Sona.kz

Метка: сот

  • Баян Алагөзова Дана Орманбаеваны сотта екінші рет жеңіп шықты

    Баян Алагөзова Дана Орманбаеваны сотта екінші рет жеңіп шықты

    Алматы қаласы Медеу ауданының №2 аудандық соты телекоммуникация желілерін пайдалана отырып өзгенің ар-намысын қорлады деп айыпталған журналист Дана Орманбаеваға қатысты қылмыстық істі қарады, деп хабарлайды Azattyq Rýhy.

    Сот анықтағандай, 2024 жылдың 3 және 6 сәуірінде Орманбаева оқырманы кең аудиториясы бар  өзінің Instagram әлеуметтік желісіндегі аккаунтында продюсер Алагөзоваға қатысты әдепсіз түрде қорлайтын сипаттағы бірқатар жазба қалдырған. Осыған байланысты жәбірленуші Алагөзова жеке айыптау тәртібімен сотқа шағым түсірген.

    «Сот Дана Орманбаеваның кінәсін дәлелдеді. Орманбаеваның жазасын жеңілдететін жағдай – жас баланың болуы. Жауапкершілікті ауырлататын мән-жайлар жоқ. Осыларды ескере отырып, сотталушы кінәлі деп танылып, оған 20 АЕК (73 840 теңге) көлемінде айыппұл салынды. Сот О.-дан моральдық зиянды өтеу ретінде жәбірленушінің пайдасына 500 мың теңге өндірді. Үкім заңды күшіне енген жоқ», – делінген Алматы қалалық сотының хабарламасында.

  • Шымкентте заңсыз жүрген 350 азаматтың ісі сотта қаралып жатыр

    Шымкентте заңсыз жүрген 350 азаматтың ісі сотта қаралып жатыр

    Шымкентте қала аумағында заңсыз жүрген 350 азаматтың ісі сотта қаралып жатыр.  Барлығы миграциялық заңнаманы бұзған Өзбекстан азаматтары. Олар Қазақстан аумағында тіркеуге тұрмастан нәпақа тауып жүрген. Заң бойынша келімсектер елдеріне депортацияланады немесе 70 мың мен 90 мың теңгенің арасында айыппұл төлеуге міндеттеледі. Жалпы жыл басынан бері қала аумағында көші-қон заңдылығын бұзған 6 мыңнан астам шетел азаматы анықталған. Олардың ішінде Ресей, Қырғызстан және Өзбекстан азаматтары бар. Олардың 117-і қамауға алынса, тағы 614 азамат ел аумағынан аластатылды. Сондай-ақ келімсектерге қолдау білдірген ел азаматтары да жауапқа тартылған.

    «Сонымен қатар шетелдік жұмыс күшін заңсыз пайдаланған 207 Қазақстан азаматы және шетел азаматтарын заңсыз тұрғын үймен қамтамасыз еткен 1 мың 135 әкімшілік жауапкершілікке тартылды. Олар шетелдіктердің мәртебесін рәсімдемеген», — деді Шымкент қалалық полиция департаменті көші-қон қызметі басқармасының бөлім басшысы Жәнібек Мырзалиев.

  • 2025 жылдың 1 шілдесінен бастап Қазақстанда жаңа кассациялық соттар жұмыс істейді

    2025 жылдың 1 шілдесінен бастап Қазақстанда жаңа кассациялық соттар жұмыс істейді

    2025 жылдың 1 шілдесінен бастап Қазақстанда жаңа кассациялық соттар жұмыс істейді.Мәжіліс сот жүйесін реформалау және процестік заңнаманы жетілдіру мәселелері бойынша заң жобасын екінші оқылымда мақұлдады. Енді қылмыстық, азаматтық, әкімшік процестік кодекстерге және басқа да заңдарға түзетулер енгізіледі.Сот ісін жүргізудің барлық түріне кассациялық қадағалаудың бірыңғай ережелері енгізіледі. Енді әкімшілік істер бойынша сот актілері апелляциялық шағым жасалғаннан кейін заңды күшіне енеді. Тәуелсіз кассациялық соттардың құрылуына байланысты Жоғарғы Соттың рөлі өзгереді. Сот төрелігін тек жергілікті және кассациялық соттар жүзеге асырады.

    «Кассациялық соттапрдың істерді қарау мерзімі 6 айдан аспайтын болады. Сот процессі тараптардың шақырылуымен және ауызша жүргізіледі.Тәуелсіз кассациялық соттардың құрылуына байланысты Жоғарғы Соттың рөлі өзгермек. Оның қызметі сот практикасын зерделеп, қорытуға, және сот төрелігін жүзеге асыру кезінде заңдылықтың сақталуына негізделетін болады», — деді ҚР Парламенті Мәжілісінің депутаты — Заңнама және сот-құқықтық реформа комитетінің Снежанна Имашева. 

  • Ақбөкен мүйізін тасымалдамақ болған тұрғын 8 жылға сотталды

    Ақбөкен мүйізін тасымалдамақ болған тұрғын 8 жылға сотталды

    Қостанай облысында ақбөкен мүйізін заңсыз тасымалдамақ болған күдіктіге сот үкімі шықты

    Айыпталушы мүйіздерді Астанадан Қостанайға апармақ болған.

    Полицейлер көлікті Әулиекөл тас жолында тоқтатып, 823 ақбөкен мүйізін тапты. Келтірілген шығын көлемі екі миллиард теңгеден асты.
    Сот айыпталушыны 8 жылға бас бостандығынан айырды. Үкім әлі заңды күшіне енген жоқ.

  • Президент: Судьялар адалдықтың, дербестіктің және әділдіктің жарқын үлгісі болуы керек

    Президент: Судьялар адалдықтың, дербестіктің және әділдіктің жарқын үлгісі болуы керек

    Әділ сот — мемлекеттің тірегі, сондықтан сот билігі қашанда абыройлы әрі мінсіз болуға тиіс. Президент Қазақстан Судьяларының ІХ съезінде осылай деді. Сондай-ақ, бұл басымдықтарға қол жеткізу үшін атқарылуы тиіс жұмыстарға тоқталды. Келер жылы шілде айынан бастап, сот шешіміне кассациялық тәртіппен шағымдану мүмкіндігі пайда болады. Одан бөлек, саланың цифрлану деңгейін жетілдіре түсу де маңызды. Бұл соттың ашықтығы мен судьялардың жауапкершілігін арттыра түседі. Ал сот кезінде пайдаланылатын деректер қатысушылардың барлығына қолжетімді болады.

    ,«Судьялар адалдықтың, дербестіктің және әділдіктің жарқын үлгісі болуы керек. Сондықтан судьялардың этикалық нормаларды сақтауы ерекше маңызды. Жаңа өзгерістерге сай енді сот ісін қарау кезіндегі барлық өрескел қателікті қазылар қауымы тексереді. Бұл – соттардың тәртіптік жауапкершілігін күшейтуге бағытталған жаңа тәсіл», — деді  Қазақстан Республикасының Қасым-Жомарт Тоқаев. 

  • «Барымды тартып алды»: Жұлдыз Әбдікәрімова жақынымен соттасқалы жатыр

    «Барымды тартып алды»: Жұлдыз Әбдікәрімова жақынымен соттасқалы жатыр

    Әнші Қайрат Нұртастың жары  Жұлдыз Әбдікәрімова қалың оқырманына басынан өткен жағдай жайлы жазды. Актрисаның сөзінше, ол оңбай алданып, барынан айырылған.

    «Ешкімнің абыройын түсіргім келмеп еді. Алайда бұққан сайын, сұғып барады. Осыдан 3-4 жыл бұрын жақын адамымнан опық жедім. Оңдырмай алдап кетті. Барымды тартып алды. «Жаным, күнім» деген адамнан сатқындық көремін деп кім ойлаған? Қазір есіме түсіріп, таңқаламын. Қалайша оған жол бердім? Осынша уақыт қалай үндемей шыдап келдім. Ол уақыт мен үшін сынаққа толы күндер еді. Басымды тауға да, тасқа да соғып жүргенде алдымнан «күндей» жарық бір кісі шықты. Бәлкім, менің құтқарушым осы болар деп ойладым», — дейді Әбдікәрімова.

    Жұлдыздың айтуынша, мәселе шешілмесе, ол сотқа жүгінбек. Тіпті іске телефонмен сөйлескен  2 жылдық әңгімелерін  айғақ ретінде

    тіркетіпті.

    «Қалымды сұрап, менің жағдайымды өзінікіндей көріп, уайымдап жүрді. Менің ештеңеден хабарым болмады. Жарты жыл қасымда жүріп, мендегі қымбат дүниені санап жүрген екен. Мен өз қайғымнан есімді жия алмай жүргенде, ол біраз құжатқа қолымды қойдырып алды. Ертең сол кісімен кездесуге барамын. Мәселе шешілмесе, сотта кездесеміз. Егер оқырманым талап етсе, соттың елдің алдында онлайн өткенін талап етемін. Сотта барлығы айтылады. Оның әділ өтетініне сенемін. Ол адаммен 2 жыл телефонмен сөйлескенім іске тіркелді», — деп актриса ойын қортындылады.

    Жұлдыз, сондай-ақ өзінің сторисінде алдағы соттағы жаңалық жайлы бөлісетінін жеткізді.

     

     

  • Бишімбаев марқұм Салтанат Нүкенованың отбасына 17 млн теңге төлейтін болды

    Бишімбаев марқұм Салтанат Нүкенованың отбасына 17 млн теңге төлейтін болды

    Бишімбаев марқұм Салтанат Нүкенованың отбасына 17 млн теңге төлейтін болды

    Айтбек Амангелді азаматтық істер жөніндегі сотқа талабында қайғылы оқиға салдарынан моральдық азап шеккенін, денсаулығының нашарлағанын және еңбекке қабілеттілігін жоғалтқанын айтқан.

    «Сот парасаттылық пен әділдік қағидаттарын негізге алып, жақын туысының қайтыс болуы сөзсіз талап қоюшының моральдық жағдайына кері әсерін тигізіп, оның жеке мүліктік емес құқықтарын бұзғанын ескере отырып, талап қоюды ішінара қанағаттандырды. Жауапкерден қылмыстық іс бойынша келтірілген 6 877 672 теңге материалдық шығын мен 10 млн теңге моральдық залал өндірілді», — делінген елорда сотының шешімінде.

  • Ипотека жыры: 55 млн теңге шығын келтірген алаяқ 3 жылға сотталды

    Ипотека жыры: 55 млн теңге шығын келтірген алаяқ 3 жылға сотталды

    Астаналық  тұрғын өзін банк қызметкерімін деп таныстырып «Отбасы банк» АҚ арқылы бастапқы жарнасыз ипотекалық тұрғын үйсатып алуға көмектесу мүмкіндігі бар екені туралы ақпарат таратқан. Құқықбұзушы танысына банктен аукционда сатылатын тыйым салынған  үш бөлмелі пәтерді ипотекаға сатып алуды ұсынған. Аукционға қатысу үшін 630 мың теңге сұраған.

    Біраз уақыттан кейін ипотека рәсімдеу үшіншот ашып, 11 млн теңге көлемінде ақша қаражатын салу қажеттігін хабарлаған.

    «Осыған ұқсас сылтаулармен өзінің танысын алдап, сенімін теріс пайдалана отырып, жалпы сомасы 14 млн теңгеден астам ақшаны алаяқтық жолмен иемденген», — делінген Астана қаласы прокуратурасының хабарламасында. 

    Оның қылмыстық әрекеттерінің нәтижесінде 22 жәбірленушіге 55 млн теңгеден астам материалдық шығын келтірілген.

    Кінәлі тұлға 3 жылға бас бостандығынан айырылды.Жәбірленушілердің азаматтық талап арыздары қанағаттандырылды. Сот үкімі заңды күшіне енген жоқ. Прокуратура азаматтарды тек уәкілетті ұйымдарға жүгінуге шақырады және алаяқтық жасағаны үшін мүлкі тәркіленіп 10 жылға дейін қылмыстық жауапкершілік қарастырылғанын ескертеді.

    Сот үкімі заңды күшіне енген жоқ.

  • Алматыда әйелін пышақтап өлтірген экс-күйеуі 15 жылға сотталды

    Алматыда әйелін пышақтап өлтірген экс-күйеуі 15 жылға сотталды

    Алматы қаласының қылмыстық істер жөніндегі мамандандырылған ауданаралық сотында Әл-Бейне Зарипованың күйеуіне сот шешімі шықты. Әйелін пышақтап өлтірген экс-күйеуі жәбірленушінің шотынан ақша аударып алған.

     «Сот үкімімен З. Кінәлі деп танылып, оған 15 жыл мерзімге бас бостандығынан айыру жазасы тағайындалды. Сотталған азаматтан «С» ЖШС-ң пайдасына 4 700 000 теңге материалдық залал, сонымен қатар, бес жәбірленушінің пайдасына 20  000 000 теңге моральдық шығын өндірілді», — делінген соттың хабарламасында.

    Прокурор сотталушыны кінәлі деп танып, 15 жылға бас бостандығынан айыру жазасын тағайындауды сұрады.

    Үкім заңды күшіне енген жоқ.

  • Қостанайда үйі жоқтардың мекемесін басқарған басшының ісі сотқа жолданды

    Қостанайда үйі жоқтардың мекемесін басқарған басшының ісі сотқа жолданды

    Қостанай облысының прокуратурасы Бюджет қаражатын жымқыру туралы іс сотқа жолданды.

    «Ағымдағы жылдың 9 қыркүйегінде Қостанай облысының прокуратурасы бюджет қаражатын жымқыру туралы қылмыстық іс бойынша айыптау актісін жасады.
    Тергеу барысында 2017 жылдың қазан айынан 2024 жылдың тамыз айына дейінгі кезеңде «Қостанай қалалық тұрғылықты мекенжайы жоқ адамдарға арналған әлеуметтік бейімделу орталығы» коммуналдық мемлекеттік мекемесінің басшысы өзінің қызметтік жағдайын пайдалана отырып, адамдарды әртүрлі лауазымдарға жалған жұмысқа орналастырғаны анықталды», — делінген Қостанай облысы прокуратурасының хабарламасында.

    Ведомствоның ақпаратына сәйкес,  жұмыспен қамтылғандар жұмыс орындарына іс жүзінде келмеген, функционалдық міндеттерін орындамаған, ал басшы олардың шоттарына жалақы түрінде түскен ақшалай қаражатты иемденген.

    Күдіктінің заңсыз әрекеті нәтижесінде мемлекетке 11 миллион теңгеден астам шығын келтірілген.

    Оның әрекеті қылмыстық кодекстің 189-бабы 3-бөлігі 1), 2) тармақшасы бойынша сараланған (мемлекеттiк функцияларды орындауға уәкiлеттi адамға теңестiрiлген адамның сенiп тапсырылған бөтен мүлiктi қызмет бабын пайдалана отырып, iрi мөлшерде жымқыруы).

    Жоғарыда көрсетілген баптың санкциясында мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, 7 жылға дейін бас бостандығынан айыру жазасы қарастырылған.

    Қылмыстық істі Қостанай қаласының № 2 соты қарайды.