Sona.kz

Рубрика: Жаңалықтар

  • 1,7 млрд теңге жезөкшелік арқылы табылған: Қазақстанда адам саудасымен айналысқан топ ұсталды

    1,7 млрд теңге жезөкшелік арқылы табылған: Қазақстанда адам саудасымен айналысқан топ ұсталды

    Қазақстанда сексуалдық мақсатта адам саудасымен айналысқан екі ұйымдасқан қылмыстық топтың әрекеті әшкереленді, — деп хабарлайды Sona.kz Zakon.kz-ке сілтеме жасап.

    Ішкі істер министрлігінің мәліметінше, тергеу кезінде қылмыстық топтар интернет-ресурстар арқылы сексуалдық қызметтерді жарнамалап, тұрақты түрде пайда тауып отырған. 2024 жылдың басынан бері айналымы 1,7 млрд теңгеден асқан. Тәуліктік табыс көлемі 1,5 млн теңгеге дейін жеткен.

    Тінту барысында ірі көлемдегі ақша, банк карталары, көліктер мен электронды құрылғылар тәркіленді. Негізгі күдіктілер мен олардың сыбайластары қамауға алынды.

  • Шавкат Рахмоновтың жұбайы мен ұлы Жамбылдағы апаттан зардап шекті — дәрігерлер жағдайын айтты

    Шавкат Рахмоновтың жұбайы мен ұлы Жамбылдағы апаттан зардап шекті — дәрігерлер жағдайын айтты

    UFC жұлдызы Шавкат Рахмоновтың әйелі мен баласы Жамбыл облысындағы жол апатынан кейін ауруханаға түсті, деп хабарлайды Sona.kz Жамбыл облыстық денсаулық сақтау басқармасына сілтеме жасап.

    Мамандардың айтуынша, олардың жағдайы – орташа ауыр. Алдын ала диагноз – жабық бас-ми жарақаты, ми соғылуы.

    Еске салайық, бұған дейін әлеуметтік желіде бұл апатта екі адам қаза тауып, тағы екі адам жараланғаны туралы ақпарат тарады. Куәгерлер апат кезінде көлікті Рахмоновтың жұбайы басқарғанын жазған. Алайда полиция ресми түрде бұл мәліметті растаған жоқ. Қазір қылмыстық іс қозғалып, тергеу жүріп жатыр.

  • Қазақстанда жаңа форматтағы әскер: SARBAZ+ жобасы іске қосылады

    Қазақстанда жаңа форматтағы әскер: SARBAZ+ жобасы іске қосылады

    Күзде Қазақстанда мерзімді әскери қызметтің жаңа форматы – SARBAZ+ пилоттық жобасы іске қосылады. Бұл туралы ҚР Қорғаныс министрлігі ресми мәлімдеді.

    Алматы облысындағы Әуе қорғаныс күштерінің 78460 әскери бөлімінде 150 сарбаз жаңа модель бойынша қызметін бастайды. Жоба мақсаты – сарбаздардың жеке және кәсіби әлеуетін дамыту, қызмет жағдайын жақсарту және әскери өмірге цифрлық шешімдерді енгізу.

    SARBAZ+ аясында:
    • Әр сарбазға фитнес-браслет беріліп, денсаулық жағдайы онлайн бақыланады;
    • IT, телекоммуникация, БПЛА және радиобайланыс салаларында оқыту ұйымдастырылады;
    • Қызмет соңында қатысушылар сертификат алып, оны жұмысқа орналасуда қолдана алады;
    • Қазақ және ағылшын тілі, сондай-ақ эмоциялық қолдау бойынша сабақтар өтеді;
    • Офицерлер мен сержанттар CCNA Cisco сияқты халықаралық бағдарламалар бойынша біліктілігін арттырады.

    Жобаға қатысу үшін арнайы веб-платформа әзірленген. Үміткерлер онлайн тіркеліп, комиссия қарауынан өтеді. Жоба сәтті жүзеге асса, оны еліміздің өзге әскери бөлімдеріне енгізу жоспарланып отыр.

  • Шымкент әкімінің орынбасарына қастандық: атышулы іс бойынша сот басталды

    Шымкент әкімінің орынбасарына қастандық: атышулы іс бойынша сот басталды

    Шымкентте қала әкімінің орынбасары Руслан Берденовке жасалған қастандық дерегі бойынша сот процесі басталды. Істі мамандандырылған ауданаралық қылмыстық істер жөніндегі сот қарап жатыр. Қылмыстық іс бойынша басты күдікті — Ернар Жиенбай. Оған Қылмыстық кодекстің 99-бабы 1-бөлігі («Адам өлтіру») және 24-бабы 3-бөлігі («Қылмысқа оқталу») бойынша айып тағылып отыр.

    Сот процесінің алғашқы – алдын ала тыңдалым кезеңі ашық түрде өтіп жатыр, дегенмен судья Абинур Карабаевтың айтуынша, тараптардың келісімімен айыпталушының түрін бейнежазбаға түсіруге тыйым салынған. Бұл – сотта жиі кездесетін тәжірибе, егер айыпталушы өзінің жеке басының түсірілуіне қарсы болса, оның құқығы ескеріледі.

    Еске салайық, атышулы оқиға 2024 жылдың соңында қоғамда үлкен резонанс тудырған болатын. Қала әкімінің орынбасарына қатысты қылмыстық әрекет — елдегі мемлекеттік қызметкерлерге төнетін қауіпсіздік мәселелерін тағы да күн тәртібіне шығарған.

    Қазіргі таңда сот процесі жалғасып жатыр. Қылмыстық іс материалдарына қатысты қосымша деректер мен куәгерлердің айғақтары алдағы отырыстарда жария етілмек.

  • ️Алматы облысында парапланмен ұшқан әйел шатқалға құлап кетті

    ️Алматы облысында парапланмен ұшқан әйел шатқалға құлап кетті

    Қаскелең шатқалында парапланмен ұшқан 1985 жылы туған әйел апатқа ұшырады, деп хабарлайды Sona.kz тілшісі Azattyq Rýhy-на сілтеме жасап.

    Оқиға орнына дереу жеткен Республикалық жедел-құтқару жасағы (РЖҚЖ) құтқару жұмыстарын жүргізіп, зардап шеккен азаматшаны тау бөктерінен түсіріп алды. Кейін ол 500 метр қашықтықта күтіп тұрған жедел жәрдем қызметіне табысталды.

    Қазіргі таңда әйелдің жағдайы нақтыланып жатыр.

  • ️Перизат Қайрат қайтаруы тиіс 1,5 млрд теңге қалай өтеледі — адвокаты түсіндірді

    ️Перизат Қайрат қайтаруы тиіс 1,5 млрд теңге қалай өтеледі — адвокаты түсіндірді

    Перизат Қайраттың адвокаты Асланбек Даулетьяров келтірілген материалдық шығын қалай өтелетініне қатысты пікір білдірді. Бұл туралы Sona.kz Kazinform-қа сілтеме жасап хабарлайды.

    «Төрт көлік, төрт пәтер және бір жеке үй тәркіленді. Бағалау бойынша, олардың жалпы құны шамамен 1 миллиард теңгені құрайды», — деді қорғаушы.

    Оның айтуынша, бұл мүлік сатылымға шығарылып, залалдың бір бөлігі өтеледі.

    Еске сала кетейік, сот Перизат Қайрат пен оның анасы Гайни Алашбаеваны 1,5 млрд теңге көлеміндегі 50 азаматтық талап-арыз бойынша шығынды өтеуге міндеттеген болатын.

  • Перизат Қайратқа қатысты сот: 10 жыл жаза, 1,5 млрд теңге өтемақы және мүлікті тәркілеу

    Перизат Қайратқа қатысты сот: 10 жыл жаза, 1,5 млрд теңге өтемақы және мүлікті тәркілеу

    Астанадағы қалалық сот қоғам назарын аударған Перизат Қайрат пен оның анасы Гайни Алашбаеваға қатысты қылмыстық іс бойынша үкім шығарды, деп хабарлайды Sona.kz тілшісі.

    Сот үкімі бойынша:
    – Перизат Қайрат 10 жылға бас бостандығынан айырылды
    – Анасы Гайни Алашбаева 7 жылға сотталды
    – Екеуінен бірігіп 1,5 миллиард теңге өндірілетін болды. Бұл сома 50 азаматтық талап арызды қанағаттандыру үшін белгіленген

    Тәркіленетін мүлік:
    – Элиталы тұрғын үйлердегі пәтерлер мен паркинг орындары:
    • Akbulak Riviera, Sensata Plaza, Highvill Ishim Gold, «Көк Жайлау»
    – Қымбат автокөліктер:
    • Mercedes-Benz S450, Lexus LX 600, Mercedes-Benz EQE, Haval H6 GT
    – Rebel Flowers гүл бизнесіндегі 100% үлесі
    – 97 млн теңге және 22 000 АҚШ доллары

    Адвокат Асланбек Дәулетияровтың мәлімдемесі:
    Сот үкімі шықпас бұрын адвокат Перизат Қайратты кінәсіз деп санайтынын айтып, оның қайырымдылық қызметі шынайы болғанын және айыптауға нақты дәлелдер ұсынылмағанын алға тартты.

    Іс барысындағы детальдар:
    – Сот процесі бірнеше рет жабық режимге ауыстырылды
    – Сотта жәбірленуші тараптар анасы Гайни Алашбаеваны да толық жауапқа тартуды талап етті
    – Мемлекеттік айыптаушы Перизат Қайратқа 10 жыл, ал анасына 8 жыл сұраған болатын

    Бұл үкіммен қоғамда резонанс тудырған іс бойынша нүкте қойылды. Енді үкім заңды күшіне ену үшін апелляциялық сатыдан өтуі мүмкін.

  • 360 млн-ға интернет, бірақ мұғалімдер өз қалтасынан төледі: СҚО-дағы білім

    360 млн-ға интернет, бірақ мұғалімдер өз қалтасынан төледі: СҚО-дағы білім

    Солтүстік Қазақстан облысының шалғай ауылдарында интернет әлі күнге дейін үлкен мәселе болып отыр. Мәселен, Ақжар ауданындағы Горький орта мектебінде желі жылдамдығы төмен болғаны соншалық, мұғалімдер оқу үдерісін жүргізу үшін роутерге өз қалтасынан ақша шығарып келген. Деп хабарлайды Sona.kz, Azattyq Rýhy мәліметіне сілтеме жасап

    Солтүстік Қазақстан облысының шалғай ауылдарында интернет әлі күнге дейін үлкен мәселе болып отыр. Мәселен, Ақжар ауданындағы Горький орта мектебінде желі жылдамдығы төмен болғаны соншалық, мұғалімдер оқу үдерісін жүргізу үшін роутерге өз қалтасынан ақша шығарып келген.

    Алайда бұл уақытта облыстың 8 аудандық білім бөлімі интернет жүргізуге 360 миллион теңгеден астам қаржыға тендер өткізіп, шарттар бекіткен. Бұл фактілерді СҚО прокуратурасы анықтап, заң бұзушылықтарға жол берілгенін мәлімдеді.

    «Цифрландыруға бөлінген бюджет қаражаты негізсіз жұмсалған. Ақжар, Айыртау, Есіл, Мамлют, Тайынша, Уәлиханов, Ғ.Мүсірепов және Шал ақын аудандарының білім бөлімдері мектептерге интернет тарту үшін қымбат келісімшарттар жасасқан. Бірақ соған қарамастан, мұғалімдер өздері төлеуге мәжбүр болған», — делінген прокурорлар таратқан хабарламада.

    Прокуратура араласқаннан кейін тендердің құны 75,8 млн теңгеге қысқартылып, бірнеше лауазымды тұлға тәртіптік жауапкершілікке тартылған.

    Мемлекеттік сатып алу ережесін бұзған шенеуніктердің әрекеті қоғамда резонанс тудырып отыр. СҚО прокуратурасы білім саласындағы осындай қаржылық заңбұзушылықтарды болдырмау үшін тексерулерді жалғастыратынын жеткізді.

  • Тайланд 14 азаматының Камбоджамен шекарадағы қақтығыста қаза тапқанын растады

    Тайланд 14 азаматының Камбоджамен шекарадағы қақтығыста қаза тапқанын растады

    25 шілде, жұма күні таңертең Тайланд пен Камбоджа шекарасында қайтадан артиллериялық атыстардың дыбысы естілді. Бұл туралы Таиландтың Ұлттық телерадиохабар тарату қызметі хабарлады.

    Тайланд Денсаулық сақтау министрлігінің өкілі мәлім еткендей, жергілікті уақытпен бейсенбі, 21:00-дегі жағдай бойынша шекара маңындағы әскери қақтығыстар салдарынан 14 тай азаматы қаза тауып, тағы 46 адам жараланған.

    Билік халықты шекара маңындағы аудандарға барудан бас тартуға шақырып отыр.

    Еске салайық, 23 шілдеде шекара маңында мина жарылып, бірнеше тай сарбазы жараланған болатын. 24 шілдеде екі елдің шекарашылары арасында атыс болып, бейбіт тұрғындар арасында да құрбандар тіркелді.

    Камбоджа БҰҰ-ны шұғыл отырыс өткізуге шақырды.

  • Қазақстан трассаларында QR-кодпен жабдықталған дәретханалар орнатылады

    Қазақстан трассаларында QR-кодпен жабдықталған дәретханалар орнатылады

    Елімізде республикалық маңызы бар автожолдар бойындағы санитарлық аймақтарды жаңарту жұмыстары жүріп жатыр. Бұл туралы Sona.kz хабарлайды «ҚазАвтоЖол» Ұлттық компаниясы-на сілтеме жасап.

    Компания төрағасы Дархан Иманашевтың айтуынша, ел аумағында 888 жаңа дәретхана орнатылған. Оның ішінде 744-і жылусыз, 144-і жылыту жүйесімен жабдықталған. Жобаның мақсаты – трассалар бойында заманауи санитарлық жағдай жасау.

    •  QR-код пен шағым жүйесі енгізіледі
      Енді әр дәретханаға жеке нөмір мен QR-код беріледі. Жолаушылар кодты сканерлеп, арнайы чат арқылы шағым қалдыра алады. Егер дәретхана жалға берілген болса, шағым негізді деп танылса – жалдаушы жауапкершілікке тартылады.
    • Жылы дәретханалар – тиімді инфрақұрылыммен ғана
      Алайда жылы санитарлық тораптарды барлық трасса бойына орнату әзірге мүмкін емес. Себебі оларды күтіп ұстау айына шамамен 700 мың теңгеге дейін шығынды қажет етеді. Қашықтағы нүктелерге қызмет көрсету – экономикалық тұрғыдан тиімсіз.

    Жаңа нысандар қай өңірлерде пайда болды?
    2025 жылы Семей, Қызылорда, Қарағанды облысы, Алматы – Қорғас бағыты мен туристік нүктелерде санитарлық нысандар іске қосылды. Келесі кезеңде оңтүстік және шалғай өңірлерде осындай жобалар жалғасады.