Sona.kz

Рубрика: Жаңалықтар

  • Астанада дәрігер мүгедектік рәсімдеп беремін деп алты адамды алдаған

    Астанада дәрігер мүгедектік рәсімдеп беремін деп алты адамды алдаған

    Астанада клиникалардың бірінде жұмыс істейтін дәрігерге сот үкімі шықты. Ол азаматтарға мүгедектік рәсімдеуге көмектесемін деп уәде беріп, алты науқасты алдаған, деп хабарлайды Sona.kz Tengrinews.kz дерегіне сілтеме жасап.

    Тергеу мәліметінше, медицина қызметкері мұндай ұсыныстарды жұмыс орнында жасаған, алайда оған мұндай қызметпен айналысуға ешқандай өкілеттік берілмеген. Ол пациенттерден 4 миллион теңгеден астам қаражат алып, оны жеке қажеттіліктеріне жұмсаған.

    Прокуратура ұсынған дәлелдер толық расталған соң, сот айыпталушыны алаяқтық жасағаны үшін кінәлі деп танып, бас бостандығынан айыру жазасын тағайындады. Сонымен қатар, жәбірленушілерге келтірілген материалдық шығын толығымен өтелді. Үкім заңды күшіне енді.

     

  • Атыраудағы ірі кәсіпорындар экологияға келтірілген зиян үшін 2,3 млрд теңге айыппұл төлейді

    Атыраудағы ірі кәсіпорындар экологияға келтірілген зиян үшін 2,3 млрд теңге айыппұл төлейді

    Атырау облысында бірқатар өнеркәсіптік кәсіпорындар экологиялық заңнаманы бұзғаны үшін айыппұл арқалады. Төленетін жалпы сома 2,36 миллиард теңгеден асты, деп мәлімдеді Табиғи ресурстар және табиғат пайдалануды реттеу басқармасы, деп хабаолайды Sona.kz Kazinform-ға сілтеме жасап.

    2025 жылдың қаңтар-тамыз айларында өңірде 21 тексеріс жүргізілді: оның ішінде 7 — профилактикалық, 13 — жоспардан тыс және 1 — сәйкестікті бағалау тексерісі. Нәтижесінде 52 құқықбұзушылық анықталып, 121 әкімшілік іс қозғалды және 19 нұсқама берілді.

    Бұзушылықтардың бірі — «ANACO» ЖШС, экологиялық рұқсатсыз шығарындылар үшін 897 млн теңге айыппұл төлеуге міндеттелді. Компания шешімге сот арқылы шағымданғанымен, айыппұл күшінде қалды.
    Атырау мұнай өңдеу зауыты — 28 млн теңге, «Потенциал Ойл» — 7,2 млн теңге, ал «Petrocraft» — 1,25 млрд теңге көлемінде айыппұл төлейді.

    Басқарма мәліметінше, барлық кінәлі тұлғалар әкімшілік жауапкершілікке тартылған. Айыппұлдарды өндіру және экологиялық бақылау жұмыстары жүйелі түрде жалғасады.

  • Қазақстанда тағы бір сарбаз қаза тапты: соңғы үш аптада үшінші оқиға тіркелді

    Қазақстанда тағы бір сарбаз қаза тапты: соңғы үш аптада үшінші оқиға тіркелді

    Қазақстанда мерзімді әскери қызметшінің өліміне қатысты тағы бір қайғылы жағдай тіркелді. Бұл — соңғы үш аптадағы үшінші оқиға, бұл қоғамда үлкен алаңдаушылық тудырып отыр. Sona.kz ZTB.kz — ке сілтеме жасап хабарлайды.

    Ақпарат көздерінің мәліметінше, қайғылы жағдай елдегі әскери бөлімдердің бірінде болған. Қазір қызметтік тергеу жүргізіліп жатыр, оқиғаның нақты себептері мен мән-жайы анықталуда.

    Еске салайық, қыркүйек айында Гвардей гарнизонында бір сарбаз асылып қалған күйінде табылған, ал қазан айында Алматы облысының Қарасай ауданында ҰҚК Шекара қызметінің сарбазының өлімі менингококцемия диагнозымен түсіндірілген еді.

    Қоғам белсенділері мен сарапшылар сарбаздардың қауіпсіздігі мен психологиялық жағдайына назар аударуды, сондай-ақ әскери қызметтегі тәртіп пен бақылауды күшейтуді талап етуде.

    Қорғаныс министрлігі мен Әскери прокуратура барлық әскери бөлімдерде тексеріс жүргізіп, мұндай қайғылы жағдайлардың алдын алу шараларын күшейтуді көздеп отыр.

    Сондай-ақ оқыңыз: https://sona.kz/kk/mangystaw-oblysynda-zheti-sarbaz-swicid-zhasawga-arekettenip-psihikalyq-awrwhanaga-tuesti-29573/

  • Үш бала ата-анасының тыйымынан мектепке бармаған

    Үш бала ата-анасының тыйымынан мектепке бармаған

    Абай облысында кәмелетке толмаған үш баланың мектепке бармағаны анықталды. Олардың жасы 8 бен 13 аралығында, ал ата-анасы діни көзқарастарына байланысты балаларды білім алудан шектеген, деп хабарлайды Sona.kz ZTB.kz-ке сілтеме жасап.

    Прокуратура тексеріс жүргізіп, балалардың бірнеше жыл бойы білім беру жүйесінен тыс қалғанын анықтады. Қадағалаушы органның араласуынан кейін олардың білім деңгейі бағаланып, барлығы мектепке қабылданды.

    Тексеру нәтижесінде балалардың анасына әкімшілік жаза қолданылды, ал жағдайды уақытында байқамаған білім бөлімінің қызметкерлері тәртіптік жауапкершілікке тартылды.

    Сонымен қатар, прокуратура 9 жастағы дамуында кідірісі бар баланың жағдайын анықтады. Оған мүгедектік ресімделмегендіктен, қажетті білім беру қолдауы көрсетілмеген. Қазір бала медициналық тексеруден өтіп жатыр, содан кейін оқыту формасы белгіленеді.

    Прокуратура өкілдері балалардың білім алу құқығын қамтамасыз ету және осындай жағдайлардың алдын алу бағытындағы жұмыстың жалғасатынын атап өтті.

  • 2025 жылғы 20 қазаннан кейін жеке тұлғаларға арнайы техниканы Қазақстанға әкелуге тыйым салынады

    2025 жылғы 20 қазаннан кейін жеке тұлғаларға арнайы техниканы Қазақстанға әкелуге тыйым салынады

    2025 жылғы 20 қазаннан бастап жеке тұлғаларға Қазақстан аумағына арнайы техника әкелуге тыйым салынады, деп хабарлайды Sona.kz Kazinform агенттігіне сілтеме жасап.

    Өнеркәсіп комитеті төрағасының орынбасары Мұхамед Андаковтың айтуынша, бұл шектеу нарықтағы ашықтықты қамтамасыз ету және заңсыз импорттың алдын алу мақсатында енгізіліп отыр.

    Енді экскаватор, бульдозер, тиегіш және өзге де құрылыс, жол техникасын тек мемлекеттік тіркеуден және сертификаттаудан өткен заңды тұлғалар ғана әкеле алады.

    «Бұл шара ішкі нарықты қорғауға және елге әкелінетін техниканың қауіпсіздігін арттыруға бағытталған», — деді Андаков.

  • Зайсан ауданының әкімі дөрекі мінезі үшін кешірім сұрады, бірақ полиция әкімшілік жаза қолданды

    Зайсан ауданының әкімі дөрекі мінезі үшін кешірім сұрады, бірақ полиция әкімшілік жаза қолданды

    Шығыс Қазақстан облысы Зайсан ауданының әкімі Қуаныш Төлеухан тұрғындарға дөрекі сөйлеп, үстелді ұрған сәтінен кейін видео арқылы кешірім сұрады, деп хабарлайды Sona.kz HALYQSTAN басылымына сілтеме жасап.

    Бейнежазбада ол «жағдайдың шиеленісіп кеткенін» айтып, «эмоциясын ұстай алмағанын» мойындады және халықтан «түсіністікпен қарауды» өтінді.

    Дегенмен, полиция оны ұсақ бұзақылық бабымен әкімшілік жауапкершілікке тартты. Әкімге 20 АЕК (шамамен 80 мың теңге) көлемінде айыппұл немесе 5-тен 15 тәулікке дейін қамау жазасы қарастырылған.

    Облыс әкімдігі мұндай әрекеттердің мемлекеттік қызмет этикасына қайшы екенін атап өтіп, материалдарды Мемлекеттік қызмет істері агенттігінің Әдеп кеңесіне жолдаған.

  • Мәжіліс жаңа Құрылыс кодексінің жобасын бірінші оқылымда мақұлдады

    Мәжіліс жаңа Құрылыс кодексінің жобасын бірінші оқылымда мақұлдады

    Бүгін Мәжіліс депутаттары Құрылыс кодексінің жобасын және сәулет, қала құрылысы мен құрылыс саласындағы өзгерістерді бірінші оқылымда мақұлдады, — деп хабарлайды Sona.kz Kazinform агенттігіне сілтеме жасап.

    Жобаны Индустрия және құрылыс министрі Ерсаин Нағаспанов таныстырды. Оның айтуынша, құжаттың басты мақсаты – халық үшін қауіпсіз және қолжетімді орта қалыптастыру, оның ішінде мүмкіндігі шектеулі адамдарға жағдай жасау.

    Кодекс қоғамның қала құрылысы шешімдеріне қатысуын күшейтеді, мемлекеттік нормаларды үйлестіреді және техникалық комитеттердің жұмысын жетілдіреді. Сонымен қатар, құрылыс саласындағы заң бұзушылықтарға жедел ден қоюға мүмкіндік береді.

    Негізгі жаңалықтардың бірі – мамандарды сертификаттау, құрылыс нысандарының өмірлік циклі бойы ақпараттық модельдеу (BIM) технологиясын қолдану және нысандардың кепілдік мерзімін екі жылдан бес жылға дейін ұзарту. Бұл құрылыс сапасын арттыруға бағытталған.

    Сонымен қатар, 2026 жылғы 1 қаңтардан бастап Бірыңғай құрылыс порталы іске қосылады және әрбір нысанға бірегей нөмір беріледі.

    Жұмыс тобына бұл заң жобасы бойынша 1725 түзету енгізілді. Ал қосымша заң жобасы құрылыс қатынастарының құқықтық негізін нақтылап, саланың инвестициялық тартымдылығын арттыруға бағытталған.

  • Air Astana бас директоры Питер Фостер қызметінен кетеді

    Air Astana бас директоры Питер Фостер қызметінен кетеді

    Air Astana директорлар кеңесі компанияның бас директоры Питер Фостер 2026 жылдың наурызында өз лауазымынан және директорлар кеңесі құрамынан кететінін мәлімдеді, деп хабарлайды Sona.kz ZTB -ға  сілтеме жасап.

    Компанияның ресми ақпаратына сәйкес, Фостер өкілеттік мерзімі аяқталған соң Air Astana-мен аға кеңесші ретінде ынтымақтастықты жалғастырады.

    Питер Фостер Air Astana компаниясын 2005 жылдан бері басқарып келеді. Оның жетекшілігімен әуе компаниясы елдің басты әуе тасымалдаушысы ретінде нығайып, ұшақ паркін кеңейтіп, көптеген халықаралық бағыттарды іске қосты.

    Компания басшысы қызметіне қазіргі қаржы директоры Ибрахим Жанлыел тағайындалады. Ол 2003 жылдан бері Air Astana құрамында еңбек етіп, 2017 жылдан бері қаржы саласын басқарып келеді.

    Air Astana өкілдері басқару ауысуы кезеңінде компанияның тұрақтылығын және стратегиялық даму бағытын сақтауға ниетті екенін атап өтті.

  • Маңғыстауда қажылардың өліміне себепкер жүргізуші қамауға алынды

    Маңғыстауда қажылардың өліміне себепкер жүргізуші қамауға алынды

    Маңғыстау облысында бір ай бұрын болған қайғылы жол апатында 10 қажы қаза тапқан. Осы оқиғаға байланысты Toyota Hiace шағын автобусының жүргізушісі қамауға алынды, деп хабарлайды Sona.kz ZTB-ға сілтеме жасап.

    Тергеу мәліметінше, апат қыркүйек айында болған. Қажылар мінген көлік Сауд Арабиясынан Қазақстанға қайтып келе жатқанда трассада аударылып кеткен. 10 адам оқиға орнында көз жұмған, бірнеше адам ауыр жарақат алған.

    Жүргізуші де жарақат алып, біраз уақыт ауруханада емделді. Қазір ол тергеу изоляторына қамалды.

    Полиция тергеу жұмыстары жалғасып жатқанын мәлімдеді. Оқиғаның толық мән-жайын анықтау үшін автотехникалық және сот-медициналық сараптамалар тағайындалған.

    Бұл оқиға қоғамда үлкен резонанс туғызды. Әлеуметтік желілерде қазақстандықтар кінәлілерге қатаң жаза қолдануды талап етуде.

  • Педофилдерге түрмеден шығар алдындағы алты айда химиялық кастрация жасалады

    Педофилдерге түрмеден шығар алдындағы алты айда химиялық кастрация жасалады

    Қазақстанда кәмелетке толмағандарға қатысты жыныстық қылмыс жасаған сотталғандарға бостандыққа шығардан алты ай бұрын химиялық кастрация жасау тәртібі енгізілді, деп хабарлайды Sona.kz Денсаулық сақтау министрлігінің бұйрығына сілтеме жасап.

    2025 жылғы 1 қазанда бекітілген бұйрыққа сәйкес, бұл шара соттың шешімімен міндетті түрде жүргізіледі және қылмыстық-атқару жүйесінің мекемелерінде жүзеге асырылады.

    «Мұндай мәжбүрлі медициналық шара 18 жастан асқан және кәмелетке толмағандарға қатысты жыныстық қылмыс жасаған адамдарға қолданылады», — делінген құжатта.

    Бұйрық 2025 жылғы 17 қазаннан бастап күшіне енеді.