Sona.kz

Метка: Қазақстан

  • «Ұлы файрвол» Қазақстанда орнатылды ма?

    «Ұлы файрвол» Қазақстанда орнатылды ма?

    Wired басылымы Қазақстанда қытайлық Geedge Networks компаниясының интернет-цензура жүйесі енгізілді деп жазды. Алайда бұл деректі Цифрлық даму, инновациялар және аэроғарыш өнеркәсібі министрлігі жоққа шығарды, деп хабарлайды Sona.kz Tengrinews.kz-ке сілтеме жасап.

    Жарияланған құжаттарда Қазақстанмен қатар Эфиопия, Пәкістан және Мьянма аталған. Мамандардың айтуынша, жүйе тек сайттарды бұғаттап қана қоймай, жекелеген қолданушылардың интернет белсенділігін бақылауға мүмкіндік береді.

    Министрлік ресми түсініктемесінде:

    «Қазақстан Республикасының Цифрлық даму, инновациялар және аэроғарыш өнеркәсібі министрлігінің мәліметінше, бұл ақпарат шындыққа сәйкес келмейді», – деді.

    ? Айта кетсек, биыл ақпанда Қазақстан мен Қытай жасанды интеллект зертханасын ашуға келіскен болатын.

  • Аида Балаева – Қазақстандағы ең ықпалды әйелдердің үштігінде

    Аида Балаева – Қазақстандағы ең ықпалды әйелдердің үштігінде

    Қазақстан Республикасының Мәдениет және ақпарат министрі Аида Балаева 2025 жылғы ең ықпалды әйелдер рейтингінде бір сатыға көтеріліп, үшінші орынды иеленді. Бұл туралы Forbes Woman Kazakhstan журналына сілтеме жасап Sona.kz хабарлайды.

    Бірінші орынды биыл да Halyk Bank басқарма төрайымы Үміт Шаяхметова сақтап қалды. Екінші орында – Қаржы нарығын реттеу және дамыту агенттігінің (ҚНРДА) төрағасы Мадина Әбілқасымова.

    Төртінші орынға Отбасы банкінің басқарма төрайымы Ләззат Ибрагимова көтерілді. Бестікке ОФ «Мейірімділік ерікті қоғамы» жетекшісі Аружан Саин енді.

    ? Алғашқы ондыққа енгендер қатарында:
    • Еңбек және халықты әлеуметтік қорғау министрі Светлана Жақыпова (6-орын);
    • «Сәби» қайырымдылық қорының негізін қалаушы Әсел Тасмағамбетова (7-орын);
    • «Ұлттық басқару агенттігі» ҚҚ жетекшісі әрі «Ана үйі» қорының теңқұрушысы Анар Рахимова (8-орын);
    • ҚР Президенті Телерадиокешенінің басшысы Раушан Қажыбаева (9-орын);
    • «Қазақстандағы парламентаризмді дамыту қорының» президенті Зауреш Батталова (10-орын).

    ? Биылғы рейтингке алғаш рет бірнеше жаңа есімдер енді. Олардың арасында Светлана Жақыпова, Гаухар Қаппарова, Жәния Аубакирова, Елена Бахмутова, Динара Закиева, Жанна Кан, Салтанат Томпиева және Чинара Буғымбаева бар.

    Ұзын тізімге экономика, саясат және азаматтық қоғам саласындағы 120-дан астам танымал әйел кірді. Одан 45 үміткер іріктеліп, арнайы сарапшылар тобы оларды алты балдық шкаламен бағалады. Нәтижесінде 90%-ды – сарапшылар пікірі, 10%-ды – капитал көлемі, қор бюджеті, бизнес ауқымы мен жүзеге асқан жобалар сынды сандық көрсеткіштер құрады.

    Forbes Woman Kazakhstan алғаш рет бұл рейтингті 2024 жылдың қыркүйегінде жариялаған болатын. Сол кезде Қазақстанның тұңғыш президенті Нұрсұлтан Назарбаевтың қыздары Дариға Назарбаева мен Динара Құлыбаева топ-25-ке енбеген еді.

  • Қазақстандықтар Арменияға енді жеке куәлікпен бара алады

    Қазақстандықтар Арменияға енді жеке куәлікпен бара алады

    Қазақстан азаматтары Арменияға бару үшін енді төлқұжат рәсімдемей-ақ, жеке куәлікпен ғана кіре алады. Бұл туралы Мәжілістің жалпы отырысында қабылданған заңда айтылды, деп хабарлайды Sona.kz Azattyq Rýhy-ға сілтеме жасап.

    Ішкі істер министрі Ержан Сәденовтің айтуынша, келісімге 2024 жылғы сәуірде Президенттің Арменияға ресми сапары барысында қол қойылған.

    «Құжатқа сәйкес, екі ел азаматтарының сапары үшін визалық режим жойылады. Алайда Қазақстан азаматтары Арменияда 30 күннен кейін полицияда тіркелуі тиіс. Бұл көші-қон бақылауын күшейтуге мүмкіндік береді. Сондай-ақ ұлттық заңнамаға сәйкес, 90 күннен астам уақыт болуды ұзартуға болады. Ол үшін уақытша тұруға рұқсат алу жеткілікті», – деді министр.

    Енді елге кіру үшін қажетті құжаттар тізбесіне:
    • Армения азаматтары үшін сәйкестендіру картасы;
    • Қазақстан азаматтары үшін жеке куәлік енгізілді.

    Бұған дейін мұндай мүмкіндік тек Ресей мен Қырғызстанға сапар шеккенде ғана қолданылған еді. Сәденовтің айтуынша, жаңа тәртіп паспорт рәсімдеуге кететін шығынды азайтады.

    ІІМ дерегінше, жыл басынан бері Қазақстанға Арменияның 12 мыңға жуық азаматы келген. Армения бұл келісімді 2023 жылғы қарашада ратификациялаған.

  • Қазақстан Конституциясының 30 жылдығы аталып өтуде

    Қазақстан Конституциясының 30 жылдығы аталып өтуде

    Бүгін – еліміздің басты мемлекеттік мерекелерінің бірі – Конституция күні.

    Қазақстанның Негізгі заңы 1995 жылы бүкілхалықтық референдумда қабылданды. Сол уақыттан бері бұл күн Тәуелсіздіктің, бірліктің және мемлекеттілікті нығайтудың символына айналды. Конституция елдің демократиялық құрылымын, азаматтардың құқықтары мен бостандықтарын, билік жүйесін айқындап берді.

    ? 2022 жылы Конституцияға ауқымды өзгерістер енгізілді: Қазақстан суперпрезиденттік үлгіден күшті Парламенті бар президенттік басқару жүйесіне өтті, жер мен табиғи ресурстар халыққа тиесілі деп бекітілді, азаматтарға Конституциялық сотқа тікелей жүгіну құқығы берілді. Сондай-ақ өлім жазасы түбегейлі жойылды.

    ? Президент Қасым-Жомарт Тоқаев Конституцияны «Тәуелсіздігіміздің берік тұғыры және мемлекеттілікті нығайтудың сенімді бағдары» деп атады. Оның айтуынша, 2022 жылғы конституциялық реформа ел тарихындағы ең мазмұнды өзгерістердің бірі болып, қоғам көптен күткен әділдік, ашықтық және жауапкершілік қағидаттарын бекітті.

    ? Биыл мереке демалыс күндеріне сәйкес келіп, қазақстандықтар үш күн қатарынан – 30, 31 тамыз және 1 қыркүйекте демалады. Елдің барлық өңірінде Конституцияның 30 жылдығына арналған концерттер, көрмелер мен мәдени шаралар ұйымдастырылуда.

  • Қазақстан ресейлік компаниядан бас тартып, үш ЖЭО-ны өзі салады

    Қазақстан ресейлік компаниядан бас тартып, үш ЖЭО-ны өзі салады

    Қазақстан Ресейдің қатысуынсыз үш жылу электр орталығын салуға шешім қабылдады. Бұл туралы Премьер-Министрдің орынбасары Роман Скляр мәлімдеді, деп хабарлайды Sona.kz Kazinform агенттігіне сілтеме жасап.

    «Интер РАО» компаниясы арзан пайыздық мөлшерлемемен экспорттық қаржыландыру алуы тиіс еді. Алайда бұл мүмкін болмағандықтан, жобаларды өзіміз жүзеге асыру туралы шешім қабылданды», – деді Скляр.

    Көкшетауда «Самұрық-Энерго» станция құрылысын бастап кеткен. Вице-премьердің айтуынша, Семей мен Өскеменде де тапсырыс беруші ретінде осы холдинг қатысуы мүмкін.

    «Егер ресейлік тарап тиімді қаржыландыру ұсынып жатса, “Самұрық-Энерго” оларды серіктес ретінде тарта алады. Ешқандай кедергі жоқ. Маңыздысы – станция нарықтағы қуат арқылы ғана бағаны қазіргі деңгейден асырмауы тиіс», – деп түйіндеді Роман Скляр.

  • Қазақстанда зейнетақы рәсімдеу тәртібін өзгертуді ұсынды

    Қазақстанда зейнетақы рәсімдеу тәртібін өзгертуді ұсынды

    Қазақстанда зейнетақы тағайындау процесі толығымен автоматтандырылуы мүмкін, — деп хабарлайды Sona.kz NUR.KZ-ке сілтеме жасап.

    Цифрлық даму вице-министрі Қаныш Төлеушиннің айтуынша, жаңа тәсіл пилоттық режимде енгізілген. Енді азаматтар зейнетке шығу үшін құжат жинап, өтініш берудің қажеті жоқ — жүйе жасына қарай автоматты түрде зейнетақыны рәсімдейді.

    Алгоритм жасты өзі есептейді
    Еңбек өтілін тексереді
    Жүйе проактивті түрде төлем тағайындайды

    Осылайша қызмет көрсету мерзімі 10 күннен 1 күнге дейін қысқарып, рәсімдеу қадамдары 6-дан 1-ге дейін азайтылған.

    Еңбек министрлігіне жобаны ел көлемінде енгізу ұсынылды.

  • Қазақстан трассаларында QR-кодпен жабдықталған дәретханалар орнатылады

    Қазақстан трассаларында QR-кодпен жабдықталған дәретханалар орнатылады

    Елімізде республикалық маңызы бар автожолдар бойындағы санитарлық аймақтарды жаңарту жұмыстары жүріп жатыр. Бұл туралы Sona.kz хабарлайды «ҚазАвтоЖол» Ұлттық компаниясы-на сілтеме жасап.

    Компания төрағасы Дархан Иманашевтың айтуынша, ел аумағында 888 жаңа дәретхана орнатылған. Оның ішінде 744-і жылусыз, 144-і жылыту жүйесімен жабдықталған. Жобаның мақсаты – трассалар бойында заманауи санитарлық жағдай жасау.

    •  QR-код пен шағым жүйесі енгізіледі
      Енді әр дәретханаға жеке нөмір мен QR-код беріледі. Жолаушылар кодты сканерлеп, арнайы чат арқылы шағым қалдыра алады. Егер дәретхана жалға берілген болса, шағым негізді деп танылса – жалдаушы жауапкершілікке тартылады.
    • Жылы дәретханалар – тиімді инфрақұрылыммен ғана
      Алайда жылы санитарлық тораптарды барлық трасса бойына орнату әзірге мүмкін емес. Себебі оларды күтіп ұстау айына шамамен 700 мың теңгеге дейін шығынды қажет етеді. Қашықтағы нүктелерге қызмет көрсету – экономикалық тұрғыдан тиімсіз.

    Жаңа нысандар қай өңірлерде пайда болды?
    2025 жылы Семей, Қызылорда, Қарағанды облысы, Алматы – Қорғас бағыты мен туристік нүктелерде санитарлық нысандар іске қосылды. Келесі кезеңде оңтүстік және шалғай өңірлерде осындай жобалар жалғасады.

  • Әлеуметтік көмек алатындар қайта тексеріледі

    Әлеуметтік көмек алатындар қайта тексеріледі

    Қазақстанда табысы ортадан жоғары азаматтар бірқатар әлеуметтік төлемдерден қағылуы ықтимал. Бұл туралы Sona.kz Azattyq Rýhy-ға сілтеме жасап хабарлайды.

    Министрлік 2025 жылдан бастап мұқтаждықты скоринг арқылы бағалайтын жүйені енгізуді жоспарлап отыр. Енді әрбір отбасының әлеуметтік-экономикалық жағдайы табысы, мүлкі, көлігі, несиесі мен денсаулығы сияқты бірнеше критерий бойынша автоматты түрде сарапталады. Бұл мәліметтер «Отбасының цифрлық картасы» арқылы есептеледі.

    Жан басына шаққандағы табысы 173 628 теңгеден жоғары азаматтар жоғары әл-ауқат деңгейіндегі (5 және 6-санат) топқа жатқызылады. Олар жергілікті бюджет есебінен берілетін көмектерден (тегін тамақ, жолдама, жатақхана, тұрғын үй субсидиясы) шеттетілуі мүмкін.

    Алайда республикалық бюджет пен Мемлекеттік әлеуметтік сақтандыру қоры арқылы берілетін зейнетақылар, бала күтімі мен тууына байланысты жәрдемақылар, мүгедектік және асыраушысынан айырылу бойынша төлемдер бұрынғыша сақталады.

    Шымкент пен Қарағанды облысында пилоттық жоба іске қосылған. Алдын ала талдауға сәйкес, қатысушылардың 2,6%-ы (шамамен 4,2 мың адам) жоғары әл-ауқатты санатқа енген. Оның ішінде 3,1 мыңы – Қарағанды облысында, 1,1 мыңы – Шымкентте.

    Мүгедек немесе ауыр науқас жандарды күтіп отырған отбасыларда жүктеме коэффициенті есепке алынады. Егер азамат бағалау нәтижесімен келіспесе, уәкілетті органға немесе бақылау мекемелеріне шағымдана алады.

  • Қазақстанда дәрігерлерге шабуыл жасағандарға қатаң жаза енгізу ұсынылды ⠀

    Қазақстанда дәрігерлерге шабуыл жасағандарға қатаң жаза енгізу ұсынылды ⠀

    Қазақстанның Қылмыстық кодексіне медицина қызметкерлеріне шабуыл жасау мен қорқытуға қатысты жаңа — 158-1-бап енгізу жоспарланып отыр. Бұл туралы Денсаулық сақтау министрі Ақмарал Әлназарова мәлімдеді, деп хабарлайды Sona.kz Tengrinews.kz-ке сілтеме жасап.
    ⠀
    Министрдің айтуынша, бұл түзетулер Мемлекет басшысының тапсырмасымен әзірленген және Бас прокуратура мен Ішкі істер министрлігінің алдын ала мақұлдауынан өткен. Жобада мынадай жаза түрлері қарастырылған:
    – қорқыту әрекеті үшін — 2 жылға дейін бас бостандығын шектеу,
    – зорлық-зомбылық қолданса — 2 жылдан 7 жылға дейін бас бостандығынан айыру,
    – төтенше жағдай кезінде жасалса — 10 жылға дейін,
    – бірнеше адам топ болып бірнеше медицина қызметкеріне шабуылдаса — 15 жылға дейін бас бостандығынан айыру.
    ⠀
    Министр бұл шаралар медицина қызметкерлерінің өмірі мен қауіпсіздігін қорғау үшін қажет екенін айтты. Заң жобасы қыркүйек айында Парламентке енгізіледі.
    ⠀

  • Қазақстанда әлеуметтік осал топтарға несие төлемін кейінге қалдыру ұсынылуда

    Қазақстанда әлеуметтік осал топтарға несие төлемін кейінге қалдыру ұсынылуда

    Қаржы нарығын реттеу және дамыту агенттігі әлеуметтік тұрғыда осал азаматтар мен төтенше жағдайлардан зардап шеккендер үшін несие төлемдерін кейінге қалдыру тәртібін енгізуді ұсынып отыр. Қаулы жобасы “Ашық НҚА” порталында жарияланды.

    Құжатта банктер мен микроқаржы ұйымдарына қарыз алушы табысының төмендегенін дәлелдейтін құжаттар ұсынылған жағдайда, үш айдан кем емес мерзімге комиссиясыз кейінге қалдыру ұсыну міндеті көзделген.

    Сонымен қатар, берешекті өтеу мүмкін еместігіне себеп болған өмірлік жағдайларға байланысты сұратылатын құжаттардың нақты тізімі енгізілмек. Бұл механизм банктер мен микроқаржы ұйымдарының әрекеттерін ашық әрі бірізді жүргізуге бағытталған.

    Бастама әлеуметтік әлсіз топтар үшін қарыз жүктемесін жеңілдетіп, қаржылық қиындықтарды уақытша еңсеруге мүмкіндік бермек.