Жетісу облысындағы Алакөл көлі маңында түнде жер сілкінісі болды.
Қазақстандық деректер орталығы ГЗИ ҰЯО ақпаратынша, жер сілкінісі 11 шілдеде Астана уақытымен сағат 23:24-те болған. Жер сілкінісінің ошағы Ақши ауылынан оңтүстік-батысқа қарай 12 шақырым жерде орналасқан. Магнитудасы 3,7 болды.
Қонаевта «Таза Қазақстан» экологиялық науқаны жалғасуда.
Бүгін «Шошқалы сай» арнасы, Индустриальная көшесі және теміржол өткелінің бойы қоқыстан тазартылды. Науқанға 100-ге жуық адам, 4 арнайы техника жұмылдырылды. Нәтижесінде 8 тонна қатты қалдықтар шығарылды.
Аталған экоакция осы аптада тағы бір рет ұйымдастырылады деп жоспарлануда.
Жамбыл аудандық соты жергілікті тұрғыннан 30 бас жылқыны ұрлаған барымташыға қатысты үкім шығарды.
2023 жылдың қыркүйек айында Жамбыл аудандық полиция бөліміне 30 бас жылқының жоғалғаны туралы жергілікті тұрғын арызданды. Қылмыстың «ізін суытпай» ашу мүмкіндігі болмады, себебі жәбірленуші полицияға малдарын өз бетінше іздеуден үмітін үзген соң бір аптадан кейін ғана жүгінген.
Жедел-іздестіру іс-шараларын жүргізу барысында ұрланған жылқылар Жамбыл облысының Меркі ауданында екендігі туралы ақпарат келіп түсті.
«Келіп түскен ақпарат бойынша бірқатар тексеру жұмыстары жүргізілді, іс-шара барысында ұрланған жылқыларды сатып алушы анықталып, ол арқылы мал ұрлаған кісіге шықты. Мән-жайларды анықтаған кезде барымташтың малдарды бірнеше күн бақылағаны анықталды. Иелерінің немқұрайлылығына көз жеткізгеннен кейін, түнде шабуылдаушы жануарларды еркін жайылымнан көрші ауданға алып кетіп, алдын-ала дайындалған жерге жасырды. Осыдан кейін ол жүк тасымалдаушыларды жалдап, олардың көмегімен малды көрші Жамбыл облысына тасымалдаған», – деп атап өтті Жамбыл АПБ бастығының орынбасары Бейбіт Байзиханов.
Жалпы келтірілген шығын 12 миллион теңгеден асты. Мал ұрлығын жасаған азамат кінәлі деп танылып, 8,5 жылға бас бостандығынан айырылды.
«Барлық мал иелерін өздерінің «тірі» мүлкіне жауапкершілікпен қарауға шақырамыз. Есіңізде болсын, сіздің малдарыңыздың қауіпсіздігі тек сіздің ұқыпты көзқарасыңызға және жануарларды ұстау мен бағу ережелерін сақтауға байланысты», – деп толықтырды Б. Байзиханов.
Ақтөбе қаласында тоғыз қабатты тұрғын үйдің бірінші қабатындағы азық-түлік дүкенінде 4 ш.м. алаңда тоңазытқыш өртенді, деп хабарлайды Sona.kz ҚР ТЖМ баспасөз қызметіне сілтеме жасап.
«Құтқарушылардың жедел іс-қимылдарының арқасында өрт шақыру түскен сәттен бастап 20 минут ішінде жойылды», — деп жазды ТЖМ.
Ресми мәліметке сүйенсек, төтеншеліктердің күшімен баспалдақ маршымен 7 адам құтқарылды, оның ішінде 3 бала, жоғарғы қабаттардан 5 бала және 11 ересек адам эвакуацияланды. Зардап шеккендер жоқ. Өрттің себебі анықталуда.
ТЖМ азаматтардан өрт қауіпсіздігі ережелерін сақтауды сұрайды.
Күдіктілердің бірі бұған дейін шет мемлекеттің аумағында соғыс әрекеттеріне қатысып, ол үшін Қазақстанда сотталған болатын. Бұл туралы ҚР ҰҚК мәлімдеді, деп хабарлайды Sona.kz.
Астана, Шымкент қалаларында, Атырау, Жамбыл облыстарында ҰҚК прокуратураның үйлестіруімен және полиция көмегімен діни радикалдардың әрекеттерінің жолын кесу бойынша іс-шара өткізді.
«Жедел қызметкерлер террористік әрекеттерге қатысуға, терроризмді насихаттауға, экстремистік әрекеттерді ұйымдастыруға және осы мақсатта адамдарды тартуға күдікті ретінде Қазақстанның 4 азаматын мен 1 шетелдікті ұстады және қамауға алды», — делінген хабарламада.
ҰҚК ақпаратынша, олардың тұрғылықты жерлерінен көптеген діни-экстремистік әдебиеттер мен өзге де заттай дәлелдемелер алынды.
«Айта кету керек, күдіктілердің бірі бұған дейін шет мемлекеттің аумағында соғыс әрекеттеріне қатысып, ол үшін Қазақстанда сотталған болатын. Тағы екеуіне қатысты «ауыр» есірткіні үнемі қолданғаны туралы ақпарат тексерілуде», — деп жазды ведомство.
Қылмыстық кодекстің 256, 257, 259 және 405-баптары бойынша сотқа дейінгі тергеп-тексеру жүргізілуде.
Мұны Қарағанды облысының прокуратурасы мәлімдеді, деп хабарлайды Sona.kz.
2023 жылғы 12 шілдеде Мемлекет басшысы «Заңсыз иемденілген активтерді мемлекетке қайтару туралы» Заңға қол қойды.
Негізгі міндеттер заңсыз алынған мүлікті анықтау және мемлекетке қайтару, сондай-ақ экономикалық ресурстардың заңсыз шоғырлануына және мүлікті заңсыз алып қоюға ықпал еткен себептер мен жағдайларды анықтау болып табылады.
Прокуратура заңсыз берілген 37 жер телімін, сондай-ақ құны 900 миллион теңгені құрайтын «Сарыарқа» хоккей клубын мемлекет меншігіне қайтарды.
Қазір прокурорлар мемлекеттік мүлікті жекешелендірудің заңдылығын тексеріп жатыр.
Мемлекеттің экономикалық мүдделерін қалпына келтіру мақсатында заңсыз алынған және жекешелендірілген барлық мемлекеттік мүлікке қатысты прокурорлық қадағалау және ден қою шаралары қабылданатын болады.
«ҚТЖ» ҰК» АҚ Магистральдық желі дирекциясы жол-жөндеу жұмыстарын жүргізуге арналған өнімділігі жоғары машиналарды сатып алды, деп хабарлайды Sona.kz тілшісі.
Жол техникасының паркі 4 УК-25/25 төсеу крандарымен және 8 бірлік МПК мотор платформаларымен толықтырылды. Жаңа машиналар көмегімен Павлодар және Көкшетау өңірлерінде жолды күрделі жөндеу жұмыстары жүргізілді.
Мамандардың айтуынша, ауыр типтегі машиналар теміржол төсемін күрделі және басқа да жөндеу түрлерін ұлғайтуға мүмкіндік береді. Мысалы, жаңа УК-25/25 крандары жүк көтергіштігінің жоғарылауына байланысты үлкен өнімділікті қамтамасыз етеді. Кранды басқару қашықтан басқару пульті арқылы жүзеге асырылады.
Жыл соңына дейін Магистральдық желі дирекциясы темір жолды жөндеу және ағымдағы күтіп ұстау үшін 3 түзету-соғу-әрлеу машинасын сатып алуды жоспарлап отыр.
Алматы облысы Талғар ауданының әкімі Танат Айдарбеков ерлік жасаған Серікжан Сембайұлына алғыс хатпен, сыйлыққа соңғы нұсқасындағы Ipad-ты табыс етті.
Аудан басшысы Ботан Серікжанның ерен ерлігі үшін Талғар ауданы жұртының атынан шексіз алғысын білдірді.
«Нағыз ер адамның қолынан келетін әрекеттер назардан тыс қалмауы керек. Еліміз өз батырлары туралы білуі қажет», — деді аудан басшысы.
Polisia.kz сайтының мәліметінше, шілде айында Ақтөбе қаласындағы мекемелердің бірінің басшысы телефон-алаяқтарының арбауына түсіп, 19 миллион теңгеге қарызға кірген.
Ақтөбелік әйелдің телефонына белгісіз адамдар WhatsApp мессенджері арқылы хабарласып, өздерін Ұлттық қауіпсіздік комитетінің, Ұлттық банктің және полиция департаментінің қызметкерлері ретінде таныстырған. Олар жәбірленушінің атына алаяқтар түрлі банктерден 10 онлайн-несие рәсімдегенін және олардың күшін жою үшін өз атына бірнеше несие рәсімдеу қажеттілігін айтқан.
Әйел қоңырау шалушылардың барлық шартын орындап, қаладағы 3 банктен 14 миллион теңгеге жуық сомаға несие рәсімдеген. Сонымен қатар жақын туыстарынан 5,5 миллион теңге қарыз алған. Әрі қарай жалпы сомасы 19 миллион теңгеден асатын ақшаны алаяқтар көрсеткен банктік шоттарға аударған. Екі күннен кейін ғана алаяқтарға алданып, қарызға батқанын түсінген жәбірленуші полицияға арызданды.
«Құзырлы мекеме қызметкерлері WhatsApp мессенджері арқылы қоңырау шалмайтынын, жеке деректеріңізді және телефонға ешқандай қосымша бағдарламалар жүктеуді сұрамайтынын және өз аттарыңызға несие рәсімдеп, аударып жіберуді талап етпейтінін азаматтардың тағы да есіне саламыз», — деді Ақтөбе облысы ПД киберпол бөлімінің басшысы Галина Стырличук.
Астанада жөндеу жұмыстарына байланысты танымал автобус бағыттары уақытша қозғалысын өзгертті.
«Жөндеу жұмыстары аяқталғанға дейін No 10, 32, 37, 45, 49, 51, 52, 53, 60, 201, 302, 303, 308, 309 маршруттарының қозғалыс сызбалары уақытша өзгертілді. Сапрыңызды алдын ала жоспарлаңыз», — делінген «City Transportation Systems» ЖШС хабарламасында.