Sona.kz

Рубрика: Қоғам

  • «Алматы Арена» мен «Халық Арена» мемлекет меншігіне қайтарылды

    «Алматы Арена» мен «Халық Арена» мемлекет меншігіне қайтарылды

    «Алматы Арена» мен «Халық Арена» мемлекет меншігіне қайтарылды. Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Бигайдаров мәлімдеді.

    Оның айтуынша, еліміздің бес өңірінде спорт нысандарын тиімсіз басқарғандар анықталған. Олардың кейбіреулері мемлекет меншігіне қайтарылды. Олардың арасында Алматыдағы «Алматы Арена» мен «Халық Арена» нысандары да бар.

    Бұған дейін бұл нысандар мемлекеттік-жекеменшік әріптестік аясында жеке ұйымның басқаруында тегін пайдалануға берілген еді.

  • Алматыда қар көшкіні жүруі мүмкін – ТЖМ

    Алматыда қар көшкіні жүруі мүмкін – ТЖМ

    2024 жылдың 13-15 қараша аралығында Үлкен және Кіші Алматы су алаптарында қатты жауын-шашынның түсуіне байланысты қар көшкіні жүруі мүмкін, деп мәлімдеді ведомство.

    ТЖМ көшкін жүру қаупі мүмкін болуына байланысты қауіпсіздік шараларын сақтауды сұрайды.

    Мамандар таудағы қауіпсіздік ережелерін еске салады:

    • Маршрутыңызды егжей-тегжейлі зерттеңіз.
    • Қар көшкіні, сел қаупі бар жерлерден аулақ болыңыз, әсіресе қатты жауын-шашыннан кейін.
    • Жақындап келе жатқан сел ағын шуын естігеннен кейін бірден 50-100 метр жоғары көтерілу керек.
    • Қар көшкіні мен сел өмірге қауіп төндіретін үлкен салмақты тастарды ұшыратуы мүмкін.
    • Әрқашан есіңізде болсын, қар көшкіні мен сел ағынынан тек қашу арқылы құтылуға болады.
    • 112 бірыңғай нөмірінен ескертулерді қадағалаңыз, қар көшкіні мен сел қаупі төнген жағдайда тауға баруды кейінге қалдырыңыз.
  • Жетісу облысында қар құрсауында қалған адамдар құтқарылды

    Жетісу облысында қар құрсауында қалған адамдар құтқарылды

    Жетісу облысында ТЖМ қызметкерлері қар құрсауында қалған 4 адамды құтқарды. Ақпаратқа сәйкес, түнде Алакөл ауданында республикалық маңызы бар Қабанбай-Үшбұлақ автожолында ішінде адамдары бар автокөлік қар құрсауында кептеліп қалған.

    Құтқарушылар дереу оқиға орнына барып, көлік ішіндегі төрт адамды шығарды. Оларға медициналық көмек қажет болмады. Азаматтар жақын маңдағы елді мекенге жеткізілді.

    ТЖМ қауіпсіздік ережелерін қатаң сақтауға шақырады. Ауа райының өзгеруін, жолдардағы қозғалыстың шектелуін қадағалауды сұрайды.

  • Ауа райы болжамы: Жаңбыр жауып, жел соғады

    Ауа райы болжамы: Жаңбыр жауып, жел соғады

    Республиканың кей өңірінде жаңбыр, қар жауып, көктайғақ болады, тұман түсіп, жел екпіні күшейеді.

    Жетісу облысының орталығында, таулы аудандарында кей уақыттарда қатты жауын-шашын (жаңбыр, қар). Облыстың шығысында, таулы аудандарында тұман, көктайғақ күтіледі. Солтүстіктен жел соғады, облыстың шығысында, таулы аудандарында екпіні 18-23 м/с.

    Қостанай облысының батысында, солтүстігінде, шығысында, күндіз облыстың солтүстігінде, шығысында, оңтүстігінде бұрқасын күтіледі. Түнде және таңертең облыстың шығысында, оңтүстігінде тұман күтіледі. Солтүстік-батыстан жел соғады, облыстың солтүстігінде, шығысында 15-20 м/с.

    Түркістан облысының таулы аудандарында қатты жауын-шашын (жаңбыр, қар), көктайғақ күтіледі. Облыстың солтүстігінде, батысында, оңтүстігінде, таулы және тау бөктерлі аудандарында тұман. Солтүстік-батыстан жел соғады, облыстың тау асуларында 15-20 м/с.

    Шымкентте кей уақыттарда тұман күтіледі.

    Атырау облысының батысында, оңтүстігінде тұман күтіледі.

    Маңғыстау облысының солтүстігінде, орталығында тұман күтіледі.

    Қарағанды облысының батысында, солтүстігінде, шығысында бұрқасын күтіледі. Облыстың шығысында тұман. Батыстан, оңтүстік-батыстан жел соғады, күндіз облыстың батысында, солтүстігінде, шығысында екпіні 15-20 м/с.

    Ұлытау облысының солтүстігінде, шығысында бұрқасын күтіледі. Батыстан, оңтүстік-батыстан жел соғады, күндіз облыстың солтүстігінде, шығысында екпіні 15-20 м/с.

    Ақмола облысының түнде солтүстігінде, батысында, күндіз басым бөлігінде жаяу бұрқасын күтіледі. Оңтүстік-батыстан жел соғады, облыстың солтүстігінде, шығысында, оңтүстігінде екпіні 15-20 м/с күтіледі.

    Абай облысының орталығында тұман күтіледі.

    Павлодар облысының батысында, оңтүстігінде жаяу бұрқасын күтіледі. Оңтүстік-батыстан жел соғады, күндіз облыстың батысында, оңтүстігінде екпіні 15-20 м/с күтіледі.

    Алматы облысының оңтүстігінде, таулы аудандарында қатты жауын-шашын (жаңбыр, қар) күтіледі. Солтүстігінде, оңтүстігінде, таулы аудандарында тұман, көктайғақ күтіледі. Солтүстік-шығыстан жел соғады, облыстың солтүстігінде, оңтүстігінде, таулы аудандарында екпіні 15-20 м/с.

    Алматыда кешке қатты жауын-шашын (жаңбыр, қар) күтіледі. Кей уақытта тұман күтіледі.

    Шығыс Қазақстан облысының солтүстігінде, оңтүстігінде тұман күтіледі.

    Солтүстік Қазақстан облысында түнде бұрқасын, күндіз облыстың солтүстігінде, шығысында, оңтүстігінде бұрқасын күтіледі. Батыстан, солтүстік-батыстан жел соғады, түнде күші 15-20 м/с, күндіз облыстың солтүстігінде, шығысында, оңтүстігінде екпіні 15-20 м/с.

    Батыс Қазақстан облысының батысында, солтүстігінде, шығысында тұман күтіледі.

    Қызылорда облысының орталығында, шығысында тұман, түнде жолдарда көктайғақ күтіледі.

    Жамбыл облысының таулы аудандарында қатты жауын-шашын (жаңбыр, қар) күтіледі. Облыстың солтүстігінде, оңтүстігінде, таулы аудандарында тұман, көктайғақ күтіледі. Солтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20, екпіні 23 м/с күтіледі.

  • Ішкі істер министрлігі ата-аналарға үндеу жасады

    Ішкі істер министрлігі ата-аналарға үндеу жасады

    Ішкі істер министрлігі ата-аналарға үндеу жасады. Ведомство өкілдері қалың қардың түсуіне байланысты ата-аналарды балалардың қауіпсіздігіне көбірек көңіл бөлуге шақырды.

    Жол бойында шанамен сырғанау сияқты қысқы ойындар қауіпті болуы мүмкін. Балалар көп жағдайда айналасындағы қатерді байқамайды және сырғанақтан тікелей жолға қарай шығып кетуі ықтимал. Бұл олардың жарақаттануына немесе жол-көлік оқиғаларына әкелуі мүмкін, – деді ІІМ әкімшілік полиция комитетінің ерекше тапсырмалар жөніндегі аға инспекторы Ақтоты Боранова.

    Осыған байланысты балаларға негізгі қағидаларды түсіндіру қажет:

    • тек тротуарлар мен жаяу жүргіншілер жолдарымен жүру керек;
    • жолдың жанында ойнауға болмайды;
    • жолды кесіп өту кезінде екі жаққа да қарау керек.
    • қыста балаларға көлік жүргізушісі көретіндей ашық түсті, көзге көрінетін киім кигізу маңызды.

    Балаларымыздың қауіпсіздігін бірге қамтамасыз етейік! Сіздің жанашырлығыңыз бен қырағылығыңыз көптеген жазатайым оқиғалардың алдын алады! – деді Ақтоты Боранова.

  • Бүгінге арналған ауа райы болжамы: Аяз, бұрқасын, жел

    Бүгінге арналған ауа райы болжамы: Аяз, бұрқасын, жел

    Маңғыстау облысының солтүстігінде, орталығында тұман түседі.

    Батыс Қазақстан облысының батысында, солтүстігінде, шығысында тұман. Оралда түнде және таңертең тұман түседі.

    Алматы облысының солтүстігінде, батысында тұман түседі. Жел оңтүстік-шығыс бағыттан солтүстік-батыс бағытқа ауысады, облыстың солтүстігінде екпіні — 17-22 м/с. Қонаевта 12 қарашада оңтүстік-шығыстан жел соғады, күндіз екпіні секундына 18 метрге жетеді.

    Қарағанды облысында, күндіз облыстың солтүстігінде жаяу бұрқасын күтіледі. Облыстың батысында, орталығында тұман. Қарағандыда түнде жаяу бұрқасын.

    Жамбыл облысының солтүстігінде, оңтүстігінде, таулы аудандарында тұман, көктайғақ. Солтүстік-батыстан соғатын жел солтүстік-шығыс желіне ауысады, түнде облыстың оңтүстік-батысында, солтүстік-шығысында, таулы аудандарында, күндіз облыстың таулы аудандарында секундына 15-20 метрге жетеді. Таразда кей уақыттарда тұман түседі.

    Қызылорда облысының орталығында, шығысында тұман. Қызылордада түнде және таңертең тұман түседі.

    Қостанай облысының оңтүстігінде, шығысында тұман түседі.

    Шығыс Қазақстан облысының солтүстігінде, шығысында, күндіз облыстың шығысында, оңтүстігінде қар мол жауады. Бұрқасын, көктайғақ. Жел солтүстік-батыстан соғады, облыстың солтүстігінде, шығысында, оңтүстігінде 15-20, екпіні 23 м/с-ке жетеді. Өскеменде жаяу бұрқасын. Жел солтүстік-батыстан соғады, түнде екпіні секундына 15-18 метрге жетеді.

    Абай облысында, күндіз облыстың оңтүстігінде, шығысында, орталығында бұрқасын, көктайғақ. Жел солтүстік-батыстан соғады, облыстың солтүстігінде, шығысында, орталығында 15-20, екпіні — 23 м/с. Семейде түнде және таңертең жаяу бұрқасын. Жел солтүстік-батыстан соғады, түнде екпіні секундына 15-18 метрге жетеді.

    Солтүстік Қазақстан облысының батысында, солтүстігінде, шығысында жаяу бұрқасын. Батыстан жел соғады, облыстың батысында, солтүстігінде, шығысында екпіні секундына 15-20 метрге жетеді. Петропавлда батыстан жел соғады, екпіні секундына 15-20 метрге жетеді.

    Ақмола облысының батысында, солтүстігінде, шығысында, күндіз облыстың батысында, солтүстігінде жаяу бұрқасын. Түнде және таңертең облыстың батысында, оңтүстігінде тұман. Солтүстік-батыстан, батыстан жел соғады, облыстың солтүстігінде, шығысында екпіні секундына 15-20 метрге жетеді.

    Атырау облысының батысында, солтүстігінде тұман түседі.

    Түркістан облысының таулы аудандарында тұман. Солтүстік-шығыстан жел соғады, облыстың тау асуларында екпіні секундына 15-20 метрге жетеді.

    Жетісу облысының таулы аудандарында тұман түседі. Солтүстік-батыстан жел соғады, облыстың солтүстігінде екпіні — 15-20 м/с.

  • Қостанайда он айлық бала шетінеп кетті

    Қостанайда он айлық бала шетінеп кетті

    Ол @akgul.dastankyzyy лақап атымен Instagram желісінде баланың 1 қарашада шамалы ентігу белгілерімен ауруханаға түскенін хабарлады. Алайда оның жағдайының нашарлауын тоқтату мүмкін болмады.

    Анасының айтуынша, ауруханада баласына медициналық көмек дұрыс көрсетілмеген және оның өміріне қауіп төніп тұрған жоқ. Екі күннен кейін бала жансақтау бөліміне жіберіліп, сол жерде қайтыс болды.

    Бұған дейін Ақгүл Бердімұраттың айтуынша, күйеуімнің анасы (дәрігер) ауруханаға келіп, баланың жағдайымен танысқан. «Бірақ ауруханадағылар ұрысып, жанжалмен қуып жіберді» деген. 

    Бұл туралы аурухананың бас дәрігері Нұрлан Ержанов төмендегідей түсініктеме берді.

    – Қазір фактілер мен тұжырымдар туралы айтуға әлі ерте. Бірақ бір нәрсені айта аламын. Баланың туыстары оны реанимацияға жатқызу туралы ұсынысымыздан үзілді-кесілді бас тартты. Олар мұндай қадамға келіспеді. Ал енді дәрігерлердің әрекеті дұрыс болмады деп жазып жатыр. Әжесі Науырзым аудандық ауруханасының бас дәрігері. Ол балаға өзінің хаттамасына сәйкес емделуді талап етіп, тағайындалған антибиотиктің орнына оспамокс дәрісін беруді талап еткен, – деді. 

    Сондай-ақ, ол интернеттегі бұл жарияланым туыстарының өздерін қандай да бір жолмен ақтау, моральдық жауапкершіліктен босату әрекеті деп есептейтінін жеткізді. «Дәрігерлерімнің мұндай жағдайға назар аудармағанын немесе өз міндеттеріне немқұрайлы қарағанын көргенімде, менің ұстанымым басқаша болар еді», – деді Нұрлан Ержанов.

    Әзірге полицейлерден ешқандай түсініктеме жоқ, бірақ баланың өліміне қатысты қылмыстық іс қозғалғаны туралы ақпарат бар.

  • Бүгін елімізде ауа райы қандай болады?

    Бүгін елімізде ауа райы қандай болады?

    Астанада күн ала бұлтты, кейде қар, боран, жел 9-14, екпіні 15-20 м/с. ауа температурасы түнде -3…-3°C, күндіз -3…-5°C.

    Алматыда күн ала бұлтты, жауын-шашынсыз, жел 2-7 м/с. түнде Температура + 1… + 3°C, күндіз + 9…+11°C.

    Шымкентте күн ала бұлтты, жауын-шашынсыз, жел 8-13 м/с. ауа температурасы түнде + 1… + 3°C, күндіз + 10…+12°C.

    Ақтауда күн ала бұлтты, кейде жаңбыр, жел 5-10 м/с. ауа температурасы түнде + 7…+9°C, күндіз + 11…+13°C.

    Ақтөбеде күн ала бұлтты, жауын-шашынсыз, жел 7-12 м/с. ауа температурасы түнде 0…-2°C, күндіз 0…-2°C.

    Атырауда күн ала бұлтты, жауын-шашынсыз, жел 5-10 м/с. ауа температурасы түнде +1… + 3°C, күндіз + 6…+8°C.

    Жезқазғанда күн ала бұлтты, қарға ауысатын жаңбыр, көктайғақ, боран, жел 9-14, екпіні 15-20 м/с. ауа температурасы түнде 0°C, күндіз 0°C.

    Қарағандыда күн ала бұлтты, қар, боран, көктайғақ, жел 9-14, екпіні 15-20 м/с. ауа температурасы түнде -1…-3°C, күндіз -1…-3°C.

    Көкшетауда күн ала бұлтты, жауын-шашынсыз, жел 7-12 м/с. ауа температурасы түнде -8…-10°C, күндіз -5…-7°C.

    Қонаевта күн ала бұлтты, жауын-шашынсыз, жел 9-14 м / с. ауа температурасы түнде 0…+2°C, күндіз + 10…+12°C.

    Қостанайда күн ала бұлтты, жел 9-14 м/с. ауа температурасы түнде -8…-10°C, күндіз -5…-7°C.

    Қызылордада күн ала бұлтты, жаңбыр, жел 8-13 м/с. ауа температурасы түнде +3… + 5°C, күндіз + 7…+9°C.

    Павлодарда бұлтты, жаңбыр, қар, боран, көктайғақ, жел 9-14, түнде екпіні 15-18 м/с. түнде ауа температурасы -1…-3°C, күндіз -1…-3°C.

    Петропавлда бұлтты, аз қар, жел 9-14, екпіні 15-20 м/с. ауа температурасы түнде -9…-11°C, күндіз -5…-7°C.

    Семейде бұлтты, жаңбыр, қар, боран, жел 9-14, екпіні 15-20 м / с. ауа температурасы түнде 0…+2°C, күндіз 0…+2°C.

    Талдықорғанда күн ала бұлтты, жауын-шашынсыз, жел 5-10, күндіз екпіні 15-20 м / с. түнде ауа температурасы 0…-2°C, күндіз + 10…+12°C.

    Таразда күн ала бұлтты, жауын-шашынсыз, тұман, жел 9-14, күндіз екпіні 15-20, кейде 23 м / с. түнде ауа температурасы + 1… + 3°C, күндіз + 10…+12°C.

    Түркістанда күн ала бұлтты, жаңбыр, қар, жел 8-13 м/с. ауа температурасы түнде + 2… + 4°C, күндіз + 9…+11°C.

    Оралда күн ала бұлтты, жауын-шашынсыз, таңертең тұман, жел 7-12 м / с. түнде ауа температурасы -2…-4°C, күндіз 0…+20°C.

    Өскеменде бұлтты, жаңбыр, қар, төменгі боран, жел 9-14, екпіні 15-20 м/с. ауа температурасы түнде 0…+2°C, күндіз 0…+2°C.

  • Думан Мұхаммедкәрімнің апелляциялық шағымын сот мақұлдамады

    Думан Мұхаммедкәрімнің апелляциялық шағымын сот мақұлдамады

    7 қарашада Мұхтар Әбіләзовтен сұхбат алып, оның есеп шотын жариялағаны үшін 7 жылға сотталған Думан Мұхаммедкәрімнің апелляциялық шағымын облыстық сот мақұлдамады. Осы іске қатысты 20-дан аса сот отырысы өтті. Осы жолғы сот отырысы жабық өткен соң, тек қорғаушылары ғана қатыса алды.

    Бұл туралы адвокат Ғалым Нұрпейісов: «Сотқа Думанды жақтап келген бір топ адам жиналып, «Думанға бостандық» деп сыртта айқайлады. Облыстық соттың айналасына арнайы жасақ қойылды. Құзырлы орган қызметкерлері бұл шерудің заңсыз екенін ескертумен болды», – деді.

    Естеріңізге сала кетсек, «Тыйым салынған ұйым ісіне араласу» және «экстремизмді қаржыландыру» айыптары тағылған Думан Мұхаммедкәрімге кезінде Қонаев қалалық соты 7 жылға бас бостандығынан айыру туралы үкім шығарған еді. Бүгін облыстық сот сол шешімді өзгеріссіз қалдыратындарын жариялады.

    Ал аппеляциялық шағымды қараған сот отырысына адвокаты мен құқық қорғаушысы ғана кіре алды.

    Адвокаттың айтуынша, журналистің Мұхтар Әбіләзовтен алған сұхбатында оған қойылған сұрақтары экстремистік ұйымды қолдау ретінде қаралмауы керек.

    «Әбіләзовке қойылған сұрақтар ешқандай партияны немесе қозғалысты қолдауға бағытталмаған. Бұл – абсурд. Адвокаттардың гонорары үшін қаражат жинау экстремизмді қаржыландыру емес», – деді қорғаушы Ғалым Нұрпейісов.

    Ол сондай-ақ қылмыстық іс пен үкімнің заңсыз және жалған екенін айтты.

  • Синоптиктер ескерту жасады

    Синоптиктер ескерту жасады

    «Қазгидромет» РМК мамандары 8 қарашада еліміздің 19 өңіріне ауа райына байланысты ескерту жасады.

    Жетісу облысының шығысында, таулы аудандарында тұман, көктайғақ күтіледі. Оңтүстік-батыстан жел соғады. Облыстың шығысында, орталығында, таулы аудандарында екпіні – 15-20 м/с.

    Ұлытау облысында көктайғақ, бұрқасын күтіледі. Түнде және таңертең облыстың шығысында, оңтүстігінде тұман күтіледі. Оңтүстік-батыстан соғатын жел солтүстік-батысқа ауысады, облыстың оңтүстігінде, шығысында екпіні – 15-20 м/с.

    Қарағанды облысының батысында, солтүстігінде, шығысында көктайғақ, бұрқасын күтіледі. Түнде және таңертең облыстың оңтүстігінде тұман күтіледі. Оңтүстік-батыстан жел соғады, екпіні – 15-20, кей уақытта 23 м/с, күндіз облыстың оңтүстігінде екпіні – 15-20 м/с.

    Атырау облысының солтүстігінде, шығысында, оңтүстігінде тұман, көктайғақ күтіледі.

    Батыс Қазақстан облысының солтүстігінде, шығысында көктайғақ күтіледі. Күндіз облыстың солтүстігінде, шығысында жаяу бұрқасын жүреді. Жел солтүстік-батыстан соғады, күндіз облыстың солтүстігінде, шығысында екпіні – 15-20 м/с.

    Қостанай облысының оңтүстігінде, шығысында жаяу бұрқасын күтіледі. Батыстан, оңтүстік-батыстан жел соғады. Облыстың шығысында, оңтүстігінде екпіні – 15-20 м/с.

    Астанада түнде жаяу бұрқасын күтіледі. Оңтүстік-батыстан жел соғады, түнде екпіні – 15-20 м/с.

    Қызылорда облысының солтүстігінде, орталығында көктайғақ, тұман күтіледі. Батыстан соққан жел оңтүстікке ауысады, түнде облыстың орталығында, оңтүстігінде күші 15-20 м/с күтіледі.