Таңертең Алматыда сезілген жер сілкінісі болды.
ТЖМ-нің нақтыланған мәліметінше, жер асты дүмпуі сағат 09:38-де тіркелген. Жер сілкінісінің ошағы Алматыдан оңтүстік-батысқа қарай 8 шақырым жерде орналасқан.
Алматыда есептік қарқындылық 3–4 балды құрады.
Жер сілкінісі ошағынан 18 шақырым жерде орналасқан Қаскелеңде дүмпулер 2–3 балл деңгейінде сезілген.
Ошақтан 19 шақырым қашықтағы Боралдайда да қарқындылық 2–3 балды құрады.
Ал Өтеген батырда, жер сілкінісі ошағынан 28 шақырым жерде, дүмпулер 2 балл деңгейінде тіркелді.
Алматы тұрғындарының телефондарына жер сілкінісі туралы төтенше ескерту жіберілді.
Ықтимал салдары туралы ақпарат нақтыланып жатыр.
