Мемлекет басшысының Жарлығымен Дмитрий Михайлович Малахов Қазақстан Республикасы Жоғары сот кеңесінің төрағасы лауазымына тағайындалды.
Бұл туралы Ақорданың баспасөз қызметі мәлім етті.
Метка: сот
-
«Майқайыңалтын» апаты: күдіктілерді үйқамаққа жіберді
«Майқайыңалтын» АҚ мен оған қарасты жерасты кенішінің бұрынғы басшылары сот шешімінен уақытша ұстау изоляторынан босатылып, үйқамаққа жіберілді. Олар тергеу амалдары аяқталғанша үйлерінде болады.
«Майқайыңалтын» АҚ-ның бұрынғы бас директоры Қуаныш Ботин, директордың бірінші орынбасары Қанат Баширов, орынбасары Иван Терешков, Майқайың жер асты кенішінің директоры Андрей Шувалов пен оның орынбасары Берік Назыров, кеніштің бас инженері Дінмұхамед Қайыпқанұлы кеше соттың шешімінен уақытша ұстау изоляторынан босатылды. Тергеу амалдары аяқталғанша олар үйқамақта болады.
Бұл туралы Павлодар облысының Полиция департаменті хабарлады.
-
22 жастағы Мәтжан Жанесеновты атып өлтірген әскери қызметші сотталды
Қиялы шекара заставасында әріптесін атып, қамауға алынған әскери қызметші сотталды. Сот оны 3 жылға бас бостандығынан айырды.
Жазаны қылмыстық атқару жүйесінің қауіпсіздігі орташа мекемелерінде өтеуі белгіленді. Сотталғаннан моральдық зиян өндірілді.
Сот үкімі күшіне енген жоқ.
Айта кетейік, Ақтөбе облысындағы Қиялы шекара заставасының әскери қызметшісі Р.Байбақтинге алғашында Қылмыстық кодекстің «Адам өлтіру» бабы бойынша айып тағылып, тергеу жүрді. Кейін қылмыстық іс «Аффект жағдайында жасалған адам өлтіру» бабына сараланды.
«ҚР Қылмыстық кодексінің 99-бабының 1-бөлігімен, яғни, адам өлтірді деп сотқа берілді. Сотпен анықталғаны жәбірленуші жүйелі түрде Байбақтинге құқыққа қайшы беймаралдық іс-әрекеттер жасаған. Аталған мән-жайлар куәлардың жауаптарымен дәлелін тапты. Сонымен қатар іс бойынша Ақтөбе, Алматы және Астана қалаларында сот-психологиялық, психиатриялық сараптамалар жүргізіліп, сарапшылар Байбақтин қылмыс жасаған уақытта аффект жағдайында болды деген қорытындыға келді»,- делінген Қылмыстық істер жөніндегі мамандандырылған аудараралық әскери сотының хабарламасында.
Ведомствоның ақпаратына сәйкес,
сот отырысында 5 сарапшыдан жауап алынды. Барлығы бірауыздан Байбақтиннің аффект жағдайында қылмыс жасағанын бекітті. Сот іс материалдарын зерттеп, сарапшылардың қорытындыларын негізге алып, Байбақтиннің іс-әрекетін ҚК 101-бабының 1-бөлігіне саралады.«Яғни, сотталушы 2023 жылғы 2 желтоқсанда аффект жағдайында адам өлтірді. Атап айтқанда жәбірленушінің жүйелі түрде құқыққа қайшы беймаралдық мінез-құлқына байланысты туындаған ұзаққа созылған психиканың күйзелтетін ахуалдан болған. Кенеттен туындаған қатты жан күйзелісі аффект жағдайында жасалған адам өлтіру. 2024 жылдың 13 қыркүйегі күні сот үкімімен Байбақтин ҚК 101-бабы 1-бөлігінде көзделген қылмыстық құқықбұзушылық жасағаны үшін кінәлі деп танып, оған 3 жыл бас бостандығынан айыру жазасы тағайындалды», — деп толықтырды Қылмыстық істер жөніндегі мамандандырылған аудараралық әскери соты.
Еске салсақ, оқиға былтыр желтоқсан айында болды. Мәртөк ауданындағы Қиялы шекара заставасында 22 жастағы Мәтжан Жанесенов көз жұмды. Ол – Ақтөбе облысы Байғанин ауданының тумасы.
-
Шымкентте диспансер басшысы мен есепшісі 2 жылға сотталды
Шымкент қаласының қылмыстық істер жөніндегі ауданаралық соты «Шымкент қаласының дәрігерлік-дене шынықтыру диспансері» КММ басшысы И. Долбиловаға және осы ұйымның бухгалтері М. Абдукаримоваға қатысты үкім шығарды.
«Олар іс жүзінде еңбек қызметін жүзеге асырмаған тұлғаға жалақыны заңсыз есептеу жолымен 3,4 млн теңге сомасында бюджет қаражатын жымқырғаны үшін кінәлі деп танылды», — делінген Сыбайлас жемқорлыққа қарсы іс-қимыл агенттігінің хабарламасында.
Ведомствоның мәліметінше, сот үкімімен басшы мен есепші мемлекеттік қызметте қызмет атқару құқығынан өмір бойына айырылған. Оларға 2 жылға бас бостандығынан айыру түріндегі жаза тағайындалды.
Сот үкімі заңды күшіне енді.
-
Қызылордада кәсіпкерлік басқармасының бұрынғы басшысы 9 айға сотталды
Қызылорда қалалық соты облыстық Кәсіпкерлік және өнеркәсіп басқармасының басшысы Д.Әбсаттаровқа қатысты үкім шығарды.
Сыбайлас жемқорлыққа қарсы іс-қимыл агенттігінің мәліметінше, ол бизнес өкілдеріне ұлының оқуына 1,4 млн теңге сомасында ақы төлеу және құны 6,8 млн теңге дизель отынын беру қажеттігі туралы заңсыз нұсқаулар беру арқылы лауазымдық өкілеттіктерін асыра пайдаланғаны үшін кінәлі деп танылды.
Сот Дінмұхаммед Әбсаттаровқа 9 айға бас бостандығынан айыру жазасын кесті. Оның өмірбақи мемлекеттік қызметте жұмыс істеуіне тыйым салынды. Сот үкімі заңды күшіне енді.
-
Сыбағаға жалған құжат жасап, субсидия алған үш адам 5 жылға сотталды
Сыбағаға жалған құжат жасап, субсидия алған үш адам 5 жылға сотталды
Сыбаға» мемлекеттік бағдарламасы аясында «Аграрлық несие корпорациясы» АҚ Ақтөбе филиалынан несие алу кезіндегі алаяқтық фактілерін Қаржылық мониторинг агенттігі анықтады.
Тергеу барысында 4 шаруа қожалығының өкілдері жалған құжаттарды пайдалана отырып, асыл тұқымды ІҚМ сатып алуға бөлінген мемлекеттік субсидиялар мен кредиттік қаражатты қолды қылған үш азамат анықталды.
Құқыққа қайшы әрекеттермен мемлекетке жалпы сомасы 1 млрд теңгеге жуық ірі мөлшерде залал келтірілді.
Сотқа дейінгі тергеу барысында залал өтелді.«Агроөнеркәсіптік кешен саласындағы аса ірі мөлшердегі алаяқтық үшін сот үкімімен үш адам 5 жылға бас бостандығынан айырылды. Сотталушылардың жылжымалы және жылжымайтын мүліктері мемлекет пайдасына тәркіленді»,- делінген Қаржылық мониторинг агенттігінің хабарламасында.
Мемлекет Басшысының тапсырмасын орындау аясында Қаржылық мониторинг агенттігі АӨК саласын дамытуға бөлінетін субсидиялар мен кредиттік қаражаттардың орынды жұмсалуына тұрақты түрде мониторинг жүргізуде. Бұл жұмыс адал кәсіпкерлердің құқықтарын қорғауға бағытталған.
Егер сіз өкілеттіктерді теріс пайдалану, қаражатты жымқыру немесе басқа да экономикалық құқық бұзушылықтар фактілері жайлы білсеңіз, «АФМ Insider
-
Қызылорда облысында білім бөлімінің 200 млн теңгесін жымқырған 9 адам сотталды
Жаңақорған аудандық білім бөлімінде бюджет қаражатын жымқыру ісі бойынша үкім шығарылды. 9 адам сотталды.
«Қылмыстық іс бойынша негізгі айыпталушылар бас бостандығынан айырылды. Қалған 7 сыбайлас бухгалтерлік қызметпен айналысу құқығынан айырылып, шартты түрде сотталды», — делінген Қызылорда облысы прокуратурасы баспасөз қызметінің хабарламасында.
Сотта прокурорлар білім беру жүйесінде жұмыс істемейтін тұлғалардың есепшотына заңсыз ақша аударылғанын дәлелдеді.
«Қызылорда облысы Жаңақорған аудандық соты 200 млн теңгеден астам бюджет қаражатын жымқырған 9 адамға қатысты үкім шығарды. Келтірілген шығын ішінара өтелді», — деп толықтырды аталған ведомствоның баспасөз қызметінен.
Үкім заңды күшіне енген жоқ.
-
Ақтөбе облысында екі оқушы адам өліміне қатысты қамауға алынды
Ақтөбе облысында екі оқушы адам өліміне қатысы бар деген күдікпен қамауға алынды. Мектеп директоры қызметінен босатылды.
«ҚР Қылмыстық процестік кодекстің 128-бабының тәртібімен кәмелетке толмаған 2 күдікті ұсталды. Темір аудандық соты 2 ай мерзімге қамауға алу түріндегі бұлтартпау шарасын санкциялады. Оқиға бойынша тергеп-тексеруді Ақтөбе облыстық полиция департаментінің жедел-тергеу тобы жүргізіп жатыр. Қадағалауды жүзеге асыру тәжірибелі процессуалдық прокурорлар тобына жүктелді. Облыстық прокуратура жергілікті атқарушы органның атына Темір ауданы әкімінің, облыстық Білім басқармасы және аудандық білім бөлімінің лауазымды тұлғаларының жауапкершілігін шешу жөнінде ұсыныс енгізді. Бүгінгі күні қадағалау актісімен Қопа ауылындағы мектептің директоры Р.Е.Қаржауов қызметінен босатылды. Басқа мәліметтер тергеу мүддесіне қатысты жарияланбайды», — деп хабарлады Ақтөбе облыстық прокуратурасының баспасөз қызметі.
Айта кетейік, оқушы өлімімен аяқталған қайғылы жағдай 2 қыркүйек күні Темір ауданы Кеңесту ауылында болған. Оқушылар төбелескен. Қайтыс болған 9 сынып оқушысы Қопа орта мектебінде оқыған.
-
Бағдат Қарасаев 10 жылға дейін сотталуы мүмкін
Алматы облысындағы Іле ауданының әкімі Бағдат Қарасаевтың не себепті ұсталғанына облыстың прокуратурасы түсінік берді. Қадағалау органының мәліметінше, аудан әкіміне кәсіпкерлік қызметке заңсыз қатысты, лауазымдық өкілеттіктерін асыра пайдаланып мемлекеттік мүдделерге нұқсан келтірді деген айып тағылды.
«Алматы облысының прокуратурасы мен Сыбайлас жемқорлыққа қарсы қызметі Іле ауданында орналасқан қоқыс полигонының қызметін бірлесіп тексеруді аяқтады.2024 жылғы 3 қыркүйектегі жедел-іздестіру іс-шараларының нәтижесінде әкім Б.А. Қарасаев сыбайлас жемқорлық қызметіне күдік бойынша Қазақстан Республикасы Қылмыстық-процестік кодексінің 128-131-баптарының тәртібінде ұсталды. Аталған қылмыстар үшін мүлкі тәркіленіп, 10 жылға дейінгі мерзімге бас бостандығынан айыру түріндегі жаза көзделген», — деп хабарлады Алматы облысының прокуратурасы.
2024 жылдың 4 қыркүйегінде прокуратура бұлтартпау шарасын санкциялау үшін қылмыстық іс материалдарын сотқа жолдады.
Естеріңізге сала кетейік, бұған дейін Б.Қарасаевтың ұсталғаны жөнінде хабарлаған болатынбыз.
-
Гүлмира Сатыбалдыға қатысты сот үкімі шықты
Гүлмира Сатыбалдыға қатысты сот үкімі шықты
Кәсіпкер Қайрат Сатыбалдының бұрынғы әйелі Гүлмира Сатыбалды 12 жылға бас бостандығынан айырылды.
Оған заңсыз бас бостандығынан айыру, аса ірі мөлшерде бопсалау және өзін-өзі басқару бойынша айып тағылып, кінәсі дәлелденді.