Sona.kz

Рубрика: Қазақстан жаңалықтары

  • Ресей азаматтығын алған қазақстандық жарты миллион теңге айыппұл арқалады

    Ресей азаматтығын алған қазақстандық жарты миллион теңге айыппұл арқалады

    Атырауда қос азаматтығы бар адамға 516 мың 880 теңге айыппұл салынды, деп хабарлайды Halyq Uni.

    Облыстық полиция департаменті көші-қон қызметі басқармасы қос азаматтығы бар Құрманғазы ауданының тұрғынын анықтады. Ол Қазақстан Республикасында туып, 2002 жылы алғаш рет Қазақстан азаматының жеке басын куәландыратын құжаттарын рәсімдеген. Алайда 2023 жылы Ресей Федерациясының азаматтығын қабылдап, сол жылы шілдеде Ресей азаматтығын куәландыратын құжаттарын алған.

    Анықталған ер адамға ҚР заңнамасында белгіленген мерзімдерде шетел азаматтығын алу фактісін хабарламау бойынша әкімшілік хаттама толтырылып, іс-құжаттар процессуалдық шешім қабылдау үшін Құрманғазы аудандық сотына жолданды. Сот шешімімен азамат кінәлі деп танылып, оған 140 айлық есептік көрсеткіш, яғни 516 880 теңге көлемінде айыппұл салынды. Айыппұл мемлекет пайдасына толық көлемде өндірілді, – делінген хабарламада.

    Сонымен қатар аталған дерек негізінде 47-жастағы ер адамды Қазақстан азаматтығынан айырып, мәліметтер тиісті ақпараттық жүйелерге енгізілді.

    Айта кетсек, жыл басынан бері Атырау облысында Қазақстан Республикасының азаматтығынан айыру туралы 192 дерек тіркелген. Оның ішінде 17 адам – қос азаматтығы бар адамдар. Сот шешімдерімен 15 адамға айыппұл салынса, 2 адам ҚР әкімшілік жолмен шығарылған. Оларға Қазақстан аумағына 5 жылға дейін кіруге тыйым салынды.

  • Астанада заңсыз салынып жатқан 37 көпқабатты тұрғын үй анықталды

    Астанада заңсыз салынып жатқан 37 көпқабатты тұрғын үй анықталды

    Астанада заңсыз салынып жатқан 37 көпқабатты тұрғын үй құрылысы анықталды

    Осы нысандарға жекелеген компаниялар үлескерлердің ақшасын заңсыз тартқан. Бұл жөнінде қаланың  прокуратурасы мәлім етті.

    «Биыл 64 нысанды заңсыз салып жатқан 51 құрылыс компаниясы әкімшілік жауапкершілікке тартылған. Қазір 12 компанияға қатысты қылмыстық іс тергеліп жатыр», — делінген хабарламада.

    Ведомство жаңа салынып жатқан үйден пәтер сатып алмас бұрын құрылыс салушының сенімділігін тексеріп алуды ұсынады.

  • Журналистер мінген әуе шары «лағып» кетті

    Журналистер мінген әуе шары «лағып» кетті

    Онда Бразилия мен Германиядан келген екі әйелдің Алматыны биіктен тамашалағысы келгенін айта келе, олардың алған әсерін сұрап-білу үшін Қарғалы ауылына журналистер де жедел барғанын жазған.

    Сөзбе-сөз келтірсек: «Еріккен екі қатын есімізді шығарды. Әуе шарымен әлем қалаларын көктен көреміз деп кергіген Бразилия мен Германиядан екі әйел келіпті. Олар Алматыны ұшар биіктен тамашаламақшы болған. Соларды түсіру үшін бүгін біздің түсіру тобымыз да Қарғалы (Фабричный) ауылына барған еді. Алайда кіл журналистер мінген әуе шары 1,5 сағат аспанда қаңғып жүріп, 11 шақырым жердегі Ұзынағаш ауылына барып құлапты. Абырой болғанда бәрі аман. Бірақ еріккен екі қатынның кесірінен журналистердің жүрегі шайылып, Ұзынағаштағы бірнеше үй жарықсыз қалды. Өйткені, дәл ауыл ортасына түскен әуе шары желілерді үзіп кеткен», – делінген жазбада.

    Sona.kz тілшісі КТК жаңалықтар бөлімінің редакторы Диас Нұрақынға хабарласып, мән-жайды білді.

    «Біз мұны қызықты оқиғалар айдарына берейік дегенбіз. Бізден барған түсіру тобы, басқа да журналистер мінген әуе шарында 7-8 адам болған. Бәрі аздап шошынып қалыпты. Себебі, бұлар отырған шар айдалаға «лағып» кетіп, Ұзынағаш ауылына барып құлаған. Ал бұдан әлгі екі турист әйел хабарсыз да шығар», – деді.

    Ел аралап, қыдырып жүрген екі турист әйелдің әуе шарына отырғаны кімге қызық болды екен? Журналистерді шақырып, ұйымдастырып жүрген кімдер? Ал түсіру тобы емес, әлгі туристер мінген әуе шары құлағанда не болар еді?!

  • Демалыс күндері кей өңірлерде 30 градус ыстық болады

    Демалыс күндері кей өңірлерде 30 градус ыстық болады

    Синоптиктер 5,6,7 қазанға арналған ауа райы болжамын жариялады.

    «Скандинавиялық антициклонның ықпалымен еліміздің батысында, 5, 6 қазанда солтүстік және шығыс облыстарда ауа райы ашық болады, күндіз батыста температура 23-30 градусқа көтерілсе, солтүстікте және шығыста 15-23 градусқа дейін жылынады. Алайда түнде температура нөлден де төмендейді», делінген ауа райы болжамында.
    7 қазанға қарай солтүстік пен шығысқа суық атмосфералық ағын мен жаңбырлы бұлт таралады, сондықтан жел күшейіп, жауын жауып, күн салқындайды.
  • Елімізде 400 мыңға жуық мұғалім бар

    Елімізде 400 мыңға жуық мұғалім бар

    Бүгінде Қазақстанда 400 мыңға жуық мұғалім мектепте жұмыс істейді. Оқу-ағарту министрлігінің мәліметінше, қазіргі таңда еліміздегі барлық білім беру ұйымында шамамен 600 мың педагог бар.

    Оның ішінде мектепте 399 247 мұғалім (323 569 – әйел, 75 678 ер адам) сабақ береді:

    • 10 жылға дейінгі еңбек өтілі бар – 142 722 адам,
    • 10-20 жыл еңбек өтілі бар – 114 175 адам,
    • 20-30 жыл еңбек өтілі бар – 77 мың 22 адам,
    • 30 жылдан және одан көп еңбек өтілі бар – 65 328 адам.

    Сондай-ақ техникалық және кәсіптік білім беру ұйымдарында 41 155 педагог, мектепке дейінгі мекемелерде 100 566 тәрбиеші еңбек етіп жүр.

     

  • «Пайызсыз баспана»: 134 адамды алдағандар сотталды

    «Пайызсыз баспана»: 134 адамды алдағандар сотталды

    Шымкентте әлеуметтік желі арқылы қаржы пирамидасын ұйымдастырған қылмыстық топ мүшелері сотталды. «Пайызсыз баспана» деп аталатын ұйым құрған олар Шымкент, Астана және Алматы қалаларынан арзан бағамен үй алып беруге көмектесеміз деп, 134 азаматты алдап соққан. Алғашқы жарна ретінде 1 миллион ақша аударса бағасы 15 миллион теңге болатын пәтерді алуға жәрдемдесетінін айтып, жарнамалаған. Және азаматтардың сеніміне кіру үшін алдымен 3-4 адамға үй сатып әпергенін желі арқылы таратады. Олар осындай жымысқы әрекетімен 171 миллион теңге олжа тапқан. Сот топ жетекшісі мен оның екі көмекшісін 3 жылдан 6 жылға дейін бас бостандығынан айырды.

     

  • 5 қазаннан бастап реферандум туралы үгіт-насихат жүргізуге болмайды

    5 қазаннан бастап реферандум туралы үгіт-насихат жүргізуге болмайды

    Биыл 5 қазаннан бастап реферандум туралы үгіт-насихат жүргізуге болмайды. Бұл туралы Орталық референдум комиссиясының төрағасы Нұрлан Әбдіров айтты.

    Бүгін түнгі сағат 00:00-де үгіт-насихат аяқталады. Бұған дейін үгіт жүргізуге болады. Ертең – тыныштық күні. Сондықтан бүгін сағат 00:00 кейін ешқандай үгіт жүргізуге болмайды. Яғни тыныштық күні және дауыс беру күні үгітке байланысты кез келген әрекетке тыйым салынады. Ол үшін заңда құқықтық жауапкершілік қарастырылған, – деді Нұрлан Әбдіров.

    Ол 6 қазанда реферандумға байланыс зерттеу қорытындысын, дауыс беру нәтижесінің болжамын БАҚ-та жариялауға болмайтынын ескертті.

    Қоғамдық пікірге сауал салу қорытындысының, референдумға байланысты өзге де зерттеулер, дауыс беру нәтижесінің болжамын дауыс берілетін күні БАҚ-та және онлайн платформаларды жариялауға жол берілмейді. Дауыс беру күні дауыс беруге арналған үй жайда немесе пункте қоғамдық пікірді білу үшін сауалнама жүргізуге де тыйым салынады. Мұны ұмытпаңыздар, – деді төраға.

  • Астанада атом энергиясына арналған мурал пайда болды

    Астанада атом энергиясына арналған мурал пайда болды

    Астанадағы көпқабатты үйлердің бірінде референдум мен атом энергиясына арналған мурал пайда болды. Бұл сурет қала көшесіне сән беріп қана қоймай, жұртшылықты еліміздің болашағы және атом станциясының энергетикалық қауіпсіздік тұрғысындағы маңыздылығы туралы ойлануға шақырады. «Өнер және болашақ энергиясы» — деп аталатын көше туындысының биіктігі 15 қабатты үймен бірдей.

  • Алматыда Toyota Camry-дің батыл жүргізушісі іздестіріліп жатыр

    Алматыда Toyota Camry-дің батыл жүргізушісі іздестіріліп жатыр

    Алматыда Toyota Camry жүргізушісі қыздың артынан еріп, жаяу жүргіншілер жолағына шығып кетті. Видео әлеуметтік желілерде пайда болды.

    «Бүгін Алатау даңғылында қыздың артынан «камри» еріп жүрді, ол қыздан не қалағаны белгісіз, жұмбақ… Қыз да ештеңе болмағандай жаяу жүргіншілер жолымен жүре берді… Жаяу жүргіншілер жолағына шыққаны үшін айыппұл сала ма, қалай ойлайсыңдар?», – делінген видео сипаттамында.

    Пікір білдірген қолданушылар көлікті қыздың жігіті немесе күйеуі жүргізіп келе жатқан болуы мүмкін деп болжаған, өйткені қыз сабырмен жауап беріп, көмекке ешкімді шақырмаған.

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Президент: Судьялар адалдықтың, дербестіктің және әділдіктің жарқын үлгісі болуы керек

    Президент: Судьялар адалдықтың, дербестіктің және әділдіктің жарқын үлгісі болуы керек

    Әділ сот — мемлекеттің тірегі, сондықтан сот билігі қашанда абыройлы әрі мінсіз болуға тиіс. Президент Қазақстан Судьяларының ІХ съезінде осылай деді. Сондай-ақ, бұл басымдықтарға қол жеткізу үшін атқарылуы тиіс жұмыстарға тоқталды. Келер жылы шілде айынан бастап, сот шешіміне кассациялық тәртіппен шағымдану мүмкіндігі пайда болады. Одан бөлек, саланың цифрлану деңгейін жетілдіре түсу де маңызды. Бұл соттың ашықтығы мен судьялардың жауапкершілігін арттыра түседі. Ал сот кезінде пайдаланылатын деректер қатысушылардың барлығына қолжетімді болады.

    ,«Судьялар адалдықтың, дербестіктің және әділдіктің жарқын үлгісі болуы керек. Сондықтан судьялардың этикалық нормаларды сақтауы ерекше маңызды. Жаңа өзгерістерге сай енді сот ісін қарау кезіндегі барлық өрескел қателікті қазылар қауымы тексереді. Бұл – соттардың тәртіптік жауапкершілігін күшейтуге бағытталған жаңа тәсіл», — деді  Қазақстан Республикасының Қасым-Жомарт Тоқаев.