Үкімет басшысы мәжіліс депутатының балаларды 12 жастан бастап қылмыстық жауапкершілікке тарту туралы ұсынысын қабылдамады. Олжас Бектеновтің пікірінше, бұл жаста балалар өз әрекетінің қоғамға қауіп төндіретінін толық түсінбейді. Бұл — балаларды қорғау мен тәрбиелеуге қатысты құқықтық және гуманистік көзқарастарға қайшы келеді, деді. Премьер-министрдің жауабында әлемдік тәжірибе бойынша Германия, Жапония, Ресей, Финляндия және Ұлыбританияда қылмыстық жауапкершілік 14-15 жастан басталады, деліген. Еске сала кетейік, Мәжіліс депутаты Магеррам Магеррамов кәмелет жасына толмағандар үшін қылмыстық жауапкершілікті 14-тен 12 жасқа дейін төмендетуді ұсынған еді. Бас прокуратураның мәліметінше, жыл басынан бері балалар қылмысы 4,1% өскен. Жыл басынан бері 1263 жағдай тіркелген. Бұл өткен жылдың осы кезеңімен салыстарғанда 50 фактіге көп.
Қазақстандағы екінші АЭС «Мойынқұм» деп аталуы мүмкін
Қазақстанның атом энергетикасын дамыту жоспарында жаңа белес басталды. Атом энергиясы жөніндегі агенттік басшысы Алмасадам Сәтқалиев елімізде салынуы...
