Sona.kz

Рубрика: Жаңалықтар

  • Көшпенділер қалашығына жол салынады

    Көшпенділер қалашығына жол салынады

    «Былтыр Көшпенділер қалашығына жол салу үшін жобалық-сметалық құжаттары әзірленді. Мемлекеттік сараптаманың оң қорытындысы алынған жағдайда бюджеттік өтінім беріліп, құрылысқа ақша бөлу мәселесі қарастырылады», – деді бөлім басшысы.

    Сонымен қатар Бағдат Алиев былтырғы жылғы атқарылған жұмыстармен бөлісті.
    Жолаушылар тасымалы бойынша:
    • 9 маршрут бойынша 28 дана қоғамдық көлік қатынауда. Оның 2-уі былтыр сатып алынды. Биыл автобус паркі жаңа 5 көлікпен толықтырылады деп жоспарланған;
    • Әлеуметтік маңызы бар маршруттарды субсидиялауға 2024 жылы Қонаев қаласына 602,2 млн. теңге бөлінді. Биылға келісімшарт қаңтар айында жасалады.

  • Қонаевта мұз айдыны ашылды

    Қонаевта мұз айдыны ашылды

    Нысанның ашылуына орай, балалар арасында эстафета ұйымдастырылды.

    «Мұз айдынының ашылуына қош келдіңіздер. Бұл нысан бұқаралық спортты дамыту, сондай-ақ тұрғындардың ойын-сауық құру орталығын жасау бағытында ашылды. Жарысқа қатысушыларға сәттілік тілейміз!» – деді қала әкімінің орынбасары Төлеген Кенжебеков.

    Эстафета нәтижесінде ІІІ орынды №3 орта мектебі, ІІ орынды Ш.Уәлиханов атындағы №2 мектеп гимназиясы, І орынды №2 орта мектебі иеленді.

    Айта кетейік, мұз айдынына өз конькиі барларға кіру – тегін, конькиді жалға алуға болады. Мұнда бір уақытта 50-60 адам коньки тебе алады.

    Алдағы уақытта №5 жағажайдан да мұз айдынын ашу жоспарлануда.

    Сонымен қатар ірі инвестжобаның шеңберінде ASP аренада мұз айдыны ашылады. Онда 16-18 қаңтар аралығында қысқы дрифт шоу өтеді. Нысанның аумағы Медеу мұз айдынынан да үлкен, 20600 шаршы метрді құрайды. Билеттерді @wads.kz парақшасынан сатып алуға болады.

  • Елімізде туу туралы куәлікті ХҚКО-ға бармай-ақ алуға болады

    Елімізде туу туралы куәлікті ХҚКО-ға бармай-ақ алуға болады

    2025 жылы Цифрлық даму, инновациялар және аэроғарыш өнеркәсібі министрлігімен бірлесіп «Kaspi Bank» АҚ постаматтары арқылы азаматтарға туу туралы куәлікті жеткізу бойынша пилоттық жобаны іске қосуды жоспарлап отыр.

    Үкіметтің баспасөз қызметі мәлім еткендей, бұл ХҚКО-ға бармай-ақ туу туралы куәлік алуға мүмкіндік береді.Атап айтқанда, АХАТ органдары берген электронды құжаттар бойынша – туу, қайтыс болу, неке қию және некені бұзу туралы куәліктер мен анықтамалар бойынша электрондық апостильді қолдануды дамыту жоспарланып отыр.

    Жаңа өзгерістер азаматтарға аталған құжаттарды алуға және оларға бір өтініш шеңберінде апостиль қоюға мүмкіндік береді. Бұл қызметке 2025 жылдың төртінші тоқсанында қол жеткізілетін болады.

    Сондай-ақ заң көмегін көрсету саласында Әділет министрлігі 2025 жылы Атқарушылық жазба жасау жөніндегі пилоттық жобаны іске қосуды жоспарлап отыр. Ол «Бірыңғай нотариаттық ақпараттық жүйе» ақпараттық жүйесіне талаптардың даусыз екендігі және борышты тану, борышкердің жеке кабинеті арқылы қарсылық беру туралы растайтын құжаттарды салуды, сондай-ақ нотариустың борышкердің (жеке немесе заңды тұлға) тіркелген жері бойынша ғана атқарушылық жазба жасауын көздейді.

    Бұл бастамалар мемлекеттік қызметтерді цифрландыру деңгейін арттыруға, бюрократиялық рәсімдерді қысқартуға және азаматтарға қызмет көрсету сапасын жақсартуға бағытталған.

  • Алматыда дизельмен жүретін автобустарға тыйым салынды

    Алматыда дизельмен жүретін автобустарға тыйым салынды

    Экология және табиғи ресурстар министрлігінің дерегіне сүйенсек, елдегі 15 қаладағы ауаның ластану деңгейі жоғары. Бұл тізімде Алматы және Қарағанды қалалары көш бастап тұр.

    Үкімет ауаны тазарту үшін “жасыл энергетиканы” дамытуға күш салып отыр. Жалпы қандай жұмыс жүріп жатыр?

    Елдегі 45 қаланың ішінде 8 шаһардағы ауаның сапасы өте төмен. Бұл туралы Экология және табиғи ресурстар министрлігінде хабарлады. Олардың қатарында үш мегаполис – Алматы, Астана мен Шымкент бар. Сонымен қатар Қарағанды, Теміртау, Атырау, Ақтөбе мен Өскемен де осы тізімнен ойып тұрып орын алды. Бұлардың барлығы өндірісті қалалар екені белгілі. Ауаның ластануына жылу электр орталықтары мен кәсіпорындар әсер етеді. Дегенмен автокөліктердің де үлесі жоғары.

    Мәселен, Алматыда түтіннің 60 пайызы көліктерге тиесілі. Ал 27 пайызын өнеркәсіп шығарады. Көліктердің зиянын азайту мақсатында дизельмен жүретін автобустарды сатып алуға тыйым салынды. Енді жылу қазандықтары да газға көшірілмек.

    – Бүгінде мегаполисте ауаға тарайтын түтін көлемі 225 мың тоннадан асып отыр. Қазір жылу-электр орталығын жаңғырту жұмыстары жүріп жатыр. Нәтижесінде, ауаға тарайтын зиянды заттар көлемі 93 пайызға, яғни 37,3 мың тоннадан 2,7 мың тоннаға дейін төмендейді. 2026 жылы жылу көзін көмірден газға ауыстыру жоспары бар. Сондай-ақ жеке тұрғын үй секторын газбен қамтуға ерекше назар аударылуда. Бүгінгі таңда үйлердің 99,4 пайызына тиісті инфрақұрылым тартылды, – деді Алматы қаласының әкімі Ерболат Досаев.

  • Назарбаевтың денсаулығы мемлекеттік құпия болады

    Назарбаевтың денсаулығы мемлекеттік құпия болады

    Қазақстан президенті Қасым-Жомарт Тоқаев мемлекет басшысының денсаулығы мен жеке өмірі туралы ақпараттарды құпия етіп ұстау туралы заңға түзетулер енгізді. 

    Мемлекет басшысы «Қазақстан Республикасының кейбір заңнамалық актілеріне Мемлекеттік білім беру жинақтау жүйесі, ақпарат, қоғамдық даму, мәдениет және архив ісі салаларында артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» заңға қол қойды.

    Оның ішінде мемлекеттік құпиялар туралы заңдарға біршама өзгерістер енгізеді. Дәлірек айтқанда, Қазақстан басшысы мен оның жеке өмірінің құпиялылығы да кіреді. Демек, бұл өзгеріс экс-президент Назарбаевтың да жеке өмірі мен денсаулығына қатысты.

  • E-otinish порталы арқылы қалай өтініш беруге болады?

    E-otinish порталы арқылы қалай өтініш беруге болады?

    Әрбір адам осы жүйе арқылы мемлекеттік органдардың және басқа мекемелердің бірінші басшыларына жүгіне алады.

    Платформа өтініш берушілерге өтінішті қарау барысын бақылауға және дербес бақылауға мүмкіндік береді.

    Жүйеге келіп түсетін барлық өтініштер мен сұрау салулар мемлекеттік органның өзі де, Бас прокуратура да қатаң есепте және бақылауда болады.

    Нұсқаулық:

    • Авторизациядан өту және «Көрсетілетін қызметке онлайн тапсырыс беру» батырмасы бойынша өту (көрсетілетін қызметті алу үшін eotinish.kz сайтында тіркелген болуыңыз тиіс немесе бір реттік тіркелуіңіз тиіс).
    • Мемлекеттік органдарға өтініш беру.
    • Ұсынылған нысанды толтырыңыз.
    • Қазақстан Республикасының Ұлттық куәландырушы орталығының (ҚР ҰКО) ЭЦҚ өтінішіне қол қойылсын және мемлекеттік органға жіберілсін.
    • Орындалуын қадағалаңыз.
  • Ресейдің әуе кеңістігін айналып ұшу ұсынылды

    Ресейдің әуе кеңістігін айналып ұшу ұсынылды

    Еуропалық авиациялық қауіпсіздік агенттігі (EASA) Ресейдің әуе кеңістігін пайдалану жөніндегі нұсқаулықты күшейтті. Осылайша әуе компанияларына елдің еуропалық бөлігін айналып өтуді ұсынды.

    Жаңартылған талаптарға сүйенсек, тасымалдаушыларға Ресейдің еуропалық бөлігін қамтитын Мәскеу, Санкт-Петербург, Дондағы Ростов, Екатеринбург және Самарадағы рейстерді тоқтату ұсынылды.

    «Ресей Украинаға басып кіргеннен кейін жалғасып жатқан қақтығыс азаматтық ұшақтардың әуе кеңістігінде байқаусызда шабуылға ұшырау қаупіне әкеледі», – делінген EASA таратқан ақпаратта.

    Тиісті ұсыныс осы жылдың 31 шілдесіне дейін қолданыста болады. Бұл EASA рұқсат берген үшінші елдердің әуе компанияларына таратылады. Еуропалық тасымалдаушылар Ресейдің Украинаға басып кіруінен кейінгі санкциялардан соң Ресейге ұшпайды.

  • Елдос Сметов Лондонға оқуға кетті

    Елдос Сметов Лондонға оқуға кетті

    Спортшы өзінің Instagram парақшасында әйелімен бірге ұшақ ішінде түскен суретімен бөлісті.  Жақындары мен достары оған ақ жол тіледі.

    Бұған дейін спортшы ағылшын тілін үйренгісі келетінін айтқан болатын. Тіл білмеуі оған халықаралық жарыстарда үлкен кедергі жасаған.

    Айта кетейік, Елдос тіл үйрену арқылы Халықаралық дзюдо федерациясына ағылшын тілінде сұхбат беруді жоспарлап жүр.

  • Жапония қазақстандық компанияға қарсы санкция жариялады

    Жапония қазақстандық компанияға қарсы санкция жариялады

    Жапония Украинадағы соғысқа байланысты Ресейге қосымша санкциялар енгізуді мақұлдады. Жапондық шектеулер қазақстандық бір компанияға да әсер етті.  Бұл туралы Жапония министрлер кабинетінің отырысында белгілі болды.

    Экспорттауға тыйым салынған тауарлар тізіміне 335 позиция қосылды. Олардың ішінде кран қозғалтқыштарына арналған бөлшектер, басқа да арнайы жабдықтар мен шағын мотоциклдер бар, бұл Ресейдің өнеркәсіптік әлеуетін арттыруы мүмкін. Сондай-ақ, химиялық қару жасауға пайдаланылуы мүмкін капсаицин сияқты химиялық заттарға да экспорттық тыйым салынды.

    Бұл тауарларды экспорттауға тыйым 23 қаңтардан бастап күшіне енеді.

    Үкіметтің шешімінде санкцияларды айналып өтуге ықпал етті деп күдікке ілінген алты елдің 31 ұйымына экспорттауға тыйым салу қарастырылған. Бұл ұйымдар Қазақстан, Біріккен Араб Әмірліктері (БАӘ), Қытай, Қырғызстан, Таиланд және Түркия елдерінде орналасқан.

    Санкция салынған ұйымдардың атаулары есепте көрсетілмеген. Осыған байланысты қосымша ақпарат алу үшін Қазақстанның Индустрия және құрылыс министрлігінің баспасөз қызметіне сұрау жіберілді.

    Сонымен қатар, тыйым салынған активтер тізіміне Ресейден 11 жеке тұлға, 29 ұйым және 3 банк қосылды. Активтерді бұғаттау бір ресейлік емес жеке тұлға мен бір банкке де қатысты болады.

    Жапония министрлер кабинетінің бас хатшысы Ёсимаса Хаяши баспасөз мәслихатында Жапонияның Украина төңірегіндегі жағдайды реттеуге халықаралық қауымдастықпен, оның ішінде жеті ірі экономика (G7) елдерімен ынтымақтаса отырып, халықаралық күш-жігерге өз үлесін қоса беретінін мәлімдеді.

  • Мұхтар Мағауиннің қайда жерленетіні белгілі болды

    Мұхтар Мағауиннің қайда жерленетіні белгілі болды

    Қазақстандық IT маман Тимур Бектұр қазақтың халық жазушысы АҚШ-та қашан жерленетінін жазды.

    «АҚШ-та жүргендер болса, рәсімдері осындай, қаңтардың 9-ы бейсенбі ақшамда дүние салған Мұхтар Мағауиннің жаназасы ертең, яғни қаңтардың 11-і сенбі күні сағат 10:00-де түріктің Diyanet Center of America мешітінде оқылады. Қонақасы да сол орында 13:00-де беріледі. Жерлеу рәсімі 11:00-де Parklawn Memorial зиратында өтеді», – деді ол.