауап береді», — деді ол мәлімдемесінде.

    Бұған дейін Қазақстан полициясы Екатерина Биволды іздеуге жариялаған, бірақ істің егжей-тегжейі әлі айтылған жоқ.

  • Қостанайда әйелін және енесін өлтірген ер адамға 19 жыл жаза тағайындалды

    Қостанайда әйелін және енесін өлтірген ер адамға 19 жыл жаза тағайындалды

    Қостанайда 45 жастағы Виталий Логуновқа үкім шықты. Ол биыл шілде айында өз жұбайы мен енесін өлтірген, деп хабарлайды Sona.kz Halyqstan-ға сілтеме жасап.

    Оқиға Қарабалық ауданының ауылдарының бірінде болған. Тергеу дерегінше, айыпталушы 39 жастағы әйеліне және 74 жастағы енесіне пышақ жарақатын салып, кейін өз-өзіне қол жұмсамақ болған. Ер адамды полиция кейіннен қансырап жатқан күйінде қорадан тапқан.

    Ол ауруханаға жеткізіліп, медициналық көмек алған соң қамауға алынған.

    Сот процесі жеке өмірге қатысты жайттарға байланысты жабық өткен.

    Мемлекеттік айыптаушы 20 жыл бас бостандығынан айыруды сұраған, алайда сот орташа қауіпсіздік мекемесінде 19 жылға бас бостандығынан айыру жазасын кесті.

    Сонымен қатар, моральдық зиянды өтеу жөніндегі азаматтық талап толық қанағаттандырылған, бірақ нақты сома жарияланбады. Үкім әзірге заңды күшіне енген жоқ.

  • «Жеңіл ақша» түрмеге жеткізді: БҚО-да дропперлік қылмыс әшкереленді

    «Жеңіл ақша» түрмеге жеткізді: БҚО-да дропперлік қылмыс әшкереленді

    Батыс Қазақстан облысы бойынша Қаржы мониторингі агенттігінің департаменті прокуратурамен бірлесе отырып, банктік шоттарға заңсыз қол жеткізу және қаржыны аудару фактісі бойынша ауқымды тергеу жүргізіп жатыр, деп хабарлайды Sona.kz ведомствоға сілтеме жасап.

    Ұйымдастырушылар жастарға «оңай табыс табу жолын» ұсынып, өз атына банктік шот ашуға көндірген. Кейін интернет-банкинг қосымшалары орнатылған телефондар арқылы шоттарға алаяқтар толық бақылау орнатқан.

    Бұл шоттардан интернет-алаяқтық арқылы алынған қаражат аударылып отырған. Заңсыз операциялардың жалпы сомасы 17 млн теңгеден асты.

    Қатысушыларға – «дропперлерге» – 200-350 АҚШ доллары мөлшерінде ақы төленген. Алайда олардың бірі картасы бұғатталған соң схемадан бас тартпақ болған. Сол кезде қылмыстық топ мүшелері оны ұрып, қорқытып, есепке қайта қол жеткізуін талап еткен.

    Қазір ұйымдастырушы ұсталып, қамауға алынды. Тергеу жалғасуда.

    Айта кетейік, 2025 жылғы 16 қыркүйектен бастап Қылмыстық кодекске енгізілген 232-1-бап бойынша дропперлік үшін 7 жылға дейін бас бостандығынан айыру және мүлікті тәркілеу жазасы қарастырылған.

  • Сот жүйесіндегі дау: сот Асель Досаева мас күйінде көлік жүргізгені үшін ұсталды

    Сот жүйесіндегі дау: сот Асель Досаева мас күйінде көлік жүргізгені үшін ұсталды

    Астанада сот Асель Досаеваға қатысты дау шықты. Полиция мәліметінше, ол көлікті мас күйінде жүргізіп, ал жүргізуші куәлігінің мерзімі өтіп кеткені анықталған, деп хабарлайды Sona.kz соттың баспасөз қызметіне сілтеме жасап.

    Сот өкілдері атап өткендей, сот мәртебесі заң алдындағы жауапкершіліктен босатпайды.

    «Егер құқық бұзушылық фактісі расталса, сот заңға сәйкес жауапқа тартылады», – делінген ресми хабарламада.

    Қазір материалдар Ішкі істер министрлігі тарапынан Бас прокуратураға жолданды. Асель Досаеваның ісі бойынша түпкілікті шешімді Жоғары сот кеңесі қабылдайды.

  • Аффект пен азап: Ақмолада әйел өзін қорлаған күйеуін өлтірді

    Аффект пен азап: Ақмолада әйел өзін қорлаған күйеуін өлтірді

    Ақмола облысында 63 жастағы әйел өзіне жылдар бойы зорлық-зомбылық көрсеткен азаматтық жұбайын өлтірді, деп хабарлайды Sona.kz Azattyq Rýhy-на сілтеме жасап.

    Сот мәліметінше, ер адам ішімдікке салынып, карта ойнап, әйелін жиі ұрып келген. Кезекті ұрыс кезінде әйел қорқыныш пен ашу үстінде — аффект жағдайында — асүй пышағын алып, күйеуін жарақаттаған. Ер адам ауруханада көп қан жоғалтудан көз жұмды.

    Тергеу органдары істі ҚК 99-бабы бойынша қарағанымен, алқабилер әйелдің қорғану аясында әрекет еткенін мойындап, іс 101-бапқа («аффект жағдайында кісі өлтіру») ауыстырылды.

    Сот айыпталушының жасын, зорлық көргенін және марқұм туыстарының шағым түсірмегенін ескеріп, 1 жыл бас бостандығынан айыру жазасын тағайындады.
    Алайда Конституцияның 30 жылдығына орай жарияланған рақымшылыққа сәйкес, әйел жазадан толық босатылды.