Sona.kz

Рубрика: Аймақ

  • Саран қаласында қарақшы сатушы әйелді пышақтап өлтірген

    Саран қаласында қарақшы сатушы әйелді пышақтап өлтірген

    Қарағанды облысының Саран қаласында сатушы әйел қарақшының қолынан қаза тапты. Әлеуметтік желіде қылмыс болған сәттің видеосы тарады.

    Дереккөзге сүйенсек, дүкенді тонамақ болған ер адам 27 жастағы сатушы әйелге тап берген. Сатушы қарақшыға қарсылық танытып, оны дүкеннен қуып шықпақ болған. Алайда, камуфляж киіп, бетін бүркелеген ер адам оны бірнеше рет пышақтап, артынша кассадан ақша алып, ізін жасырған.

    Қарағанды облысының полиция департаменті хабарлағандай, күдікті әлі қолға түспеген.

    «Күдікті адамды анықтап, оны ұстау үшін облыстың жеке құрамы түгел бағытталды. Полиция департаменті қызметкерлерінің арасынан жедел-тергеу тобы құрылды. Жедел-іздестіру іс-шаралары өтіп жатыр Оқиғаның мән-жайы анықталып жатыр», – деп хабарлады Қарағанды облысы полиция департаментінің баспасөз қызметі.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Петропавлда жыл басынан бері 10 адамды үсік шалды

    Петропавлда жыл басынан бері 10 адамды үсік шалды

    Емдеу мекемесі баспасөз қызметінің мәліметінше, қаралғандардың жартысы көшеде жарақаттанған. Мәселен өткен демалыс күндері 60 адам дәрігер көмегіне жүгінді. Әр екінші адам көшеде жарақат алған, оның ішінде құлап аяқ-қолын сындырғандар да, сіңірін созып алғандар да бар. 29 адам тұрмыстық, бір адам спорттық жарақат және бір адам күйік алды. Ит қапқан бір тұрғынға да дәрігер көмегі көрсетілді.

    Травматология бөлімі 80 науқасқа шақталса, қазір мұнда 50 адам ем алып жатыр.

    – Петропавлда тұрамын. Абайсызда екі аяғымды үсітіп, ауруханаға түстім. Қазір қажетті ем-домды алып жатырмын, – дейді Оразбай Айтмұхамбетов.

    Қаңтар айы жылы болып, қатты аяз болмаса да жыл басынан бері 10 адамды үсік шалған. Осы аралықта 136 адам стационарлық ем алды.

  • Ұлытау облысында 1200-ден астам көлік кептелісте қалды

    Ұлытау облысында 1200-ден астам көлік кептелісте қалды

    Жезқазған-Сәтбаев автожолында ауа райының нашарлауына байланысты 1200-ден астам көлік кептеліп қалды, деп хабарлайды ТЖМ баспасөз қызметі.

    ТЖМ құтқарушылары полиция және жергілікті атқарушы органдар қызметкерлерімен бірлесіп, автоколоннаны жақын маңдағы елді мекендерге қауіпсіз жеткізуді ұйымдастырды.

    «Операция барысында 24 азаматқа көмек көрсетіліп, 8 көлік эвакуацияланып, сүйреп шығарылды. Барлық жол қозғалысына қатысушылар қауіпсіз орындарға жеткізілді», – делінген ТЖМ таратқан хабарламада.

    Құтқарушылар ауа райының қолайсыздығына байланысты трассаларда кезекшілігін жалғастыруда.

  • 10 млн теңге бопсалаған блогер ұсталды

    10 млн теңге бопсалаған блогер ұсталды

    Жетісу облысы Қаратал ауданы Үштөбе қаласында полиция қызметкерлері жергілікті блогер Дмитрий Перловты ұстады. Ол  «ақша бопсалады» деген күдікке ілінді.

    Ол қала тұрғындарына арналған үйлерді салумен айналысатын кәсіпкерден бұрын түсірілген сапасыз құрылыс туралы бейнероликті, әлеуметтік желідегі өз парақшасынан өшіру үшін және бұдан былай бейнематериалдарды жарияламауға әрі таратпауға уәде бере отырып, 10 млн теңге бопсалаған болып шықты.

    Яғни,  Instagram желісіндегі «ushtobeqz» парақшасының авторы, 31 жастағы блогер Дмитрий Перлов компроматты жойғаны үшін кәсіпкерден 10 миллион теңге бопсалаған. Бұған келіскен ер адам артынша құқық қорғау органдарына хабарласқан. Жетісу облысы Полиция департаментінің Ұйымдасқан қылмысқа қарсы күрес басқармасының қызметкерлері облыстық прокуратураның үйлестіруімен, күдіктіні талап етілген ақшалай қаражаттың бір бөлігі, яғни – 7 млн теңгені алу кезінде қылмыс үстінде ұстады.

    Аталған факт бойынша бопсалау бабымен қылмыстық іс қозғалды. Тергеу амалдары жүргізіліп, күдіктіге қатысты бұлтартпау шарасын таңдау мәселесі қаралуда. Тергеу мүддесіне байланысты басқа ақпарат жарияланбайды.

    Айтпақшы, Дмитрий Перлов аудандық мәслихаттың депутаттығына үміткер болған. Сондай-ақ, оның порно дауына да қатысы бар көрінеді. Себебі, әлеуметтік желіде оның интимдік видеолары тарап жатыр.

  • Жетісу облысында жел генераторлары мен энергия жинақтау жүйелерін шығаратын зауыт құрылысы басталды

    Жетісу облысында жел генераторлары мен энергия жинақтау жүйелерін шығаратын зауыт құрылысы басталды

    Жетісу облысында жел генераторлары мен энергия жинақтау жүйелерін шығаратын зауыт құрылысы басталды. Кәсіпорын «Қорғас-Шығыс қақпасы» арнайы экономикалық аймағының аумағында орналасатын болады. Жел генераторлары зауытының өндірістік қуаты жылына 2 ГВт генерацияны құрайды, сонымен бірге энергияны жинақтау жүйелерін шығару қуаты жылына 1 ГВт болады.  Инвестиция көлемі 40 млн  АҚШ долларын құрайды, 300 жаңа жұмыс орны құрылады.

    Инвестициялық жоба жаңартылатын энергетика саласындағы көшбасшылардың бірі болып табылатын «Қазақстандық коммуналдық жүйелер» ЖШС мен қытайлық «Envision Energy» компаниясы арасындағы әріптестік бойынша іске асырылуда. Кәсіпорын жыл сайын жел генераторларының 250 жиынтығын және энергияны жинақтау жүйелерінің 100 жиынтығын шығарады деп жоспарлануда.

    Капсула салу рәсіміне қатысқан облыс әкімінің орынбасары Әсет Қанағатов өңірдің экономикалық өсуінің маңызды нүктелерінің бірі ретінде «Қорғас – Шығыс қақпасы» арнайы экономикалық аймағын дамытуға баса назар аударды.

      – Қытайдан ТМД елдеріне, Еуропа мен Азияға шығатын маңызды бағыттардың қиылысында облыстың экономикалық өсу нүктесінің бірі – Қорғас торабы орналасқан. Қорғас торабының маңызды, әрі инвесторлар  үшін тартымды элементі – «Қорғас-Шығыс қақпасы» арнайы экономикалық аймағы болып табылады. Бүгінгі таңда еркін экономикалық аймаққа қатысушылардың бірыңғай тізілімінде жалпы құны 907 млрд. теңге болатын жобалары бар 68 қатысушы тіркелген. 2030 жылға дейін 5 мыңнан астам жұмыс орнын құра отырып, 47 жобаны іске асыру жоспарлануда. Сонымен қатар, бүгінгі таңда АЭА аумағында 51 млрд. теңгеден астам сомаға 21 жоба іске асырылды. Бүгін ішкі нарықты да, экспортқа шығуды да қамтамасыз етуге бағдарланған жел генераторлары мен энергия жинақтау жүйелерін шығаратын заманауи зауыттың құрылысы басталды, бұл мемлекет пен бизнестің тиімді бірлескен жұмысының айқын нәтижесі болып табылады, – деп түйіндеді Ә. Қанағатов.

    Өз тарапынан «Қазақстандық коммуналдық жүйелер» ЖШС бақылау кеңесінің төрағасы Дінмұхамет Идрисов кәсіпорынның іске қосылуы жел генераторлары мен энергия жинақтау жүйелерінің өндірісін жолға қоюға ғана емес, сонымен қатар заманауи технологияларды тартуға мүмкіндік беретінін атап өтті, бұл кешенде еліміздегі «жасыл» энергетиканың дамуына, экологияның жақсаруына және жалпы экономикалық дамуға оң әсер етеді.

    – Бұл жобаны іске қосу импортқа тәуелділікті қысқартуға, энергетикалық қауіпсіздікті нығайтуға, жұмыс орындарын құруға, экспорттық мүмкіндіктерді ашуға және елдің болашағына үлес қоса отырып, төмен көміртекті экономикаға көшуді жеделдетуге мүмкіндік береді. Бұл ретте өндірістің бастапқы кезеңінде қазақстандық қамту үлесі 30% -ды құрайды, ал болашақта кезең-кезеңімен 90% — ға жеткізіледі, – деді Д. Идрисов.

  • Ақтөбедегі қанды оқиға: кепілде болған әйел ауруханадан шықты

    Ақтөбедегі қанды оқиға: кепілде болған әйел ауруханадан шықты

    Ақтөбеде қаскөйдің қолында кепілде болған әйел ауруханадан шықты. Оған ұзақ уақытқа дейін психологиялық ем керек, деп хабарлайды КТК арнасы.

    Бір апта бұрын Ақтөбеде 40 жастағы ер адам Мәскеу ауданында орналасқан үйге кіріп, таныс әйел мен оның егде ата-анасын кепілге алған. Ол үйге кіре сала, әйелден бастап, оның зейнеткер әке-шешесін аяусыз ұрып-соққан. Есік-терезені жауып, 74 жастағы қарт пен 67 жастағы әжейді пышақтап, жертөлеге қамап тастаған.

    Полицейлер оларды босату үшін операция жүргізіп, күдікті ұсталды. Өкінішке қарай, кепілге алынған қарттар көз жұмды, ал әйел ауруханаға жатқызылған болатын.

    Әйелге ата-анасының қазасы туралы ауруханадан шыққан кезде естіртті.

  • Түркістан облысында 1,9 миллиард теңге жымқырған қылмыстық топ ұсталды

    Түркістан облысында 1,9 миллиард теңге жымқырған қылмыстық топ ұсталды

    Түркістан облысында 1,9 миллиард теңге бюджет қаражатын жымқырған қылмыстық топ ұсталды. 

    Қылмыстық топ «Сыбаға» мемлекеттік бағдарламасы аясында ірі қара малды сатып алуға бағытталған жеңілдетілген несие алудың алаяқтық схемасын пайдаланған. Мемлекеттік несие алу өтінімдерін қарау жөніндегі комиссияның төрағасы болып қызмет атқарған ұйымдастырушы қылмыстық схеманы әзірлеп, қатысушылардың әрекеттерін үйлестірген.

    Қазіргі уақытта қылмыстық іс аясында 27 адам күдікті деп танылды.

  • Алматы облысында 19 зертхана жойылып, 7 тонна есірткі тәркіленді

    Алматы облысында 19 зертхана жойылып, 7 тонна есірткі тәркіленді

    Алматы облысында 7 тонна есірткі тәркіленіп және 19 есірткі зертханасы жойылды, 77 адам сотталды. Облыстық прокуратураның мәліметінше, барлығы 223 қылмыстық іс тіркелді. 19 есірткі зертханасы жойылып, заңсыз айналымнан 7 тоннадан астам есірткі заттары тәркіленді, оның ішінде:

    • 216 кг синтетикалық есірткі;
    • 10 кг кокаин;
    • 0,77 кг героин;
    • 90-нан астам адам қылмыстық жауапкершілікке тартылып, 77 адам сотталды.

    «Сонымен қатар, Талғар ауданында «Альфа-PVP» есірткісін өндіретін зертхана жойылып, 350 литр дайын өнім мен 765 литр прекурсорлар тәркіленді. Тергеу барысында ірі есірткі желісін ұйымдастырушылар мен сатушылар ұсталды.

    Тағы бір жағдай бойынша, 2024 жылдың қаңтарында Еңбекшіқазақ ауданы аумағында ірі есірткі зертханасының заңсыз әрекеті тоқтатылды. Ресей Федерациясынан келген синтетикалық есірткі өндірумен айналысқан 2 күдікті анықталып, ұсталды. 8 кг дайын есірткі және оларды өндіруге арналған 2 тоннадан астам прекурсорлар тәркіленді. 2024 жылдың қазан айында сот үкімімен екі кінәлі 10 жылға бас бостандығынан айырылды», – делінген прокуратура хабарламасында.

    Есірткі қылмыстарының алдын алуға ерекше көңіл бөлінді. Жоба аясында прокуратура полиция қызметкерлерімен, коммуналдық қызметтермен және 5000-нан астам еріктімен бірлесіп, рейдтік іс-шаралар ұйымдастырды. Нәтижесінде:

    • 1071 есірткі жарнамасы (граффити) анықталды;
    • 9 сотқа дейінгі тергеу басталды;
    • 11 көлік-логистикалық компаниясымен ынтымақтастық туралы меморандумдарға қол қойылды;
    • есірткі қылмыстары туралы анонимді хабарламаларға арналған Telegram-ботіске қосылды;
    • есірткі қылмыстары үшін де сотталған жастардың тағдыры туралы «Қабырға артындағы балалық шақ» атты деректі фильм түсірілді.

    Аталған фильм білім беру мекемелерінде белсенді көрсетіліп, әлеуметтік желілерде 1 млн астам қаралым жинады, бұл оның қоғам тарапынан оң қабылданғанын дәлелдейді.

  • Алматы облысының полицейлері ірі көлемде алаяқтық қылмыстарды әшкереледі

    Алматы облысының полицейлері ірі көлемде алаяқтық қылмыстарды әшкереледі

    Құқық қорғау органдары жәбірленушілерге 46 миллион теңгеден астам материалдық залал келтірілген алаяқтық фактілері бойынша қылмыстық істерді тергеуде.

    – Бұрын автокөлік сатып алумен және сатумен айналысқан күдікті бұл қызметін тоқтатып, қаржылық қиындықтарға тап болған соң, алаяқтық схемасын ойлап тапқан. Ол таныстарына автокөліктерді қайта сату немесе қызмет көрсетуге қатысты тиімді ұсыныстар айтып жүгінген. Сенімділік таныту үшін автокөліктер көрсетіліп, әртүрлі мәселелерді, оның ішінде рұқсат беру құжаттарын алу жалған мүмкіндіктері айтылған. Алынған қаражатты күдікті өзіне иемденіп, өз мойнына алған міндеттемелерді орындауды ойламаған. Алаяқтық фактілері бойынша қылмыстық істер тіркелді. Күдікті уақытша ұстау изоляторына қамалды, – деп хабарлады полиция.

    Қазіргі уақытта полицияға төрт жәбірленуші жүгінген, жалпы залал 46 миллион теңгеден асқан. Күдіктінің басқа да осындай қылмыстарға қатысы тексерілуде.

    Құқық қорғау органдары ақша берер алдында ақпаратты тексерудің маңыздылығын еске салып, азаматтарды бейтаныс адамдармен келісімдер жасауда сақ болуға шақырады.

  • Алматы облысы: Межелі уақытында тапсырылмаған нысандарға кім жауапты?

    Алматы облысы: Межелі уақытында тапсырылмаған нысандарға кім жауапты?

    Былтыр Алматы облысында 950 мың шаршы метрден астам тұрғын үй салынып, 17 ауыл газбен қамтамасыз етілді. Сондай-ақ 700 шақырымға жуық жол жөнделген. 

    Қонаев қаласында өткен «AMANAT» партиялық бақылау комитетінің көшпелі отырысында өңірде партияның сайлауалды уәделерінің жүзеге асырылу жайы талқыланды. Сонымен қатар партия өкілдері сайлауалды бағдарлама аясында салынып жатқан әлеуметтік нысандардың құрылысымен танысты.

    Алматы облысының әкімі Марат Сұлтанғазиевтің айтуынша, былтыр өңірде нақты экономика саласында 23 жоба жүзеге асырылып, 8 мың жұмыс орны ашылды. Сондай-ақ 19,4 мың орынға арналған 18 мектеп, 47 жаңа денсаулық сақтау нысаны салынды. Осылайша «AMANAT» партиясының «Халықпен бірге!» сайлауалды бағдарламасы азаматтардың өзекті мәселелерін шешуге және облыстың тұрақты дамуына бағытталғанын көрсетті.

    «Жер аманаты» партиялық жобасы аясында былтыр 420 мың гектардан астам пайдаланылмай жатқан ауыл шаруашылығы жерлері анықталса, оның 90 мың гектары мемлекет меншігіне қайтарылды. Ал «Ауыл аманаты» жобасы бойынша соңғы екі жылда 1200-ден астам адам жеңілдетілген несие алды», – деді ол.  

    Алматы облыстық мәслихатындағы «AMANAT» партиясы фракциясының жетекшісі Ләззат Тұрлашов мәслихат депутаттарының жұмысы туралы айтты. 2024 жылы халық қалаулылары сайлауалды бағдарлама нысандарына 220-ден астам рейд жүргізіп, 450-ге жуық депутаттық сауал жолдады. Оның айтуынша, сайлауалды бағдарламаның кей тармақтарының орындалмау себебі – қаржының жеткіліксіздігі мен кейбір мердігерлердің жауапсыздығы.

    Ал амбулаториялар немесе мектептер салу сияқты тапсырмаларды орындаудағы кідірістер жайын сөз еткен комитет төрағасының орынбасары Майра Айсина: «Меніңше, мәселе себептерде емес, нақты жауапты адамдарда, мәслихат депутаттарында. Барлық мәслихаттарда біздің партиялық фракциялар басымдыққа ие, сондықтан кез келген мәселелерді жедел шешуге және жергілікті бюджеттен қаражат бөлуге мүмкіндіктері бар. Жауапты қызметтерге кіріспес бұрын, олар өздеріне «Мен не үшін партияға кірдім, не үшін депутат болдым?» деген сұрақтарды қоюы керек. Ешкім оларды жауапкершілік алуға мәжбүрлеген жоқ!» – деді.

    Сол сияқты межелі уақытында салынбаған немесе жөнделмеген мектептер, емханалар, спорт кешендері және жолдарға кім жауапты? Мәжіліс депутаты, Комитет төрағасы Павел Казанцевтің айтуынша, жоспарлаудағы қателіктер көптеген нысандардың қаржыландырылмауына әкелген.

    «Нысандардағы туындаған мәселелер мемлекеттік органдардың, тапсырыс берушілердің және мердігерлердің қатысуымен сұрау салу, ресми хаттар және жиналыстар арқылы жедел қаралуы тиіс. Алайда қазіргі жағдай ондай емес. Кейбір депутаттар өздеріне бекітілген нысандарға мүлдем бармайды, жұмыстардың барысына қызығушылық танытпайды, кейде тіпті қай нысанның бақылауға алынғанын білмейді», – деді ол.

    Шын мәнінде, мемлекеттік нысандар құрылысының дер кезінде аяқталмауына қаржының жеткіліксіздігі мен мердігерлердің жауапсыздығы себеп пе? Сонда мұны жіті қадағалауы тиіс мәслихат депутаттары не қараған? Бәлкім, партиялық жауапкершілік мәселесін қарастыру осындайда керек шығар. Ал мұның ту басында тұрған жауапты облыс әкімі ше?