Sona.kz

Метка: Басты оқиғалар

  • Оқушылар қысқы каникулда неше күн демалады?

    Оқушылар қысқы каникулда неше күн демалады?

    Оқу-ағарту министрлігі ақпаратына сәйкес, қысқы каникул кезеңі 2024 жылдың 30-желтоқсаны мен 2025 жылдың 8-қаңтарын қоса алғанда он күнге созылады.

    Мектеп оқушыларының қысқы демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары жасалды. Ол бойынша мектептерде бірқатар білім беру, спорттық, мәдени және шығармашылық іс-шаралар өткізу жоспарланған:

    • «Оқуға құштар мектеп» жобасын іске асыру аясында «Қыста кітап оқимыз, жадымызға тоқимыз» мектепішілік іс-шарасы;
    • театр фестивальдері мен қойылымдары;
    • жаңа жылдық әшекейлер жасау бойынша шеберлік сабақтары;
    • қауіпсіздік сабақтары;
    • мұражайларға, ғылыми орталықтарға және тарихи ескерткіштерге танымдық экскурсиялар;
    • спорттық ойындар, коньки, шаңғы тебу;
    • қайырымдылық акциялары және басқа да шаралар.

    Балалардың қауіпсіздігін қамтамасыз ету мақсатында ата-аналармен бірге жол-көлік жарақаттарының алдын алуға, мектептің ішкі тәртібін сақтауға, балалардың көшедегі қауіпсіздігіне, үйдегі өрт қауіпсіздігі және киберқауіпсіздікке ерекше назар аударылады.

  • Жол қауіпсіздігі: 620 дана белгі орнатылды

    Жол қауіпсіздігі: 620 дана белгі орнатылды

    Бұл туралы жолаушылар тасымалы және автомобиль жолдары бөлімінің басшысы Бағдат Алиев мәлімдеді.
    Оның сөзінше, қалаішілік жолдардың ұзындығы 213,81 шақырым, оның ішінде жақсы және қанағаттанарлық жағдайдағы жол 181,7 шақырымды немесе 85%-ды құрайды.

    «Биыл 9 көшенің жолына ағымдағы жөндеу, ал 22 көшеде шұңқырларды жамау жұмыстары жасалған. Бұдан бөлек, 8-10 шағынауданның жолы күрделі жөндеуден өтуде. Көшенің ұзындығы 14,3 шақырымды құрайды. Қазіргі таңда 35 пайыз құрылысы аяқталған. Жоба 2025 жылға өтпелі», – деді бөлім басшысы.

    Бағдат Алиевтің мәліметіне сүйенсек, Қапшағай су қоймасының жағалауы туристік картаға енгізілуіне байланысты биыл «Morelux» демалыс аймағына баратын жол ағымдағы жөндеуден өткен.

    «Жол қауіпсіздігін қамтамасыз ету мақсатында 620 дана белгі орнатылды, мүгедектігі бар адамдарға арналған 30 тұрақ белгісі қойылды, 3042 шаршы метр жолақ сызылды. Гүлдер, Арна, Восточный шағынаудандарына 23 аялдама қойылуда», – деді ол.

    Ал жолаушылар тасымалы мәселесіне келсек, қазір қалада 9 бағытта автобустар қатынап жүр. Қоғамдық көліктердің жалпы саны – 28. Ендігі жылы 4 автобус сатып алу жоспарланған.

    Сонымен қатар бөлім басшысы Кешенді даму жоспарына сәйкес, 16 жобаның сметалық құжаттары әзірленіп жатқанын атап өтті.

  • 50 мыңнан аса қазақстандық жалға берілген үйді жекешелендіре алады

    50 мыңнан аса қазақстандық жалға берілген үйді жекешелендіре алады

    Елімізде 50 мыңнан аса қазақстандыққа жалға берілген үйді жекешелендіруге мүмкіндік беріледі. Бұл туралы Өнеркәсіп және құрылыс министрі Қанат Шарлапаев айтты.

    Оның айтуынша, тұрғын үй саясатын реформалау шеңберінде, жергілікті атқарушы органдардың есепке қою және үйлерді бөлу функцияларын Ұлттық даму институты – Отбасы банкіне беруді көздейтін заң қабылданған. Бұл саясат үй алуды қолжетімді еткен.

    Тұрғын үйді бөлу, тіркеу күніне, және табыс деңгейіне байланысты іске асырылады. Бұл, алдымен ұзақ уақыт бойы кезекте тұратын азаматтарды үймен қамтамасыз етуге мүмкіндік береді.  Сондай-ақ әлеуметтік осал топтарға жалға берілген үйлерді жекешелендіруге мүмкіндік берілді. Бұл норма биыл 4 желтоқсанда күшіне енді. Нәтижесінде 50 мыңнан астам азамат баспаналы болады. Жалпы реформалау бойынша қарастырылған жаңа өзгерістер 2025 жылдың мамыр айында күшіне енгелі отыр, – деді Қанат Шарлапаев Үкімет отырысында.

  • Жәния Бекмұхамбетова Қазақстанның абсолютті чемпионы атанды

    Жәния Бекмұхамбетова Қазақстанның абсолютті чемпионы атанды

    Астанада үстел теннисінен жасөспірімдер арасындағы Қазақстан чемпионаты аяқталды. Турнирдің жеңімпазы – 11 жастағы Жәния Бекмұхамбетова. Спортшы үлкен жастағы қарсыластарымен жарысып, нәтижесінде Қазақстанның абсолютті чемпионы атанды. Ол жекелей, жұптық және аралас санаттарда алтын медаль жеңіп алды.

    Айта кету керек, қазіргі уақытта Жәния әлемдік рейтингте (U11) екінші орында тұр.

    Сонымен қатар Марлен Жұмағұл Қазақстан чемпионатында үш рет ең жоғары сатыға көтерілді. Екі алтын медальді Қарағандыдан келген Мария Лукьянова мен Абай Жұмағұл жеңіп алды.

  • Алты жылға сотталған актер Асқар Жұмабек абақтыдан босады

    Алты жылға сотталған актер Асқар Жұмабек абақтыдан босады

    Алматыдағы караоке-барда жаппай төбелеске қатысып, сотталған Асқар Жұмабек бостандыққа шықты. Сол кезде ол 6 жыл 6 айға бас бостандығынан айырылған болатын.

    Өнер иесі досына араша түсемін деп осы жағдайға ұрынған еді.

    «Алла ұлық! Алла ғажайып беруші. Алла – жалғыз. Сүйінші қазақ елі, менің жанашырларым, көрермендерім! Мен орталарыңызға қайта оралдым!», – деп жазды актер.

    Желі қолданушылары кино жұлдызының аман-есен босап шыққанына құттықтау-тілек жазып жатыр.

  • Алматы қаласының Жетісу ауданында жаңа көпір бойынша қозғалыс ашылды

    Алматы қаласының Жетісу ауданында жаңа көпір бойынша қозғалыс ашылды

    Жұмыстың бірінші кезеңі аясында апаттық көпірді бөлшектеу, инженерлік желілерді қайта құру, 29 метрлік бұрғылау қадаларын монтаждау, тіректер мен тірек желілерін орнату жүргізілді.

    Салынған көпір ескіден екі есе ұзын: 16,8 метрге қарсы 33 метр. Сондай-ақ ені 8,5-тен 14,5 метрге дейін ұлғайтылды, жүріс бөлігінің екі жағында әрқайсысы 1,5 метр жаяу жүргіншілер тротуары ұйымдастырылды.

    Жаңа көпір толығымен аяқталды және барлық ережелерге сай салынған. Ол автокөлік жүргізушілері мен жаяу жүргіншілер үшін қауіпсіз қозғалысқа кепілдік бере отырып, барлық қажетті тексерулер мен сынақтардан өтті.

    Екінші кезең аясында өзен арнасын нығайту және жарықтандыруды қамтитын абаттандыру жұмыстары жалғасуда. Бұдан басқа, өзен арнасын техника үшін уақытша негізден тазарту жүргізілетін болады. Бұл жұмыстарды ағымдағы айдың соңына дейін жүргізу жоспарлануда.

    Естеріңізге сала кетейік, маусым айында 60-шы жылдардағы көпір құрылысына жүргізілген техникалық тексеру бетон конструкцияларының ішінара бұзылуын, көпір тіректерінде жарықтардың пайда болуын, деформациялық тігістің болмауын және өзге де ақауларды анықтады.

    Жергілікті тұрғындар нормативтік мерзімнен әлдеқайда жылдам салынған көпірдің аяқталғанына қуаныштарын жасырмайды.

    «Біз ескі көпірді ұзақ уақыт жөндеуді күттік, бірақ біз жаңасын, сонымен қатар өте қысқа мерзімде салынғанына таң қалдық. Жұмыс сапалы және жаяу жүргіншілерге ыңғайлы жүргізілгенін көруге болады. Жаңа көпір талай онжылдықтарға қызмет ететін болады деп сенімді түрде айтуға болады», — деді Юлия Хвалынская.

    Семейгүл Зияданова да жаңа көпірді бағалады. «Бұл көпір шағын аудан тұрғындары үшін үлкен маңызға ие, өйткені ол арқылы бірнеше автобус маршруттары, сондай-ақ мектеп автобусы өтеді. Бұл облыс тұрғындары мен жақын маңдағы ауылдарға баратындар үшін өте қажет. Көпір күнделікті сапарлардың қысқа болуын қамтамасыз етеді», — деді ол.

  • Тәуелсіздік күніне орай Астанада отшашу болмайды

    Тәуелсіздік күніне орай Астанада отшашу болмайды

    «Тәуелсіздік күніне орай Астанада 50-ден астам түрлі мерекелік және ресми іс-шара өтеді. Оның ішінде көрмелер, концерттер, сурет байқаулары, турнирлер мен спартакиадалар сияқты іс-шаралар бар. Отшашу болмайды», — делінген әкімдік хабарламасында.

    Әдетте, бұл мерекеде дәстүрлі түрде демеушілердің ақшасына отшашу ұйымдастырылатын.

  • Димаш Құдайберген тағы бір сыйлық иесі атанды

    Димаш Құдайберген тағы бір сыйлық иесі атанды

    Қазақстанның Халық әртісі әрі әлемге әйгілі әнші Димаш Құдайберген тағы бір марапатқа ие болды. 14-ші рет «Халықтың Сүйіктісі-2024» ұлттық сыйлығында 10 номинация бойынша дауыс беру қорытындысы шығарылды. Димаш Құдайберген тағы да «Жылдың Мәдениет қайраткері» атанды. Бұл санатта әнші төртінші рет марапатталып отыр.

    Марапаттау рәсімі 2025 жылдың 16 қаңтарында өтеді.

    Қараша айының соңында қазақстандық әртіс DIAFA 2024 қонақтарына өзінің Stranger концерттік турының титулдық композициясын таныстырып, беделді марапатқа ие болған еді.

  • 70 жолаушысы бар ұшақ Астанадан Талдықорғанға ұша алмай қалды

    70 жолаушысы бар ұшақ Астанадан Талдықорғанға ұша алмай қалды

    Астана-Талдықорған бағытындағы Qazaq Air рейсінің тоқтатылуына Талдықорған әуежайындағы күрделі метеорологиялық жағдайлар әсер етті. Ұшу-қону жолағы қардан тазаланбаған және әуе кемелерін қар мен мұздан тазартуға арналған сұйықтық жетіспеген.

    Qazaq Air компаниясының өкілі рейстердің тоқтатылуына әуе компаниясының еш қатысы жоқ екенін атап өтті.

    «Келесі рейс Астанадан Талдықорғанға 13 желтоқсанда ұшады», – деп Qazaq Air өкілі ашуға булыққан жолаушыларды тыныштандыруға тырысты.

    Алайда бұл рейстің де ұшуы белгісіз, себебі орындардың толып қалу қаупі бар. Осылайша, жолаушыларға үш күн бойы әуежайда күтуді немесе өз бетімен Талдықорғанға жетудің жолын табуды ұсынды.

    «Біз билеттерді ыңғайлы әрі жедел ұшу үшін сатып алдық. Бірақ салдарынан қосымша шығынға ұшырап, уақыт жоғалтуға мәжбүр болдық», – деп шағымданды жолаушылар.

    Жолаушылардың бірі Астанадан Алматыға жаңа билет сатып алуға мәжбүр болғанын айтты. Оның құны 71 мың теңге болып, ал Талдықорғанға жету үшін такси жалдауға тура келген.

  • Төрт облыста жүргізушілерге ескерту жасалды

    Төрт облыста жүргізушілерге ескерту жасалды

    «2024 жылғы 9 желтоқсанда Абай, Алматы, Жетісу және Шығыс Қазақстан облыстарының кей жерлерінде қар күтілуде. Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз», – делінген хабарламада.

    1403 байланыс орталығына хабарласып, тәулік бойы қосымша ақпарат алуға болады.