Дәулет Бекманов Қазақстан Республикасы Қорғаныс министрінің орынбасары болып тағайындалды.
Тиісті өкімге Президент Қасым-Жомарт Тоқаев қол қойды.
Бұған дейін Дәулет Бекманов «Ұлттық ақпараттық технологиялар» АҚ басқарма төрағасы қызметін атқарған.
Ол «Мирас» университетін «Информатика» мамандығы бойынша және М. Әуезов атындағы Оңтүстік Қазақстан мемлекеттік университетін «Мемлекеттік және жергілікті басқару» мамандығы бойынша тәмамдаған.
Әр жылдары Байланыс, ақпараттандыру және ақпарат комитетінде, Ақпарат және коммуникациялар министрлігінде және Цифрлық даму министрлігі жүйесінде еңбек етті.
2020–2023 жылдары Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитетін басқарды.
Кейін «Қазпошта» АҚ-да мемлекеттік қызметтер көрсету жөніндегі басқарушы директор болды.
2025 жылғы шілдеде «Ұлттық ақпараттық технологиялар» АҚ басқарма төрағасы болып тағайындалған.
Енді ол Қорғаныс министрінің орынбасары қызметін атқарады.
