Sona.kz

Рубрика: Қоғам

  • Бас прокурор суицидке қатысты әр фактіні тергеуді ерекше бақылауды тапсырды

    Бас прокурор суицидке қатысты әр фактіні тергеуді ерекше бақылауды тапсырды

    «Балалардың өзіне-өзі қол жұмсау толқыны қоғамда резонанс тудырды. Прокурорларға әр факт бойынша тергеуді ерекше бақылауды тапсырдым. Жалпы, әлеуметтік желілер балалардың суицид белсенділігіне әсер ететіндіктен прокурорлар 15 мың зиян сайт пен сілтемені бұғаттауға қол жеткізді», – деп жазды ол әлеуметтік желідегі парағында.

    Айта кетсек, соңғы бір-екі айда Қазақстанда балалар және жастардың өз-өзіне қол салу фактілері жиіледі.

    Балалардың өзіне-өзі қол жұмсау толқыны қоғамда резонанс тудырды.
    Прокурорларға әр факт бойынша тергеуді ерекше бақылауды тапсырдым.
    Жалпы, әлеуметтік желілер балалардың суицид белсенділігіне әсер ететіндіктен прокурорлар 15 мың зиян сайт пен сілтемені бұғаттауға қол жеткізді.

  • Алматы облысында 14 жастағы оқушы қыздың денесі табылды

    Алматы облысында 14 жастағы оқушы қыздың денесі табылды

    Алматы облысы Талғар ауданының кентінде 14 жасар қыз көз жұмды. «Не молчи» қорының хабарлауынша, қайғылы оқиға Өтеген ауылында болған. Алдын ала мәлімет бойынша, ол өз-өзіне қол салған болуы мүмкін.

    Алматы облысының полиция департаменті баланың өлімі жайлы ақпаратты растады. – Аталған факті бойынша Талғар ауданының полицейлері қылмыстық іс қозғады. Сот-медициналық сараптама тағайындалды, – деп хабарлайды полиция.

    Қазір тергеу жүргізіліп жатыр.

  • ІІМ балалар арасында тараған қауіпті ойынға қатысты дабыл қақты

    ІІМ балалар арасында тараған қауіпті ойынға қатысты дабыл қақты

    ІІМ-нің ресми өкілі Шыңғыс Әлекешев министрліктің дәстүрлі брифингінде оқушыларға интернеттен келетін зардаптың алдын алу жайлы айтып берді, деп хабарлайды Azattyq Rýhy.

    «Жыл басынан бері мониторинг нәтижесінде суицидтік сипаттағы белгілері бар 43 интернет-ресурс анықталды. Олар бойынша ақпарат бұғаттау үшін уәкілетті органға, яғни мәдениет және ақпарат министрлігіне жіберілді. Соңғы уақытта мессенджерлерде қауіпті ойындар туралы ақпарат таралып жатыр. Мұндай ойындарда өзін-өзі өлтіру элементтері кездеспейді, бірақ онда балалардың психикасына теріс әсер ететін қашу, бағынбау сияқты әрекеттерді құптау қаупі болуы мүмкін», – дейді ол.

    Осыған байланысты ішкі істер министрлігі кәмелетке толмағандардың ата-аналары мен заңды өкілдерін бала тәрбиесіне мұқият көңіл бөлуге шақырды.

    «Жалпы әрбір суицид дерегі бойынша балаларды суицид жасауға итермелеген себептерді және оған қатысы бар адамдарды анықтау мақсатында сотқа дейінгі тергеп-тексеру жүргізіледі. Жалпы, суицид жасаудың нақты себебі тек тергеу нәтижесімен ғана белгілі болады. Суицид жасау және соған әрекеттенген 14 бала мас күйде болған. Сонымен қатар, өз-өзіне қол жұмсау әрекетінің бір жағдайында жасөспірім есірткіге масаң күйде болған.Талдау көрсеткендей, көп жағдайда 15-17 жас аралығындағы, яғни өтпелі кезеңдегі жасөспірімдер суицидке оқталады», – дейді ресми өкіл.

  • Ертең тағы үш облыста жылу беріледі

    Ертең тағы үш облыста жылу беріледі

    Ал 1 қазаннан жылу беру маусымы Абай, Ақтөбе және Қарағанды облыстарында басталады деп жоспарланып отыр. Бұл туралы Энергетика министрлігі мәлімдеді.

    2024 жылға бекітілген жөндеу кестесі аясында 10 энергоблокта, 55 қазандықта және 45 турбинада күрделі жұмыстар жоспарланған. Қазір 4 энергоблокта, 22 қазандықта және 16 турбинада жөндеу жұмыстары жүргізілсе, 5 энергоблоктың, 32 қазандықтың және 28 турбинаның жөндеу жұмыстары аяқталды.

    «Барлық электр станциясы жылыту маусымына дайын, негізгі жабдықтармен, соның ішінде қазандықтармен және турбиналармен қамтамасыз етілген.

    2024 жылы АЭК-тің (электр желілерін тарату компаниялары) электр желілерінде 20,8 мың км электр беру желісін, 422 қосалқы станцияны және 4054 тарату пункті мен трансформаторлық қосалқы станцияны жөндеу көзделген. Қазірдің өзінде 19,9 мың км электр желісі, 376 қосалқы станция және 4046 тарату пункті мен трансформаторлық қосалқы станция жөнделді.

    Жылумен қамту саласында биыл 546 км жылу желілерін күрделі жөндеу және жаңғырту жоспарланған. Қазіргі уақытта 516,3 км жылу желілері жөнделді, бұл жылдық жоспардың 94,6 пайызын құрайды», — деді Энергетика министрлігінің баспасөз қызметі.

    Энергия көздерінің қоймаларында 5,2 млн тонна көмір мен 89 мың тонна мазут бар. Бұл жылу беру маусымының тұрақты өтуін қамтамасыз етуге мүмкіндік береді. Қазақстанның Бірыңғай электр энергетикалық жүйесі Ресей және Орталық Азия елдерінің энергетикалық жүйелерімен қатарлас жұмысын жалғастыра отырып, қалыпты режимде жұмыс істеп тұр, деп атап өтті ведомство.

  • Келесте зорланған 13 жастағы оқушы қыз босанып, мектепке бара алмай отыр

    Келесте зорланған 13 жастағы оқушы қыз босанып, мектепке бара алмай отыр

    Бала құқықтары жөніндегі уәкіл Динара Зәкиева Түркістан облысына жасаған жұмыс сапарын қорытындылай отырып, аймақтағы жантүршігерлік жағдайларды әшкере етті.

    «Келес ауданында зорлық-зомбылық салдарынан 13 жасында бала босанған қыз жыл басынан бері мектепке бармай отыр. Мектеп директорының орынбасары жағдай туралы хабардар болғанына қарамастан, ешқандай шара қолданбаған және жағдайды кәмелетке толмағандар істері жөніндегі комиссияға жібермеген», – дейді Динара Зәкиева.

    Осындай жағдайларды болдырмау үшін Динара Зәкиева Қазақстанда қамқоршылық органдарының қызметкерлерін көбейту керек дейді.

    «Олардың саны 5 мың балаға шаққанда 1 қызметкер болуы керек. Мысалы, Сарыағаш ауданында қазір 58 мың балаға 1 қызметкер бар. Қызметкердің өзі үлгермейтінін айтады. Әр баланың құқықтары әр жағдайда қорғалып, нәтижеге жетуі керек», – деп жазды Динара Зәкиева.

  • Айыппұл төледім деп жалған анықтама апарған адам 10 жылға сотталды

    Айыппұл төледім деп жалған анықтама апарған адам 10 жылға сотталды

    Астана қаласының прокуратурасы алаяқтық және лауазымды тұлғаға аса ірі мөлшерде пара беруге итермелеу дерегі бойынша қылмыстық істі тергеп бітті.

    Дереккөзге сүйенсек, осы іс аясында пара беріп отырған адамға сот 2018 жылы 672 млн теңге айыппұл төлесін деген жаза бекіткен. Алайда ол уәкілетті органға айыппұлды толық төлегені туралы жалған құжат ұсынған.

    «Қалалық прокуратура бұл қылмыстық деректі дер кезінде анықтап, сотталғанның жазасы айыппұлдан 10 жыл бас бостандығынан айыруға ауыстырды. Тергеп-тексеру барысында бұл адамның айыппұлдан жалтаруына көмектескен тағы бір тұлға анықталды», – деп хабарлайды прокуратура.

    Үкім заңды күшіне енген.

  • 28,5 млн теңге пара алды деген оқу орны басшылығы 2 айға қамалды

    28,5 млн теңге пара алды деген оқу орны басшылығы 2 айға қамалды

    Шымкенттегі М.Әуезов атындағы Оңтүстік Қазақстан университеті басшылығындағы бірқатар азамат пара алды деген күдікке ілініп, 2 айға қамауға алынды.

    Сот М.Әуезов атындағы Оңтүстік Қазақстан университетінің басқарма төрағасы – ректоры Қайрат Нұрманбетовке, университеттің қаржы басқармасының басшысы Айгүл Сәрсенбаева мен оның күйеуі Б.Төлебековке, сондай-ақ пара беруші – «Галамстрой Групп» ЖШС директоры Ұлан Байтиковке қатысты 2 ай мерзімге қамауға алу түріндегі бұлтартпау шарасын санкциялаған.

    Апелляциялық сот шешімді күшінде қалдырған. Ал Мұхтар Әуезов атындағы Оңтүстік Қазақстан университетінің ректоры Қайрат Нұрманбетов пен оның екі орынбасарының ұсталғаны туралы ақпаратқа қатысты түсінік беруден бас тартты.

    Еске сала кетсек, Шымкенттегі М.Әуезов атындағы Оңтүстік Қазақстан университетінің ректоры 28,5 миллион теңге пара алды деген күдікке ілініп, қамауға алынған еді.

  • Ауа райы болжамы: 13 өңірде ескерту жарияланды

    Ауа райы болжамы: 13 өңірде ескерту жарияланды

    Атырау облысының батысында оңтүстік-шығыстан соққан желдің екпіні 15-20 м/с құрайды. Облыстың басым бөлігінде төтенше өрт қаупі сақталады. Атырауда да төтенше өрт қаупі сақталады.

    Ақтөбе облысының оңтүстігінде шығыстан соққан желдің екпіні 15-18 м/с болады деп күтіледі. Облыстың басым бөлігінде жоғары, оңтүстігінде, батысында, орталығында төтенше өрт қаупі сақталады. Ақтөбеде де жоғары өрт қаупі сақталады.

    Абай облысының шығысында, орталығында жоғары өрт қаупі, облыстың оңтүстігінде төтенше өрт қаупі сақталады.

    Шығыс Қазақстан облысының батысында, оңтүстігінде, орталығында жоғары өрт қаупі сақталады.

    Қызылорда облысының орталығында шаңды дауыл болады деп күтіледі. Түнде облыстың орталығында, оңтүстігінде, күндіз облыстың басым бөлігінде солтүстік-шығыстан, шығыстан соққан желдің екпіні 15-20 м/с, ал облыстың орталығында 23-28 м/с дейін жетеді деп күтіледі. Облыстың басым бөлігінде төтенше өрт қаупі, облыстың солтүстік-батысында жоғары өрт қаупі сақталады. Қызылордада кей уақытта шаңды дауыл күтіледі. Шығыстан соққан желдің екпіні — 15-20 м/с. Төтенше өрт қаупі сақталады.

    Күндіз Батыс Қазақстан облысының батысында оңтүстік-шығыстан, шығыстан соғады, екпіні — 15-20 м/с. Облыстың солтүстігінде жоғары өрт қаупі, облыстың басым бөлігінде төтенше өрт қаупі сақталады. Оралда жоғары өрт қаупі сақталады.

    Ұлытау облысында оңтүстігінде солтүстік-шығыстан соққан желдің екпіні 15-20 м/с құрайды. Облыстың басым бөлігінде төтенше өрт қаупі, облыстың шығысында жоғары өрт қаупі сақталады. Жезқазғанда төтенше өрт қаупі сақталады.

    Түнде және таңертең Қарағанды облысының солтүстігінде, шығысында тұман түседі деп күтіледі. Күндіз облыстың оңтүстігінде солтүстік-шығыстан жел соғады, екпіні — 15-20 м/с. Облыстың басым бөлігінде жоғары өрт қаупі сақталады.

    Күндіз Түркістан облысының оңтүстігінде, таулы және тау бөктерлі аудандарында найзағай ойнап, күн райы бұзылады деп күтіледі. Өңірдің солтүстігінде шаңды дауыл тұрады, шығыстан соққан желдің екпіні облыстың солтүстігінде, батысында, таулы және тау бөктерлі аудандарында 15-20 м/с құрайды. Облыстың басым бөлігінде төтенше өрт қаупі (5 класс) сақталады. Шымкентте күндіз найзағай ойнайды деп болжанады. Шығыстан соққан желдің екпіні 15-20 м/с құрайды. Төтенше өрт қаупі (5 класс) сақталады. Түркістанда шығыстан жел соғады, екпіні — 15-20 м/с. Төтенше өрт қаупі (5 класс) сақталады.

    Маңғыстау облысының батысында, шығысында, орталығында оңтүстік-шығыстан соққан желдің екпіні 15-20 м/с болады деп күтіледі. Облыстың басым бөлігінде төтенше өрт қаупі, облыстың шығысында жоғары өрт қаупі сақталады. Ақтауда да оңтүстік-шығыстан жел соғады, екпіні — 15-18 м/с. Төтенше өрт қаупі сақталады.

    Күндіз Жамбыл облысының оңтүстігінде, таулы аудандарында найзағай ойнап, күн райы бұзылады деп күтіледі. Түнде және таңертең облыстың таулы аудандарында тұман түседі деп күтіледі. Облыстың оңтүстік-батысында, солтүстік-шығысында, таулы аудандарында солтүстік-шығыстан солтүстік-батысқа ойыса соққан желдің екпіні 15-20 м/с, кей тұста 23-28 м/с дейін жетеді. 30 қыркүйек-1 қазанда облыстың басым бөлігінде төтенше, облыстың оңтүстік-шығысында жоғары өрт қаупі сақталады.

    Қостанай облысының оңтүстігінде, орталығында жоғары өрт қаупі сақталады.

    Түнде және таңертең Солтүстік Қазақстан облысының оңтүстігінде тұман түседі деп күтіледі. Күндіз облыстың солтүстігінде, шығысында оңтүстік-батыстан, батыстан соққан желдің екпіні 15-20 м/с құрайды. Петропавлда оңтүстік-батыстан, батыстан жел соғады, күндізгі екпіні 15-20 м/с болады деп күтіледі.

  • «Үркер» ұлттық сыйлығының жеңімпаздары анықталды

    «Үркер» ұлттық сыйлығының жеңімпаздары анықталды

    «ҮРКЕР» сыйлығының жеңімпаздары:

    1. Жылдың үздік сұхбаты – Нұрлан Оразғалиев (Inbusiness.kz);

    2. Жылдың үздік репортажы – Юлия Абрамова (Nur.kz);

    3. Әлеуметтік тақырыптағы үздік материал – Ксения Евдокименко (Time.kz);

    4. Жылдың үздік журналистік зерттеуі – Нұрлат Байкенже (Астана ақшамы газеті);

    5. Жылдың үздік аналитикалық материалы – Тимур Ниталиев (Ulysmedia.kz);

    6. Радиостанциядағы үздік жоба – Қымбат Досжан (Қазақ радиосы);

    7. Жылдың үздік фотосуреті – Сали Сабиров (Olympic.kz);

    8. Жылдың үздік жаңалықтар порталы – Abai.kz;

    9. Үздік өңірлік БАҚ – Наш Костанай газеті;

    10. Халықаралық БАҚ-та Қазақстан туралы жарияланған үздік материал (баспа, радио, интернет-журналистика саласында) – Торғын Ашенова (Омбы қазақтары газеті);

    11. Үздік подкаст – NeQuryltay;

    12. Үздік YouTube каналы – Sayahat Time (balbal.kz).

    Дәстүрлі «Үркер» ұлттық сыйлығы 12 номинация бойынша табысталды. Ұйымдастырушылардың айтуынша, биыл БАҚ өкілдерінен 400 өтінім түскен.

    Айта кетейік, БАҚ өкілдерінің жұмыстарын беделді журналистер, саланың еңбек сіңірген қайраткерлері мен халықаралық медиа-сарапшылардан құралған тәуелсіз қазылар алқасы бағалады.

  • «Барымды тартып алды»: Жұлдыз Әбдікәрімова жақынымен соттасқалы жатыр

    «Барымды тартып алды»: Жұлдыз Әбдікәрімова жақынымен соттасқалы жатыр

    Әнші Қайрат Нұртастың жары  Жұлдыз Әбдікәрімова қалың оқырманына басынан өткен жағдай жайлы жазды. Актрисаның сөзінше, ол оңбай алданып, барынан айырылған.

    «Ешкімнің абыройын түсіргім келмеп еді. Алайда бұққан сайын, сұғып барады. Осыдан 3-4 жыл бұрын жақын адамымнан опық жедім. Оңдырмай алдап кетті. Барымды тартып алды. «Жаным, күнім» деген адамнан сатқындық көремін деп кім ойлаған? Қазір есіме түсіріп, таңқаламын. Қалайша оған жол бердім? Осынша уақыт қалай үндемей шыдап келдім. Ол уақыт мен үшін сынаққа толы күндер еді. Басымды тауға да, тасқа да соғып жүргенде алдымнан «күндей» жарық бір кісі шықты. Бәлкім, менің құтқарушым осы болар деп ойладым», — дейді Әбдікәрімова.

    Жұлдыздың айтуынша, мәселе шешілмесе, ол сотқа жүгінбек. Тіпті іске телефонмен сөйлескен  2 жылдық әңгімелерін  айғақ ретінде

    тіркетіпті.

    «Қалымды сұрап, менің жағдайымды өзінікіндей көріп, уайымдап жүрді. Менің ештеңеден хабарым болмады. Жарты жыл қасымда жүріп, мендегі қымбат дүниені санап жүрген екен. Мен өз қайғымнан есімді жия алмай жүргенде, ол біраз құжатқа қолымды қойдырып алды. Ертең сол кісімен кездесуге барамын. Мәселе шешілмесе, сотта кездесеміз. Егер оқырманым талап етсе, соттың елдің алдында онлайн өткенін талап етемін. Сотта барлығы айтылады. Оның әділ өтетініне сенемін. Ол адаммен 2 жыл телефонмен сөйлескенім іске тіркелді», — деп актриса ойын қортындылады.

    Жұлдыз, сондай-ақ өзінің сторисінде алдағы соттағы жаңалық жайлы бөлісетінін жеткізді.