Sona.kz

Рубрика: Қазақстан жаңалықтары

  • ️Павлодарда әйел екі баласын терезеден лақтырып, өзі де секірген: зардап шеккендердің жағдайы белгілі болды

    ️Павлодарда әйел екі баласын терезеден лақтырып, өзі де секірген: зардап шеккендердің жағдайы белгілі болды

    30 шілдеде Нұрмағамбетов көшесінде болған қайғылы оқиғада зардап шеккен үш адамның да ауыр жарақат алғаны белгілі болды, деп хабарлайды Sona.kz  ZTB News-ке сілтеме жасап.

    ▪️2024 жылы туған сәби — ауруханаға клиникалық өлім жағдайында жеткізілген. Реанимациялық іс-шаралар жүргізілді, жансақтау бөліміне жатқызылды. Жағдайы – өте ауыр. Диагноз: 3-дәрежелі жарақаттық шок, 3-деңгейдегі кома, бас сүйек-ми жарақаты, бас сүйек сүйектерінің көп жерден сынуы, ми жарақаты, ішкі ағзалардың контузиясы.

    ▪️2017 жылы туған бала — жабық бас сүйек-ми жарақаты, ми шайқалу, жамбас сүйегінің сынуы, ішкі ағзалар зақымданған. Жағдайы ауыр, облыстық балалар ауруханасына жатқызылған.

    ▪️1991 жылы туған анасы — есін біледі, жансақтау бөлімінде жатыр. Жағдайы ауыр. Диагноз: жабық бас сүйек-ми жарақаты, қол-аяқтарының көптеген сынуы. Интенсивті ем жүргізіліп жатыр.

    Полицияның мәліметінше, әйел психикалық денсаулық мекемесінде есепте тұрған. Қайғылы оқиға орнына тергеу тобы жұмылдырылды.

  • Фуралар енді толық бақылауда болады

    Фуралар енді толық бақылауда болады

    Қазақстанда ауыр жүк көліктерінің қозғалысын қатаң бақылауға арналған жаңа цифрлық жүйе іске қосылды. Бұл туралы Sona.kz BAQ.KZ-ке сілтеме жасап хабарлайды.

    Көлік министрлігі еліміздің жолдарын сақтау және апаттардың алдын алу мақсатында цифрлық бақылау жүйесін күшейтуді қолға алды. Себебі ел ішінде күн сайын 450 мыңнан астам жүк көлігі жүреді. Артық салмақ — жол төсемелерінің мерзімінен бұрын бүлінуіне әкелетін басты себептердің бірі.

    Жүйе қалай жұмыс істейді?
    2024 жылдың қыркүйегінен бастап іске қосылған автоматтандырылған бақылау жүйесі тәулік бойы жұмыс істейді және нақты уақыт режимінде заң бұзушылықтарды анықтайды. Қазірдің өзінде 3 200-ден астам ескерту жолданып үлгерген, бұл — бұрынғы кезеңдермен салыстырғанда 12 есе көп.

    Бақылау станциялары саны артады
    Қазіргі таңда елімізде 59 бақылау бекеті жұмыс істеп тұр:
    • 30-ы республикалық маңызы бар жолдарда;
    • 29-ы — жергілікті трассаларда.
    Тағы 95 жаңа станция орнату жоспарланған, ал 2025 жылға дейін бақылау кешендерінің жалпы саны 220-ға жетеді.

    Министрлік өкілдері жаңа жүйе тек жол сапасын сақтап қана қоймай, жолдағы қауіпсіздік деңгейін де арттырады деп сендіріп отыр.

  • Инвесторлар енді жалақы қорына кемі 30% қаржы бөлуге міндеттеледі

    Инвесторлар енді жалақы қорына кемі 30% қаржы бөлуге міндеттеледі

    Қазақстанда инвестициялық жобаларды бақылау күшейеді. Енді инвесторлар жалақы қорына жалпы инвестиция көлемінің кем дегенде 30%-ын бөлуге тиіс, — деп хабарлайды Sona.kz BAQ.KZ-ке сілтеме жасап.

    Премьер-министр Олжас Бектенов Үкімет отырысында инвесторлардың жұмыс орындарын ашу және уәдесін орындау жауапкершілігін арттыру қажеттігін атап өтті.

    Қазірдің өзінде елде Инновациялық навигатор іске қосылған. Ол арқылы мына көрсеткіштер бақыланады:
    • қанша жұмыс орны ашылғаны,
    • олардың еңбек нарығы талабына сәйкестігі,
    • жұмысқа орналастыру жоспарларының орындалуы.

    Бектенов барлық жобаларды қамтитын біртұтас цифрлық жүйе құруды тапсырды. Бұл жүйе:
    • елдегі барлық инвестициялық жобаларды,
    • жұмыс орындарының саны мен деңгейін,
    • еңбек жағдайын,
    • жалақы мөлшерін қадағалап отырады.

    Жаңа талап бизнес пен қоғам арасындағы жауапкершілікті арттырып, инвестициялық саясатты ашық әрі әділетті етеді.

  • Жаңа жұмыс уақыты ұнады ма: министрлік алғашқы нәтижемен бөлісті

    Жаңа жұмыс уақыты ұнады ма: министрлік алғашқы нәтижемен бөлісті

    Қазақстанда мемлекеттік қызметкерлер 08:00–17:30 кестесіне көше бастады. Бұл туралы Еңбек министрлігінің Еңбек инспекциясы комитетінің төрағасы Ерболат Әбілхатин мәлімдеді, — деп хабарлайды Sona.kz Kazinform-ға сілтеме жасап.

    Әбілхатиннің айтуынша, жаңа жұмыс уақыты таңертеңгі кептелісті болдырмай, қызметкерлердің жеке уақытына тиімділік әкелген.

    «Таңертең 7:30-да жұмысқа шыққанда көшелер бос. Кешкі 17:30-да үйге ертерек қайтып, жарықта отбасыңа, жеке шаруаларға көңіл бөлуге болады. Астананың әкімдігі де икемді кестеге көшіп жатыр», — деді ол Үкіметтегі брифингте.

    Сондай-ақ, қызметкерлер тарапынан ешқандай шағым түспегенін айтты.

  • Қазақстанда зейнетақы рәсімдеу тәртібін өзгертуді ұсынды

    Қазақстанда зейнетақы рәсімдеу тәртібін өзгертуді ұсынды

    Қазақстанда зейнетақы тағайындау процесі толығымен автоматтандырылуы мүмкін, — деп хабарлайды Sona.kz NUR.KZ-ке сілтеме жасап.

    Цифрлық даму вице-министрі Қаныш Төлеушиннің айтуынша, жаңа тәсіл пилоттық режимде енгізілген. Енді азаматтар зейнетке шығу үшін құжат жинап, өтініш берудің қажеті жоқ — жүйе жасына қарай автоматты түрде зейнетақыны рәсімдейді.

    Алгоритм жасты өзі есептейді
    Еңбек өтілін тексереді
    Жүйе проактивті түрде төлем тағайындайды

    Осылайша қызмет көрсету мерзімі 10 күннен 1 күнге дейін қысқарып, рәсімдеу қадамдары 6-дан 1-ге дейін азайтылған.

    Еңбек министрлігіне жобаны ел көлемінде енгізу ұсынылды.

  • KMG PetroChem басшысы қызметінен кетті

    KMG PetroChem басшысы қызметінен кетті

    Төтенше жағдайлар экс-министрі Юрий Ильиннің ұлы Игорь Ильин “KMG PetroChem” ЖШС басқарма төрағасы қызметінен босатылды, — деп хабарлайды Sona.kz Nur.kz-ке сілтеме жасап.

    Компанияны енді Диаз Диянов басқарады. Жаңа басшыны ұжымға «ҚазМұнайГаз» ҰК АҚ басқарма төрағасының орынбасары Дастан Абдулғафаров таныстырды.

    Игорь Ильин 2022 жылдан бері бұл қызметті атқарып келді.

  • Қазақстанда жаңа форматтағы әскер: SARBAZ+ жобасы іске қосылады

    Қазақстанда жаңа форматтағы әскер: SARBAZ+ жобасы іске қосылады

    Күзде Қазақстанда мерзімді әскери қызметтің жаңа форматы – SARBAZ+ пилоттық жобасы іске қосылады. Бұл туралы ҚР Қорғаныс министрлігі ресми мәлімдеді.

    Алматы облысындағы Әуе қорғаныс күштерінің 78460 әскери бөлімінде 150 сарбаз жаңа модель бойынша қызметін бастайды. Жоба мақсаты – сарбаздардың жеке және кәсіби әлеуетін дамыту, қызмет жағдайын жақсарту және әскери өмірге цифрлық шешімдерді енгізу.

    SARBAZ+ аясында:
    • Әр сарбазға фитнес-браслет беріліп, денсаулық жағдайы онлайн бақыланады;
    • IT, телекоммуникация, БПЛА және радиобайланыс салаларында оқыту ұйымдастырылады;
    • Қызмет соңында қатысушылар сертификат алып, оны жұмысқа орналасуда қолдана алады;
    • Қазақ және ағылшын тілі, сондай-ақ эмоциялық қолдау бойынша сабақтар өтеді;
    • Офицерлер мен сержанттар CCNA Cisco сияқты халықаралық бағдарламалар бойынша біліктілігін арттырады.

    Жобаға қатысу үшін арнайы веб-платформа әзірленген. Үміткерлер онлайн тіркеліп, комиссия қарауынан өтеді. Жоба сәтті жүзеге асса, оны еліміздің өзге әскери бөлімдеріне енгізу жоспарланып отыр.

  • Қазақстанда дәрігерлерге шабуыл жасағандарға қатаң жаза енгізу ұсынылды ⠀

    Қазақстанда дәрігерлерге шабуыл жасағандарға қатаң жаза енгізу ұсынылды ⠀

    Қазақстанның Қылмыстық кодексіне медицина қызметкерлеріне шабуыл жасау мен қорқытуға қатысты жаңа — 158-1-бап енгізу жоспарланып отыр. Бұл туралы Денсаулық сақтау министрі Ақмарал Әлназарова мәлімдеді, деп хабарлайды Sona.kz Tengrinews.kz-ке сілтеме жасап.
    ⠀
    Министрдің айтуынша, бұл түзетулер Мемлекет басшысының тапсырмасымен әзірленген және Бас прокуратура мен Ішкі істер министрлігінің алдын ала мақұлдауынан өткен. Жобада мынадай жаза түрлері қарастырылған:
    – қорқыту әрекеті үшін — 2 жылға дейін бас бостандығын шектеу,
    – зорлық-зомбылық қолданса — 2 жылдан 7 жылға дейін бас бостандығынан айыру,
    – төтенше жағдай кезінде жасалса — 10 жылға дейін,
    – бірнеше адам топ болып бірнеше медицина қызметкеріне шабуылдаса — 15 жылға дейін бас бостандығынан айыру.
    ⠀
    Министр бұл шаралар медицина қызметкерлерінің өмірі мен қауіпсіздігін қорғау үшін қажет екенін айтты. Заң жобасы қыркүйек айында Парламентке енгізіледі.
    ⠀

  • Қазақстанда ҚҚС 16% болды: Тоқаев жаңа Салық кодексіне қол қойды

    Қазақстанда ҚҚС 16% болды: Тоқаев жаңа Салық кодексіне қол қойды

    Президент Қасым-Жомарт Тоқаев жаңа Салық кодексіне және салық саласына қатысты заңнамалық актілерге өзгерістер енгізетін ілеспе заңға қол қойды, деп хабарлайды Sona.kz Ақордаға сілтеме жасап.

    Жаңа кодекс салық жүйесін жеңілдетіп, әкімшілендіруді оңтайландыруды көздейді. Нәтижесінде салық есептілігі 30%-ға, ал салық түрлері 20%-ға қысқарады.

    Негізгі өзгерістер:
    • Қосылған құн салығының (ҚҚС/НДС) жаңа базалық мөлшерлемесі — 16%;
    • Дәрі-дәрмек пен медициналық қызметтерге:
    • 2026 жылдан бастап — 5%,
    • 2027 жылдан бастап — 10%;
    • Тегін медициналық көмек, әлеуметтік медициналық сақтандыру аясындағы қызметтер, сирек кездесетін (орфандық) және әлеуметтік маңызы бар ауруларды емдеу, кітаптар шығару, археологиялық жұмыстар — ҚҚС-тан босатылады;
    • Бұқаралық басылымдар үшін — 10% мөлшерлеме белгіленеді;
    • ҚҚС бойынша тіркеу шегі — 10 000 АЕК (шамамен 40 млн теңге);
    • Еңбек өтілі 10 жылдан асқан көліктер үшін көлік салығы төмендетіледі;
    • Жеке табыс салығы бойынша прогрессивті шкала енгізіледі: жылдық табысы 8 500 АЕК-тен асатындар үшін мөлшерлеме — 15%;
    • Банктер мен ойын бизнесі үшін корпоративтік табыс салығы (КТС) — 25%;
    • Әлеуметтік сала ұйымдары үшін:
    • 2026 жылы — 5%,
    • 2027 жылы — 10%;
    • Геологиялық барлау және пайдалы қазбаларды өндіру саласында — НДПИ 0% (5 жыл мерзімге);
    • Қымбат тауарларға (автокөлік, яхта, элиталық алкоголь, сигара және т.б.) 10% акциз салығы енгізіледі;
    • Салықтық әкімшілендіру жеңілдетіледі, камералдық бақылау ескерту сипатында жүргізіледі.

    Жаңа Салық кодексі 2026 жылғы 1 қаңтардан бастап күшіне енеді.

  • Салмағы 870 грамм сәби Алматы көпсалалы клиникалық ауруханасынан шығарылды

    Салмағы 870 грамм сәби Алматы көпсалалы клиникалық ауруханасынан шығарылды

    Алматы көпсалалы клиникалық ауруханасында ерекше жағдай орын алды: дәрігерлер салмағы небәрі 870 грамм болатын шала туылған нәрестенің өмірін аман алып қалды. Бұл жағдай неонатологиялық көмек пен жоғары деңгейлі медициналық техниканың маңыздылығын көрсетті.

    Шала туылған қыз жүктіліктің 28-ші аптасында өте төмен салмақпен дүниеге келді. Клиникаға түскен кезде сәбидің салмағы 1030 грамм болды. Нәресте тез арада реанимациялық көмек көрсетуді қажет ететін жоғары тәуекел тобына жатқандықтан, қарқынды терапия жағдайында дәрігерлер оған жан-жақты ем көрсетті. Оның ішінде зонд арқылы арнайы тамақтану, өмірлік маңызды белгілерді бақылау, сондай-ақ ықтимал инфекциялық асқынулардың алдын алу.

    «55 күн бойы стационарда болған сәбидің жағдайы тұрақты жақсарғаны байқалды. Дәрігерлердің үнемі бақылауында болып, оның салмағы 2155 граммға дейін өсті, бұл тұрақты күтім режиміне көшудің маңызды көрсеткіші. Қалпына келтіру процесінде оның өсуі мен дамуы үшін оңтайлы жағдайларды қамтамасыз ететін заманауи терапия әдістері қолданылды. Мысалы, терморегуляция және қажетті ылғалдылықты сақтау үшін кувездерді қолдану, сондай-ақ дене салмағының өсуіне ықпал ететін бейімделген диеталық тамақтану»,- дейді неонатолог дәрігер Салтанат Әлмұхамбетова.

    Бұл қыздың тарихы медицина мамандары мен неонатология саласындағы заманауи технологиялар арасындағы өзара әрекеттесудің әсерлі мысалы. Дәрігерлердің табандылығы мен жоғары біліктілік деңгейінің арқасында нәресте жаңа өмір бастауға мүмкіндік алды. Бұл жағдай басқа медицина қызметкерлерін шала туылған нәрестелерді күту саласында үздіксіз жетілдіруге шабыттандырады, бұл әрбір жеке пациенттің денсаулық сақтау жүйесіндегі маңыздылығын көрсетеді.