Sona.kz

Рубрика: Жаңалықтар

  • Референдумға дайындық кезінде 24 заң бұзу фактісі анықталды

    Референдумға дайындық кезінде 24 заң бұзу фактісі анықталды

    «Референдум кезінде учаскелік комиссиялардың мүшелеріне ерекше жауапкершілік жүктелді. Заңға сәйкес, олардың келесідей әрекеттері жазаланады: азаматтарға басқа адамдар үшін дауыс беруге мүмкіндік беру мақсатында бюллетеньдерді беру; Азаматтардың сайлаушылар құқығымен танысуын бұзу немесе дауыстарды санау басталғаннан кейін оларға өзгерістер енгізу; Референдумның қорытындысы жайлы іс әрекеттерге әкімшілік жауап көзделген», – дейді Өмірәлиев.

    Оның айтуынша, кейбір фактілер үшін қылмыстық жауапкершілік те бар.

    «Референдумға қатысу құқығына немесе комиссиялардың жұмысына кедергі жасау, референдум құжаттарын бұрмалау және дауысты дұрыс есептемеуге қатысты қылмыстық жауапқа тартылады. Референдумға дайындық күнінен бастап 24 заң бұзу фактісі анықталған. Олар әкімшілік жауапкершілікке тартылды», – дейді Өмірәлиев.

  • 400 күнге созылған ақпараттық-түсіндіру жұмысы аяқталады – Ерлан Қарин

    400 күнге созылған ақпараттық-түсіндіру жұмысы аяқталады – Ерлан Қарин

    Мемлекеттік кеңесші Ерлан Қарин Атом электр стансасын салу мәселесіне қатысты референдум аясында тура 400 күнге созылған ақпараттық-түсіндіру жұмысы аяқталғанын мәлім етті.

    Оның айтуынша, президент референдум өткізу туралы идеясын былтыр жария еткен.

    «Бүгін елімізде Атом электр стансасын салу мәселесіне қатысты референдум аясында тура 400 күнге созылған ақпараттық-түсіндіру жұмысы аяқталады. Оны Қазақстанның саяси тарихындағы ең ұзақ науқан деуге толық негіз бар. Неге 400 күн? Себебі Мемлекет басшысы референдум өткізу туралы идеясын былтыр, яғни 2023 жылғы 1 қыркүйекте кезекті Жолдауында айтты. Дәл сол күні референдумға қатысты ауқымды жұмыс басталды деуге болады. Осы уақыт ішінде әр аймақта қоғамдық тыңдау ұйымдастырылды, ақпарат кеңістігінде сарапшылар мен қоғам белсенділері жан-жақты пікір алмасты», — деп жазды Қарин.

    Қариннің пайымынша, бұл науқан «байсалды түрде, өзара түсіністік жағдайында» өткен.

    «Рефендум кезінде еліміздегі қоғамдық күштер алғаш рет саяси емес, экономикалық мүдде тұрғысынан күш-жігерін біріктіргенін атап өткен жөн. «Amanat» партиясының бастамасымен 6 саяси партия және 20-дан астам қоғамдық бірлестік Атом электр стансасын салуды қолдау жөніндегі халықтық штаб құрды. Штаб мүшелері барлық өңірдің тұрғындарымен кездесу өткізді, оған энергетика саласының жетекші сарапшылары мен мамандары қатысты.  Осылайша, азаматтарымыздың Қазақстанда атом энергетикасын дамытуға қатысты байыпты тоқтамға келуіне мүмкіндік берілді», — деп жазады Қарин.

  • Прокуратура Астанада 37 үй заңсыз салынып жатқанын айтты

    Прокуратура Астанада 37 үй заңсыз салынып жатқанын айтты

    Астана прокуратурасы қалада 37 көп қабатты үй заңсыз салынып жатқанын мәлімдеді. Бұдан өзге, прокуратура жекелеген компаниялар үлескерлердің ақшасын заңсыз алғанын да анықтаған.

    Осы негіздерге сүйене отырып, биыл 64 құрылыс нысанына жауапты 51 құрылыс иесі әкімшілік жауапкершілікке тартылды. 12 құрылыс иесіне қатысты қылмыстық іс бар, – деп хабарлады Астана прокуратурасы.

    Еске сала кетейік, Астанадағы көпқабатты үйлердің шатырына шығатын люктар жабылады.

  • Сенат депутаты Ләззат Қалтаеваның өкілеттігі тоқтады

    Сенат депутаты Ләззат Қалтаеваның өкілеттігі тоқтады

    «Мемлекет басшысының Жарлығымен Қазақстан Республикасы Парламенті Сенатының депутаты Ләззат Молдабекқызы Қалтаеваның өкілеттігі тоқтатылды», — делінген Ақорда жариялаған құжатта.

  • Солтүстік Корея тұңғыш мемлекеттің қалыптасу мерекесін атап өтіп жатыр.

    Солтүстік Корея тұңғыш мемлекеттің қалыптасу мерекесін атап өтіп жатыр.

    Солтүстік Корея тұңғыш мемлекеттің қалыптасу мерекесін атап өтіп жатыр. Корей түбегінде ежелгі мемлекет біздің дәуірімізге дейінгі 2333 жылы пайда болған.Тарихи мерекені Пхеньян да, Сеул де жыл сайын атап өтеді. Дәстүрлі рәсімдермен бірге түрлі мерекелік шара өтеді. Бұдан бөлек Солтүстік Корея лидері қарулы күштермен кездесуде елдің егемендігіне нұқсан келсе, шабуыл күштерінің бәрін, оның ішінде ядролық қаруды қолданудан тайынбайтынын мәлімдеді. Оңтүстік Корея болса, Ким Чен Ынның бұл ескертуі аймақ қауіпсіздігіне қатер төндіреді деп мәлімдеді.

  • Ақтауға қоқиқаздар ұшып келді

    Ақтауға қоқиқаздар ұшып келді

    Ақтауға қоқиқаздар ұшып келді. Қаракөл көліне қонған құстарды жергілікті тұрғын видеоға түсірген. Бұл жолы қызғылт қоқиқаздың қауырсындары ерекше және сұр түсті екені байқалады. Қоқиқаздар Мағыстау өңіріне жылына екі рет келеді. Қанаттылар Қаракөл көлінде қарашаның соңына дейін аялдап,ары қарай ұшып кетеді. Кейін наурыздың басында қайта оралып, мамырдың ортасына дейін көлді мекендейді.

  • Бельгияда 200-ге жуық қазақстан азаматы дауыс береді

    Бельгияда 200-ге жуық қазақстан азаматы дауыс береді

    АЭС салу мәселесі бойынша референдумға Қазақстан азаматтары шетелде де қатыса алады. 6-қазан күні 61 шет мемлекетте 76 учаскелік комиссия жұмыс істейді. Қазақстан елшіліктері мен консулдықтары жанынан құрылған учаскелерде қазір саяси науқанға соңғы әзірлік жұмыстары жүріп жатыр. Брюссельдегі №373 референдум учаскесінде 200 ге жуық отандасымыз дауыс береді деп күтілуде. Дені-дипломаттар, олардың отбасы мүшелері, студенттер мен түрлі халықаралық ұйымдарда, компанияларда жұмыс істеп, сонда уақытша тұрып жатқан Қазақстан азаматтары.

    «Елшілік Бельгия мен Люксембургта уақытша және тұрақты тұрып, жұмыс істеп жатқан ел азаматтарына референдум жайлы әлеуметтік желілер, сайттар және қазақстандық студенттердің қауымдастығы арқылы хабарландыру жасады. Люксембургтағы Отандастарымыз да Брюссельге келіп, дауыс бере алады. Консулдық қызметте қазір 200 дей адам тіркеуде тұр», — деді№373 учаскелік референдум комиссиясының төрайымы Гаухар Тұрсынова.

  • Ақтөбеліктер ішімдік ішкен әйел кесірінен көгілдір отынсыз қалды

    Ақтөбеліктер ішімдік ішкен әйел кесірінен көгілдір отынсыз қалды

    Ақтөбеде спиртті ішімдік ішкен әйелдің кесірінен 550-ден астам пәтер көгілдір отынсыз қалды. Оқиға бүгін, таңғы сағат алты жарымда болған. «Мерседес» көлігімен келе жатқан 39 жастағы келіншек газ құбыры өтіп жатқан шұңқырға түсіп кеткен. Жүргізушінің өзі зардап шеккен жоқ. Сараптама нәтижесі оның ішімдік ішкенін көрсетті. Көлік құбырды зақымдап, сол маңдағы сегіз үй көгілдір отынсыз қалды. Қазір қалпына келтіру жұмыстары жүріп жатыр. Бұл шұңқырды әкімдіктің рұқсатымен жеке компаниялардың бірі қосымша газ құбырын тарту үшін қазғаны анықталды.

    «Жол көлік оқиғасы салдарынан зардап шеккендер жоқ. Өткізілген сараптамаға сәйкес, автокөлік жүргізушісі алкогольдік масаң күйде болғаны анықталды. Осы дерек бойынша әкімшілік хаттама толтырылып, сотқа шешім қабылдау үшін жіберілді», -деді Ақтөбе облыстық полиция департаменті баспасөз қызметінің жетекшісі Ерболат Сарқұлов.

  • Тоқаев ТМД-ға мүше мемлекеттердің қауіпсіздік органдары мен арнаулы қызметтерінің басшыларын қабылдады

    Тоқаев ТМД-ға мүше мемлекеттердің қауіпсіздік органдары мен арнаулы қызметтерінің басшыларын қабылдады

    2024 жылдың 4 қазанында Қасым-Жомарт Тоқаев ТМД елдері қауіпсіздік органдары мен арнаулы қызметтері басшылары кеңесінің 55-ші отырысына қатысушылармен кездесті.

    Мемлекет басшысы бұл алаңның қауіпсіздік саласындағы күш-жігерді үйлестіру тетігі ретінде танылғанын, сондай-ақ қазіргідей күрделі кезеңде Кеңестің рөлі бұрынғыдан да артып келе жатқанын атап өтті.

    Президент шұғыл және сараптамалық ақпаратпен дер кезінде алмасу өңірлік қауіпсіздікке төнетін қауіптер мен сын-қатерлерге қарсы тұру қабілетін арттыра түсуге және елдеріміздің ұлттық мүдделерін қорғау үшін үйлестірілген тәсілдерді дайындауға ықпал ететінін айтты. Мемлекет басшысы бұл кездесудің қорытындысы халықаралық қауіпсіздікті қамтамасыз ету саласындағы ынтымақтастықты нығайтуға септігін тигізіп, Достастық мемлекеттерінің арнаулы қызметтері арасындағы өзара ықпалдастықты одан әрі дамытуға оңтайлы жағдай жасайтынына сенім білдірді.

    Жиынға Әзербайжан, Армения, Беларусь, Қазақстан, Қырғызстан, Ресей, Тәжікстан, Өзбекстан елдерінің, сондай-ақ ТМД терроризмге қарсы орталығы мен Атқарушы комитеті делегацияларының басшылары қатысты.

  • Ішкі істер министрінің орынбасары қызметінен босатылды

    Ішкі істер министрінің орынбасары қызметінен босатылды

    Мемлекет басшысының өкімімен Марат Шәдетханұлы Қожаев Қазақстан Республикасы Ішкі істер министрінің бірінші орынбасары лауазымынан босатылды.

    Марат Қожаев 1964 жылы 23 ақпанда туған. Білімі жоғары, 1989 жылы КСРО ІІМ Қарағанды жоғары мектебін, 2001 жылы ҚР ІІМ Академиясын тәмамдаған.

    Мансабы:

    • 1984 жылдан – Алматы облысы ІІБ Қаскелең ауданының ІІБ уақытша ұстау изоляторының милиционері;
    • 1989 жылдан 2001 жылға дейін тергеу қызметінде, оның ішінде Алматы облысы ІІБ басшылық лауазымдарында жұмыс істеді;
    • 2004 жылдан 2009 жылға дейін – Алматы қаласы ІІД бастығының орынбасары
    • 2012 жылғы ақпаннан бастап – Қазақстан Республикасы ІІМ Тергеу комитетінің төрағасы;
    • 2014 жылдың қыркүйегінен – Павлодар облысы ІІД бастығы;
    • 2017 жылғы желтоқсаннан бастап – Нұр-сұлтан қаласы ПД бастығы;
    • 2019 жылғы 6 сәуірден бастап – ҚР Ішкі істер министрінің бірінші орынбасары.

    Қызметте жеткен жетістіктері үшін ІІМ басшылығымен бірнеше рет көтермеленген, 2-ші дәрежелі «Айбын» (2013) орденімен және 7 медальмен марапатталған.