Sona.kz

Рубрика: Жаңалықтар

  • Қуандық Бишімбаевтың әкесі Нүкеновтер отбасын ақша бопсалаған деп айыптады

    Қуандық Бишімбаевтың әкесі Нүкеновтер отбасын ақша бопсалаған деп айыптады

    Астанада Қуандық Бишімбаевтың анасы Альмира Нұрлыбековаға қатысты сот отырысы өтіп жатыр. Ол туысы Бекзат Кемелованы 1 млн долларды иемденді деп айыптауда. Процесте жаңа мәлімдемелер айтылды, деп хабарлайды Sona.kz NewTimes.kz-ке сілтеме жасап.

    Валихан Бишімбаевтың айтуынша, Салтанат Нүкенова қаза тапқаннан бірнеше ай өткен соң, Нүкеновтер отбасы моральдық өтемақы ретінде 2,5 млн доллар талап еткен. Бұл сома Кайрат Кемелов арқылы берілген жазбада көрсетілген делінеді.

    Алайда сотта Кайрат Кемелов жазбаны тапсырғанын растаудан бас тартқан.

    «Егер мұны сотқа жеткізер болсақ, жазбаның берілгенін дәлелдеу керек болады. Сотқа жеткізу керек пе?» деген сұраққа Кайрат: «Мен айта алмаймын, мен қорқамын», — деп жауап бергенін айтты Валихан Бишімбаев.

    Оның сөзінше, Кайрат әлеуметтік желілердегі қысымнан, сын мен айыптаулардан қорыққан, бұл оның жұмысы мен отбасы жағдайына әсер етеді деп қауіптенген.

  • Иран Президенті: «Өзара сауданы 3 млрд долларға дейін жеткізу үшін барлық күш-жігерімізді жұмсаймыз»

    Иран Президенті: «Өзара сауданы 3 млрд долларға дейін жеткізу үшін барлық күш-жігерімізді жұмсаймыз»

    Иран Ислам Республикасының Президенті Масуд Пезешкиян Қазақстанмен сауда-экономикалық ынтымақтастықты айтарлықтай кеңейтуге ниетті екенін мәлімдеді. Бұл туралы ол Акордада Мемлекет басшысы Қасым-Жомарт Тоқаевпен жүргізілген кеңейтілген келіссөздер барысында айтты. Оның сөзінше, тауар айналымының 40 пайызға өсуі екі ел арасындағы серіктестіктің жоғары әлеуетін көрсетеді, деп хабарлайды Sona.kz Kazinform-ға сілтеме жасап.

    Масуд Пезешкиянның айтуынша, иран-қазақ қатынастарының тарихи бастауы тереңде жатыр. Ол екі ел арасындағы байланыстар Ұлы Жібек жолы кезеңінен бастау алатынын және Қазақстан тәуелсіздік алғанға дейін де үзілмегенін атап өтті. Президент Иран үшін Қазақстанмен әріптестік стратегиялық маңызға ие екенін айтты.

    Иран басшысы халықаралық және өңірлік мәселелер бойынша екі мемлекеттің ұстанымдары көбіне ұқсас екенін атап өтті. Тараптар Еуразиялық экономикалық одақ, Шанхай ынтымақтастық ұйымы және Ислам ынтымақтастығы ұйымы алаңдарында бірлесіп жұмыс істеп келеді. Президенттің айтуынша, бұл платформалар саяси диалогты күшейтуге және экономикалық мүмкіндіктерді кеңейтуге мүмкіндік береді.

    Пезешкиян екіжақты сауданы 3 млрд долларға дейін жеткізу бұрын келісілген мақсат екенін еске салды. Ол Иран бұл міндетке жету үшін бар күшін салатынын айтты. Сауда кеңеюінің негізгі тетігі ретінде Иран мен Еуразиялық экономикалық одақ арасындағы Еркін сауда туралы келісім көрсетілді.

    Келіссөздер барысында тараптар «Солтүстік – Оңтүстік» көлік дәлізін және Қазақстан – Түрікменстан – Иран теміржол бағытын дамыту мәселелерін талқылады. Пезешкиян бұл бағыттар бойынша транзиттік мүмкіндіктерді арттыру сауда көлемінің өсуіне тікелей ықпал ететінін атап өтті.

    Сонымен қатар, Иран Президенті ауыл шаруашылығы, өнеркәсіп, энергетика және жоғары технологиялар салаларындағы бірлескен жобалар ынтымақтастықты жаңа деңгейге көтеруге мүмкіндік беретінін айтты. Ол Тегеранның екіжақты серіктестікті тереңдетуге бағытталған бастамаларды қолдауға дайын екенін жеткізді.

  • Қазақстан Иранға кемінде 200 млн доллар көлемінде тауар жеткізуге дайын: Қасым-Жомарт Тоқаев

    Қазақстан Иранға кемінде 200 млн доллар көлемінде тауар жеткізуге дайын: Қасым-Жомарт Тоқаев

    Қазақстан Иранға экспортталатын тауар көлемін кемінде 200 млн долларға дейін ұлғайтуға дайын. Бұл туралы Президент Қасым-Жомарт Тоқаев Акордада Иран Президенті Масуд Пезешкиянмен өткен келіссөздер барысында мәлімдеді. Кездесуде екі ел арасындағы сауда-экономикалық және инвестициялық ынтымақтастықтың жаңа мүмкіндіктері қаралды, деп хабарлайды Sona.kz Kazinform-ға сілтеме жасап.

    Мемлекет басшысының айтуынша, өзара тауар айналымы жыл сайын өсіп келеді, алайда сауданы әртараптандыру қажет. Тоқаев ауыл шаруашылығы, көлік-логистика, тау-кен өнеркәсібі, медицина және жоғары технологиялар салаларындағы серіктестікті күшейтудің маңызын атап өтті. Президент қол қойылған құжаттар Қазақстан мен Иран арасындағы саяси және экономикалық байланыстардың дамуына тың серпін беретінін айтты.

    Қасым-Жомарт Тоқаев Тегеранда Қазақстанның Сауда үйін ашу бастамасын қолдады. Сондай-ақ Деловой кеңес пен қазақстан-иран сауда-өнеркәсіп палатасының әлеуетін барынша тиімді пайдалану қажеттігін атап өтті. Ресми мәлімет бойынша, биылғы жылдың басынан бері Иран Қазақстан экономикасына 17,8 млн доллар тікелей инвестиция құйған.

    Ирандық кәсіпкерлер Қазақстанда бірқатар жобаларды жүзеге асырып жатыр. Олардың ішінде Алматы облысында ірімшік шығаратын зауыттың іске қосылуы және Батыс Қазақстан облысында тері өңдеу комбинатының құрылысы бар. Қазақстандық бизнес те Иран нарығында бірнеше жобаны атқаруда.

    Келіссөздерде көлік инфрақұрылымын дамыту мәселесі негізгі тақырыптардың бірі болды. Екі тарап «Солтүстік – Оңтүстік» дәлізінің әлеуетін арттыруға және Қазақстан – Түрікменстан – Иран теміржол бағытын одан әрі дамытуға мүдделі екенін растады. Биылғы 10 айда бұл бағыттар бойынша жүк тасымалы өткен жылмен салыстырғанда 53 пайызға өсті.

    Сонымен қатар президенттер транзиттік бағыттарды әртараптандыру, Каспий теңізіндегі порт инфрақұрылымын бірлесіп дамыту, сондай-ақ ауыл шаруашылығы, энергетика, тау-кен саласы, цифрландыру және жасанды интеллект бағыттарындағы ортақ жобаларды талқылады.

  • Павлодар облысында нотариустардың атқарушылық жазбаларды заңсыз рәсімдеу фактілері әшкереленді

    Павлодар облысында нотариустардың атқарушылық жазбаларды заңсыз рәсімдеу фактілері әшкереленді

    Павлодар облысының прокуратурасы өңірдегі екі нотариустың атқарушылық жазбаларды заң талаптарын бұза отырып жаппай рәсімдегенін анықтады, деп хабарлайды Sona.kz ҚР Бас прокуратурасына сілтеме жасап.

    Атқарушылық жазба  қарызды өндіріп алу тәртібін жеңілдететін механизм. Ол тек талаптар даусыз болған жағдайда және борышкер міндеттемені орындамағанын жазбаша мойындағанда ғана жасалады. Осыны нотариус растап береді.

    Алайда тексеріс кезінде бұл талаптардың жүйелі түрде сақталмағаны белгілі болды. Екі нотариус жалпы 20 мыңнан астам атқарушылық жазба жасаған. Олардың біреуі 15 мыңнан аса құжатты шартсыз, қарыз сомасының есебінсіз және азаматтардың қарызды мойындаған жазбаша өтінішінсіз ресімдеген.

    Тергеу нәтижесінде мұндай құжаттардың микроқаржы ұйымдары және коллекторлық агенттіктермен сөз байласу арқылы рәсімделгені анықталды. Бұл тұрғындардың заңсыз қаржы өндіріп алуға және несие тарихының нашарлауына тап болуына себеп болды.

    Прокуратура заңсыз негізде атқарушылық жазбаларды жаппай жасау азаматтарды өз құқықтарын уақытылы қорғау мүмкіндігінен айырғанын атап өтті.

    Тексеру қорытындысы бойынша ұсыныс енгізіліп, екі нотариус та лицензиясынан айырылды.

  • Скляр автокөлік өндірушілеріне утиль алымды қалай қайтару механизмі жұмыс істейтінін түсіндірді

    Скляр автокөлік өндірушілеріне утиль алымды қалай қайтару механизмі жұмыс істейтінін түсіндірді

    Акордада өткен іс-шарадан кейін бірінші Вице-премьер-министр Роман Скляр автокөлік өндірушілеріне утиль алымның қалай қайтарылатынын түсіндірді. Оның айтуынша, бұл  экологиялық заңнамада нақты көрсетілген талап, әрі механизм субсидиялауға да, басқа қолдау түрлеріне де жатпайды, деп хабарлайды Sona.kz Syrmedia.kz-ке сілтеме жасап.

    Склярдың мәліметінше, отандық құрастырушы компаниялар көліктерді толық жинақ емес, бөлшектелген күйінде әкеледі. Шекарадан өткен кезде олар утиль алымды толық төлейді. Ал көлік құрастырылып, сатылғаннан кейін төленген сома компанияға қайтарылады.
    «Импорт кезінде ол миллион төлейді. Көлік сатылғанда, сол миллион оған қайтарылады», — деді ол.

    Вице-премьер бұл механизмнің мәні  өндірушіден алынған қаражаттың кейінгі қайтарылуы екенін айтты.
    «Кодексте бұл  қайтару деп аталады. Бірақ біздің ниетімізді бұрмалап, мұны “стимул”, “субсидия” деп көрсеткісі келетіндер бар. Бұл екеуі де емес  бұл қаражатты қайтару. Ақша компаниялардың айналымынан алынып, экокодекстің талаптарына сәйкес аударылады», — деді ол.

    Скляр сонымен қатар қоғамда айтылып жүрген үлкен сомалар бір миллион теңгенің бірнеше рет “айналып” отыруымен байланысты екенін түсіндірді. Әрбір жаңа партия әкелінген кезде сол сома қайта төленеді және кейін қайтарылады. Ал дайын көлікті импорттаушылар үшін ондай мүмкіндік жоқ.
    «Дайын көлікті алған автосалон миллион төлейді және бұл ақша бюджетте қалады», — деп нақтылады ол.

    Бұдан бөлек, утиль алымды өзгерту мәселесі Қазақстанның халықаралық міндеттемелеріне байланысты күрделі. Склярдың айтуынша, Қазақстан ВТО-ға кірген кезде автокөліктерге салынатын кедендік бажды 30%-дан 15%-ға дейін төмендеткен.
    «Егер бұл норманы тікелей төлемнен алып тастасақ, бұл серіктестерге түсініксіз болады және міндеттемелерді бұзу ретінде қабылдануы мүмкін», — деді ол.

  • Шымкентте 15 жастағы қызға зорлық көрсету ісі бойынша күдікті қамауға алынды

    Шымкентте 15 жастағы қызға зорлық көрсету ісі бойынша күдікті қамауға алынды

    Шымкент қаласының Полиция департаменті кәмелетке толмаған қыздың бірнеше жыл бойы туған әкесінен зорлық көргені туралы ақпаратты растады, деп хабарлайды Sona.kz  Azattyq Rýhy-на сілтеме жасап.

    Полицияның мәліметінше, арыз түскен бойда қылмыстық іс тіркеліп, күдікті қолға түсті.

    «Шымкент полициясы кәмелетке толмаған қызға қатысты зорлау дерегі бойынша қылмыстық істі тіркеді. Күдікті тұлға дереу ұсталып, сот қаулысы негізінде қамауға алынды», – делінген ведомствоның ресми жауабында.

    Қазіргі уақытта тергеу жалғасып жатыр. Тәртіп сақшылары арызданушы мен жәбірленушінің уәждеріне сәйкес дәлелдер жинауда.

    Полиция қыз баланы әкесінің інісі де зорлағаны және оның түсік жасағаны туралы ақпараттың шындыққа жанаспайтынын хабарлады.

    «Жәбірленушінің жауабына сәйкес, оған қатысты өзге тұлғалардың заңсыз іс-әрекеттері расталмады. Жүктілік пен жасанды түсік тастау туралы мәлімет шындыққа сәйкес келмейді», – деп мәлімдеді ПД.

    Тергеу қорытындылары бойынша қосымша ақпарат қылмыстық іс жүргізу нормаларына сәйкес ұсынылады.

  • Алматыда перинаталдық орталықта босанған әйелдің қайтыс болды

    Алматыда перинаталдық орталықта босанған әйелдің қайтыс болды

    Алматыда 29 жастағы әйелдің өліміне байланысты тексеріс жүргізілуде. Марқұм 14 қарашада Перинатология орталығында босанған. Кейін ол кеуде тұсының қатты ауыруына шағымдана отырып, орталыққа қайта келген.

    Дәрігерлер оған мастит пен лактостаз диагнозын қойып, оны жаңа туған сәбиімен бірге ауруханаға жатқызған.

    Туыстарының айтуынша, 9 желтоқсанда әйелді шығаруға дайын болған. Алайда оның жағдайы кенеттен нашарлап кеткен. Дәрігерлер жақындарына жүрек тоқтағанын хабарлаған. Реанимациялық шаралар нәтиже бермеген.

    Жақындары марқұмның бұған дейін жүрек ауруымен ауырмағанын айтады. «Ол тек сүті жүрмеген соң ауруханаға жатты. Шығаруға дайындалып жүрген. Енді қоштасу», — деді олар.

    Оқиға бойынша медициналық сараптама тағайындалып, нақты себептер анықталуда.

  • Жетісуда қар құрсауында қалған 6 адам құтқарылды

    Жетісуда қар құрсауында қалған 6 адам құтқарылды

    Жетісу облысының Алакөл ауданында құтқарушылар қар құрсауында қалған алты адамды эвакуациялады. 112 пультіне Үшарал–Достық республикалық маңызы бар автожолының 40-шы шақырымында жеңіл автокөлік қарға батып қалғаны туралы хабар түскен, деп хабарлайды Sona.kz 112 Jetisy-ға сілтеме жасап.

    Көлікте болған алты адам құтқару қызметінен көмек сұраған. Оқиға орнына дереу Ақши ауылдық жедел-құтқару бөлімшесінің қызметкерлері барып, көлікті қар құрсауынан шығарып алды.

    Төтенше жағдайлар министрлігі жүргізушілерге қолайсыз ауа райында жолға шықпауға, ауа райы болжамын алдын ала тексеруге және жол жағдайын ескеруге кеңес береді.

  • Ақтауда алғаш рет өлімінен кейінгі донордан жүрек трансплантациясы жасалды

    Ақтауда алғаш рет өлімінен кейінгі донордан жүрек трансплантациясы жасалды

    Маңғыстау облыстық көпбейінді ауруханасында алғаш рет өлімінен кейінгі донорлық жағдайы тіркелді. Дәрігерлер 45 жастағы пациенттің миының өлуін растап, оның туыстары ағзаларын донор ретінде беруге келісім берген, деп хабарлайды Sona.kz Kazinform-ға сілтеме жасап.

    Аурухананың баспасөз қызметінің мәліметінше, Республикалық трансплантация орталығының мамандарымен бірлесіп, дәрігерлер жүректі алып, күту тізіміндегі пациентке табысты трансплантация жасады.

    Бұл – өңірдегі алғашқы осындай жағдай. Қазіргі уақытта Маңғыстау облысында 175 адам ағза ауыстыруды күтуде.

  • Риддерде Мәңгілік алауда тауық қуырып кеткен ер адам қамауға алынды

    Риддерде Мәңгілік алауда тауық қуырып кеткен ер адам қамауға алынды

    Риддерде полиция қызметкерлері Даңқ обелискісіндегі Мәңгілік алауда тауық қуырып кеткен ер адамды ұстады, деп хабарлайды Sona.kz  Полиция департаментіне  сілтеме жасап.

    Оқиға жергілікті тұрғынның Мәңгілік алаудан қуырылған тауықтың қалдықтарын тауып, полицияға жүгінуінен кейін белгілі болды. Оның айтуынша, мемориал аумағының тазалығы мен қауіпсіздігіне қатысты алаңдаушылық туындаған.

    Полиция мәліметінше, қызметкерлер бейнабақылау камераларын қарап, куәгерлерден жауап алып, жақын маңды тексерген. Нәтижесінде 31 жастағы жергілікті тұрғын анықталып, ұсталды.

    Ер адамға ӘҚБтК-нің 434-бабы 4-бөлігі («Ұсақ бұзақылық») бойынша әкімшілік іс қозғалды. Сот оған бес тәулік әкімшілік қамау түріндегі жаза тағайындады.

    Полиция қызметкерлері тарихи ескерткіштер мен ерекше қоғамдық маңызы бар нысандарды қорлау әкімшілік немесе қылмыстық жауапкершілікке әкелетінін еске салды.