Sona.kz

Метка: сот

  • Шымкент қаласы экс-әкімінің ағасын телефонмен ұрып, тістегені үшін бұрынғы әйелі 74 мың теңге айыппұл төлейді

    Шымкент қаласы экс-әкімінің ағасын телефонмен ұрып, тістегені үшін бұрынғы әйелі 74 мың теңге айыппұл төлейді

    Шымкент қаласы экс-әкімінің ағасын телефонмен ұрып, тістегені үшін бұрынғы әйелі айыппұл төлейді

    Сот денсаулыққа қасақана жеңіл зиян келтіргені үшін айыппұл түріндегі жаза тағайындады. Даудың басында Шымкент қаласы экс-әкімінің ағасы Марат Әйтенов пен бұрынғы әйелі Дана Атешова.

    «А. оны мәжбүрлеп шығару процесі барысында үй иесіне қарсылық көрсетіп, М.-ны үйге кіргізбей, жәбірленушіні қасақана ұялы телефонымен соғып, оны тістеп алған. Салдарынан М.-ге дене жарақаты келтірілген», — делінген Астана қаласының қылмыстық істер жөніндегі ауданаралық сотының хабарламасында.

    Ведомствоның ақпаратына сәйкес, сотталушының кінәсі жәбірленушінің, куәгерлердің айғақтарымен, сот-медициналық сараптама қорытындысымен және іс материалдарымен дәлелденді. Прокурор 30 АЕК мөлшерінде айыппұл түрінде жаза тағайындауды сұраған. Ал, қорғаушы тарап оқиға мен қылмыстық құқық бұзушылық құрамының болмауына байланысты іс бойынша іс жүргізуді тоқтатуды сұрады.

    «Жасалған теріс қылықтың мән-жайларын және оның ауырлығын ескере отырып, сондай-ақ сотталушының жеке кәсіпкер болып табылатынын, оның асырауында 3 жас баласының бар екенін және жазаның өзге түрін тағайындау оның балаларының өмірі мен тәрбиесі жағдайларына әсер етуі мүмкін екенін ескере отырып, сот сотталушы А.-ға 20 АЕК мөлшерінде айыппұл түріндегі жаза тағайындады», — деп толықтырды аталған ведомствоныың баспасөз қызметінен.

    Яғни, сотталушы 73 840 теңге айыппл төлеуге міндеттелді.

    Үкім заңды күшіне енген жоқ.
    Естеріңізге салсақ, елорда тұрғыны Дана Атешова бұрынғы күйеуі Марат Әйтеновтің полицейлермен және жеке сот орындаушылармен бірге үйіне келіп, балаларды бір-бірлеп үйден мәжбүрлеп шығарғанын, өзін соққыға жыққанын әлеуметтік желіде жариялаған болатын.
    Кейінірек Марат Әйтенов ӘҚБтК 73-бабының 1-бөлігімен кінәлі деп танылып, 5 тәулікке қамауға алынды.
    Содан кейін Марат Әйтеновтың бұрынғы әйеліне сот шешімі шықты.
    Айта кетейік, Марат Әйтенов — Шымкенттің бұрынғы әкімі Мұрат Әйтеновтың туған бауыры. Мұрат Әйтенов 2020-2023 жылдары Шымкентті басқарған.
    Былтыр қыркүйекте Президент Жарлығымен қызметінен босатылды.

  • Қарасораны өсіріп, есірткі сатқан бір топ адам 12 жылға сотталды

    Қарасораны өсіріп, есірткі сатқан бір топ адам 12 жылға сотталды

    Қарасораны өсіріп, есірткі сатқан бір топ адам 12 жылға сотталды

    Алматы қаласы мен Алматы облысында есірткі заттарын сатқан, бір топ адам сотталды
    Бостандық ауданының прокуратурасы есірткілерді өндіріп, сатқан бір топ адамға қатысты мемлекеттік айыптауды қолдады.

    «X» азаматы 3 жыл бойы тұрғын үйінің ауласында қарасора бұталарын өсірген.

    Оның сыбайластары өсірілген марихуананы алып, оны орап, сатумен айналысқан.

    «Мемлекеттік айыптаушының ұстанымын ескере отырып, сот сотталушылардың мүлкілерін тәркілей отырып, 12 жылға бас бостандығынан айырды», — делінген Алматы прокуратурасының хабарламасында.

    Үкім заңды күшіне енген жоқ.

    «Қала прокуратурасы азаматтарды күмәнді табыс ұсыныстарына түспеуге шақырады», — деп толықтырды аталған ведомствоның баспасөз қызметінен.

  • Ұлытауда ҚАЖК жүйесінің 11 қызметкері азаптау қолданғаны үшін сотталды

    Ұлытауда ҚАЖК жүйесінің 11 қызметкері азаптау қолданғаны үшін сотталды

    Ұлытауда ҚАЖК жүйесінің 11 қызметкері азаптау қолданғаны үшін сотталды

    2024 жылғы 30 шілдесінде қылмыстық істер жөніндегі мамандандырылған ауданаралық әскери сотында ҚР ІІМ Қылмыстық-атқару жүйесі комитетінің Қарағанды және Ұлытау облысы бойынша №62 Мекемесінде (бұдан әрі — Мекеме) жазасын өтеп жатқан 11 сотталғандарды азаптау қолдану фактісі бойынша осы Мекеменің 7 және ҚР Ұлттық ұлан №6505 әскери бөлімінің (бұдан әрі — Әскери бөлім) 4 қызметкерлеріне қатысты үкім жарияланды. Қылмыстық істі Ұлытау облысы прокуратурасының арнайы прокурорлары тергеді.

    Прокурорлар 11 сотталғандарға қатысты кінәлі қызметкерлердің азаптау қолданғандығын тергеумен дәлелдеді.

    «Сот үкімімен Мекеме бастығы мен оның режим жөніндегі орынбасарына 6 жыл 6 айға мерзімге бас бостандығынан айыру түріндегі жаза тағайындалып, осы Мекеменің басқада 5 және Әскери бөлімінің 4 қызметкерлеріне 4 жыл мен 4 жарым жыл мерзімдерге бас бостандықтарынан айыру түріндегі  жазалар тағайындалды»,- делінген ҚР Бас прокуратурасының хабарламасында.

    Үкім заңды күшіне енген жоқ.

    ҚР Конституцияның 77-бабының 3-тармағының 1-тармақшасына және Қылмыстық-процестік кодекстің 19-бабының 1-бөлігіне сәйкес қылмыстық құқық бұзушылық  жасаудағы кінәсі соттың заңды күшіне енген үкімімен белгіленгенге дейін  әрбір адам кінәсіз деп есептеледі.

     

  • Даулы пост үшін әкімдік журналист Сандуғаш Дүйсенованы сотқа беретінін ескертті

    Даулы пост үшін әкімдік журналист Сандуғаш Дүйсенованы сотқа беретінін ескертті

    Даулы пост үшін әкімдік журналист Сандуғаш Дүйсенованы сотқа беретінін ескертті

    Жетісу облысындағы Ақсу ауданының әкімдігі журналист Сандуғаш Дүйсенованы сотқа беретінін ескертіп, ескерту хат жолдапты. Бұл жөнінде журналистің өзі әлеуметтік желідегі парақшасында хабарлады.

    «Страна погрязла в бля&стве» атауымен шыққан мақалаңыз жалған екендігін ескертіп, арыздануға қатысты ешқандай сексуалдық сипаттағы қандайда бір әрекеттің болмағандығы туралы хабарлап, ресми түрде кешірім білдіруді сұраймыз. Аталған талаптар орындалмаған жағдайда «Жетісу облысы Ақсу ауданының әкімі аппараты» Мемлекеттік мекемесі сотқа жүгінетінін ескертеміз»,- деп әкімдік осындай хабарлама жіберді деп жазды Сандуғаш Дүйсенова.

    Сондай-ақ, С.Дүйсенова ескерту хаттың суретін де жариялады.

    Ал, журналистің өзі ескерту хатқа жауап ретінде желіде былай деп жауап берді.

    «10 күн өтер-өтпестен Ақсу ауданы әкімі аппаратының экс-жетекшісі, «Аманат» партиясының Ақсу аудандық филиалының басшысы 7 жастағы ұлды зорлады деген күдікпен ұсталды. Былыққа баттыңдар, масқара жағдай»,- деп жазды С.Дүйсенова.

  • Қолдан жасалған 10 мың долларды сатқан шымкенттік сотталды

    Қолдан жасалған 10 мың долларды сатқан шымкенттік сотталды

    Осы факті бойынша тергеуді Қаржылық мониторинг агенттігі жүргізді.

    Тергеу барысында ҚМА қызметкерлері бақылауымен қара-жасыл түсті өсімдік тектес затты сатып алу жүргізілді.

    Кейінірек сарапшылар зерттеу объектісінің жалпы салмағы 5 кг болатын «гашиш» есірткі заты екенін растады.

    «Сонымен қатар, аталған азамат жалған 10 000 АҚШ долларын (100 дана номиналымен 100 АҚШ долларын құрайтын банкноттар) сату барысында ұсталды», -делінген аталған ведомствоның хабарламасында.

    Сондай-ақ, жедел іздестіру шараларын өткізу барысында оның сыбайласы анықталды, одан 13 100 жалған АҚШ доллары табылып, тәркіленді.

    Ал оның тұрғылықты жерін тінту барысында салмағы шамамен 1 кг гашиш табылып, іске тіркелді.

    Сот үкімімен аталған адамдар кінәлі деп танылды, оларға 11 жылға және 5,5 жылға бас бостандығынан айыру жазасы тағайындалды.

  • Ұлытау облыстық Мәдениет басқармасының басшысы 6 жыл 6 айға сотталды

    Ұлытау облыстық Мәдениет басқармасының басшысы 6 жыл 6 айға сотталды

    Ұлытау облыстық Мәдениет басқармасының басшысы 6 жыл 6 айға сотталды
    Ұлытау облысының Мәдениет, тілдерді дамыту және архив ісі басқармасының басшысы Ә.С. Омар сотталды. 6 жыл 6 ай мерзімге бас бостандығынан айырылды. Ол 2,3 млн теңге бюджет қаражатын жымқырғаны үшін кінәлі деп танылды. Яғни, сотталушы мамандар мен басқа да ғалымдардың мақалалар жинағын шығару бойынша орындалмаған жұмыстары үшін заңсыз аударған. Сол ақша арқылы 2,3 млн теңге сомасында бюджет қаражатын жымқырған.

    «Омар бұрын Жезқазған қалалық сотының 2024 жылғы 12 наурыздағы үкімімен пара алғаны үшін 6 жылға бас бостандығынан айырылғандықтан, Қазақстан Республикасының Қылмыстық кодексінің 58-бабының 3,6 бөліктеріне сәйкес, қылмыстық құқық бұзушылықтардың жиынтығы бойынша тағайындалған жазаның өтелмеген бөлігін ішінара қосу арқылы Ә.С. Омарға мемлекеттік қызметте қызмет атқару құқығынан өмір бойына айыра отырып, 6 жыл 6 ай мерзімге бас бостандығынан айыру түпкілікті жазасы тағайындалды», -делінген ҚР Сыбайлас жемқорлыққа қарсы іс-қимыд агенттігінің ресми хабарламасында.

    Үкім заңды күшіне енді.

    Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз.

  • «АЛМАТЫЭЛЕКТРОТРАНС» ЖШС 250 МЛН ТЕҢГЕНІ ЗАҢСЫЗ ЖҰМСАМАҚ БОЛҒАН

    «АЛМАТЫЭЛЕКТРОТРАНС» ЖШС 250 МЛН ТЕҢГЕНІ ЗАҢСЫЗ ЖҰМСАМАҚ БОЛҒАН

    «Алматыэлектротранс» ЖШС 250 млн теңгені заңсыз жұмсамақ болған. Құйтырқы әрекетті шарт жасау барысында жүзеге асырған. Дау міндетті сақтандыру шартына қатысты. Алматы қаласы прокуратурасының мәліметінше, заң жүзінде олар шартты мемлекеттік сатып алу порталына қатысу арқылы жүзеге асыруы тиіс еді. Бірақ, талапты орындамай, қағаз түрінде заңсыз жасаған. Міндетті сақтандыру шарты сот тәртібімен бұзылды. 250 млн теңге бюджет қаражаты мемлекетке қайтарылды. Кінәлі тұлғалар әкімшілік жауапкершілікке тартылды.

  • 708 млн теңге жымқырған «Балқаш Жылу» серіктесінің бұрынғы орынбасары мен бас есепшісі сотталды

    708 млн теңге жымқырған «Балқаш Жылу» серіктесінің бұрынғы орынбасары мен бас есепшісі сотталды

    708 млн теңге жымқырған «Балқаш Жылу» серіктесінің бұрынғы орынбасары мен бас есепшісі сотталды

    «Балқаш Жылу» серіктестігі директорының бұрынғы орынбасары және бас есепшісі сотталды. Сот үкімімен орынбасар 5 жыл 5 айға, ал есепшісі 5 жылға бас бостандығынан айырылды. Олар бюджеттің 708 млн теңгенің жымқырған. Тергеу барысында күдіктілер 144 млн теңгені ақшалай қайтарды. Сондай-ақ, сотталғандардан 3 бөлмелі пәтер мен Lexus автокөлігі тәркіленді.

    «Сотталған азаматтар 2020 жылғы маусым мен 2023 жылғы қаңтар аралығында Балқаш ЖЭО мен Балқаш қаласын жылумен жабдықтау желілерін жөндеуге және жұмысын үздіксіз қамтамасыз етуге арналған бюджет қаражатын іс жүзінде қандай да бір азаматтық-құқықтық мәмілелер жасалмаған жалған кәсіпорындардың шоттарына негізсіз аудару жолымен ұрлаған», — делінген ҚР Қаржылық мониторингі агенттігінің ресми хабарламасында.

    Сот үкімі заңды күшіне енген жоқ.

    «Егер сіз өкілеттіктерді теріс пайдалану, қаражатты жымқыру немесе басқа да экономикалық құқық бұзушылықтар фактілері жайлы білсеңіз, «АФМ Insider» телеграм ботына хабарлауыңызды сұраймыз. Анонимділікке кепілдік беріледі» — делінген аталған ведомствоның хабарламасында.

  • Ұшаққа билетті сатып, бірақ орын жетпей қалған: FlyArystan дауға түсінік берді

    Ұшаққа билетті сатып, бірақ орын жетпей қалған: FlyArystan дауға түсінік берді

    FlyArystan әуе компаниясы 12 жастағы қыз баланы не себепті ұшаққа отырғызбағанын түсіндірді.

    «Бұған дейін әуе кемесі жолаушылар сыйымдылығы аз ұшаққа ауыстырылғандықтан, әуекомпания Зере Галиеваға ұшақ бортынан орын бере алмады. Әуекомпания агенттері борттағы жолаушыларға Зереге орын беру туралы өтініш білдіріп, өтемақы ұсынды. Өкінішке орай, жолаушылар арасында ерікті табылған жоқ», — делінген FlyArystan әуе компаниясының хабарласында.

    Яғни, жолаушының билеті бар бірақ, орны жетпей қалған.

    «Әуекомпания бұл жағдайдағы өз кінәсін толық мойындайды. Біз болған оқиғаға шынайы өкініш білдіреміз және бұл жағдай біздің қызмет көрсету стандарттарымызға мүлдем сай келмейтініне сендіргіміз келеді. Шынайы кешірім сұрай отырып, Мусина ханым мен отбасына келтірілген моральдық зиян үшін өтемақы ұсынуға дайынбыз», -деп толықтырды FlyArystan әуе компаниясы.

    Ал, зардап шегушінің сөзінше FlyArystan компаниясы оған 4 млн теңге өтемақы ұсынған. Бірақ, Жазира Мусина әуе компнаниямен тек сотта кездесуге бекініп отыр. Тіпті, бұл оқиғаның болғанына 20 күнге жуықтаған. Сөзінше, компания бүгін ғана кешірім сұрап, хат жіберіпті.

    Естеріңізге сала кетейік, 12 жастағы қызды рейке жібермей қойғанын бұған дейін хабарлаған болатынбыз. Айта кетейік, FlyArystan әуе компаниясына қатысты бұл алғашқы дау емес. Жақында ғана Алматы-Астана бағыты бойынша рейсті кешіктіргені үшін оларға 4 млн теңгеге жуық айыппұл салынған болатын. Себебі, FlyArystan рейсті кешіктіргені үшін жолаушыларды қонақүйге орналастыруы тиіс болған. Бірақ, бұл міндеттерін орындамаған. Енді осы әрекеттері үшін 3 млн 700 мың теңге айыппұл төлейді.

  • Мұратхан Тоқмәди шартты түрде бостандыққа шығады

    Мұратхан Тоқмәди шартты түрде бостандыққа шығады

    Сот сотталған Мұратхан Тоқмәдидің шартты түрде мерзімінен бұрын босату туралы өтінішін қанағаттандырды, деп хабарлайды Sona.kz тілшісі Tengrinews.kz сайтына сілтеме жасап.

    «Қонаев қаласы сотының 2024 жылы 26 шілдедегі қаулысымен М. Тоқмәдидің шартты түрде мерзімінен бұрын босату туралы өтініші қанағаттандырылды», — делінген сот мәліметінде.

    Еске салайық, кәсіпкер Мұратхан Тоқмәди 2017 жылы маусымда қамауға алынған болатын. Сол жылы қазанда ол орта қауіпсіздік мекемесінде үш жылға бас бостандығынан айырылды. Сот Мұратхан Тоқмәдиді бопсалау және қару-жарақ, оқ-дәрі, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру үшін кінәлі деп тапты. Ол әділеттілікпен келісім жасады.

    Кейінірек КТК телеарнасына берген сұхбатында Мұратхан Тоқмәди Ержан Тәтішевті өлтіргенін мойындады. Ол «Тұран Әлем Банкінің» бұрынғы басшысын (кейіннен БТА Банкі) өлтіруді Мұхтар Әблязов тапсырғанын мәлімдеді. 2018 жылы наурызда Мұратхан Тоқмәди 10 жыл 6 айға бас бостандығынан айырылды.

    Банкир Ержан Тәтішев 2004 жылы 19 желтоқсанда Отар станциясының маңында аң аулау кезінде қаза тапты. Toyota Land Cruiser көлігін жүргізіп келе жатып, ол жыртқыштарды далада қуып жүрді. Оларды қуып жетіп, ол 12 калибрлі мылтықты қасында отырған Мұратхан Тоқмәди берді. Сарапшылардың тұжырымдарына сәйкес, осы уақытта жол талғамайтын көлік күтпеген жерден соққыға жығылып, мылтық өздігінен атылды. Оқ банкирдің басына тиді. Ержан Тәтішев бастың желке бөлігінің оң жағында оқтан жарақат алды. Оқ сол көзден өтіп кетті. Содан кейін ол «апат» деп аталды.