Sona.kz

Рубрика: Спорт

  • Ақтауда аралас жекпе-жек шеберінің мәйіті қоқыстан табылды

    Ақтауда аралас жекпе-жек шеберінің мәйіті қоқыстан табылды

    Lada.kz сайтының жазуынша, 20 қыркүйекте Ақтауда 3-шағын ауданда файтер Вусал Жафаровтың мәйіті қоқыс контейнерінен табылған. Оның денесі жараланып, толық ісінген, беті қарайған.

    Полиция департаменті бұл ақпаратты растады.

    Ер адамның денесінің табылғанына қатысты сотқа дейінгі тергеу басталды. Сараптама тағайындалды. Тергеу жалғасып жатыр. Басқа мәліметтер тергеу мүддесі үшін жарияланбайды, – деді Полиция департаментінің баспасөз қызметі.

    Желі қолданушыларының мәлімдеуінше, Вусал Жафаровты ұрып-соғып, ер адамның денесі бірнеше күн көшеде жатқан.

    Вусал Джафаров 1994 жылы 10 қаңтарда дүниеге келген. Ол кәсіби мансабын 2015 жылы бастады. Ол төрт жекпе-жек өткізіп, біреуінде жеңіске жетіп, үшеуінде жеңілген.

  • Ұлттық спорт орталығының бас есепшісі 117 миллион теңге ұрлаған

    Ұлттық спорт орталығының бас есепшісі 117 миллион теңге ұрлаған

    «Маңғыстау облысының прокуратурасы спорт мекемесінде бюджет қаражатының жұмсалу заңдылығын тексеру барысында ұрлық фактісін анықтады. 2018-2023 жылдар аралығында облыстық ұлттық спорт түрлері орталығының бас есепшісі 117 миллион теңге көлемінде бюджет қаражатын заңсыз иемденгені анықталды» делінген хабарламада.

    Аталған факті бойынша облыс прокуратурасымен тергеу амалдары жүргізіліп, нәтижесінде Қылмыстық кодекстің 371-бабының 2-бөлігі (салақтық) және 189-бабының 4-бөлігі (ұрлық) бойынша қылмыстық іс сотқа жолданды.

    «Сот үкімімен мекеме басшысы өз міндеттерін тиісінше орындамағаны үшін кінәлі деп танылып, «Қазақстан Республикасы Тәуелсіздігінің отыз жылдығына байланысты рақымшылық жасау туралы» заңның негізінде қылмыстық жауапкершіліктен босатылды. Бас есепші бюджет қаражатын ұрлағаны үшін жеті жылға бас бостандығынан айырылды. Сот үкімі заңды күшіне енді», – деп хабарлады прокуратура.

  • Шахмат олимпиадасы: Бибісара Асаубаева жеңіске жетті

    Шахмат олимпиадасы: Бибісара Асаубаева жеңіске жетті

    Жасөспірімдер арасында fide рейтингінде екінші орын алған қазақстандық шахматшы Бибісара Асаубаева fide әйелдер рейтингінде 11-ші орын алған Харика Дронаваллиді жеңді.

    Партия 46-шы қадамда Асаубаеваның сәтті қадамынан кейін аяқталды. Бұл жеңіс Қазақстан құрамасына 1 ұпай сыйлады.

    Алайда барлық кездесу қорытындысы бойынша қазақстандық құрама жеңіске жете алмады. Ксения Балабаеваның тең ойынына қарамастан, Меруерт Камалиденова мен Алуа Нурманның жеңілістері Қазақстанның бесінші раундта жеңілісіне әкелді. Оның қорытындысы бойынша әйелдер құрамасы 8 ұпаймен 12-ші орынды иеленді.

    Алтыншы раундта Қазақстан әйелдер құрамасы Куба командасына қарсы ойнайды, алайда Бибісара Асаубаева бұл кездесуге бастапқы құрамға кірген жоқ.

  • Подвалдан Паралимпиадаға:Еркін Ғаббасов қалай жаттыққанын айтты

    Подвалдан Паралимпиадаға:Еркін Ғаббасов қалай жаттыққанын айтты

    41 жастағы Еркін Ғаббасов Паралимпиадаға қалай жаттыққанын айтты.

    «Подвалдан Паралимпиадан бірақ шықтың деп жолдастарым қалжыңдайды. Бұл әрине қалжың, себебі үлкен жаттығудан өттік. 2021 жылдан дайындалдым»,- деді Паралимпиада ойындарының нысана атудан күміс жүлдегері Еркін Ғаббасов.

    Жеңімпаз, дайындықтың басым бөлігі мектептің жертөлесінде өткенін айтады. Ал, жеңімпаздың жанында жары Шынар әркез қолдау білдіріп жүреді.

    «Біздің үш баламыз бар. Үлкеніміз 21 жаста. Алдағы мақсатымыз Алтын медальға қол жеткізду»,- деді Еркін Ғаббасовтың жары Шынар.

    https://www.instagram.com/reel/C_-ExMyMa5n/?igsh=azBtNnFmZHc4NW0x

     

    Естеріңізге сала кетейік, бүгін Қазақстан Республикасы Президентінің Жарлығымен Париж қаласында өткен XVII жазғы Паралимпиада ойындарында жоғары жетістіктерге жеткен спортшылар мен атлеттердің жаттықтырушылары мемлекеттік наградалармен марапатталды.

     

     

  • Паралимпиада жеңімпаздарына мемлекеттік наградалар табысталды

    Паралимпиада жеңімпаздарына мемлекеттік наградалар табысталды

    Мемлекеттік наградаларды Премьер-Министр Олжас Бектенов табыстады. Қазір шара Үкімет үйінде өтіп жатыр.

    Қазақстан Республикасы Президентінің Жарлығымен Париж қаласында өткен XVII жазғы Паралимпиада ойындарында жоғары жетістіктерге жеткен спортшылар мен атлеттердің жаттықтырушылары мемлекеттік наградалармен марапатталды.

    Атап айтқанда:

    Алтын медаль иегерлері Дегтярев Давид Мамиевич
    І дәрежелі «Барыс» орденімен, Науатбек Ақмарал Маратқызы ІІІ дәрежелі «Барыс» орденімен наградталды.

    Күміс медальға қол жеткізген Ғаббасов Еркін Тілеуғабылұлы, Жұмағали Нұрдәулет Мақсұтұлы және Шәмей Ерғали «Парасат» орденінің кавалерлері атанды.

    «Құрмет» орденімен Паралимпиада ойындарының қола жүлдегерлері Мұқашбеков Дастан Мұратұлы, Райфова Зарина Райфқызы, Федосова Даяна Владимировна және Шүкірбеков Жұрқамырза Бақытұлы марапатталды.

    Ұлттық құрама бас бапкерлері мен спортшылардың жеке жаттықтырушыларының арасынан 5 азаматқа «Парасат» ордені, 7 адамға «Құрмет» ордені берілді. Сонымен қатар екі жаттықтырушы Қазақстан Республикасы Президентінің Құрмет грамотасымен наградталды.

     

  • Көшпенділер ойындарының жабылу рәсімі көрерменсіз өтеді

    Көшпенділер ойындарының жабылу рәсімі көрерменсіз өтеді

    Бүгін — Дүниежүзілік көшпенділер ойындарының жабылу салтанаты. Ұйымдастырушылар, бюджеттің қысқартылуына байланысты салтанатты шара хаттамалық форматта көрерменсіз өтетінін хабарлады. Оған тек, спортшылар қатысады. Сондықтан, билеттердің сатылмайтынын және кез келген ұсыныстың алаяқтық екенін ескертеді. Ал, көшпенділер ойындарының жабылу рәсімі сағат 16:00-де Қазақстан Ұлттық арнада тікелей эфирде көрсетіледі.

  • Президент Давид Дегтяревті құттықтады

    Президент Давид Дегтяревті құттықтады

    Президент Қасым-Жомарт Тоқаев Паралимпиада ойындарының екі дүркін чемпионы Давид Дегтяревті құттықтады

    – Давид Дегтяревті Паралимпиада ойындарының екі дүркін чемпионы атануымен шын жүректен құттықтаймын! Ол ерекше ерік-жігер танытып, жеңіс тұғырынан көрінді, – деп жазды Мемлекет басшысы өзінің Х әлеуметтік желідегі парақшасында.

    Давид Дегтярев 188 кг салмақты еңсеріп, екі дүркін Паралимпиада чемпионы атанды.

    Паралимпиаданың жетінші жарыс күнінен кейін Қазақстан құрамасының қоржынында 1 алтын, 1 күміс, 1 қола жүлде бар.

  • Президент жаңадан тағайындалған спорт министріне нақты міндет жүктеді

    Президент жаңадан тағайындалған спорт министріне нақты міндет жүктеді

    Мемлекет басшысы Туризм және спорт министрі Ербол Мырзабосыновты қабылдады.

    Қасым-Жомарт Тоқаев жаңадан тағайындалған министрге бұқаралық және балалар мен жасөспірімдер спортын дамыту, спорт саласының барлық деңгейінде бірыңғай басқару вертикалін қалыптастыру, бапкерлер құрамын күшейту, саланы ғылыммен ұштастыру бағытында міндет жүктеді.

    Президент министрден биыл маусым айында өткен Туризмді дамыту жөніндегі кеңесте берілген тапсырмалары бойынша нәтижелі жұмыс күтетінін айтты.

  • 1984 жылғы Ербол Мырзабосынов Туризм және спорт министрі лауазымына тағайындалды

    1984 жылғы Ербол Мырзабосынов Туризм және спорт министрі лауазымына тағайындалды

    Мемлекет басшысының Жарлығымен Ербол Қуантайұлы Мырзабосынов Қазақстан Республикасының Туризм және спорт министрі лауазымына тағайындалды», -делінген Ақорданың баспасөз қызметі таратқан хабарламада.  

    Ербол Мырзабосынов 1984 жылы Шығыс Қазақстан облысында дүниеге келген.

    Семей мемлекеттік педагогикалық институтын, Қазақ гуманитарлық-заң инновациялық университетін, Қазақ спорт және туризм академиясын бітірген.

    Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастады.

    2009-2014 жж. – Семей қаласының мемлекеттік педагогикалық институтының дене тәрбиесі кафедрасының оқытушысы; меңгерушісі.

    2006-2018 жж. – «Шығыс Қазақстан облыстық бұқаралық спорттағы жоғары спорт шеберлігі мектебі» КММ жаттықтырушы-оқытушысы.

    2018-2020 жж. «Қызылжар Арландары» спорт клубының директоры болып жұмыс істеді.

    2020-2021 жж. – «Qazaq kuresi» қауымдастығының басқарушы директоры.

    2021 жылғы наурыз айынан бастап  2023 жылдың ақпан айына  дейін Дене шынықтыру және бұқаралық спорт академиясының ректоры болды.

    2023 жылы 27 ақпанында ҚР мәдениет және спорт министрінің бұйрығымен Ербол Қуантайұлы Мырзабосынов Қазақстан Республикасы Мәдениет және спорт министрлігі Cпорт және дене шынықтыру істері комитетінің төрағасы қызметіне тағайындалды. 

     

  • Қазақстанның спортында легионерлерге тыйым салынуы мүмкін

    Қазақстанның спортында легионерлерге тыйым салынуы мүмкін

    Қазақстанда шет елден спортшыларды сатып алуға тыйым салынуы мүмкін. Бұл жөнінде туризм және спорт министрі Ермек Маржықпаев мәлім етті.

    «Қазір біз Мәжілісте заң жобасын қарап жатырмыз. Біріншіден спорт түрлерін қысқартамыз. Екіншіден легионерлер мәселесін қоғам белсенді көтеріп жатыр. Сондықтан Мәжіліспен бірігіп, болашақта легионер болмайды деген ұсыныс айтылып жатыр. Көп федерацияларда модернизация болады. Көп федерация басшылары ауысады деп ойлаймыз», — деді ҚР Туризм және спорт министрі Ермек Маржықпаев.

    Бүгін Париж Олимпиадасын қортындылауға арналған алқа жиыны өтті. Дүбірлі додадағы жетістіктер мен кемшіліктер талқыланды. Отырыста осы кезге дейін мемлекет тарапынан қаржыландырылып келген 180 спорт түрін үш есеге қысқарту туралы шешім қабылданды. Алдағы күндері салада ауыс-түйіс болатыны айтылды. Еске салайық, Парижде өткен Олимпиада ойындарына елімізден 78 спортшы қатысып, спорттың бес түрінен ел қоржынына 7 медаль салды. Сондай-ақ жүлде алған 87 мемлекеттің ішінде командалық есепте 43 орынға тұрақтады.