Sona.kz

Рубрика: Аймақ

  • Алматы облысында пайдаланылмай жатқан жерлер мемлекетке қайтарылды

    Алматы облысында пайдаланылмай жатқан жерлер мемлекетке қайтарылды

    Алматы облысында 16 мың гектардан астам пайдаланылмаған ауыл шаруашылығы жері мемлекеттік меншікке қайтарылды.

    Басқарма деректеріне сәйкес, биыл жыл басынан бері нысаналы мақсаты бойынша пайдаланылмаған жалпы көлемі 50 083 гектар 446 жер учаскесі анықталды. Оның ішінде аудан және қала әкімдіктері тарапынан 36 923,64 гектарды қамтитын 358 жер учаскесі тіркелді. Бұл жерлер бойынша материалдар жер ресурстарын басқару департаментіне жолданып, салықтық жүктемені 20 есеге арттыру және жерді қайтару шаралары қабылдануда.

    Қазіргі таңда 8 214 гектар 71 жер учаскесі бойынша материалдар жер ресурстарын басқару департаментіне жолданып, жұмысқа қабылданған. Сонымен қатар, 23 747 гектар аумақтағы 37 жер учаскесі бойынша талап-арыздар сот қарауында, ал жалпы көлемі 1 926,73 гектар болатын учаскелер бойынша сот шешімі шығып, мемлекет меншігіне қайтарылды.

    Жыл басынан бері ерікті түрде мемлекет меншігіне 5 505,63 гектар жер қайтарылды. Ең көп қайтарылған аумақтар Жамбыл (2 720,9 га), Балқаш (1 009,62 га) және Райымбек (681,8 га) аудандарына тиесілі. Жалпы алғанда, 2025 жылдың басынан бері мемлекет меншігіне қайтарылған жер көлемі 16 967 гектар болды.

  • Бюджеттен 272 млн теңге жымқырғандар сотталды

    Бюджеттен 272 млн теңге жымқырғандар сотталды

    Ақтөбе қаласының №2 сотында бюджет қаражатын аса ірі мөлшерде жымқыру фактісі бойынша қылмыстық іс қаралды.

    Бас прокуратураның мәліметінше, осыған дейін Ақтөбе қаласының прокуратурасы бюджет қаражатын пайдаланудың тиімділігіне жүргізілген тексеріс нәтижелері бойынша сотқа дейінгі тергеуді бастады.

    Тергеу барысында Ақтөбе қаласының Жол қозғалысы қауіпсіздігін қамтамасыз ету және цифрлық технологиялар орталығының директоры жеке кәсіпкермен алдын ала сөз байласып, мемлекеттік сатып алу аясында жол таңбаларын салу бойынша 272 млн теңгеден астам сомаға жалған келісімшарт жасағаны анықталды.

    Алайда іс жүзінде жұмыстар орындалмаған, ал ұрланған қаражат қолма-қол ақшаға айналдырылып, иемденілген. Нәтижесінде мемлекетке аса ірі мөлшерде залал келтірілген.

    Осы факті бойынша ҚК 189-бабының 4-бөлігі 2) тармағы (сеніп тапсырылған мүлікті қызметтік жағдайын пайдалана отырып, алдын ала сөз байласу арқылы адамдар тобы болып аса ірі мөлшерде иемдену немесе талан-таражға салу) бойынша сотқа дейінгі тергеу басталды.

    Іс сотқа жолданды. Сот ұсынылған дәлелдемелерді қарап, мемлекеттік айыптаушының ұстанымын ескере отырып, сотталған тапсырыс берушіні мемлекеттік қызметте лауазым атқару құқығынан өмір бойына айыра отырып, 8 жылға бас бостандығынан айыру жазасын тағайындады.

    Ал мердігерге кәсіпкерлік қызметпен айналысу құқығынан 10 жылға айыра отырып, 7 жылға бас бостандығынан айыру жазасын тағайындады.

    Үкім заңды күшіне енген жоқ.

     

  • Солтүстік Қазақстан облысында каналдан жаппай балық қырылып жатыр: себептер анықталуда

    Солтүстік Қазақстан облысында каналдан жаппай балық қырылып жатыр: себептер анықталуда

    Солтүстік Қазақстан облысындағы Аралағаш ауылы маңындағы каналдан өлі балықтар табылды. Тұрғындардың айтуынша, су беті толығымен балықпен жабылған. Аққайың аудандық әкімдігі бұл жағдайды судағы оттегінің жетіспеушілігімен түсіндірді. Қыста температураның өзгеруі балықтардың қырылуына себеп болуы мүмкін. Экология басқармасы оқиға орнында тексеріс жүргізіп, сынамалар алды. Зерттеу нәтижесінде заңға сәйкес шаралар қабылданатын болады.

  • 12 миллион теңгенің қызғалдағы: Түркістанда Қызыл кітаптағы гүлді терген әйел іздестірілуде

    12 миллион теңгенің қызғалдағы: Түркістанда Қызыл кітаптағы гүлді терген әйел іздестірілуде

    Бұл сәт Ордабасы ауданында түсірілген видеоға жазылып қалған.

    Полиция күдіктіні іздестіріп жатыр. Заң бойынша мұндай әрекет үшін 3000 айлық есептік көрсеткішке дейін айыппұл немесе қылмыстық жауапкершілік қарастырылған.

    Мамандардың болжауынша, жұлынған гүлдер – сирек кездесетін Грейг қызғалдағы болуы мүмкін.

  • Шымкентте салмағы 7 келі алып сәби дүниеге келді

    Шымкентте салмағы 7 келі алып сәби дүниеге келді

    Шымкент қалалық №2 аурухананың перзентханасында 41 жастағы ана табиғи жолмен, ешқандай асқынусыз 6700 грамм салмақтағы сәбиді өмірге әкелді. Бұл – елімізде сирек кездесетін жағдай. Ұл бала отбасындағы алтыншы перзент атанып отыр.

    «Қазір ананың да, баланың да жағдайы жақсы. Ең таңғаларлығы – алып баланы анасы өзі босанып, ота да, күрделі араласу да қажет болмады», – делінген Шымкент қаласы Денсаулық сақтау басқармасының баспасөз қызметі таратқан ақпаратта.

    Айта кетейік, жыл басынан бері Шымкентте жыл басынан бері 6719 сәби дүниеге келген. Оның 3271-і қыз, 3448-і ұл.

  • Өскеменнің бұрынғы әкімі Жақсылық Омар жаңа қызметке тағайындалды

    Өскеменнің бұрынғы әкімі Жақсылық Омар жаңа қызметке тағайындалды

    Жақсылық Омар Өскемен қаласын алты жыл басқарды.

    «Жақсылық Мұқашұлының мемлекеттік қызметте үлкен тәжірибесі бар. Ол 6 жыл бойы облыс орталығының әкімі болды. Оған өңірдің барлық мәселесі мен тұрғынының мұң-мұқтажы жақсы таныс. Оның жаңа әрі жауапты қызметке білімін, күш-жігерін барынша жұмсайтынына сенімдімін», – деп жазды облыс әкімі Нұрымбет Сақтағанов әлеуметтік желіге.

    Жақсылық Омардың жұбайы – бұрынғы Мәжіліс депутаты Бекболат Тілеуханның туысы.

  • Атыраулық әйел адамдардан 80 млн теңгеге жуық ақша жымқырған

    Атыраулық әйел адамдардан 80 млн теңгеге жуық ақша жымқырған

    Атырауда 80 млн теңгеге жуық қаражатты жымқырған интернет-алаяқ ұсталды, – деп хабарлайды Polisia.kz.

    Атырау облысының 31 жастағы тұрғыны онлайн-банкинг арқылы тұрғындарға несие қаражатын қолма-қол алып беретінін айтып, алаяқтық қылмысын жасаған.

    Күдікті осындай жолмен 30 қылмыс жасап, тұрғындарға 80 млн теңгеге жуық шығын келтірген.

    Қазіргі таңда 31 жастағы күдіктіге қатысты алаяқтық дерегімен қылмыстық іс қозғалып, тергеу амалдары жүргізіліп жатыр. Өзге ақпарат тергеу мүддесіне сәйкес жариялауға жатпайды.

    Полиция интернет-алаяқтардан сақ болуға және жеке деректерді құпия ұстау шақырады.

  • Абай облысында тұрғындар үйлерін уақытша тастап шықты

    Абай облысында тұрғындар үйлерін уақытша тастап шықты

    Абай облысының Бородулиха ауданына қарасты Қызылжар ауылында өзендегі мұз кептелісінің салдарынан су деңгейі көтеріліп, бір көшедегі үйлердің ауласына су кіре бастаған. Бұл туралы облыс әкімдігінің баспасөз қызметі жазды.

    «5 сәуір кешкісін тұрғындар алдын ала қауіпсіздік мақсатында үйлерінен шығып кеткен. 26 адам уақытша ауыл мектебіне орналастырылды. Мал-мүлікті қауіпсіз жерге көшіру жұмыстары жүргізілді. Оқиға орнына 123 адам, 39 техника, соның ішінде үш қайық тартылды. Қазір мұз жару жұмыстары жүргізіліп жатыр», — делінген хабарламада.

    6 сәуір күні облыс әкімі Берік Уәли оқиға орнына барып, тікұшақпен өзен арнасын бақылап, жедел штаб отырысын өткізді. Аудан әкімі мен ТЖД басшылары ауылдың 30-ға жуық ауласына су кіргенін хабарлады. Жағдай бақылауға алынған.

    «Қызылжар – жыл сайын су басу қаупі туындайтын ауылдардың бірі. Бұл мәселе менің тікелей бақылауымда. Мұз жару жұмыстарын бүгін кешке дейін аяқтау керек», – деді Берік Уәли.

  • Ақтөбе облысында ер адамды балаларының көзінше пышақтап кетті

    Ақтөбе облысында ер адамды балаларының көзінше пышақтап кетті

    Ақтөбе облысында пышақ ұстаған күдікті ер адамды балаларының көзінше ойын алаңында пышақтап кетті. Қазір ол бостандықта жүр. Бұл туралы Aktobe_live басылымы хабарлайды.

    Зардап шеккен адам ауруханаға жатқызылып, оған күрделі шұғыл ота жасалды. Күдікті бостандықта жүргендіктен оның әйелі мен балаларының да өміріне қауіп төніп тұр.

    Жантүршігерлік оқиға 6 сәуір күні Абай даңғылы, 15А мекенжайындағы балалар алаңында болды. Зардап шеккен отбасының айтуынша, сағат 15:00 шамасында әкесі аз уақытқа кетіп қалғанда үлкен ұлы бес жасар інісіне қарап қалған. Осы уақытта ересек ер адам пайда болып, үлкен ұлының қолынан ағаш сыпырғышпен ұрған. Артынша салпыншақ пышағымен қорқытып, ағасына жақындауға мүмкіндік бермеген.

    Бала осы уақытта әкесіне телефон соғып үлгереді. Ол келіп, жағдайды бейбіт жолмен шешуге тырысқанмен, қаскөй өзін агрессивті ұстап, куәгерлердің айтуынша, әкесін кеуде тұсынан пышақтап кеткен. Мұның бәрі ойын алаңында балаларының және өтіп бара жатқан адамдардың көзінше болған.

    Зардап шегуші шұғыл түрде ауруханаға жатқызылды. Отбасының айтуынша, операция екі сағатқа созылған, ер адамның жағдайы әлі белгісіз.

    Жәбірленушінің әйелі полицейлер арызды бірден қабылдамағанын, ұлына ешқандай соққы жасалмағанын айтып, сылтауратқан. Шабуыл жасаған адам бостандықта және отбасыны қорқытуын тоқтатар емес.

    «Үйден шығуға қорқамын. Ол зорлық-зомбылық көрсетемін деп қорқытады. Мен тек әділдік пен қорғауды сұраймын», — деп жазды зардап шеккен балалардың анасы әлеуметтік желіде.

    Оқиғаға қатысты облыстық полиция департаменті жауап берді. Олар «Денсаулыққа қасақана ауыр зиян келтіру» бабы бойынша іс қозғалғанын хабарлады.

    «Полиция қызметкерлері күдіктіні пышақтау дерегі бойынша ұстап, полиция бөліміне жеткізді. ҚР Қылмыстық кодексінің 106-бабы бойынша сотқа дейінгі тергеу амалдары жүргізіліп жатыр. Күдікті ешқайда шықпау туралы жазбаша міндеттемеге қол қойды», — деп хабарлады Ақтөбе облысының полиция департаменті.

  • Павлодарда шенеуніктерге заңсыз пәтер берілгені анықталды

    Павлодарда шенеуніктерге заңсыз пәтер берілгені анықталды

    Пәтерлер комиссия шешімінсіз беріліп, келісімшарттар жасалмаған.

    Мұғалім жетім балаға арналған пәтерді заңсыз иеленген. 70 жалға алушы 6,5 млн теңге қарыз болғанымен, шара қолданылмаған. Кейбір пәтерлер үшінші тұлғаларға берілген, кезекте марқұм азаматтар тіркелген.

    Бос тұрған 65 пәтер 209 мұқтаж азаматқа берілмеген. Ауданның экономика секторы бөлімінің басшысына ескерту берілді.