Sona.kz

Метка: Басты оқиғалар

  • Шерзат Болаттың өліміне қатысты алдын ала сот тыңдалымы өтетін күн белгілі болды

    Шерзат Болаттың өліміне қатысты алдын ала сот тыңдалымы өтетін күн белгілі болды

    Талғарда кісі қолынан қаза тапқан Шерзат Болаттың өліміне қатысты іс бойынша алдын ала сот тыңдалымы өтетін күн белгілі болды. 

     Алдын ала сот тыңдалымы 10 сәуірде Талдықорған қаласында қылмыстық істер жөніндегі мамандандырылған сотта өтеді.

    Алдын ала тыңдалымның Талдықорғанда өтуіне күдіктілердің көпшілігінің осы қаладағы уақытша ұстау изоляторында отырғаны себеп.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған.

  • Жабылған банктердің салымшылары өтемақы ала алады

    Жабылған банктердің салымшылары өтемақы ала алады

    Қазіргі уақытта Tengri Bank, Capital Bank Kazakhstan, Asia Credit Bank, Банк Астаны сияқты 9 банк тарату процесінде. Өтемақы мерзімі аяқталды, бірақ негізді себептері бар салымшылар әлі де өтініш бере алады.

    Мұндай себептерге:
    • әскерге шақырылу,
    • шетелде болу,
    • мұрагерлік рәсімдеу,
    • сотпен бекітілген өзге де жағдайлар жатады.

    Өтініштер Алматы мен Астанадағы КФГД кеңселерінде қабылданады. Қарау мерзімі – 5 жұмыс күні.

  • Ресейде «қанды жөтел» вирусы жоқ – Роспотребнадзор

    Ресейде «қанды жөтел» вирусы жоқ – Роспотребнадзор

    Ресми мәлімдемеге сәйкес:
    • Эпидемиологиялық бақылау кезінде жаңа вирус немесе мутацияға ұшыраған қауіпті вирустар анықталмаған.
    • Елдегі эпидемиологиялық жағдай тұрақты, ЖРВИ, тұмау, COVID-19 және пневмония көрсеткіштері төмендеп келеді.

    Бұған дейін әлеуметтік желілерде белгісіз вирустың пайда болғаны, ол жоғары температура (39°C) мен қан аралас жөтел тудыратындығы айтылған болатын. Мамандар бұл мәліметті жоққа шығарды.

  • Жемқорлардан қайтарылған ақшаға медициналық нысандар салынады

    Жемқорлардан қайтарылған ақшаға медициналық нысандар салынады

    Павлодар облысында медициналық нысандар салуға Арнаулы мемлекеттік қордан 228 млн теңгеден астам қаржы бөлінді.

    Қаражат Екібастұз, Ақсу қалалары ауылдық округіндегі, сондай-ақ Ертіс, Железин, Тереңкөл ауданындағы жобаларды жүзеге асыруға бағытталады.

    Екібастұз ауылдық округінің Бәйет ауылында 1983 жылы пайдалануға берілген жалғыз ФАП орнына фельдшерлік-акушерлік пункт салу жоспарланып отыр. Ескі ғимарат жөндеуге жарамсыз деп танылды. Бүгінде елді мекенде 822 адам тұрады.

    «Ертіс ауданында дәрігерлік амбулатория ашылады. Нысан санитарлық талаптар мен нормаларға сай жабдықталады. Аудандағы медициналық пункт мыңнан астам тұрғанға қызмет көрсетеді.

    Қолданыстағы денсаулық сақтау нысандарының шалғай орналасуына байланысты Мыңкөл, Ивановка және Құркөл ауылдары да жаңа медициналық нысандар салуды қажет ететін елді мекендер тізіміне енгізілген. Оларға ең жақын аудандық емхана 18 шақырымнан 115 шақырымға дейінгі қашықта орналасқан. Ауылдарда тұрғылықты жері бойынша медициналық қызмет көрсететін жаңа медициналық пункттер салынады.

    Павлодар облысының елді мекендерінде 168 мыңнан астам тұрғын бар. Жаңа денсаулық сақтау нысандарын салу жұмыс істеп тұрған ұйымдарға түсетін жүктемені азайтып, халыққа көрсетілетін медициналық көмектің сапасын арттыруға мүмкіндік береді», – делінген Үкімет хабарламасында.

  • Қазақстан мектептерінде жаңа лауазым пайда болады

    Қазақстан мектептерінде жаңа лауазым пайда болады

    Әрі педагог-кәсіптік бағдар беруші лауазымы «Жұмысшы мамандықтары жылы» аясында ресми түрде бекітіліп отыр.

    Оқу-ағарту министрлігінің баспасөз қызметі бұл бастама оқушыларға мамандық таңдауда ерте бағыт-бағдар береді деп сендірді. Сонымен қатар, оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталғанын мәлім етті.

    Педагог-кәсіптік бағдар берушінің негізгі міндеттері:

    • Оқушыларға мамандық пен білім бағытын таңдауда қолдау көрсету;
    • Жеке және топтық кәсіби кеңес беру жұмыстарын жүргізу;
    • Кәсіптік бағдар беруге арналған іс-шараларды ұйымдастыру;
    • Жұмыспен қамту орталықтарымен, колледждермен және кәсіпорындармен байланыс орнату;
    • Оқушыларға еңбек нарығындағы сұранысқа ие мамандықтар мен заманауи үрдістер туралы ақпарат беру.

    «Жаңа лауазымның енгізілуі оқушылардың саналы әрі дұрыс кәсіптік таңдау жасауына көмектеседі, жұмысшы мамандықтарының беделін арттырып, еңбекке бейім, білікті және бәсекеге қабілетті ұрпақ тәрбиелеуге ықпал етеді», – деп жазылған ресми хабарламада.

  • Қазақстанда банк карталарын шығаруға шектеу енгізіледі

    Қазақстанда банк карталарын шығаруға шектеу енгізіледі

    Қаржы нарығын реттеу агенттігі жаңа өзгерістерді ұсынды:
    • 18-21 жас аралығындағы азаматтарға картаны онлайн ашуға тыйым салынады. Олар картаны тек банк бөлімшелерінен ала алады.
    • 14-18 жас аралығындағы жастардың онлайн банк операцияларын ата-анасы немесе заңды өкілдері растауы керек.
    • Банктер 5+ картасы бар тұлғаларды, ресми табысы жоқ 14-25 жас аралығындағы азаматтарды, Қазақстанда тұрмайтын шетелдіктерді мұқият бақылауға алады.

    Банктер клиенттен карта ашу мақсатын сұрап, оны операциялармен сәйкестендіреді. Егер сәйкессіздік анықталса, клиенттің тәуекел деңгейі жоғары деп белгіленеді.

  • Зеленский отбасының өткен жылғы табысы жарияланды

    Зеленский отбасының өткен жылғы табысы жарияланды

    Украина президентінің кеңсесі мемлекет басшысы Владимир Зеленский отбасының өткен жылғы ресми табыстары туралы ақпарат жариялады.

    Жарияланған мәліметке сәйкес, 2024 жылы Зеленский отбасының табысы 15 миллион гривенді (182 миллион теңгеден астам) құраған. Оның шамамен 8,5 миллион гривені (130 миллион теңгеге жуық) мемлекеттік қарыз облигацияларының өтелуі есебінен түскен.

    Қалған сома Украина президентінің жалақысынан, банктегі пайыздық түсімдерден және жеке жылжымайтын мүлікті жалға беруден алынған табыстан құралған.

    2023 жылы Зеленский отбасының табысы шамамен 12,5 миллион гривенді (150 миллион теңгеден астам) құраған. Украина президентінің кеңсесі бұл өсімді «жалға алу төлемдерінің толық көлемде қайта түсуімен» түсіндірді.

  • Әжелер ансамблі Әзербайжандағы байқауда бірінші орын алды

    Әжелер ансамблі Әзербайжандағы байқауда бірінші орын алды

    Өнер жарысында әнші әжелерімізбен қатар Өзбекстаннан және т. б. елдерден келген 400-ден аса үміткер сайысқа түсті, деп хабарлайды елорда әкімдігі.

    Астанада Есіл ауданы бойынша Белсенді ұзақ өмір сүру орталығының зейнеткер әжелерінен құралған «Сағыныш сазы» ансамблі Баку қаласында өткен «AZERBAIJAN GRAND FESTIVAL» ән байқауында жүлделі бірінші орынға ие болды.

    Фестиваль ұлтаралық қарым-қатынас пен музыкалық мәдениетті нығайту мақсатында наурыз айының соңғы күндері «Аstana Stars» халықаралық конкурстар комитетінің ұйымдастыруымен өткен болатын.

    Әжелер ансамблінің ұжымына ҚР еңбегі сіңген мәдениет қайраткері Жанарбек Искендыров жетекшілік етеді, ал ансамбльдің белді жүшесі Шәрбат Құрманова ансамбльдің көркемдік жұмысымен және репертуарын қалыптастырумен  айналысады.

    Ансамбль өз жұмысын 2019 жылдың желтоқсан айында Сарыарқа ауданына қарасты қалалық ардагерлер ұжымында бастады.

    Өнер ұжымының алғаш құрылған кезде халық әндерін орындаудан бастаған еді. Үнемі шығармашылық ізденісте жүрген ансамбльдің репертуары бүгінде әр түрлі, ән қоржынында 80-ге жуық ән бар.

    – Біздің орталықтың өнерлі зейнеткерлері халықаралық деңгейдегі ән байқауынан жүлдемен оралуы біз үшін үлкен жетістік. «Сағыныш сазы» ансамблінің құрылғанына 5 жыл толды, жақында өзінің бес жылдық есептік концертін өткізген болатын. Бұл өнер ұжымына 62-72 жас аралығында ән айтумен әуестенетін әжелер жиналған. Ансамбль әрдайым шығармашылық ізденіс үстінде. Олардың репертуары әралуан, терме, халық және эстрадалық әндермен қатар, басқа да жанрдағы әндерді орындайды, – деп сөзін түйіндеді Есіл ауданы бойынша әлеуметтік қызмет көрсету бөлімінің басшысы Жанар Есенаманова.

    Осы байқауда бірінші орынды жеңіп алған «Сағыныш сазы» ардагерлер ансамблі Грекияның Салоники қаласында өтетін GREECE GRAND FESTIVAL байқауына жолдама алды.

  • 300 млн теңге залал: қаржы пирамидасы тұтынушылық кооператив ретінде жұмыс істеген

    300 млн теңге залал: қаржы пирамидасы тұтынушылық кооператив ретінде жұмыс істеген

    Ол тұтынушылық кооператив ретінде тіркеліп, тұрғын үй мен көлік сатып алуға инвестиция салуды, сондай-ақ Trade-in және ReFinance бағдарламаларына қатысуды ұсынған.

    Қатысушылардан ай сайын 30 мың теңге «сақтандыру» төлемін және 10% кіріс жарнасын талап еткен. Бірақ ешқандай ресми құжат бермей, қаражат тек жеке кабинеттерде көрсетілген.

    250-ден астам салымшы 300 млн теңгеден астам қаржы салған. Ұйымдастырушы екі айға қамауға алынды, тергеу жалғасуда.

  • Қазақстандық блогерлер заңсыз ұтыс ойындары үшін айыппұл арқалауы мүмкін

    Қазақстандық блогерлер заңсыз ұтыс ойындары үшін айыппұл арқалауы мүмкін

    Вице-премьер, Ұлттық экономика министрі Серік Жұманғариннің айтуынша, жыл басынан бері 1870 интернет-алаяқтық фактісі анықталды, оның 389-ы әлеуметтік желілерде.

    Қазақстанда лотереяны тек «Сәтті Жұлдыз» компаниясы ұйымдастыруға құқылы. Заңсыз ұтыс ұйымдастырғандарға 7,8 млн теңгеге дейін айыппұл салынып, табысы тәркіленеді. Биыл 113 адам жауапқа тартылып, 50 млн теңгеден астам айыппұл өндірілген.