Sona.kz

Рубрика: Жаңалықтар

  • Еліміздің оңтүстік өңірлерінде үсік жүреді

    Еліміздің оңтүстік өңірлерінде үсік жүреді

    «Қазгидромет» РМК мамандары ертең, 17 қазанда елдің бірнеше өңіріндегі ауа райына байланысты ескерту жасады.

    Атырау облысының батысында, оңтүстігінде тұман.

    Алматы облысының оңтүстігіне, тау етегіндегі, таулы аудандарына тұман түседі.

    Алматыда 17 қазанда түнде тұман.

    Қызылорда облысының солтүстігінде, орталығында тұман, түнде -1-6 градус үсік сақталады.

    Түркістан облысының солтүстігіне, батысына, таулы және тау бөктерлі аудандарына тұман түседі. Шығыстан жел соғады, күндіз облыстың тау асуларында күші – 15-20 м/с. Түнде облыстың солтүстігінде, батысында, таулы және тау бөктерлі аудандарында -3 градус үсік жүреді.

    Шымкентте түнде және таңертең тұман түседі, түнде -1-3 градус үсік болады.

    Маңғыстау облысының батысында нөсер жаңбыр жауады, найзағай ойнайды. Оңтүстік-шығыстан жел соғады, күндіз облыстың батысында, оңтүстігінде екпіні – 15-20 м/с.

    Ұлытау облысының шығысында көктайғақ болады. Түнде және таңертең облыстың солтүстігінде, шығысында тұман.

    Батыс Қазақстан облысының батысына, солтүстігіне тұман түседі.

    Павлодар облысының солтүстігінде, оңтүстігіне тұман.

  • Биыл Қазақстанға 69 мыңнан астам қытайлық турист келді

    Биыл Қазақстанға 69 мыңнан астам қытайлық турист келді

    Қытайдың Қазақстандағы елшісі Чжан Сяо Қытай экономикасының қарқынды дамуы мен қазақ-қытай ынтымақтастығы жайлы айтты.

    1-7 қазан аралығында ҚХР-дың білім күні мерекесі кезінде Қытайдағы тұтыну нарықтары табысқа кенелген.

    Статистикаға сәйкес, ел бойынша 765 миллион ішкі туристік сапар тіркелген, бұл 2019 жылдың сәйкес кезеңімен салыстырғанда 10,2%-ға артық.

    «Отандық туристер шығынының жалпы сомасы 700,8 млрд юаньды құрады, бұл 2019 жылдың сәйкес кезеңімен салыстырғанда 7,9%-ға көп. 2,519 миллион тұтынушы 8 негізгі санаттағы тұрмыстық техниканы сатып алды, бұл 3,74 миллион бірліктен асып, сатылымы 17,84 миллиард юаньға жетті. Қытайдың кассалық табысы 2,104 миллиард юаньды құрады, ал кино көрерменнің жалпы саны 52 миллион адамнан асты. Демалыс кезінде елге барлығы 13,098 миллион адам кіріп-шықты, бұл өткен жылдың сәйкес кезеңімен салыстырғанда 25,8%-ға көп», — дейді Чжан Сяо.

  • Онлайн кредитке жаңа шектеу ұсынылды

    Онлайн кредитке жаңа шектеу ұсынылды

    Қаржы нарығын реттеу және дамыту агенттігінің төрағасы Мәдина Әбілқасымова алаяқтыққа тосқауыл қою үшін онлайн кредит рәсімдеу кезінде банктерді қосымша тексеріс жүргізуге міндеттеу ұсынылып отырғанын мәлімдеді.

    Әбілқасымованың айтуынша, кредитті электронды түрде алуға тыйым салу халықтың шамадан тыс қарызға бату проблемасын шешпейді. Себебі адамдар онлайн ала алмаған несиесін банкке де барып рәсімдейді.

    «Электронды түрде алуға тыйым салсаңыз, азаматтар бәрібір де банкке барып, кредит алуға мүмкіндігі бар. Сол себепті онлайн кредитке тыйым салу халықтың қарызға шамадан тыс батуы мәселесін толығымен шешпейді», — деп санайды агенттік төрағасы.
    Дегенмен алаяқтарға тосқауыл қою үшін агенттік банктерді онлайн кредит рәсімдеу барысында қарыз алушыны қосымша тексеруге міндеттемек.

    «Тәуекелі жоғары операциялар анықталса, мысалы әлеуметтік осал санатқа кіретін азаматтар, зейнеткер несие алса, банктер қосымша тексеріс жүргізуге міндетті болады. Бұл несиені бірден мақұлдауға жол бермейді, яғни бес минут ішінде 5 млн теңге кредит ала алмайсыз», — деді Әбілқасымова.
    Агенттік Ресейдің тәжірибесін зерделеген.

    «Егер операция күмәнді көрінсе, банктер кредит беруді тоқтата тұрады. Біз ресейлік тәжірибені зерттедік: онлайн несиені бірден мақұлдамай, кредит сомасына байланысты 3 сағаттан 2 тәулікке дейін уақыт өтуі керек», — дейді ол.
    Айтуынша, қазір бұл ұсыныс банктермен талқыланып жатыр.

  • Маск Трампты қолдау комитетіне кемінде 75 млн доллар бөлді

    Маск Трампты қолдау комитетіне кемінде 75 млн доллар бөлді

  • Алматыдағы хостелде болған өрт: Прокурор айыптау актісін оқыды

    Алматыдағы хостелде болған өрт: Прокурор айыптау актісін оқыды

    Алматыда 13 адам өлім құшқан хостелдегі өрт бойынша басты сот отырысы басталды. Бүгін прокурор айыптау актісін оқыды.

    Іс Алмалы аудандық сотында судья Ернар Қасымбековтің төрағалығымен қаралып жатыр.

    ҚР Қылмыстық кодексінің 292-бабының 3-бөлігі (Абайсызда екі немесе одан да көп адамның өліміне әкеліп соққан өрт қауіпсіздігі талаптарын бұзу) бойынша екі адамға айып тағылып отыр. Олар — Әділбек Мұхамедьяров пен Александр Пекельник.

    Сот отырысында прокурор Нұразхан Мырзалы айыптау актісін оқыды.

    Мемлекеттік айыптаушы тараптың мәліметінше, 2022 жылы кәсіпкер «Гидсервис» мекемесі мен ғимарат иесі «Құса халық» ЖШС арасында қолданыстағы өрт дабылы жүйесін диагностикалау және тексеру үшін келісім-шарт жасалған.

    Пекельник өрттен қорғау жүйелерін жобалауға қажетті лицензиясының жоқтығына қарамастан, қолданыстағы дабыл жүйесін визуалды тексеріп, диагностика жүргізген. Бірақ ол бөлмелердің функционалдық мақсаттары мен ерекшеліктерін ескермеді. Нәтижесінде ол орнатылған жүйе одан әрі пайдалануға жарамсыз деген қорытындыға келді.

    Прокурордың айтуынша, сотталушы өрт кезінде іске қосылатын дабыл жабдықтарын жеткіліксіз орнатқан, бұл кейінірек іске қосылған кезде жүйенің дыбысы толық шықпаған.

    Кейіннен Пекельниктің жұмысын «Кұса Халық» ЖШС қабылдап алған.

    Прокурордың сөзінше, ғимарат дүкенге арналған. Әділбек Мұхамедьяров «Құса халық» ЖШС-мен жалға беру шартын жасасқан соң, ол жерден хостел ашқан. Хостел бөлмелері 2023 жылдың қыркүйегінде, өрттен екі ай бұрын жалға алынған.

    «Айыпталушы Мұхамедьяров ғимараттың функционалдық мақсатын өзгертіп, жөндеу жұмыстарын жүргізген. Сонымен қатар жалға алушы ол жерде өрт қауіпсіздігі талаптарын сақтамаған. Дәлізге төсектер орналастырып, бірінші қабаттағы эвакуациялық есікті жиһаздармен жауып тастаған. Сондай-ақ жертөленің авариялық шығу есіктерін бекітіп қойған», — деді прокурор Нұразхан Мырзалы.

  • Білім саласында жымқырылған 1,5 млрд теңге мемлекетке қайтарылды

    Білім саласында жымқырылған 1,5 млрд теңге мемлекетке қайтарылды

    Білім саласында жымқырылған 1,5 млрд теңге мемлекетке қайтарылды, деп хабарлайды Halyq Uni.

    Түркістан облысы прокуратурасының мәліметінше, білім саласының 123 қызметкеріне қатысты 7 қылмыстық іс бойынша сотқа дейінгі тергеп-тексеру аяқталған. Оның ішінде 5 іспен процеске қатысушы тұлғалар танысып жатыр, ал Сауран және Созақ ауданы білім бөлімдерінің қызметкерлеріне қатысты 2 іс облыс прокуратурасымен сотқа жіберілді.

    Тергеп-тексеру барысында күдікті тұлғалардан мемлекетке 1,5 млрд теңге залал өндірілді және олардың қылмыстық жолмен табылған 2,9 млрд теңгеге мүліктері бұғатталды, – делінген хабарламада.

  • Әбілқасымова осал топтардың несиесі кешіріліп жатқанын айтты

    Әбілқасымова осал топтардың несиесі кешіріліп жатқанын айтты

    Қаржы нарығын дамыту және реттеу агенттігінің төрағасы Мәдина Әбілқасымова Мәжілістің жалпы отырысының кулуарында осал топтардың несиесін кешіру жайлы айтты.

    Әбілқасымова атағандай, әлеуметтік аз қамтылған отбасылардың несиесін кешіру мәселесі бойынша микроқаржылық ұйымдарға жаңа талаптар қойылғанын айтты.

    «Олар проблемалық қаржыландырушылар бойынша жеке жоспар әзірлеуі керек. Жекелеген жоспардың ішінде осал топтарға арналған бірқатар талап қойдық. Олардың қарызы бойыншы мерзімі бірнеше жылдан асып кетсе, жағдайы қарыз төлеуге жетпесе, жоспар аясында оларға толығымен немесе ішінара қарызын кешіру талабын қойдық. Ол талап бойынша банктер мен микроқаржы ұйымдары бізге жаңа жоспар енгізіп жатыр», — дейді ол.

    Әбілқасымованың айтуынша, ол жоспар үнемі жаңартылып отырады.

    «Жыл басынан бері 44 мың адамға мерзімі өткен қарызын кешірді. Олар өз қаражатынан алды. Жаңа жоспар бойынша жыл соңына дейін тағы осындай жұмыс атқарылады. Болжам бойынша 1,4 млн адам жекелеген жоспарға кіреді. Алайда, көбіне ставкасын төмендету, мерзімін ұлғайту, айыппұлын кешіру жүзеге асырылады. Ал осал топтарға барлық немесе ішінара қарызын кешіруді қарастырдық», — дейді Мәдина Әбілқасымова.

  • Қазақстан БРИКС-ке кіруге өтініш бере ме?

    Қазақстан БРИКС-ке кіруге өтініш бере ме?

    Қазақстан Президентінің кеңесшісі әрі баспасөз хатшысы Берік Уәли Қасым-Жомарт Тоқаевқа еліміздің БРИКС-ке қосылуы туралы ұсыныстар түскенін айтты. Ал мемлекет басшысы бұл ұсыныстарды ұлттық мүдде тұрғысынан мұқият қарастырады.

    Қазан қаласында 23-24 қазанда БРИКС саммиті өтеді. Уәлидің айтуынша, Тоқаевтың жұмыс кестесінде оған қатысу бар.

    «Мемлекет басшысы сонда 24 қазанда ұйымның аутрич форматындағы кеңейтілген отырысында сөз сөйлеуді жоспарлап отыр», — деді президенттің кеңесшісі және баспасөз хатшысы.

    Берік Уәлидің айтуынша, Қазақстан БРИКС эволюциясын қызығушылықпен бақылап отыр және ұйымның негізін қалаушы мемлекет басшыларының кез келген алпауыт державалардың гегемониясынан азат, әділ, демократиялық әлемдік тәртіп құруға бар күш-жігерін салуға шақыруларын қолдайды.

    «Президент Қазақстанның БРИКС-ке қосылуы туралы ұсыныстар алды. Өйткені, біздің еліміз халықаралық қауымдастықтың жауапты әрі беделді мүшесі ретінде танылды. Бұл ұсыныстарды Мемлекет басшысы мұқият қарап, оның тапсырмасы бойынша тиісті ведомстволар Қазақстанның ұлттық мүддесі тұрғысынан сараптауда», – деді Берік Уәли.

  • «Бір адамға — бір SIM-карта». Қазақстанда ұялы нөмір санына шектеу енгізу ұсынылды

    «Бір адамға — бір SIM-карта». Қазақстанда ұялы нөмір санына шектеу енгізу ұсынылды

    Мәжіліс отырысында Цифрлық даму, инновациялар және аэроғарыш өнеркәсібі вице-министрі Асхат Оразбек ведомствоның SIM-карталарды бір қолға сатуды шектеу туралы ұсынысын жеткізді.

    «Қазір алаяқтар әлеуметтік желілерде жұмыс істейді. Негізінен WhatsApp-ты қолданады. Сондықтан біз ұялы нөмірлер жоспарын мемлекетке қайтару үшін заңнамалық бастама көтереміз.
    Біз нөмірлік жоспарды мемлекетке қайтарамыз және азаматтар электрон үкімет порталында немесе eGov mobile қосымшасы арқылы ұялы телефон немесе қалалық байланыс нөмірін алады.

    Сонымен қатар бір адам алатын SIM-карталар санын шектейміз. Ал енді коммерциялық мақсатта SIM-карталарды бақылаусыз алатын заңды тұлғалар әр нөмірді пайдалану мақсатын негіздеуі керек болады. Алдағы уақытта осындай бастамалармен сіздерге келеміз», — деді ресми өкіл депутаттарға.

  • Зиянды жұмыс: 12 мыңға жуық адамға жәрдемақы тағайындалды

    Зиянды жұмыс: 12 мыңға жуық адамға жәрдемақы тағайындалды

    Биыл 12 мыңға жуық қазақстандыққа әлеуметтік төлем тағайындалды.

    Бұл жөнінде Еңбек және халықты әлеуметтік қорғау министрілігі мәлім етті.

    Қаражат зиянды еңбек жағдайларында ұзақ уақыт жұмыс істегендерге төленеді. Өтініштердің басым бөлігі Қарағанды, Қостанай, Шығыс Қазақстан облыстарында тіркелген. Төлемді алу үшін жұмысшы келесі талаптарға сәйкес келуі тиіс. Біріншіден, зиянды жұмыс орнында кем дегенде 7 жыл еңбек етуі керек. Екіншіден, жасы 55-ке толуы шарт. Үшіншіден, жұмыс берушісі өз есебінен оған 7 жыл бойы зейнетапқы қорына кәсіптік зейнетақы жарналарын ауда­­рып тұруы қажет. Ақша зейнеткерлік жасқа дейін төленеді. Қаражаттың жалпы орташа мөлшері 200 мың теңгеден асады.Ал, әрбір жұмыскер үшін төлем мөлшері зейнетақы қорындағы жинақтарына байланысты болады. Еске салайық, 2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілген болатын.