Sona.kz

Рубрика: Жаңалықтар

  • Қонаевта туризм қалай дамуда?

    Қонаевта туризм қалай дамуда?

    Қонаев қаласы – туристік әлеуеті жоғары қала. Оған дәлел – қазір шаһар аумағында 2 ірі инвестжоба жүзеге асуда, деп хабарлайды Sona.kz тілшісі.

    Жобаның бірі – 8-жағажайды «Аттракциондар паркіне» айналдыру болса, 2-шісі «Арена АСП» көпфункционалды туристік, спорттық-ойын сауық кешенінің құрылысы жүруде.

    Биылғы шомылу маусымында Қапшағай су қоймасының жағажайларына демалуға 1,5 млн адам келді. Бұл өткен жылмен салыстырғанда 200 мыңға көп.

    Сондай-ақ 2024 жылдың жазында 5 жағажайды абаттандыру жұмыстары аяқталып, қолданысқа берілді. Аталған аймақ халыққа тегін қызмет көрсетті.

    Одан бөлек, жеке инвесторлар жағажайдың 1 шақырымын абаттандырып жатыр. Жалпы 5 шақырым жағажайды демалушыларға ыңғайлы, қолайлы, заманауи етіп жасау жоспарлануда. Ал солтүстік жағалаудың жер учаскелері түгенделіп, картасы әзірленді. Ол төңіректі дамыту үшін де бірқатар шаралар қолға алынбақ.

    Сонымен қатар, Қапшағай су қоймасының солтүстік жағалауындағы жер телімдері түгенделіп, аумақты одан әрі дамыту үшін арнайы жол картасы дайындалғанын айта кеткен жөн. Мұның аясында инфрақұрылымды жақсартуға, рекреациялық аймақтарды дамытуға және қосымша инвестиция тартуға бағытталған бірқатар шараларды жүзеге асыру жоспарланып отыр.

    Қаланың жаңа Бас жоспарына сәйкес, аумағы 19 мың гектарға ұлғайтылды. Бұл өз кезегінде туристік нысандардың көбейіп, инвестиция тарту үшін қолайлы жағдай тудырып отыр.

  • Қорғалжын ауданының әкімі тағайындалды

    Қорғалжын ауданының әкімі тағайындалды

    Ақмола облысы әкімінің 2024 жылғы 25 қарашадағы өкімімен, Қазақстан Республикасы Президенті Әкімшілігінің және мәслихат депутаттарының келісімімен Қорғалжын ауданының әкімі болып Алмас Алин тағайындалды.

    Қорғалжын ауданының жаңа әкімін аудан активіне Ақмола облысы әкімі Марат Ахметжанов таныстырды.

    Алмас Алиннің алдына ауданның дамуы және Мемлекет басшысының тапсырмалары аясында халық тұрмысына қолайлы жағдай жасау бойынша бірқатар міндеттер қойылды.

    Аймақ басшысы жаңадан тағайындалған аудан әкіміне барлық жоспарланған объектілердің іске қосылуын жеке бақылауда ұстау және олардың бұзылуына жол бермеу, жылыту маусымын қауіпсіз және ақаусыз өткізу, сумен жабдықтау объектілерінің уақытылы іске қосылуын қамтамасыз ету тапсырылды.

    Сондай-ақ, Алмас Алинге инвестиция тарту, жаңа жұмыс орындарын ашу және кәсіпкерлік саласын, тұрғын үй құрылысын дамыту жөнінде нақты жұмыс жүргізу қажет.

    Кездесу соңында Марат Ахметжанов жүктелген міндеттерді іске асыруда табыс тіледі, оған қоса Қорғалжын ауданының бұрынғы әкімі Берік Жанбаевқа атқарған жұмысы үшін алғыс білдірді.

  • Еліміздің 10 өңірінде ескерту жарияланды

    Еліміздің 10 өңірінде ескерту жарияланды

    Түнде және таңертең Түркістан облысының батысында, оңтүстігінде, таулы және тау бөктерлі аудандарында тұман түседі деп күтіледі. Оңтүстік-шығыстан соққан желдің тау асуларында екпіні 15-20 м/с дейін жетеді. Шымкентте, сондай-ақ Түркістан қаласында да түнде және таңертең тұман болады деп болжанады.

    Түнде және таңертең Абай облысының солтүстігінде тұман түседі. Облыстың оңтүстігінде солтүстік-шығыстан, шығыстан соққан желдің екпіні 15-18 м/с құрайды.

    Түнде және таңертең Қостанай облысының оңтүстігінде, шығысында тұман түседі деп күтіледі.

    Жетісу облысының Алакөл көлдері ауданында оңтүстік-шығыстан соққан желдің екпіні 15-20 м/с, кей тұста 23-28 м/с, тіпті кей уақыттарда 30 м/с-ға дейін жетіп, одан да асады.

    Түнде және таңертең Батыс Қазақстан облысының батысында, солтүстігінде тұман болады деп күтіледі. Оралда түнде және таңертең тұман болады.

    Түнде Қарағанды облысының оңтүстік-шығысында солтүстік-шығыстан, шығыстан жел соғады, екпіні — 18 м/с.

    Түнде және таңертең Ұлытау облысының солтүстігінде тұман түседі деп күтіледі. Солтүстік-шығыстан, шығыстан жел соғады, түнде облыстың солтүстігінде соққан желдің екпіні 18 м/с құрайды.

    Түнде Маңғыстау облысының батысында, орталығында көктайғақ болады деп күтіледі. Түнде және таңертең облыстың солтүстік-шығысында тұман түседі.

    Солтүстік Қазақстан облысының батысында, солтүстігінде тұман түседі деп күтіледі. Петропавлда да түнде және таңертең тұман болады.

    Алматы облысының шығысында шығыстан жел соғады, екпіні — 18 м/с.

    -42°С: Солтүстік Қазақстанда қашан шыңылтыр аяз болатыны белгілі болды.

  • Алматыда жер сілкінді

    Алматыда жер сілкінді

    «ҚР ТЖМ „Сейсмологиялык зерттеу институты“ ЖШС сейсмикалық станциялар желісі 2024 жылғы 25 қарашада Астана уақытымен 23 сағат 45 минутта Жетісу облысында жер сілкінісін тіркеді. Сезілетіндігі туралы мәліметтер нақтылануда», – деп жазды министрлікті баспасөз қызметі.

    Жер сілкінісі бір уақытта еліміздің бірнеше қаласында сезілген. Төтенше жағдайлар министрлігінің мәліметінше:

    • Алматыда – 2 балл,
    • Жаркент қаласында – 4 балл,
    • Чунджа ауылында – 3 балл,
    • Текеліде – 3 балл,
    • Қырғызсай ауылында – 2 балл,
    • Қарабұлақ кентінде – 2 балл,
    • Жансүгіров ауылында – 2 балл,
    • Көкпек ауылында – 2 балл,
    • Сарқант қаласында – 2 балл,
    • Талдықорған қаласында – 2 балл.
  • «Майқайыңалтын» кен орнындағы апаттың себебі айтылды

    «Майқайыңалтын» кен орнындағы апаттың себебі айтылды

    Павлодар облысының әкімі Асаиын Байханов «Майқайыңалтын» кенішіндегі төтенше жағдайдың себебін айтты. Апаттың салдарынан үш құтқарушысы мен бір жүргізуші қаза тапқан болатын.

    Асаин Байхановтың айтуынша, шахтадағы төтенше жағдай шахтада жер қойнауының құлауына байланысты болған. Төрт жолаушысы бар автобус түнде сағат 01:01 уақытында құлап түскен. 

    «Майқайыңалтын» зауытының жаңа басшылығы техногендік апатқа байланысты жердің барлық қабатын қалпына келтіру бағдарламасы әзірлеген.

    – Бағдарлама бекітілді. Ол алтын өндіруші компанияның қаражаты есебінен қалпына келтіріледі, – деді әкім.

    Айта кету керек, 4 қаңтарға қараған түні Павлодар облысы Баянауыл ауданы Майқайың кентінің маңындағы «Майқайың алтын» шахтасының аумағында түтін шығып, сол жаққа аттанған құтқарушылар мінген автобус кен топырағы опырылған шұңқырға құлап кеткен.

  • Атырауда қасапшыдан сібір жарасы расталды

    Атырауда қасапшыдан сібір жарасы расталды

    Атырау облысында ірі қараны әкелуді бақылау үшін төрт полиция және ветеринарлық бақылау бекеті құрылды. Қажетті құжаттарсыз малды тасымалдауға және союға қатаң тыйым салынады.

    Атырау облысы әкімінің баспасөз хатшысы Руслан Жұмағазиевтің айтуынша, зертханалық сараптама қорытындысы бойынша мал сою пунктінің бір қызметкерінен сібір жарасы анықталған.

    Науқас қазір ауруханада жатыр. Емдеу бекітілген медициналық хаттамаға сәйкес жүргізілуде. Оның жағдайы қазір тұрақты. Қалған адамдарда аурудың белгілері байқалмаған.

    «Инфекция ошағында санитарлық және ветеринариялық нормаларға сәйкес жұмыс жалғасуда. Ветеринариялық бақылау мамандары карантиндік аймақта орналасқан барлық жануарларға толық вакцинациялауды аяқтады. Дезинфекциялау жұмыстары жүргізілуде», – деді Руслан Жұмағазиев.

    Облысқа ірі қара малдың әкелінуін бақылау үшін барлық бақылау-өткізу пункттерінде егілгенін растайтын құжаттар тексеріліп, малдардың жағдайы тексеріліп, термометрия жүргізілуде.

    Осындай іс-шаралар санитарлық қауіпсіздік мақсатында Атырау қаласындағы мал сою пункттерінде де ұйымдастырылды. Ветеринариялық құжатсыз малды тасымалдауға және союға қатаң тыйым салынады.

  • Қазақстанда сотталғандар теракт ұйымдастырмақ болды

    Қазақстанда сотталғандар теракт ұйымдастырмақ болды

    Қазақстанның бірнеше өңіріндегі қылмыстық-атқару жүйесі (ҚАЖ) мекемелерінде радикалды діни идеологияны ұстанушылардың әрекеті тоқтатылды.

    Ұлттық қауіпсіздік комитетінің баспасөз қызметінің хабарлауынша, күдіктілердің бірі қамауда отырып теракті ұйымдастыруға дайындалған, ал басқалары терроризмді насихаттау және террористік әрекеттерді ұйымдастыру мақсатында адамдарды тартуға қатысқан.

    «2024 жылғы 22 қарашада Ұлттық қауіпсіздік комитеті Ішкі істер министрлігімен және Алматы облысы прокуратурасының үйлестіруімен Алматы, Қостанай және Жетісу облыстарындағы қылмыстық-атқару жүйесі мекемелерінде радикалды діни идеология ұстанған 10 адамның әрекетін тоқтатты» делінген хабарламада.

    Тінту барысында жазасын өтеп жатқан адамдардан суық қару, смартфондар және басқа да дәлелдер тәркіленді.

  • ICIJ «мұнай ханзадасына» қатысты зерттеу жариялады

    ICIJ «мұнай ханзадасына» қатысты зерттеу жариялады

    Активтерді қалпына келтіру комитеті бұрынғы президенттің күйеу баласы Тимур Құлыбаевты әлі талай сауалдың астына алатын сияқты. Қазір бұл мәселенің бір парасы Алматы қалалық сотында қаралып жатыр.

    Ал, Халықаралық зерттеуші журналистер консорциумы (ICIJ) Құлыбаевқа қатысты ауқымды зерттеу жариялады. Тергеушілердің жазуынша, 2007 жылға қарай Құлыбаев Forbes миллиардерлер тізіміне алғаш рет еніп, аса байлардың бірі болды.

    ICIJ тергеуі көрсеткендей, Құлыбаев Арвинд Тикудің көмегімен сатып алған Беркширдегі Саннингхилл паркіндегі жылжымайтын мүлік шамамен 184 миллион долларға бағаланған алты мүліктің бірі болды. Ол Құлыбаевтың Ұлыбританиядағы компаниялар желісі арқылы сол жылы сатып алынған. Олардың үшеуі Лондонның бес жұлдызды қонақ үйлері мен Мишлин жұлдызды мейрамханаларымен танымал Майфэйр қаласында орналасқан.

    Сол жылы Құлыбаев 54,5 миллион долларға Кенсингтон аймағындағы тағы екі лондондық жылжымайтын мүлікті сатып алды.

    Caspian Cabals құжаттарына сәйкес, шамамен сол уақытта Құлыбаев пен оның серіктестері Багам аралдары мен Британдық Виргин аралдары сияқты қауіпсіздік деңгейі жоғары юрисдикцияларда тіркелген компаниялар арқылы жылжымайтын мүлік сатып алған. Сондай-ақ ол және оның серіктестері Ұлыбританияда, Нидерландыда, Испанияда, Люксембургте және басқа да Еуропа елдерінде жылжымайтын мүлік сатып алу және Құлыбаевтың корпоративтік активтерін басқару үшін компаниялар құрды.

    Сонымен қатар, ICIJ тергеуі Chevron мен оның серіктестері Құлыбаевпен байланысты компаниялармен келісімшарт жасасқанын анықтады. Мысалы, 2011 жылы Каспий құбыр консорциумы сингапурлық Steppe Capital қоры арқылы Құлыбаевтың бақылауында болған «КазСтройСервис» компаниясымен Қазақстанда екі сорғы стансасының құрылысын салу үшін келісім-шарт жасаған.

    Жобаның бастапқы құны 276,5 миллион доллары. Бірақ соңында құрылыстың аяқталу уақыты созылып, жоба 2,5 жылдың орнына 6,5 жылға созылды.

    «Жобалар кешіктіріліп жатқанда, Құлыбаев пен оның айналасындағылар сәнді өмір салтын қаржыландыруды жалғастырды. Мысалы, әйелі Динараның туған күнін тойлауға және Испаниядағы жазғы демалысқа шамамен 1,6 миллион доллар жұмсалды».

    Құлыбаевтың адвокаттары кәсіпкердің компанияны басқаруға да, келісімшарт бойынша келіссөздерге де қатыспағанын айтып ақталды. Алайда, мұның рас-өтірігін уақыт көрсетеді.

  • Азияда жаңа бокс конфедерациясы құрылады

    Азияда жаңа бокс конфедерациясы құрылады

    World Boxing Азия аумағында бокстың дамуы мен насихатталуын бақылау үшін жаңа Азия бокс конфедерациясының құрылғанын ресми түрде жариялады, деп мәлімдеді Olympic.kz

    Халықаралық бокс қауымдастығынан (IBA) Азия бокс конфедерациясының (ASBC) тәуелсіздігін қамтамасыз ету мәселесіне байланысты президенттік қызметінен кеткен Пичай Чунхавадзира өз мәлімдемесінде жаңа ұйымның құрылуына және оның алдағы жұмысына толық қолдау көрсететінін айтты.

    World Boxing басшысы Борис ван дер Ворст қабылданған шешімді тарихи сәт екенін атап өтті:

    Азияда бокстың мүмкіндіктерін кеңейту жолында осындай қадам жасағанымызға қуаныштымыз. Жаңа Азия бокс конфедерациясы ілгері дамып, бокс деңгейін жаңа белестерге көтеретініне сенімдіміз.

    Конфедерацияның құрылуы World Boxing қауымдастығынан айқын қолдау тапты. World Boxing Олимпиадалық комиссиясының төрағасы Геннадий Головкин Азия боксының әлемдік аренадағы маңызын ерекше атап өтті:

    «Мұндай жаңашыл құрылымды құруға қатысу – үлкен мәртебе. Бүгінде Азия боксы әлемдік аренада ерекше рөл атқарады. Жаңа конфедерация біздің аймақтың алатын орнын одан әрі бекітіп және осы спорт түрінің дамуына жаңа серпін береді».

    Жаңа Азия конфедерациясының құрылуы құрлық боксының дамуына жол ашады. Ұйым тәуелсіздік, әділдік және спортшыларды қолдау қағидаттарын басшылыққа алып, мүдделі тараптарды ортақ мақсатқа біріктіреді.

  • Заңсыз активтерді қайтару: Атырау облысында мектеп салынады

    Заңсыз активтерді қайтару: Атырау облысында мектеп салынады

    «Заңсыз иемденілген активтерді мемлекетке қайтару туралы» Заң шеңберінде Атырау облысы Қызылқоға ауданы Жамансор ауылында жаңа мектеп салынады. 150 орындық мектептің құрылысына қор қаражаты есебінен 2 млрд теңге бөлу туралы шешім қабылданды.

    Қазір ауылда 60 орынға бейімделген ғимаратта орналасқан бастауыш мектеп қана жұмыс істейді. 4-сыныпты бітіргеннен кейін оқушылар 60 шақырым қашықтағы Мақат ауданы Доссор кентінде орналасқан мектеп-интернатта оқуға мәжбүр. Жоғары сынып оқушылары көршілес елдімекендерге қатынап оқиды. 

    Жобаны іске асыру қорытындысы бойынша талаптарға және санитарлық нормаларға сәйкес балаларды сапалы оқыту үшін жағдай жасалатын болады.