Министрдің айтуынша, 2025 жылдың қаңтар айының қорытындысы бойынша автокөліктердің жалпы бағасы 105%-ға өскен. Ал Қазақстанда құрастырылған көліктердің бағасы 101%-ды құраған.
Ведомство басшысы отандық зауыттардағы өндіріс көлемі артқан сайын автокөлік бағасы төмендейтінін атап өтті.
«Жаңа маркалар нарыққа шыққан сайын баға міндетті түрде төмендейді. Мұны нақты айта аламын. Өзімізде өндірілетін көліктер қытайлық автокөліктер бағасының да төмендеуіне ықпал етеді», – деді Ерсайын Нағаспаев.
Министрлікте модельдер санының артуы және нарықтағы бәсекелестіктің күшеюі автокөлік бағасының тұрақтануына әсер етеді деп күтілуде.
