Sona.kz

Рубрика: Жаңалықтар

  • Алматыда оқушы қыздың қазасынан кейін қылмыстық іс қозғалды

    Алматыда оқушы қыздың қазасынан кейін қылмыстық іс қозғалды

    Алматыда 17 жастағы мектеп оқушысы қайтыс болды. Алдын ала деректер бойынша, қыз бала өз-өзіне қол жұмсауға жеке мектептегі қысым мен буллинг себеп болуы мүмкін, деп хабарлайды Sona.kz Kriminal Kazakhstan-ға сілтеме жасап.

    Әлеуметтік желідегі мәліметке сәйкес, марқұмның есімі – Жанель. Ол 11-сыныпқа өтуі тиіс болған. 2 қыркүйекте салтанатты жиынға өз стилінде келген қыз мектеп әкімшілігінің сынына ұшырады. Келесі күні оқудан шығарылып, 3 қыркүйекте көпқабатты үйдің төбесінен секіріп кеткен.

    TikTok пен Instagram-дағы жазбаларда жанжалға мұғалімдер мен кейбір ата-аналардың қатысы болуы мүмкін екені айтылады. Қыздың сырт келбетіне байланысты сөзбен қорлау, тіпті күш қолдану фактілері айтылуда.

    Қайғылы оқиғадан кейін әлеуметтік желілерде әділдік талап еткен акция басталды. Қолданушылар мектеп туралы теріс пікірлер қалдыруда.

    Алматы қалалық полиция департаменті оқушының қазасын растады. Медеу аудандық полиция басқармасы ҚР ҚК «Өзiн-өзi өлтiруге дейiн жеткiзу» бабымен қылмыстық іс қозғалғанын мәлімдеді. Қайғылы жағдайдың себептері анықталып жатыр.

  • Жанабылов сотта ұтыс ойынының қалай өткенін түсіндірді

    Жанабылов сотта ұтыс ойынының қалай өткенін түсіндірді

    Астанада блогер Ерболат Жанабыловтың ісі бойынша сот отырысы жалғасып жатыр. Кезекті тыңдауда ол ұтыс ойынының қалай ұйымдастырылғанын және жүлделерге ақша қайдан түскенін баяндады, деп хабарлайды Sona.kz Tengrinews.kz-ке сілтеме жасап.

    Жанабыловтың сөзінше, жеңімпаздар «бақыт барабаны» бағдарламасы арқылы анықталған. Әлеуметтік желілерде тек барабанның макеті көрсетіліп, ол визуализация үшін қолданылған.

    «Бұл жай ғана макет. Адамдарға көрсетіп, “барабан удачи” деп аталды. Ал шын мәнінде бағдарлама арқылы айналды», — деді ол.

    Блогер аталған бағдарламаның ресми тіркелген-тіркелмегенін білмейтінін айтты.

    Қаржыландыру Zhana Business ЖШС-нен оның «ЭЛЁР» ЖК-не аударылған. Кейін ол қаражатты жеке картасына түсіріп, жеңімпаздарға жіберген. Ал егер сыйлық техника болса, оны «Қазпошта» арқылы жолдаған немесе Астанада қолма-қол табыстаған.

    Сонымен қатар ол жұбайы Эльмира Толегенова оған иелік ететін Zhana Business компаниясының жарнамасы үшін айына шамамен 1 млн теңге төлегенін айтты.

    Қорғаушысы Олег Чернов сот процесіне прокурорды тартуды сұрады. Оның айтуынша, бұл процестегі құқық бұзушылықтардың алдын алуға көмектеседі. Судья Малика Ногайбекова істі 15 қыркүйекке шегерді.

    Бұған дейін Жанабыловтың жұбайы сот залынан шығарылғаны хабарланған. Кейін ол қайта шақырылса да, куәлік беруден бас тартқан.

  • Алматы облысында 16 жастағы қызды азаптаған екі әйел ұсталды

    Алматы облысында 16 жастағы қызды азаптаған екі әйел ұсталды

    лматы облысында кәмелетке толмаған қызды азаптау ісіне қатысты екі әйел ұсталды, деп хабарлайды Sona.kz облыстық полиция департаментіне сілтеме жасап.

    Тергеу деректеріне сәйкес, жанжал қыздың ЖОО-ға түсу мәселелері бойынша ер адаммен сөйлесуінен басталған. Кейін ол ер адамның “қалыңдығы” екенін айтқан әйел хабарласып, қызды кездесу үшін шақырған.

    Күдіктілер қызды елсіз жерге апарып, ұрып-соғып, темекімен денесін күйдіріп, суға батырып, болған жағдайды видеоға түсірген. Сондай-ақ оны қорлайтын әрекеттерге мәжбүрлеген.

    Қыз болған оқиғаны біраз уақыт жасырып келген, кейін анасына айтып берген. Анасы дереу полицияға арыз жазған.

    1996 жылы туған екі күдікті уақытша ұстау изоляторына қамалды. Дереккөздерге сүйенсек, олардың бірі ауылдық округ әкімдігі аппаратында оператор қызметін атқарады. Бұл ақпаратты растау үшін әкімдікке ресми сұрау жолданды.

  • «Қазпошта» Қытаймен бірге маркетплейс іске қосады

    «Қазпошта» Қытаймен бірге маркетплейс іске қосады

    «Қазпошта» АҚ электрондық коммерция мен цифрлық технологиялар саласындағы Қытайдың жетекші компанияларымен екі стратегиялық келісімге қол қойды.

    Жоспарға сәйкес, Қазақстанда трансшекаралық маркетплейс іске қосылады. Платформа JD.com International сынды ірі қытайлық ритейлерлердің жеткізу тізбегін пайдаланып, тауарларды тікелей Қытай фабрикаларынан жеткізуге мүмкіндік береді. Жобаны 2025 жылдың IV тоқсанында іске қосу көзделген.

    Президент тапсырмасына сәйкес, трансшекаралық сауданы дамыту үшін «Қазпошта» 2025 жылдың 14 тамызында China Poly Group (CITIC Poly Fund) компаниясымен бірлескен кәсіпорын құрды.

    Жоба аясында шағын және орта бизнеске халықаралық нарыққа шығуға және тиімділігін арттыруға көмектесетін жаңа цифрлық шешімдер енгізіледі.

    Сонымен қатар, Alipay Labs және Whale Cloud Technology компанияларымен келісім жасалды. Ол трансшекаралық саудаға арналған ашық цифрлық экожүйені дамытуға бағытталған. Бұл платформа 2026 жылы іске қосылады.

    Әлемдегі ең ірі төлем жүйелерінің бірі — Alipay, онлайн және оффлайн төлемдерді бірыңғай экожүйеге біріктіру мүмкіндігін ұсынады.

    «Трансшекаралық электрондық сауданы дамыту және бизнеске арналған заманауи сервистер құру — «Қазпоштаның» стратегиялық міндеті. Қытайлық серіктестердің қолдауын жоғары бағалаймыз және бұл жобалар ұзақ мерзімді әріптестіктің негізіне айналады деп сенеміз», — деді «Қазпошта» АҚ басқарма төрағасы Бекежан Жәкеев.

  • Перизат Қайраттың мүлкі аукционға шығарылады

    Перизат Қайраттың мүлкі аукционға шығарылады

    Қоғам белсендісі Перизат Қайраттың тәркіленген мүлкі аукцион арқылы сатылып, одан түскен қаражат жәбірленушілерге өтемақы ретінде бағытталады. Бұл туралы Қаржылық мониторинг агенттігі төрағасының орынбасары Жеңіс Елемесов мәлімдеді, деп хабарлайды Sona.kz Tengrinews.kz-ке сілтеме жасап.

    Сот үкімімен тәркіленген мүлік тізімі:
    • жеке тұрғын үй;
    • Астанадағы төрт пәтер;
    • люкс санатындағы автокөліктер.

    «Бұл қаражат есебінен жәбірленуші тарапқа өтемақы төленеді», – деді Елемесов.

    Еске салайық, 25 шілде күні Астанада Перизат Қайрат пен анасы Ғайни Алашбаеваға қатысты сот үкімі шықты. Олар қайырымдылық қоры арқылы жиналған қаражатты жымқырды деп танылып, мүлкі тәркіленіп, келтірілген зиянды өтеуге міндеттелді.

  • Алматылық «Манхэттен» күткен жайлы үй емес болып шықты.

    Алматылық «Манхэттен» күткен жайлы үй емес болып шықты.

    Прокуратура мен полиция екі ай бойы кешенді тексеріп, мыңға жуық заңбұзушылық анықтады.

    Әр пәтер бойынша досье толтырылған: меншік иесі, жалға алушы, тіркелген қару, бұрынғы құқықбұзушылықтар – бәрі жазылды.

    Не шықты?
    • 120-дан аса көші-қон заңын бұзу,
    • 100-ге жуық бұзақылық,
    • 114 заңсыз жалға беру,
    • «боди-массаж» көрсеткен пәтерлер,
    • ПДЕБ бұзушылықтары мен заңсыз алкоголь саудасы.

    Барлық материал тиісті органдарға жіберілді. «Манхэттен» енді қатаң бақылауда.

  • Шенеуніктер Жанабыловтың курсын өздері сатып алған

    Шенеуніктер Жанабыловтың курсын өздері сатып алған

    Астанада автокөлік ұтысына байланысты айыпталып жатқан блогер Ерболат Жанабылов ісінде жаңа жайт белгілі болды. Сотта Комитет өкілдері блогердің курсын өздері сатып алғанын айтты. Бұл туралы Sona.kz Tengrinews.kz-ке сілтеме жасап хабарлайды.

    «Біз өзіміз бұл курсты сатып алдық. Онда Қытайдан тауар сатып алуға мүмкіндік беретін маркетплейстермен жұмыс істеу тәсілдері мен дағдылары түсіндірілген тоғыз бейнеролик бар», — деді комитет өкілі.

    Судья курстың ресми сипатта ма екенін сұрағанда, өкіл «иә» деп жауап берді.

    Осылайша, тексеріс тек автокөлік ұтысына ғана емес, блогердің оқыту материалдарына да қатысты жүргізіліп жатыр. Ал Ерболат Жанабылов өз кінәсін мойындамай, жұмысының заңға қайшы еместігін алға тартуда.

  • Блогер Ерболат Жанабыловқа автокөлік ұтысына байланысты сот ісі жүріп жатыр

    Блогер Ерболат Жанабыловқа автокөлік ұтысына байланысты сот ісі жүріп жатыр

    Астанада блогер Ерболат Жанабыловқа қатысты сот процесі басталды. Ол әлеуметтік желіде 10 автокөлік ұтысын ұйымдастырғаны үшін әкімшілік жауапкершілікке тартылып отыр, деп хабарлайды Sona.kz Kazinform-ға сілтеме жасап.

    Іс Әкімшілік құқық бұзушылықтар жөніндегі мамандандырылған ауданаралық сотта қаралуда. Ашық форматтағы процеске блогердің өзі адвокатымен, сондай-ақ Туризм және спорт министрлігінің тиісті комитетінің өкілдері мен журналистер қатысты.

    Жанабылов әлеуметтік желілерде 10 автокөлікті ойнататынын жариялаған. Кейін Комитетке азамат С. тарапынан өтініш түсіп, аталған ұтыс ойындарының заңнамаға сәйкестігіне қатысты тексеріс басталды.

    26 тамызда блогерге қатысты ӘҚБтК-нің 445-1-бабы, 6-бөлігі бойынша әкімшілік құқық бұзушылық туралы хаттама толтырылды

    Сонымен бірге, блогердің жұбайы Эльмира Толегенованың «elt6i» аккаунты арқылы ұйымдастырған әрекеттеріне қатысты тексеріс жалғасып жатыр. Бұл бойынша Комитет жеке шешім қабылдайды.

    Бұған дейін Туризм және спорт министрі Ерболат Жанабылов ісіне қатысты түсініктеме берген. Министрдің айтуынша, мұндай ұтыс ойындары лотерея қызметін реттейтін заң нормаларына қайшы келуі мүмкін.

    Сот шешімі алдағы уақытта жарияланады. Егер блогердің кінәсі дәлелденсе, оған айыппұл салынуы немесе басқа әкімшілік шара қолданылуы мүмкін.

  • Үкімет бюджет шығындарын қысқартады

    Үкімет бюджет шығындарын қысқартады

    Қазақстан үкіметі басым емес шығындарды азайтып, қаржыны маңызды бағыттарға жұмсамақ. Бұл туралы премьер-министр Олжас Бектенов AMANAT партиясы фракциясының кеңейтілген жиынында мәлімдеді, деп хабарлайды Sona.kz Orda.kz-ке сілтеме жасап.

    Оның айтуынша, 2025 жылғы бюджет жобасын қалыптастыру кезінде әкімшілерден 34 трлн теңгеге өтінім түскен. Алайда соның 25,7 трлн теңгесі ғана мақұлданып, 8 трлн теңгеден астамы бюджетке енбеген.

    «Экономикалық тиімділігі жоқ шығындарды қысқартып жатырмыз. Әлеуметтік қолдау жүйесін цифрландыру мен оңтайландырудың арқасында тиімсіз шығындарды айтарлықтай азайттық», — деді премьер-министр.

    Сонымен қатар, Бектенов нақты мұқтаж азаматтарға көмектің қысқармайтынын атап өтті. Тәртіп орнату үшін Отбасының цифрлық картасы енгізілді. Ол халықты алты санатқа бөлді. Соңғы, алтыншы санатқа тұрғын үйі, көлігі мен жұмысы бар, бірақ мемлекеттен әлеуметтік көмек алып отырған азаматтар кірген.

    Қазіргі уақытта скорингтік жүйе Қарағанды мен Шымкентте пилоттық режимде іске асырылып жатыр. Кейін бұл жоба барлық өңірлерге енгізілмек.

    Оңтайландыру нәтижесінде 2024–2025 жылдары шамамен 290 млрд теңге үнемделді. Ал 2026 жылы тағы кемінде 165 млрд теңге үнемдеу жоспарланған.

    «Бұрын кей өңірлерде бір баланың бір күнде 10 үйірмеге барғаны туралы есептер болған. Мұның бәрі жасанды көрсеткіштер. Қазір тәртіп орнатылғаннан кейін осындай үнем пайда болды», — деді Олжас Бектенов.

  • Конор Макгрегор Ирландия президенттігіне түспек

    Конор Макгрегор Ирландия президенттігіне түспек

    UFC-дің бұрынғы қос чемпионы Конор Макгрегор Ирландия президенттігіне кандидат болатынын мәлімдеді, деп хабарлайды Sona.kz Tengrinews.kz-ке сілтеме жасап.

    Спортшы бұл туралы әлеуметтік желіде жарияланған бейнеүндеуінде айтты. Ол мәлімдемесін Ирландия премьер-министрі кеңсесінің алдында жасап, халыққа тікелей жүгінді.

    «Президент болған жағдайда, халық талқыламаған бірде-бір заңға қол қоймаймын. Егер бюллетеньде менің атымды көргіңіз келсе, жергілікті кеңес мүшелеріне хабарласып, менің кандидатураымды ұсынуды талап етіңіздер», — деді Макгрегор.

    Оның айтуынша, елде үкімет 200 күннен астам уақыт бойы толық құрылмаған. Бұл жағдай қауіпсіздікке, халықтың тұрмыс сапасына және жалпы әлеуметтік көңіл-күйге кері әсер еткен.

    Макгрегор баспанасыз балалар санының өсуіне ерекше назар аударып, оны биліктің балаларды қорғау жөніндегі міндеттемелерін орындамай отырғанының айғағы деп атады. Сондай-ақ ол мигранттар легінің артуын, туризмнің азаюын және көше қылмыстарының өсуін сынға алды.

    Ирландиядағы президент сайлауы 2025 жылдың 24 қазанында өтеді. Қазіргі мемлекет басшысы Майкл Д. Хиггинстің өкілеттігі 11 қарашада аяқталады. Заңға сәйкес сайлау осы күнге дейінгі 60 күн ішінде өтуі тиіс.

    Кандидаттарды ұсыну 5 қыркүйектен 24 қыркүйекке дейін жалғасады. Дауыс беру құқығына 18 жасқа толған және елде тіркелген азаматтар ие.