Sona.kz

Рубрика: Жаңалықтар

  • «Құдайдың сауыттары 4» фильмі Маңғыстауда түсірілетін болды

    «Құдайдың сауыттары 4» фильмі Маңғыстауда түсірілетін болды

    «Құдайдың сауыттары: Ультиматум» фильмінің актері Джеки Чан және режиссері Роберт Кун жаңа фильмнің басты түсіру орны ретінде Маңғыстауды ресми түрде бекітті. Бұл туралы облыстың Қоғамдық коммуникациялар орталығы хабарлады.

    Жобаның өкілдері өңірдің табиғи нысандарын, әлеуетті түсіру алаңдарын және инфрақұрылымын аралап көрді. Маңғыстау таңдалды, себебі аймақтың бірегей ландшафттары, кең панорамалары мен табиғи ерекшеліктері ерекше.

    Фильмнің түсірілімі Қазақстанның киноиндустриясы үшін маңызды оқиға болып саналады. Жоба халықаралық кинематографиялық картада Қазақстанның орнын нығайтып, өңірге инвестиция тартуға мүмкіндік береді.

    Сонымен қатар, жоба жергілікті мамандардың қатысуына, халықаралық командамен тәжірибе алмасуға және Маңғыстаудың табиғи әрі мәдени мұрасын әлемдік аудиторияға насихаттауға жағдай жасайды.

    Жобаны ұйымдастыру және дайындық жұмыстары белгіленген тәртіппен жалғасуда. Команда қараша айында Ақтауға келіп, табиғи локацияларды зерттей бастады.

    Жаңа фильмде Джеки Чанмен бірге қазақстандық актер Рустем Омаров та ойнайды. Жоба соңғы жылдары елдегі ең ауқымды халықаралық кинопроизводстволардың бірі болатыны болжанып отыр.

  • Wildberries Қазақстанда қымбаттауы мүмкін

    Wildberries Қазақстанда қымбаттауы мүмкін

    Wildberries маркетплейсі қазақстандық сатушыларға 2026 жылғы 1 қаңтарға дейін жалпыға бірдей белгіленген салық салу режиміне (ЖР) өтуді талап етті. Бұл туралы Uchet.kz хабарлады. Компания мұны жаңа Салық кодексіндегі 286-баптың 16-тармағымен түсіндіреді, деп хабарлдайды Sona.kz Kazinform-ға сілтеме жасап.

    Сатушылар ЖР-ге өтеді

    2026 жылдан бастап жеңілдетілген режимдегі заңды тұлғалар корпоративтік табыс салығын есептеу кезінде шығындарын шегере алмайды. Wildberries мәліметінше, мұндай жағдайда оңайлатылған декларация бойынша жұмыс «мүмкін болмайды».

    Салық салу режимін өзгерту үшін кәсіпкерлер салық органдарына хабарлама жіберуі керек. Мұны салық төлеушінің кабинеті, eGov порталы немесе E-Salyq Business қосымшасы арқылы жасауға болады. Егер 2026 жылғы 1 наурызға дейін өтініш берілмесе, кәсіпкер автоматты түрде жалпыға бірдей режимге ауыстырылады.

    ШОБ үшін салдары

    Сарапшылардың пікірінше, жаңа режимге өту салық жүктемесін арттырып, әкімшілендіруді күрделендіреді. Бұл Wildberries сатушыларының шығындарына әсер етіп, тауар бағасының қымбаттауына алып келуі мүмкін.

    Бұған дейін Ұлттық экономика министрлігі жаңа кодекс күшіне енгеннен кейін шамамен 300 мың компания жабылуы мүмкін екенін мәлімдеген. Вице-министр Азамат Әмрин олардың басым бөлігі «жасанды бөлшектеу» мақсатында құрылған құрылымдар екенін айтқан.

  • Полиция қол қусырып отыр: Ақнәр Хамиттің анасы істі Астанаға ауыстыруды талап етті

    Полиция қол қусырып отыр: Ақнәр Хамиттің анасы істі Астанаға ауыстыруды талап етті

    Алматыдағы тұрғын үй кешенінде жетінші қабаттан құлап қаза тапқан 22 жастағы Ақнәр Хамиттің өліміне қатысты тергеу әлі де аяқталған жоқ. Марқұмның анасы Гүлстан Хамит елордада өткен брифингте істегі бірқатар жаңа мәліметтерді жариялап, тергеудің әділ жүргізіліп жатқанына күмән келтірді.

    Оның айтуынша, оқиғаға қатысы бар деп күдікке ілінген екі қыз әлі күнге дейін бостандықта жүр. Анасының пайымынша, Ақнәр физикалық қысымға ұшырап, кейін балконнан лақтырылуы мүмкін. Соған қарамастан, тергеу ісі «өзіне қол жұмсау» нұсқасына қарай бұрылып бара жатыр.

    Маңызды айғақтардың жойылғаны айтылды
    Гүлстан Хамит оқиға орнынан бірқатар маңызды айғақ алынбағанын хабарлады. Ақнәрдің жеке заттары жоғалып, он күн бойы куәгер Дидардың енесінің үйінде сақталған. Марқұмның сынған тырнағы да табылмаған.

    Оқиға болған күні пәтерде клининг жасалғаны, үйді жинаған қызметкерлердің «есірткі шөбі табылғанын» айтқаны да жария етілді.

    Куәгердің бір жылдан кейін байланысқа шыққаны мәлім болды
    Ақнәрдің құрбысы Дидар марқұмның анасына бір жыл өткен соң хабарласып, болған жағдайды айтып берген. Гүлстан Хамиттің сөзінше, күдікке ілінген қыздар оқиға кезінде де, жедел жәрдем келген сәтте де белсенді әрекет жасамаған, ал Ақнәр ауруханада жатқанда келмеген.

    Адвокат тергеудің бағытына күмәнданады
    Марқұмның адвокаты Инга Иманбай қылмыс болғанын дәлелдейтін айғақтар жеткілікті екенін айтады. Соған қарамастан, іс ҚК-нің 105-бабы («Өзіне қол жұмсау») және «өлімге итермелеу» бойынша тергеліп жатыр. Адвокат бұны істі әдейі басқа арнаға бұру деп есептейді.

    Гүлстан Хамит істі Алматыдан Астанаға ауыстыруды талап етті. Егер нәтиже болмаса, халықаралық ұйымдарға шағымданатынын мәлімдеді.

  • Арал мен Каспийдің тағдыры — Қазақстан БҰҰ жанынан Халықаралық су ұйымын құруды ұсынды

    Арал мен Каспийдің тағдыры — Қазақстан БҰҰ жанынан Халықаралық су ұйымын құруды ұсынды

    АШХАБАД. 12 желтоқсан  Қазақстан Президенті Қасым-Жомарт Тоқаев Ашхабадта өткен халықаралық форумда БҰҰ жүйесінде су мәселелеріне арналған жаңа халықаралық құрылым құруды ұсынды. Президенттің айтуынша, жаһандық су дипломатиясын күшейту және трансшекаралық су ресурстарын басқаруда мемлекеттердің үйлесімді іс-қимылы барған сайын өзекті болып отыр, деп хабарлайды Sona.kz Kazinform-ға сілтеме жасап.

    Су тапшылығы мен экологиялық қатерлер

    Мемлекет басшысы Арал мен Каспий теңіздеріндегі экологиялық жағдайды “шұғыл шара қабылдауды қажет ететін” мәселе деп атады.
    Тоқаевтың мәлімдеуінше, су тапшылығы аймақтық қана емес, ұлттық қауіпсіздікке әсер ететін стратегиялық сын-қатерге айналған.

    «Су тапшылығы үлкен проблемаға айналып келеді. Трансшекаралық суды пайдалану, Арал мен Каспийдегі экологиялық ахуалды шешу үшін нақты және жедел шаралар қажет», – деді Президент.

    Ол сондай-ақ Халықаралық Аралды құтқару қорының тиімділігін арттыру қажеттігін айтып, Ресейдің Қор жұмысына байқаушы ретінде қатысуы оң нәтиже беруі мүмкін екенін атап өтті.

    Каспий теңізінің тартылуына алаңдаушылық

    Тоқаев Каспийдің қазіргі деңгейде тартыла беруінің салдары ауыр болатынын ескертті.

    «Каспий теңізі қазіргідей тартыла берсе, бұл экологиялық, әлеуметтік-экономикалық, тіпті саяси салдары ауыр қауіпті құбылысқа әкелуі мүмкін», – деді ол.

    Қазақстан бұл бағытта арнайы мемлекетаралық бағдарлама әзірлеуді ұсынғанын мәлімдеді.

    БҰҰ жанынан Халықаралық су ұйымын құру ұсынысы

    Президенттің сөзінше, БҰҰ жүйесінде тек су мәселесіне жүйелі түрде жауапты құрылымның болмауы  жаһандық деңгейдегі олқылық.

    «Қазақстан Халықаралық су ұйымын құруды ұсынады. Бұл  БҰҰ аясындағы әртүрлі агенттіктердің мандаттарын су дипломатиясына қатысты бірыңғай мақсатқа біріктірудің тиімді жолы», – деді Тоқаев.

    UN-Water тетігін толыққанды агенттікке айналдыру ұсынысы да осы бастаманың құрамдас бөлігі ретінде айтылды.

    Қазақстан 2026 жылдың сәуірінде Астанада өтетін Аймақтық экологиялық саммитте осы мәселе бойынша халықаралық консультацияларды бастауды жоспарлап отыр.

  • Қонаевтағы апатты жағдайлар толық бақылауда

    Қонаевтағы апатты жағдайлар толық бақылауда

    Қонаев қаласында 11 желтоқсаннан 12 желтоқсанға қараған түні секундына 23–25 метрге дейін жеткен қатты боран салдарынан 30-дан астам апатты жағдай тіркелді. Табиғи құбылыстың салдары қала инфрақұрылымына әсер етіп, бірқатар нысандарда уақытша іркілістер орын алды. Бұл туралы бұған дейін хабарланған болатын.

    Қала әкімі Асхат Бердіханов аппараттық жиын өткізіп, өзінің орынбасарларына, бөлімдер мен коммуналдық қызмет көрсетуші мекемелердің басшыларына, «АлатауЖарықКомпаниясы» АҚ өкілдеріне, сондай-ақ Төтенше жағдайлар басқармасының, денсаулық сақтау саласының мамандарына апат салдарын қысқа мерзімде жою жөнінде нақты тапсырмалар берді.

    Қазіргі уақытта барлық оқиға бойынша себеп-салдар талданып, келтірілген шығындар есептеліп жатыр.

    Бүгінгі таңда қала аумағында зақымданған конструкцияларды қалпына келтіру, электр желілерін жөндеу, құлаған ағаштарды тазалау, қоқыс шығару, қауіпті шатырларды тексеру жұмыстары жүріп жатыр.

    Тұрғындар тарапынан жылу мәселесіне қатысты өтінімдер түскен. Осыған байланысты «Жылу Орталығы» мекемесінің мамандары түсініктеме берді. Олардың айтуынша, түнгі уақытта электр энергиясының 10–15 минутқа өшуі салдарынан ыстық су салқындап кеткен. Қазіргі таңда жылу жүйесі қалыпты, штаттық режимде жұмыс істеп тұр. Тек ыстық судың қаладағы барлық нысандар мен тұрғын үйлерді толық айналып шығуына белгілі бір уақыт қажет.

    Ал «Қарлығаш» шағынауданында ауыз су беру уақытша тоқтатылған. Бұл аумақта сорғы қондырғыларын электрмен қамтамасыз ететін желілер жөнделіп жатыр.

    Қала әкімінің тапсырмасымен апат салдарын жою жұмыстарын үйлестіру үшін екі жедел штаб құрылған. Олар тұрғындардан келіп түскен өтінімдерді қабылдап, әрбір мәселе бойынша тиісті қызметтердің жедел әрекет етуін қамтамасыз етуде.

    Бұдан бөлек, тұрғындарды үздіксіз ақпараттандыру мақсатында WhatsApp желісіндегі 109 және Қонаев әкімдігінің ресми тобы тәулік бойы жұмыс істеп тұр. Коммуналдық қызмет көрсетуші компаниялар күшейтілген режимде қызмет етуде.

    Қазгидрометтің мәліметінше, қалада 12 желтоқсан күні де 15-20 м/сек боран соғады деп күтілуде. Тұрғындардан сақтық шараларын сақтауды сұраймыз.
    ___

  • Қостанай облысы денсаулық сақтау басқарма басшысының орынбасары қамауға алынды

    Қостанай облысы денсаулық сақтау басқарма басшысының орынбасары қамауға алынды

    Қостанай облысы денсаулық сақтау басқармасы басшысының орынбасары Ерболат Доспанов қызметтік өкілеттігін асыра пайдаланды деген күдікпен қамауға алынды. Бұл ақпаратты өңірлік прокуратура растады, деп хабарлайды Sona.kz Halyqstan-ға сілтеме жасап.

    Тергеу деректеріне сәйкес, іс медициналық жабдықтарды сатып алуға байланысты ықтимал сыбайлас жемқорлық тәуекелдерін қамтиды. Бұған дейін осы іс аясында басқарманың экс-жетекшісі Данияр Жандаев пен Қарасу аудандық орталық ауруханасының бас дәрігері Владимир Голубев те ұсталған. Оларға қымбат бағамен сатып алу, артық немесе пайдаланылмайтын техника жеткізу сияқты қаржылық заңбұзушылықтарға қатысы болуы мүмкін деген күдік бар.

    Доспановты Қостанай облысы бойынша КҰҚК департаментінің қызметкерлері ұстаған. Сот оны қамауда ұстау түріндегі бұлтартпау шарасын санкциялады.

    «Ол қызметтік өкілеттігін асыра пайдалану фактісі бойынша қозғалған қылмыстық іс бойынша күдікті ретінде өтуде. Сот қамауға алу шарасын таңдады», — деп хабарлады облыстық прокуратура.

    Тергеудің өзге деректері досудебелік тергеу құпиясына байланысты жарияланбайды.

    Ресми мәлімет бойынша, Ерболат Доспанов медицина саласында және облыс әкімдігінің экономика және бюджеттік жоспарлау басқармасында басшылық қызметтер атқарған.

  • ҰҚК-ға жаңа өкілеттіктер берілді

    ҰҚК-ға жаңа өкілеттіктер берілді

    Президент Қасым-Жомарт Тоқаев Ұлттық қауіпсіздік комитетінің өкілеттіктерін кеңейтетін жарлыққа қол қойды. Құжат 1996 жылғы 1 сәуірдегі №2922 жарлыққа өзгерістер енгізеді және ҰҚК-ның қаржылық мониторинг пен мемлекеттік материалдық резервтерді басқару бағытындағы міндеттерін нақтылайды.

    Жаңартылған ережеге сәйкес, КҚК қылмыстық жолмен алынған кірістерді заңдастыруға, терроризмді қаржыландыруға және жаппай қырып-жою қаруын таратуды болдырмауға қарсы іс-қимыл шеңберінде уәкілетті органдарға өз ақпараттық жүйелерінен мәліметтерді ұсынатын болады.

    Сонымен қатар, комитеттің мемлекеттік резервтерді басқару саласындағы функциялары да кеңейтілді. КҚК материалдық құндылықтардың номенклатурасы мен көлеміне қатысты ұсыныстар енгізеді, мобилизациялық резервтен құндылықтарды беру мәселелерін шешеді, олардың сақталуын, жаңартылуын және мемлекеттік органдар арасында ауыстырылуын ұйымдастырады.

    Жарлық 9 желтоқсанда күшіне енді. Ал материалдық резервтерге қатысты кейбір нормалар 2027 жылдың 1 қаңтарынан бастап қолданылады.

  • Теміржолды кесіп өтпек болған жүргізуші жол апатына ұшыратты: Қарағанды облысында жолаушы пойызы шұғыл тоқтады

    Теміржолды кесіп өтпек болған жүргізуші жол апатына ұшыратты: Қарағанды облысында жолаушы пойызы шұғыл тоқтады

    Қарағанды облысында №1677 жолаушы пойызы теміржолдағы жол-көлік оқиғасына байланысты шұғыл тежеу жасауға мәжбүр болды. Алдын ала мәліметке сәйкес, жеңіл көлік жүргізушісі пойыз келе жатқанда жолды кесіп өтпек болған, деп хабарлайды Sona.kz EGOV.PRESS- ке сілтеме жасап.

    Көліктің ішінде бірнеше адам, соның ішінде бала болған. Олардың жағдайы туралы нақты ақпарат жарияланған жоқ.

    Оқиға теміржол маңындағы қауіпсіздік мәселесін қайта көтерді: кейбір жүргізушілер пойыздың жоқ екеніне көз жеткізбестен теміржолдан өте береді.

    Оқиға бойынша тиісті органдар тексеріс жүргізіп жатыр.

  • Сот анасының үйіне қатысты мұра дауда қызды лайықсыз мұрагер деп таныды

    Сот анасының үйіне қатысты мұра дауда қызды лайықсыз мұрагер деп таныды

    Қазақстанда марқұм болған әйелдің мұрасына қатысты туыстар арасындағы дау сотта қаралды. Бұған дейін нотариус үйді П. есімді жиеніне рәсімдеген, ал қызы М.-ға алты айлық заңды мерзімді өткізіп алғандықтан мұрагерлікке құқық берілмеген, деп хабарлайды Sona.kz Tengrinews.kz-ке сілтеме жасап.

    М. соттан мерзімді қалпына келтіруді сұрап, қиын өмірлік жағдайларға тап болғанын алға тартты. Алайда жиені қарсы талап қойып, оны лайықсыз мұрагер деп тануды сұрады. Оның айтуынша, қыз анасына қарамаған, байланыспаған және күтім жасамаған.

    Сот талқылауында әйелдің анасына қамқор болуына ешқандай кедергі болмағаны анықталды. Мерзімді өткізіп алуға қатысты негізді себептер де дәлелденбеді. Ал марқұмның күтімі, шығындары мен еміне қатысты барлық жұмыстарды жиені атқарғаны материалдармен расталды.

    Нәтижесінде М. лайықсыз мұрагер деп танылып, мұрагерлер қатарынан шығарылды. Үйге құқық П. есімді туысына берілді.

  • Қазақстанда зейнетақы жинақтарын пайдалану бойынша тағы бір шектеу енгізілді

    Қазақстанда зейнетақы жинақтарын пайдалану бойынша тағы бір шектеу енгізілді

    Бүгін, 12 желтоқсаннан бастап, enpf-otbasy.kz платформасы арқылы реконструктивтік және қалпына келтіру (пластикалық) операцияларға зейнетақы қаражатының артығын пайдалану үшін өтінім қабылдау тоқтатылды. Бұл туралы «Отбасы банк» АҚ хабарлады, деп хабарлайды Sona.kz Tengrinews.kz-ке сілтеме жасап.

    Шешім стоматология мен офтальмологияға байланысты өтінімдерге тыйым салынғаннан кейін өтінімдердің күрт артуына байланысты қабылданды. Бұрын айына орта есеппен 16 өтінім қаралса, қыркүйекте олардың саны 123-ке, қазанда 1 844-ке, қарашада  3 878-ге жеткен.

    Бірнеше шектеуден кейін көптеген азаматтар зейнетақы жинақтарын пластикалық операцияларға бағыттай бастаған. Желтоқсанның алғашқы сегіз күнінде, офтальмологияға өтінім қабылдау тоқтағаннан кейін  2 093 өтінім түсті. Бұл орташа айлық көрсеткіштен 130 есе жоғары. Жалпы өтінім сомасы желтоқсанда 1,8 млрд теңгені құрады.

    Қазір «Отбасы банкінде» пластикалық операцияларға арналған 6 294 өтінім қаралып жатыр. Банктің мәліметінше, бұрын берілген барлық өтінімдер белгіленген тәртіппен орындалады.

    Сонымен бірге, азаматтар зейнетақы қаражатының артығын орфандық ауруларды емдеуге, радионуклидтік және радиойодтерапияға, радиохирургиялық емге, протон терапиясына пайдалана алады. Сондай-ақ, тұрғын үй жағдайын жақсартуға,  баспана сатып алуға, ипотеканы өтеуге немесе кейін жылжымайтын мүлік алу үшін «Отбасы банк» депозитін толықтыруға мүмкіндік сақталады.

    Еске салайық, бұған дейін БЖЗҚ 2026 жылға арналған ең төменгі жеткіліктілік шектерін жариялаған еді.