Құрманғазы ауданында полицейлер жеке үйден шыққан өртті байқап, дереу әрекет етті. Учаскелік инспекторлар Есмағамбет Миянов, Беркін Уахитов, Карима Ниязова және патрульдік полицей Бақытжан Зияш оқиға орнына жеткен.
Үй ішінде ер адамның қалып қойғанын анықтаған олар терезені сындырып, ішке кіріп, тұншығып қалған азаматты сыртқа алып шықты.
Анасының рұқсатынсыз түсірілген тоғыз жастағы баланың видеосы қоғамда үлкен резонанс тудырды. Daricorn есімді блогер Qatty Tatty дәмханасын жарнамалау үшін түсірген роликтен кейін балаға мектепте, секцияда және аулада мазақ көрсетілген. Баланың анасы видеодағы монтаж баланың сөзін бұрмалап көрсеткенін айтты. Оқиғаға Білім министрлігі араласып, отбасына психологиялық және заң көмегін ұсынды. Ведомство блогерлерге ескерту жасады: баланың бейнесін ата-анасының рұқсатынсыз пайдалануға заң тыйым салды.
Судья Ержан Жанұзақов сот процесі барысында жәбірленушілерден жауап алу кезінде сөзге араласқан Қаржаубай Нұрымовқа бірнеше рет ескерту жасады.
Бүгін түске дейін сотта Шерзат Полаттың әжесі Жұмабике Қадырова мен анасы Гүлбара Бейшембиева жауап берді. Олар қанды түні көрген-білгенін айтты. Әжесін жауап алынғаннан кейін жедел жәрдем алып кетті, ал анасы түстен кейін жауап беруді жалғастырады.
Жәбірленушілер жауап беру кезінде Шерзат Полаттың әкесі Қаржаубай Нұрымов бірнеше рет сөзге араласты. Гүлбара Бейшембаеваның жауабына көңілі толмаса керек. Бірнеше рет сөзге араласқаннан кейін судья Ержан Жанұзақов “Мен сізге соңғы рет ескерту жариялаймын, егер сөзге тағы араласатын болсаңыз, сот залынан шығасыз, сіздің жауап беретін кезегіңіз келеді” деп ескерту жасады.
Қаржаубай Нұрымов сотта ашуға беріліп кетіп отыр. Оның бір себебі – отырған орындығының артында сотталушылардың аналары отырғаны. Олардың сотта айтылған әр сөзге байланысты пікірі Нұрымовтың ашуына тисе керек. “Бұл кісілерді басқа жерге отырғызыңыз немесе мүлде шығарып жіберіңіз” деп талап етті ол судьядан.
Сот түстен кейін сағат 14.30-да жалғасады.
Қаза тапқан Шерзат Полаттың әжесі Жұмабике Қадырова соттағы жауаптарынан кейін өзін жайсыз сезінді.
Ол жауап беру кезінде қатты эмоцияға беріліп, көз жасын тыя алмады. Қаржаубай Нұрымов анасына араша түсіп, айыпталушылардың қорғаушылары «негізсіз сұрақтар қойып жатыр» деп наразылық білдірді.
Сот залынан шыққаннан кейін Шерзаттың әжесі есінен танып қалды. Куәгерлердің айтуынша, оны қолмен көтеріп, жедел жәрдем көлігіне жеткізген.
Оның айтуынша, ол баласын қалай соққыға жыққанын және пышақтағанын өз көзімен көрген.
«Шерзаттың аузынан қан ақты. Ол: “Анашым, сол жақ бүйіріме бірдеңе кіріп кеткен сияқты” деді. Қарасам — пышақ қадалып тұр екен. Кейін Нұрқиястың қолында мылтық барын көрдім. Алдымен олар Нұрғанатты ұрды, содан кейін Шерзатқа ауысты. Нұрқияс мылтықпен ұрды. Мен баламды қорғамақ болдым, соққы қолыма тиді. Сол кезде ол: “Үніңді шығарма, әйтпесе сені де өлтіремін” деді»,- деді марқұмның анасы.
Бишембаева Шерзаттың аузынан қан ағып жатса да, айыпталушылар оны ұруды тоқтатпағанын айтты — олар оның басынан пышақпен ұрып, теуіп жатқан.
Талғар аудандық сотында 16 жастағы Шерзат Полатты өлтіру ісі бойынша жәбірленушілерден жауап алу басталды. Бүгін сотта Шерзаттың әжесі Жұмабике Қадырова эмоционалды түрде куәлік берді.
Ол күдіктілердің бірін — Абзал Шынасылды бірден танығанын айтты. “Немерем менің қолымда өсті, ешқашан төбелеске араласпаған. Егер қарумен келетінін білсем, үйден-ақ полиция шақырар едім”, — деді ол.
Қанды оқиға болған жерге жеткенде немересін таппай, топ адамның артынан жүгіріп барып көрген. “Оны ұрғандардың ішінде Абзал болғанын кейін Нұрғанат айтты”, — деді жәбірленуші.
Шерзаттың досы Ахмет Махмет шетелде оқып жатуына байланысты сотқа келе алмаған. Бірақ өз атынан өкілдеріне сенімхат берген.
Іс бойынша басты сот отырыстары жалғасып жатыр.
Президент Астана және Қазақстан митрополиті Александрды I дәрежелі «Достық» орденімен марапаттады, деп хабарлады Ақорда.
Мемлекет басшысы митрополит пен барша православ қауымын Пасха мерекесімен құттықтады.
«Қасым-Жомарт Тоқаев Православ шіркеуінің дәстүрлі және отбасылық құндылықтарды насихаттауға, жас ұрпақты тәрбиелеу мен еліміздің бай мәдени мұрасын сақтауға елеулі үлес қосып келе жатқанын атап өтті», — деп жазылған хабарламада.
Президент митрополит Александрды I дәрежелі «Достық» орденімен марапаттады. Бұл оның Қазақстандағы қызметіне 15 жыл толуына орай, сондай-ақ бейбітшілік пен келісімді нығайтудағы еңбегі үшін беріліп отыр.
Алматы қаласының Перинатология және балалар кардиохирургиясы орталығында Қазақстандағы тұңғыш омырау сүтінің банкі ашылды.
Денсаулық сақтау министрлігінің мәліметіне сүйенсек, бұл банкке жиналатын сүт шала туған балалар мен анасы емізе алмайтын балаларға арналған.
«Омырау сүтінің жеке банкі – неонаталдық қызметті жетілдірудегі өте маңызды қадам. Сүт қауіпсіз жағдайда сауылады да арнайы ыдыста сақталады. Кейін дәрігерлер оны қатырып, керек болғанда сүтке мұқтаж балаларға береді», – деп хабарлайды министрлік.
Болашақта министрлік елдегі әрбір үшінші деңгейдегі перинаталдық орталықтарда осындай банктер ашуды жоспарлап отыр.
Талдықорғанда өтіп жатқан атышулы сот отырысында Шерзат Полаттың өліміне қатысты медициналық сараптама қорытындысы жария етілді.
Бұл – істегі ең маңызды деректердің бірі. Марқұмның нақты неден қаза тапқаны туралы алғаш рет ресми түрде мәлімдеме жасалды.
Прокурор Дана Сәрсенбайдың айтуынша, 2024 жылы 4 қазанға қараған түні «Қамажай» дүкенінің жанында болған жанжалдан кейін Шерзаттың әкесі Қаржаубай Нұрымов жарақат алған ұлын және оның ағасы Нұрқанатты көлігіне отырғызып, бар жылдамдықпен Талғар аудандық орталық ауруханасына жеткізуге асыққан.
«Сот-медициналық сараптама қорытындысына сәйкес, Шерзаттың өлімі көп қан жоғалтудан болған. Жара сол жақ өкпенің жоғарғы тұсына түскен, пышақ жүрек тұсына өте жақын орналасқан көкірек қуысына сұғылған», – деп оқыды прокурор сот залында.
Дәрігерлер оның өлімін 2024 жылы 4 қазан күні түнгі 01:30-да Талғар аудандық ауруханасында тіркеді.
Еске сала кетсек, Талғарда 4 қазан күні бір топ адам келіп дүкен иесі Қаржаубай Нұрымов, ұлы Шерзат Полат және ағасы Нұрқанатпен жанжалдасып, арты кісі өліміне ұласты. 16 жасар Шерзат Полат қаза болды. Бұл іс қоғамда үлкен резонанс тудырды.
Бұған дейін Президенттің жарлығымен Дархан Кәлетаев Қазақстан Республикасының Украинадағы Төтенше және Өкілетті Елшісі лауазымынан босатылған еді.
Төлежан Барлыбаев Қазақстанның Украинадағы төтенше және өкілетті елшісі болып тағайындалды.
Төлежан Барлыбаев 1970 жылы Теміртауда дүниеге келген. Ресей мемлекеттік гуманитарлық университетін тәмамдаған.
Еңбек жолында әр жылдары Қазақстанның Украинадағы Елшілігінде бірінші хатшы, кеңесші, Польша Республикасындағы Елшілікте кеңесші қызметтерін атқарған. Сонымен қатар, Қазақстан Республикасы Президенті Әкімшілігінің Мемлекеттік бақылау және ұйымдастыру бөлімінде бас инспектор болған.
Сыртқы саясат саласында Қазақстанның Хорватиядағы елшісі, сонымен қатар қосалқы негізде Босния және Герцеговина мен Черногориядағы елші қызметін атқарған. Соңғы қызметі – Қазақстан Республикасының Словакиядағы төтенше және өкілетті елшісі болған.