Sona.kz

Метка: Қонаев

  • Қонаевта майданда медбике болған ардагер тұрады

    Қонаевта майданда медбике болған ардагер тұрады

    Әжейдің майдандағы және оған дейінгі өмір естеліктерімен қызы Нина бөлісті.

    «Анам 8 сынып тәмамдаған, кейіннен медучилищеге түсіп, аяқтаған соң, бірден соғысқа аттанған. Қасында жерлес 20 қыз болған. Елі мен жерін қимаған қыздар пойызда еңкілдеп, етектері жасқа толып, қан майданның ортасына дөп түскен», — деді қызы.

    Әжей қару алып соғыспағанымен, госпитальдағы қызметінің қиынға соққанын қызына айтыпты.

    «Фугас бомбасы ғимарат төбесіне құласа, қыздардың барлығы жиналып, оны атылып кетпеуі үшін жерге лақтырған. Бұл — басшылықтың бұйрығы еді және ол еш талқыланбайды. Жан-жақтан снарядтар ұшып жатқанда қыздар жаралы жауынгерлерді бомбадан сақтаушы жерге арқалап апарып, кейін қайта госпитальға көтерген. Сөйтіп жүрген күннің бірінде әкем Бекежан Бетебаев ауыр бас жарақатымен госпитальға түскен. Есін жинағанда қайта соғысқа аттанып, 1945 жылы анамды іздеп келіп, сол жылы отау құрған», — деді Нина.

    Мұнымен өмірдің соқпағы бітпейді. Оксана күйеуімен бірге 1948 жылы Берлинді қалпына келтіруге барған. Сол жерде ұлын босанады. 1949 жылы Панфилов ауданына көшіп келген. Сонда Бекежан мұғалім, Оксана медбике қызметін атқарған. Бұдан кейін Қапшағайға қоныс аударған. Жалпы әжей үш құрсақ көтерген. Қазірде ұрпақтары Қазақстан мен Германияда өмір сүреді.

    «Құрбы-құрдастарымен мындаға дейін араласты. Майданды қайғыра еске алады. Әлі күнге дейін жылап та қалады. Жан-жақтан қауғалаған оқ-қарудың даусы анамның жадында жатталған. Ол ең бастысы — соғыс болмағанын, ел аман, жұрт тыныш болуын тілейді», — деп қорытындылады сөзін Нина.

    Естеріңізге сала кетейік, биыл Ұлы Жеңіске 80 жыл толып отыр. Оксана әжені мерекемен құттықтаған қауым көп, алайда, бұл — майданның салған жарасын еш жазбайды. Қонаев қаласы әкімдігі тарапынан әжеге 5 млн.теңге көлемінде бірреттік әлеуметтік көмек төленді.

  • Қонаев қаласында қоқыс шашқандарға қанша айыппұл салынды?

    Қонаев қаласында қоқыс шашқандарға қанша айыппұл салынды?

    Алматы облысының орталығында «Таза Қазақстан» акциясы шеңберінде бірқатар шаралар қолға алынған. Соның бірі — қоқыс үйінділерін заңсыз жерге тастаған, абаттандыру ережесін бұзған азаматтарды әкімшілік жауапкершілікке тарту.

    Қала аумағында, табиғат аясында тазалық сақтау қажеттілігі жөнінде ақпараттық-түсіндірме жұмыстары жүріп жатқанымен, ҚР Әкімшілік құқық бұзушылық туралы кодексті бұзатындардың саны азаймай тұр.

    «Мәселен, 21-27 сәуір аралығында ҚР ӘҚБтК-нің 434-2-бабына (Ортақ пайдаланылатын орындарды ластау) сәйкес, 47 хаттама толтырылып, 1 млн 848 мың теңгеден астам сомаға айыппұл салынды. Одан бөлек, ҚР ӘҚБтК-нің 505-бабына (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) сай, 111 хаттама толтырылды. Оның ішінде 20 хаттамамен 1 млн 730 мың теңге айыппұл салынды. Барлық айыппұл сомасы 3 млн. 578 мың теңгені құрады», — деп жазды полиция басқармасы.

    Қонаев қаласының әкімдігі мен полиция басқармасы тазалық ережелерін қатаң сақтауға шақырады.

  • Қонаевта бейіт маңынан 40 тонна қоқыс шығарылды

    Қонаевта бейіт маңынан 40 тонна қоқыс шығарылды

    Бұл жолы қаланың коммуналдық қызмет көрсетуші компаниясы бейіт аумағын тазарту жұмыстарын ұйымдастырды.

    Тазалық шарасына 10 адам мен 2 арнайы техника жұмылдырылып, нәтижесінде бейіт маңынан 40 тоннаға жуық тұрмыстық және құрылыс қалдықтары шығарылды.

    Қалалық әкімдік тұрғындарды бейіт аумағында тазалық сақтауға, қоқыс қалдырмауға және қоршаған ортаға құрметпен қарауға шақырды. Сондай-ақ сенбіліктерді тұрақты түрде өткізіп тұру қажет екенін еске салды.

  • Қонаевта 75 отбасыға атаулы әлеуметтік көмек көрсетілді

    Қонаевта 75 отбасыға атаулы әлеуметтік көмек көрсетілді

    Негізгі нәтижелер:
    •Атаулы әлеуметтік көмек (АӘК): 75 отбасыға 11,5 млн теңге төленді. Жалпы бөлінген қаражат – 209,8 млн теңге.
    •Кепілдендірілген әлеуметтік пакет: 377 балаға 1,5 млн теңге төленді.
    •Тұрғын үй көмегі: 13 отбасыға 331,9 мың теңге берілді.
    •Мүгедектігі бар балаларды үйде оқытатын отбасыларға: 47 бала үшін 1,4 млн теңге әлеуметтік көмек көрсетілді.
    •Мерекелік және атаулы күндерге орай: ҰОС ардагері Оксана Бетебаеваға 5 млн теңге көлемінде біржолғы көмек берілді. Сондай-ақ Ауған соғысының 91 ардагеріне 17,8 млн теңге төленді.
    2025 жылдың басынан әлеуметтік қызметтер порталы арқылы:
    •200 адам – гигиеналық құралдармен,
    •18 адам – кресло-арбамен,
    •28 адам – протездік-ортопедиялық құралдармен қамтамасыз етілді.
    Сонымен қатар 37 адам санаторлық-курорттық емделуге жіберілді, 43 адам жеке көмекші қызметін алды.
    Қосымша қолдау:
    •Туберкулезбен ауыратын 20 азаматқа 1,1 млн теңге,
    •Аз қамтылған көпбалалы отбасылардың балаларына балабақша төлемақысын субсидиялауға 608,2 мың теңге бөлінді.
  • Қонаевта жолдар жөнделіп жатыр

    Қонаевта жолдар жөнделіп жатыр

    Былтырғы жылы 22 көшенің шұңқырлары жамалып, 9 көшеде ағымдағы жөндеу жүргізілді. Биыл бұл жұмыстар өз жалғасын тауып, көлік қозғалысын жеңілдетуге кешенді шаралар қолға алынды.

    2024 жылы жол қозғалысы қауіпсіздігін арттыру мақсатында 700-ге жуық жол белгісі орнатылып, 2000 жол белгісінің бағандарын бояу жұмыстары жүргізілді. Бұл жұмыстар да кезең-кезеңімен жалғасып жатыр.

    Айта кетейік, былтыр 8, 9 және 10-шағынаудандарда жолды күрделі жөндеу жұмыстары басталды. Алдағы уақытта Көшпенділер қалашығына апаратын жаңа жол салу да жоспарда бар.

    Қалада жол-көлік инфрақұрылымын дамыту бағытында ауқымды жобалар қолға алынған. Кешенді даму жоспарына сәйкес, жалпы саны 16 жобаны іске асыру көзделіп отыр. Бұл бастамалар Қонаев қаласының келбетін жақсартып қана қоймай, тұрғындарға қолайлы әрі қауіпсіз орта қалыптастыруға мүмкіндік береді.

     

    Посмотреть эту публикацию в Instagram

     

    Публикация от Қонаев қаласының әкімдігі (@qonaev_akimdigi)

  • Шеңгелдіде 8050 гектар егістік игерілді

    Шеңгелдіде 8050 гектар егістік игерілді

    Күзгі дала жұмыстарының нәтижесінде 33 667 тонна өнім жиналды:
    • арпа – 2596 т
    • жүгері – 6675 т
    • картоп – 2340 т
    • пияз – 17000 т
    • бақша дақылдары – 4794 т
    • бидай – 82 т.

    5000 Тонна пиязды ірі сауда желілеріне өткізуге келісімшарт жасалды. Тұрақтандыру қорына 1700 тонна пияз, 160 тонна өзге де көкөніс түрлері өткізілді. 7000 Тонна пияз қоймаларда сақталады.

    Күзгі дала жұмыстарына 119,1 тонна арзандатылған дизель отынына өтінім берілді. Жыл басынан бері 4 дана техника лизингке, 5 трактор жеке шаруашылықтардың өз қаржысына сатып алынды. Шеңгелді ауылдық округі бойынша шаруа қожалықтары 2600,0 тонна тыңайтқыш алып, пайдаға асырды. 4 Су берушіге 363 млн. теңге көлемінде субсидия берілді.

    Шаруа қожалықтарына пияз өнімін сатуы үшін «Алтын Орда» әмбебап базарында тегін орындар ұсыну қарастырылған.

  • Қонаевта 21 үкіметтік емес ұйым қызмет етеді

    Қонаевта 21 үкіметтік емес ұйым қызмет етеді

    Қонаев қаласында 21 ҮЕҰ тіркелген. Олардың қатарында Ардагерлер, Аналар кеңесі, түрлі ұлт өкілдерінің этно-мәдени орталықтары, мүгедектігі бар жандар мен жалғызбасты аналарды, көпбалалыларды қолдау орталықтары бар.

    Бүгін біз сондай ұйымдардың бірі – «Ана сәулесі»көпбалалы аналар қоғамдық бірлестігі туралы сөз етеміз. Аталған ұйымның іргесі осыдан 5 жыл бұрын қаланған. Жетекшісі Жанат Қалжанова қоғамға сіңірген еңбегі үшін жақында Қонаев қаласының Құрметті азаматы атағын иеленді.

    «Ана сәулесі» бірлестігін Астанада балалар үйде өртеніп, қайтыс болғаннан кейін, осы бір қайғылы оқиғадан кейін аштық. Қазір қоғамдық жұмыспен қамтылған 4 анамыз бар. Олар барлық шаралардың өз деңгейінде өтуін қадағалап отырады. Мысалы, ай сайын мешіттен әлеуметтік осал топтағы отбасылар үшін азық-түлік беріледі ғой. Соны тізіммен, кезекпен таратуға көмектеседі. Ал жазда балалардың демалысы қызықты өтуі үшін оларды демалыс орындарына апарамыз. Биыл дәстүр бойынша «Мектепке жол» акциясына да қатысып, 300-ге жуық баланы құрал-жабдықтармен, мектеп формасымен қамтыдық», – дейді Жанат Қалжанова.

    Сондай-ақ қарттар да бірлестіктің назарынан тысқары қалған емес. Оларға азын-аулақ сый-сияпаттар табыстап, мерекелерде құттықтаулар ұйымдастырылады. Көпбалалы отбасылардан шыққан балаларға жыл сайын Жаңа жыл мерекесі аталып өтеді. Жалпы 8 наурыз, 1 маусым, Отбасы күні секілді мейрамдар кең ауқымда тойланады.

    «Қонаевта 1800 көпбалалы ана болса, барлығының мұң-мұқтажын тыңдап, мәселелерін шешуге де атсалысамыз. Қоғамдық бірлестіктен бөлек, өзімнің жеке кәсібім – қолөнер шеберханам бар. Цехта қыз жасауын, түрлі қазақи киім-кешектерді тігеміз. Штатта 15 адам болса, оның 6-уы көпбалалылар. Еңбекақылары жұмыс уақытына қарай, 150-300 мың теңге аралығында», — деді бірлестік төрайымы.
    Алдағы уақытта ұйымның жұмысын одан ары жандандыру жоспарланып отыр. Ол үшін белсенді аналардың қатарын көбейту көзделуде.

  • Қонаевта референдум қарсаңында әуе шары көтерілді

    Қонаевта референдум қарсаңында әуе шары көтерілді

    Қонаевтың орталық алаңында жеке компания өкілдері халықты 6 қазан өтетін референдумға шақыру мақсатында әуе шарын көтерді.

    Компания мамандары референдум ел ертеңін айқындайтын маңызды шара деген пікірді ұстанып отыр.

    Шар кешкі сағат 20:00-ге дейін орталық алаңда болады. Қызығушылар болса, 2000-5000 тг көлемінде ақы төлеп, аспанға көтерілуіне мүмкіндік қарастырылған.

    Айта кетейік, Алматы облысында 643 сайлау учаскесі бар. Дауыс беру күні облыстың 477 учаскесінде онлайн-сервистер арқылы сайлаушылардың тіркеуін тексеру мүмкіндігі ұсынылады. Уақытша тіркеу қажет азаматтар үшін арнайы 5 учаске (Қонаев қаласында – 2, Қаскелең, Талғар және Есік қалаларында бір-бірден) болады. Бұл учаскелерде азаматтар ХҚКО арқылы уақытша тіркеліп, өз дауысын бере алады.

  • Қонаевта ерекше спорт алаңы ашылды

    Қонаевта ерекше спорт алаңы ашылды

    Атап айтқанда, осы күнге дейін қаладағы Орталық саябақ, Жеңіс паркі жөндеуден өтсе, Қонаев көшесінің бойында воркаут алаңы және скейт парк қолданысқа берілді. Сонымен қатар №5 жағажай толығымен абаттандырылып, биылғы шомылу маусымында халыққа тегін қызмет көрсетті.

    Халық үшін тегін қызмет ететін тағы бір нысан жақында ғана ашылды. Ол — «Кроссфит» алаңы. Аз ғана уақытта салынған алаңның ашылу салтанатына қала әкімі Асхат Бердіханов қатысты.

    «Қалада спортқа қызығушылар саны жыл санап артып келеді. Бұл өте қуантарлық жағдай. Бұқаралық спортты дамыту үшін жылына жүздеген шаралар ұйымдастырылуда. Түрлі деңгейде чемпион атанып жүрген спортшыларымыз да көп. Аталған нысан ел игілігіне жарайды деген сенімдеміз», — деді ол құттықтау сөзінде.

    Аталған нысанда армрестлинг, үстел теннисі, стритбол, баскетбол, бокс, йогамен айналысуға болады. Жаттығуға арналған түрлі жабдықтар орнатылған. Балалар үшін музыкалық құралдар қойылған. Жасыл аймағы да бар. Жалпы аумағы 1,4 гектарды құрайды. Қауіпсіздікті сақтау мақсатында бірнеше бейнебақылау камералары орнатылған. Тапсырыс беруші – қалалық ТҮКШ бөлімі. Алаңның құрылысы 10 айға созылды.

    Мұнда тұрғындар спортпен тегін айналысады. Олар да ерекше алаңның ашылғанына дән риза.

    «Кешке балаларымызды алып шығып, қыдыруға, демалуға болатын керемет алаң екен. Үлкендер спортпен шұғылданып жатқанда балалар жүгіріп, ойнауына бар жағдай жасалған. Әдемі, көрікті ғимараттар мен алаңдар көптеп салынса деген арманымыз бар», — деді Мақпал есімді тұрғын.

    Салтанатты шарамен қоса, бүгін стритбол, соккербол, кросфиттен жарыс өтті. Оған 130-ға жуық спортшы қатысты. Жеңімпаздар арнайы сыйлықтармен марапатталды.

  • Қонаевта демалушылар саны артқан

    Қонаевта демалушылар саны артқан

    Биыл Қапшағай су қоймасының жағалауына демалуға 1,5 миллион адам келген. Өткен жылмен салыстырғанда демалушылар саны 300 мыңға көбейген.

    Мәліметке сәйкес, шаһардағы 140 демалыс орны 840 млн. теңгеге қызмет көрсеткен. Қауіпсіздікті сақтау бағытында күніне 100-ге жуық ТЖБ мамандары мен 6 экипаж полиция қызметкерлері жұмыс істеген.

    Сонымен қатар туристерді тарту мақсатында қала басшылығы шомылу маусымы кезінде ашық суда жүзуден «Ocean Man» Халықаралық жарысы, «Rock family fast» фестивалі, «Aspan fest» концерті ұйымдастырған.

    Инвестициялық жобаларға келсек, биыл «Ақ Жайық» демалыс орнының қонақ үй кешені қолданысқа берілген. Алдағы уақытта инвестициялық қаржыға 9 демалыс нысаны салынбақ. Тартылатын қаражаттың жалпы көлемі –294,6 млрд. теңге. Жаңадан 2000-нан астам жұмыс орны құрылады.