Sona.kz

Рубрика: Қазақстан жаңалықтары

  • Сергектің жаңа түрі орнатыла бастады

    Сергектің жаңа түрі орнатыла бастады

    Енді, бақылау камералары ереже бұзған жүргізушілерді аңдып жүріп тіркей алады. 360 градусқа айналатын камералар жедел-жәрдем көліктері мен автобустарда пайда болады.

    Алматы жыл соңына дейін бірыңғай бейнемониториң жүйесіне 50 мың камера қосылады. Бұл туралы мегаполистің цифрландыру басқармасы хабарлап отыр.

    Жыл басынан бері қала әкімдігінің жобалық офисінің қолдауымен бірыңғай бейнемониториң жүйесіне 45 мың камера қосылды, ал 2025 жылға қарай олардың саны 70 мыңға дейін артады. Видеожазбалар 209 жеке және 613 мемлекеттік нысандардан алынды.

    Сонымен қатар қалада жол қауіпсіздігін қамтамасыз ету үшін «Сергек» аппараттық-бағдарламалық кешенінің (АБК) 300 камерасы орнатылған. Осылайша, қазір 1 641 АБК жұмыс істейді.

     

  • Перизат Қайрат такси жүргізуші әйелге тиесілі пәтерді бермеген

    Перизат Қайрат такси жүргізуші әйелге тиесілі пәтерді бермеген

    2022 жылдың қараша айында әлеуметтік желілерде Астана тұрғыны Әсел Омарованың сәбиін қолына ұстап жүріп, такси жүргізген бейнеролигі тарады. Нәтижесінде халық әйелдің айыппұлдарын жауып, 2 миллион теңге жинап берді.

    Сонымен қатар, дәл сол кезде Перизат Қайрат пайда болып, Әсел Омароваға пәтер сертификатын тапсырды.

    Tengrinews мәліметінше, сәбиін арқалаған ана әлі күнге дейін жатақхананың бір бұрышын жалдап, такси жүргізуін жалғастыруда. Арада 2 жыл өтсе де не пәтер жоқ, не ақша жоқ.

    «Перизат Қайрат маған қоңырау шалып, біраз күтуімді өтінді. Содан кейін тағы біраз. Ол құрылыс салушының өзімен келіссөз жүргізіп, арты жанжал болды. Қазіргі уақытта оның өз учаскесі де жоқ», —
    деп баяндады Әсел Омар

  • Алматы облысында 84 мың гектардан аса жер мемлекетке қайтарылды

    Алматы облысында 84 мың гектардан аса жер мемлекетке қайтарылды

    Алматы облысында 400 мың гектарға жуық жердің пайдаланылмай бос жатқаны анықталған. Соның 84 100 гектары мемлекет меншігіне қайтарылды.

    Мәліметтерге сүйенсек. 32 мың гектар жер сот шешімімен алынған, қалған 52 мың гектар алқапты жер иесі өз еркімен қайтарып берген көрінеді. Пайдаланылмай бос жатқан жерлердің көбі Райымбек, Кеген, Еңбекшіқазақ және Балқаш аудандары аумағында.

    Бұл іс-шара ауыл шаруашылығы мақсатындағы жерлерді тиімді пайдалану және жер ресурстарын ұтымды басқару мақсатында жүзеге асып жатыр.

    «Министрліктің қойған жоспарын біз биыл 120%-ке орындадық. Бірақ Алматыға жақын орналасқандықтан, инвестициялық қызығушылық өте жоғары. Соған байланысты облыс әкімі үлкен тапсырма берген. Сол тапсырмаға сәйкес жұмыстарды ары қарай жалғастырып жатырмыз», — дейді облыстық Жер қатынастары басқармасы басшысының орынбасары Артықбай Болғанбаев.

  • Бүгін ауа райы қандай болады?

    Бүгін ауа райы қандай болады?

    Қазақстан аумағының басым бөлігіне антициклон жотасы өз әсерін тигізіп, жауын-шашынсыз ауа-райы күтіледі, тек республикамыздың батысында, оңтүстігінде, орталығында атмосфералық фронтальды бөлімдердің өтуіне байланысты жауын-шашын жауады.

    Еліміздің оңтүстігінде қатты жауын-шашын (жаңбыр, қар) күтіледі. Республика бойынша тұман, оңтүстік, оңтүстік-шығыста – желдің күшеюі, батыста, оңтүстікте, орталықта – көктайғақ күтіледі.

  • Енді мектеп оқушылары «Болашақ» бағдарламасымен шетелде білім ала алады

    Енді мектеп оқушылары «Болашақ» бағдарламасымен шетелде білім ала алады

    Мәжіліс отырысында депутаттар «Болашақ» бағдарламасын кеңейту туралы норманы қабылдады.

    Бағдарлама бойынша мектепте халықаралық олимпиадалар мен ғылыми жобалар конкурстарында жеңіске жеткен талапкерлерге шетелде бакалавриатта білім алуға мүмкіндік беру ұсынылады. Бүгінгі таңда «Болашақ» бағдарламасы тек магистратура мен докторантураға арналған.

    «Жетекші шетелдік университеттер халықаралық олимпиадалардың жеңімпаздарына бірден бакалавриатқа грант ұсынады, соның нәтижесінде олар шетелге кетіп қалады. Осы кезеңде біз тиісті қолдау ұсына алмадық, сондықтан біз жиі мұндай дарынды жастардан айырылып қалдық. Олар тек шетелде білім алып қоймай, кейін сол жақта қалып қоятын еді», – деп түсіндірді Аймағамбетов.

    Аймағамбетов алдағы уақытта жағдай өзгеретінін және елімізде жас таланттарды ұстап қалуға көбірек мүмкіндік пайда болатынын айтты.

  • Мүфтият қалың мал мен мәһірді біріктірді

    Мүфтият қалың мал мен мәһірді біріктірді

    Қазақстан Мұсылмандары діни басқармасы тұрмысқа шыққан қызға берілетін қалың мал мен мәһірді біріктірді.

    Дегенмен, оның айтуынша, «әке еңбегі», «ана сүті» сияқты қыздың әке-шешесіне, туыстарына берілетін мал-мүлік мәһірге саналмайды.

    «Қалыңмал – қазақ халқының дәстүрлі ғұрыптық салтындағы қалыңдық үшін берілетін мал. Фиқһ кітаптарында ұзатылып жатқан қызға жиһаз әперу үшін күйеу жігіт тарапынан берілетін мал-мүлікті «дустиман» деп атайды», – деген ол қалың малды шариғатындағы мәһір деп есептеуге қатысты ғалымдардың бірнеше көзқарасы бар екенін жазған.

    Ғұламалардың көзқарастарын тізген Ағабек Қонарбайұлы осы мәселеге қатысты мүфтияттың шешімін жария етті.

    «Шешім: күйеуі тарапынан берілетін қалың малды қыздың разылығымен мәһірге жатқызуға және артынан алып баратын жасауына пайдалануға болады. «Әке еңбегі», «ана сүті» секілді қыздың әке-шешесіне, туыстарына берілетін мал-мүлік (кәдесый, т.б.) мәһірге жатпайды», – деп жазды ол.

  • Жалған полицей адамдардан ақша бопсалап келген

    Жалған полицей адамдардан ақша бопсалап келген

    Ішкі істер министірлігінің мәліметінше, олардың барлығы өздерін полиция қызметкері ретінде таныстырып, «қорғаймыз» деген желеумен ақша бопсалап, алаяқтықпен айналысқан.

    Атап айтар болсақ, алаяқтықпен айналысқан бір топ адам Шымкентте құрықталды. Олар өздерін полиция қызметкерлеріміз деп таныстырып «қорғағандары» үшін ай сайын 1,5 миллион теңге алып отырған. Сонымен қатар, дәл осындай жағдаймен Алматы облысының 2 тұрғыны ұсталды. Олар өздерін жедел уәкіл ретінде таныстырып, жәбірленушіден 500 мың теңге бопсалаған екен. Қазіргі таңда, олар пайдаланған жалған қызметтік куәліктер, құжаттар мен полиция қызметкерлерінің киімдері тәркіленді.

    «Жалған полиция қызметкерлерін ұстау бұл қауіпсіздік мәселесі ғана емес, азаматтар құқықтарын қорғаудың маңыздылығы. Егер азаматтар қырағы әрі мұндай сәттерде мұқият болса, осындай қылмыстардың саны едәуір төмендеуі мүмкін. Бұл бағыттағы профилактикалық жұмыстар әлі де жалғасып жатыр», – деді ұйымдасқан қылмысқа қарсы күрес департаментінің өкілі Қуандық Алпыс.

  • Талғарға әкімнің орынбасары тағайындалды

    Талғарға әкімнің орынбасары тағайындалды

    Талғар қаласы әкімінің орынбасары лауазымына Бауыржан Байбатыров тағайындалды. Бауыржан Байбатыров 1987 жылЫ 29 қазанда дүниеге келген. Мемлекеттік қызметтегі еңбек өтілі 8 жылдан астам.

    • 2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілген.
    • 2018-2020 жылдары Еңбекшіқазақ ауданы бойынша кірістер басқармасының бас маманы болған.
    • 2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.

    Бауыржан Байбатыров 1987 жылЫ 29 қазанда дүниеге келген. Мемлекеттік қызметтегі еңбек өтілі 8 жылдан астам.

    • 2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілген.
    • 2018-2020 жылдары Еңбекшіқазақ ауданы бойынша кірістер басқармасының бас маманы болған.
    • 2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.

  • Астанадағы өрт: қаза болған балалардың отбасыларына көмек беріледі

    Астанадағы өрт: қаза болған балалардың отбасыларына көмек беріледі

    Құрбан болған зардап шеккен отбасыға психологиялық көмек беріледі. Оларға материалдық, тұрғын үй және басқа да қажетті көмек көрсетіледі.

    Аман қалған екінші отбасы уақытша баспанаға орналастырылды. Әкімдік қызметкерлері отбасыларымен тұрақты байланыста, барлық қажетті көмек көрсетіледі.

    Астана қаласының Төтенше жағдайлар департаментінің хабарламасында: «Балалардың қаза болуына әкеп соққан өрт қауіпсіздігі талаптарының бұзылуына байланысты жеке екі қабатты тұрғын үйде болған өрт фактісі бойынша ТЖД анықтау бөлімі ҚР ҚК 292-бабы 3-бөлігі бойынша қылмыстық іс қозғады. Тергеу нәтижелері тексеру аяқталғаннан кейін айтылады», – делінген.

     

  • Жаркенттегі офицер қазасына қатысты төрт күдікті ұсталды

    Жаркенттегі офицер қазасына қатысты төрт күдікті ұсталды

    Кеше марқұм капитан Дархан Дәулетті ақтық сапарға шығарып салды. Офицер Жетісу өңіріндегі Жаркент гарнизонының 74261 әскери бөлімінде қаза тапты.

    14 қарашада Қазақстан Республикасы Құрлық әскерлерінің баспасөз қызметі «жоспардан тыс оқу-жаттығу кезінде қауіпсіздік шараларын бұзу салдарынан қаза тапты» деп хабарлады.

    Алайда туыстары офицердің кісі қолынан қаза тапқанына сенімді.

    Марқұмды жуған ағасы оның қатты соққыға жығылғанын, қолы мен аяқтарында арқан іздері, бас сүйегінде сызат барын айтты.

    «Біз ағамның ісіне қатысы бар адамдардан заң алдында жауап беруін сұраймыз және талап етеміз. Бүгін жерлеуге жоғары шенді генералдар мен депутаттар қатысты. Олар кешірім сұрады. Генерал бұл істі әділ тексеріп, кінәлілерді жазалауға уәде берді. Бірақ қандай бап бойынша іс қозғалып жатқанын білмейміз», – деп бөлісті марқұмның ағасы.

    Жерлеуге қатысқан Қорғаныс министрлігінің өкілдері офицер қайтыс болған күні әскери бөлімде жоспардан тыс оқу-жаттығу өткенін растады, бірақ олар оқиғаның егжей-тегжейін айтудан бас тартты.

    «Оқиғаға байланысты әскери бөлімге комиссия жіберілді. Іс қозғалды. Ішкі істер министрлігі тергеу жүргізіп жатыр. Оқиға әскери бөлімнің ішінде болған. Төрт күдікті ұсталып, уақытша ұстау абақтысына қамалды. Сол күні жеке жоспар бойынша оқу-жаттығулар өткенін растаймын», – деді Құрлық әскерлері қолбасшысының орынбасары, полковник Арынғали Ақышев.

    Марқұм Дәулет Дархан 26 жаста еді. Құрлық әскерлерінің Әскери институтын үздік бітіре салысымен Отар әскери гарнизонына қызметке кірісті. Араға бес жыл салып, Жаркент қаласындағы 74261 әскери бөлімінің инженерлік қызметінің бастығы лауазымына дейін көтерілген болатын.