Sona.kz

Рубрика: Қазақстан жаңалықтары

  • Астанада Ұлттық құзыреттер орталығы құрылады

    Астанада Ұлттық құзыреттер орталығы құрылады

    Жұмысшы мамандықтар жылының тағы бір жаңалығы Астана қаласында Ұлттық құзыреттер орталығын құру болмақ. Бұл орталық кәсіби құзыреттерді, жаңа технологиялық шешімдерді, заманауи кәсіби дағдыларды әзірлеп, өндіріске енгізуге ықпал етеді, – деді Ғани Бейсембаев.

    Оның айтуына қарағанда мұндай орталықтар әлемнің алдыңғы қатарлы индустриалдық мемлекеттерінде бұрыннан бар.

    – Сонымен қатар, Ұлттық құзыреттер орталығы базасында жыл бойы халықаралық чемпионаттарға арналған оқу-жаттығу лагерлері, республикалық чемпионат, педагогтерге арналған салалық курстар өткізіледі, – деді министр.

  • Аймақтарды су тасқынынан қорғау бойынша 56 жоба іске асырылып жатыр

    Аймақтарды су тасқынынан қорғау бойынша 56 жоба іске асырылып жатыр

    Су ресурстары және ирригация министрлігі 6 облыс әкімдігімен бірлесіп елді мекендерді көктемгі су тасқынынан қорғау мақсатында 56 жобаны іске асырып жатыр.

    Ақмола, Ақтөбе, Батыс Қазақстан, Павлодар, Солтүстік Қазақстан және Қостанай облыстарында 580 мың тұрғыны бар 84 елді мекеннің қауіпсіздігін қамтамасыз ету жоспарланып отыр. Бүгінгі таңда бұл жұмыстардың шамамен 40%-ы орындалды.

    «Осыған дейін министрліктің бассейндік инспекциялары ТЖМ және әкімдіктермен бірлесіп еліміз бойынша 1502 гидротехникалық құрылысқа зерттеу жүргізді. Тексеріс қорытындысы бойынша гидротехникалық құрылыстардың иелеріне анықталған кемшіліктерді жою бойынша ұсыныстар берілді. Көктемгі су тасқынын қабылдау үшін бос сыйымдылықтарды қамтамасыз ету мақсатында еліміздің солтүстігі, батыс, шығыс және орталық аймақтарындағы су қоймаларынан су жіберу жұмысы жалғасуда», – деді Су ресурстары және ирригация вице-министрі Ерболат Ибрайханов.

  • Алматы әуежайында бірқатар рейс кешігіп жатыр

    Алматы әуежайында бірқатар рейс кешігіп жатыр

    Ауа райына байланысты Алматы халықаралық әуежайында бірқатар рейс кешігіп ұшады.

    Ұшу уақыты кейінге шегерілген рейстер қатарында «Алматы-Астана», «Алматы-Шымкент» және өзге де бағыттар бар.

    «2025 жылдың 8 қаңтарында қолайсыз ауа райы жағдайларына (қар жауу, тұман) байланысты кейбір ұшып кету рейстері кейінгі уақытқа ауыстырылды», – деп хабарлады әуежайдан.

  • Алты облыста автожолдар жабылды

    Алты облыста автожолдар жабылды

    2025 жылғы 7 қаңтар сағат 19:00-де ауа райының бұзылуына байланысты көліктің барлық түрінің қозғалысына бірнеше өңірде шектеу еңгізілді, деп хабарлайды «ҚазАвтоЖол».

     Қостанай облысы: 

    «Жезқазған-Петропавл» автожолының 339-377 шақырымы (Арқалық қаласынан Ақмола облысының шекарасына дейін);

     Ақмола облысы:

    «Жезқазған-Петропавл»  автожолының 377-440 шақырымы (Қостанай облысының шекарасынан Державинск қаласына дейін);

    Ұлытау облысы:

    «Қызылорда-Павлодар» автожолының 216-424 шақырымы (Қызылорда облысы шекарасынан Жезқазған қаласына дейін);

    Қызылорда облысы:  

    «Қызылорда-Жезқазған» автожолының 12-216 шақырым аралығында (Қызылорда қаласынан Ұлытау облысының шекарасына дейін);

    Түркістан облысы:

    «Алматы-Ташкент-Термез» автожолының 593-620 шақырым аралығы (Жамбыл облысы шекарасынан Тұрар Рысқұлов ауылына дейін);

    Жамбыл облысы:

    «Алматы-Ташкент-Термез» автожолының 535-593 шақырым аралығында (Айша бибі ауылынан Түркістан облысы шекарасына дейін).

    2025 жылғы 8 қаңтар сағат 08:00-де жолдарды ашу жоспарланған.

    1403 байланыс орталығына хабарласып, тәулік бойы қосымша ақпарат алуға болады.

  • Президент қазақстандықтарды Рождество мерекесімен құттықтады

    Президент қазақстандықтарды Рождество мерекесімен құттықтады

    Мемлекет басшысы Қасым-Жомарт Тоқаев православ христиандарын Рождество мерекесімен құттықтады. Құттықтау сөзі akorda.kz сайтында жарияланды.

    «Құрметті отандастар!

    Еліміздің барша православ христиандарын Рождество мерекесімен құттықтаймын!

    Жұртқа жақсылық пен үміт сыйлайтын осы жарқын мейрамда діндар жандар адами құндылықтарға қызмет ету жолында өзара бірігеді.

    Рождествода азаматтар ерекше қуанышқа бөленеді, православ дінін ұстанатын адамдар жақындарына қамқорлық көрсетіп, мұқтаж адамдарға жанашырлық танытуға асығады.

    Православ діні елдің берекелі бірлігі мен ырысты ынтымағын нығайта түсуге, жалпыұлттық бірегейлігіміздің өзегі саналатын отаншылдық, жасампаздық және жауапкершілік сияқты құндылықтарды дәріптеуге мол үлес қосып келеді.

    Қоғамдағы татулық пен түсіністік Қазақстанның тұрақты дамуының мызғымас тірегі болып қала беретініне кәміл сенемін.

    Еліміздің православ христиандарына зор денсаулық, бақ-береке және толағай табыс тілеймін!

    Рождество мерекесі құтты болсын!» — деді президент.

  • Ауа температурасы күрт төмендейді: 7-9 қаңтарға арналған ауа райы болжамы

    Ауа температурасы күрт төмендейді: 7-9 қаңтарға арналған ауа райы болжамы

    «Қазгидромет» синоптиктері алдағы үш күнге – 7 қаңтар мен 9 қаңтар аралығына арналған ауа райы болжамын ұсынды. 

    Мамандардың айтуынша, 7 қаңтардан бастап еліміздің басым бөлігінде ауа райы ылғалдың үлкен қоры бар Оңтүстік Каспий циклонының әсерінен қалыптасады:

    • республиканың солтүстік-батысында, солтүстігінде, шығысында және орталығында – қар, боран, кейде қалың қар;
    • республиканың оңтүстік-батысында, оңтүстік және оңтүстік-шығыс облыстарында – жауын-шашын (жаңбыр, қар);
    • Түркістан облысының таулы аймақтарында қатты жауын-шашын (жаңбыр, қар) жауады.

    Ал 8 қаңтарға қараған түні батыс антициклонымен ауа температурасын күрт төмендететін суық ауа массаларының басып кіруі күтіледі:

    • түнде республиканың солтүстік жартысында –15-25°С аязға дейін,
    • оңтүстігінде -5-15°С аязға дейін,
    • Алматы және Жетісу облыстарының таулы аймақтарында -20-25°С аязға дейін төмендейді.

    Алайда, 9 қаңтарда күндіз ауа температурасы қайтадан көтеріледі: республиканың солтүстік жартысында 0-5°С аязға дейін, оңтүстік жартысында 0+5°С дейін.

    Сондай-ақ елде жел күшейіп, тұман және көктайғақ болады.

  • Ауылға баратын дәрігерлерге 393 мың теңге жәрдемақы беріледі

    Ауылға баратын дәрігерлерге 393 мың теңге жәрдемақы беріледі

    Мәжіліс депутаты, «АМАNАТ» партиясы фракциясының мүшесі Гүлдара Нұрымова Байзақ ауданы Қызыл Жұлдыз ауылындағы жаңа дәрігерлік амбулаторияның жұмысымен танысты, деп хабарлайды мәжілістің баспасөз қызметі.

    Баспасөз қызметінің мәліметіне сүйенсек, 60 адамға арналған медициналық мекеме «AMANAT» партиясының сайлауалды бағдарламасы аясында салынған. Мұнда 3 дәрігер, 13 орта медицина қызметкері және бір психолог жұмыс істейді. Аталған амбулатория ауылдағы 5 мыңға жуық тұрғынға қызмет көрсетеді.

    Гүлдара Нұрымова ауылдағы дәрігер тапшылығы мәселесін шешу үшін ауылды жерлерге көшіп келген мамандарға 100 АЕК көлемінде көтерме жәрдемақы төленетінін атап өтті. Денсаулық сақтау мәселелері жөніндегі заңға енгізілген бұл норма «AMANAT» партиясының сайлауалды бағдарламасында қамтылған.

    «Мемлекет денсаулық сақтау саласына үнемі ерекше көңіл бөледі. Биыл дәрігерлерді қорғауға, олардың мәртебесін көтеруге бағытталған сапалы жаңа заң күшіне енді. Бірқатар әлеуметтік кепілдіктер енгізіліп, құқықтық қорғау күшейтілді. Атап айтқанда, мектепке дейінгі ұйымдарда медицина қызметкерлерінің балаларына бірінші кезекте орын беріледі, басы артық есеп беру мәселесі қысқартылады, дәрігерлердің кәсіби жауапкершілігі сақтандырылады және басқа да өзгерістер бар. Медициналық жоғары оқу орындарының жас түлектері олардың көмегі адамдарға шынымен де қажет екенін және мемлекет тарапынан жасалатын қолдау шаралары дәл осыған бағытталғанын анық түсінуге тиіс», – деді депутат.  

    Айта кетейік, былтыр Жамбыл облысында партияның сайлауалды бағдарламасын жүзеге асыру аясында 20 медициналық нысан пайдалануға беріліп, екі емханаға күрделі жөндеу жұмысы жүргізілді. 18 бірлік медициналық диагностикалық техника (томографтар, УДЗ аппараттары және т.б.), 38 санитарлық көлік сатып алынды. Бұл қадамдар ерте диагностиканы жақсартуға, жедел жәрдем жұмысының сапасын және ауылды жерлерде медициналық қызметтің қолжетімділігін арттыруға мүмкіндік берді.

  • Шерзат Болаттың ісі бойынша сот қашан басталады?

    Шерзат Болаттың ісі бойынша сот қашан басталады?

    Салтанат Нүкенованың ағасы, құқық қорғаушы Айтбек Амангелді Талғарда өлтірілген Шерзат Болаттың ісі бойынша сот отырысы қашан басталуы мүмкін екенін айтты.

    Instagram-да жазылушылардың сұрағына жауап бере отырып, Айтбек Амангелді былай деп жазды:

    Менің ойымша, наурыз айында басталады (бірақ ертерек немесе кейінірек басталуы мүмкін). Тергеу әзірге соңғы сатысында, тараптарға іс материалдарымен танысуға уақыт беріледі. Бізден басқа 11 күдікті мен олардың адвокаттары бар. Олар өз тараптарынан өтініш бере алады. Осыдан кейін іс прокуратураға жіберіледі. Кейінірек судьяны анықтау үшін сотқа жіберіледі. Содан кейін судья өз кестесіне сәйкес алдын ала тыңдауды белгілейді. Содан кейін бас сот басталады, – дейді ол.

  • Бірқатар өңірде ауа райына байланысты ескерту жасалды

    Бірқатар өңірде ауа райына байланысты ескерту жасалды

    Ұлытау облысының солтүстігінде, шығысында, оңтүстігінде көктайғақ күтіледі. Облыстың шығысында, оңтүстігінде тұман.

    Қарағанды облысының батысында, солтүстігінде, оңтүстігінде тұман күтіледі. Қарағанды қ.: 06 қаңтарда түнде және таңертең тұман күтіледі.

    Қызылорда облысының батысында, солтүстігінде, орталығында тұман, күндіз облыстың батысында, солтүстігінде көктайғақ күтіледі.

    Атырау облысының солтүстігінде, шығысында тұман. Күндіз облыстың шығысында көктайғақ күтіледі

    Астанада кей уақыттарда көктайғақ күтіледі. Түнде және таңертең тұман күтіледі.

    Батыс Қазақстан облысының батысында, солтүстігінде, шығысында тұман, көктайғақ күтіледі. Орал қ.: 06 қаңтарда көктайғақ күтіледі.

    Қостанай облысында бұрқасын, күндіз облыстың шығысында, оңтүстігінде жаяу бұрқасын, көктайғақ күтіледі. Облыстың шығысында, оңтүстігінде тұман күтіледі. Оңтүстік-батыстан, батыстан жел соғады, облыстың батысында, солтүстігінде, шығысында екпіні 15-20 м/с күтіледі.

    Алматы облысының солтүстігінде, оңтүстігінде, таулы аудандарында кей уақытта көктайғақ күтіледі. Облыстың солтүстігінде, оңтүстігінде, таулы аудандарында кей уақытта тұман.

    Алматыда түнде және таңертең тұман күтіледі.

    Түркістан облысының солтүстігінде, батысында, оңтүстігінде, таулы және тау бөктерлі аудандарында тұман түседі.

    Шымкентте түнде және таңертең тұман күтіледі.

    Ақтөбе облысының солтүстігінде, шығысында жаяу-бұрқасын, күндіз облыстың оңтүстігінде, шығысында, орталығында көктайғақ, жаяу-бұрқасын күтіледі. Облыстың батысында, солтүстігінде, оңтүстігінде тұман күтіледі.

    Павлодар облысының оңтүстігінде, шығысында тұман күтіледі. Павлодар қ: 06 қаңтарда түнде және таңертең тұман күтіледі.

    Маңғыстау облысында көктайғақ күтіледі. Облыстың солтүстігінде, орталығында тұман күтіледі.

    Солтүстік Қазақстан облысының батысында, солтүстігінде, оңтүстігінде көктайғақ, жаяу бұрқасын күтіледі. Облыстың оңтүстігінде тұман күтіледі. Оңтүстік-батыстан, батыстан жел соғады, түнде күші 15-20, облыстың батысында екпіні 23 м/с, күндіз облыстың батысында, солтүстігінде, оңтүстігінде екпіні 15-20 м/с.

    Абай облысының шығысында, оңтүстігінде тұман күтіледі. Күндіз облыстың орталығында жаяу бұрқасын күтіледі. Оңтүстік-шығыстан соғатын жел оңтүстік-батысқа ауысады, күндіз облыстың орталығында екпіні 15-20 м/с.

    Шығыс Қазақстан облысының батысында, солтүстігінде, оңтүстігінде тұман күтіледі.

    Ақмола облысының батысында, солтүстігінде, оңтүстігінде, шығысында жаяу бұрқасын күтіледі. Көктайғақ күтіледі. Облыстың солтүстігінде, оңтүстігінде, шығысында тұман күтіледі. Оңтүстік-батыстан жел соғады, түнде және таңертең облыстың батысында, солтүстігінде, шығысында екпіні 15-20 м/с күтіледі.

    Жетісу облысының солтүстігінде, таулы аудандарда тұман күтіледі.

  • Ақтаудағы ұшақ апаты: көмекке асыққан адамдар мемлекеттік марапат алды

    Ақтаудағы ұшақ апаты: көмекке асыққан адамдар мемлекеттік марапат алды

    2024 жылдың 25 қаңтары күні таңертең Ақтау маңында Әзербайжанның ұшағы апатқа ұшырап, 38 адам қаза тапқан болатын. Бүгін Маңғыстау облысының әкімі  Нұрдәулет Қилыбай президент Қасым-Жомарт Тоқаевтың жарлығына орай, осы апат кезінде көмекке асыққан адамдарды мемлекеттік наградалармен марапаттады.

    Сонымен:

    Байтөре Олжас Серікбайұлы  – № 12 өрт сөндіру бөлімінің өрт сөндірушісі-құтқарушысы,

    Оңғар Серіболат Айтмұханбетұлы  – № 12 өрт сөндіру бөлімінің бөлімше командирі,

    Сәркенов Мәрлен Бегендікұлы  – № 1 мамандандырылған өрт сөндіру бөлімінің аға өрт сөндіруші-құтқарушысы Рахымжан Қошқарбаев атындағы III дәрежелі «Айбын» орденімен марапатталды.

    Ал, мына қызметкерлер:

    Аллабергенов Қожабек Сапарұлы  – «Апаттар медицинасы орталығы» ММ Маңғыстау облысы бойынша филиалының көлік жүргізушісі-санитары,

    Бағытов Манас Машрықұлы  – Жедел құтқару жасағының құтқарушысы,

    Естемес Әлішер Нұржанұлы  – «Қазавиақұтқару» АҚ әуе кемесінің екінші пилоты,

    Құдабаев Асхат Құдайбергенұлы – «Қазавиақұтқару» АҚ әуе кемесінің командирі

    Құбайдуллаев Заманбек Мұратұлы  –  Апаттар медицинасы орталығы филиалының фельдшері,

    Оразбеков Оспан Жалғасынұлы  –  Апаттар медицинасы орталығы филиалының дәрігері «Ерлігі үшін» медалмен марапатталды.

    Бұдан өзге «Апаттар медицинасы орталығы» филиалының психологы Есен Жан Байкенқызы «Ерен еңбегі үшін медалімен марапатталды.