Sona.kz

Рубрика: Қазақстан жаңалықтары

  • Жүргізуші куәлігіне емтихан тапсыру үшін жаңа технологиялар қолданылмақ

    Жүргізуші куәлігіне емтихан тапсыру үшін жаңа технологиялар қолданылмақ

    Қазақстанда жүргізуші куәлігіне емтихан тапсыру үдерісіне толықтырылған нақтылықтың (AR) және компьютерлік көрудің (Computer Vision) заманауи технологияларын енгізу жоспарлануда. Бұдан басқа, Еуропа елдерінің табысты тәжірибесі негізінде емтихандарды қабылдау тәртібі, сондай-ақ көлік құралдарын тіркеу рәсімі қайта қаралатын болады.

    «Өткен жылы көлік құралдарын тіркеу саласында 3 млн қызмет көрсетілді. Сатып алу-сату шарттарына электрондық қол қою, мемлекеттік тіркеу белгілерін жедел дайындау, автосақтандыру сияқты іс-шаралар жүргізілді. Біз құжаттарды рәсімдеу жөніндегі мемлекеттік корпорацияның платформасын іске қосуды, биометриялық сәйкестендіру және автокөлік тарихын тексеру сервистерін іске асыруды жоспарлап отырмыз», – деп атап өтті «Азаматтарға арналған үкімет» КЕАҚ басқарма төрағасы Арман Кенжеғалиев.

  • Қазақстан туына арабша жазып алған жастар сот қаулысымен қамауға алынды

    Қазақстан туына арабша жазып алған жастар сот қаулысымен қамауға алынды

    Атырау қаласындағы мұз айдынында Қазақстан туына арабша жазып алып, суретке түскен жастардың ісі сотта қаралды.

    Олардың кінәсі әкімшілік құқық бұзушылық туралы хаттамамен, фотосуретпен, видеомен және басқа да іс материалдарымен толық дәлелденді.

    Облыстық соттың мәліметінше, ӘҚБтК-нің 434-бабының 1-бөлігінің санкциясында 20 айлық есептiк көрсеткiш мөлшерiнде айыппұл салу не 5-тен 15 тәулiкке дейiнгi мерзiмге әкiмшiлiк қамаққа алу түріндегі әкімшілік жауаптылық көзделген.

    Сот қаулысымен құқық бұзушылар ӘҚБтК-нің 434-бабының 1-бөлігінде көзделген әкімшілік құқық бұзушылық жасағандары үшін кінәлі деп танылды.

    «Н.-ға жауаптылығын ауырлататын мән-жайды ескере отырып (кәмелетке толмаған адамды әкiмшiлiк құқық бұзушылыққа тарту; адамдар тобының әкiмшiлiк құқық бұзушылық жасауы), 15 тәулікке әкімшілік қамаққа алу түріндегі әкімшілік жаза қолданылды.

    А.-ға әкімшілік жаза ретінде 78 640 теңге әкімшілік айыппұл салынды. Кәмелетке толмаған Х.-ның заңды өкіліне әкімшілік жаза ретінде 39 320 теңге әкімшілік айыппұл салынды.

    Сот қаулылары заңды күшіне енген жоқ», — делінген Атырау қаласының әкімшілік құқық бұзушылықтар жөніндегі мамандандырылған соты хабарламасында.

  • Елімізде құбылмалы ауа райы сақталады

    Елімізде құбылмалы ауа райы сақталады

    Синоптиктер Қазақстанның басым бөлігінде жел күшейіп, тұман түседі деген болжам жасап отыр.

    Астанада тұман болады.

    Солтүстік Қазақстан облысында жел, жаңбыр, тұман болу ықтималдығы жоғар.

    Маңғыстау, Атырау облыстарында найзағай ойнап, жел күшейеді.

    Павлодар, Петропавл, Атырау, Ақтөбе, Жетісу, Павлодар, Батыс Қазақстан облыстарында желдің екпіні 15-20 м/с күтіледі.

  • «Алматы су» қаланың әуежайын жөндеген инвесторға 122 млн теңге заңсыз айыппұл салған

    «Алматы су» қаланың әуежайын жөндеген инвесторға 122 млн теңге заңсыз айыппұл салған

    Алматы қаласы Энергетика және сумен жабдықтау басқармасының «Алматы Су» мекемесі әуежайға халықаралық терминал салып, әуежайды жөндеген «TAV Қазақстан» компаниясына 122 млн теңге көлемінде негізсіз айыппұл салған.

    Инвестицияның жалпы көлемі шамамен 85 млрд теңге болған, жобаны іске асыру 500-ден астам жұмыс орнын құруға мүмкіндік берді.

    «Алайда Алматы қаласы Энергетика және сумен жабдықтау басқармасының «Алматы Су» 122 млн теңге көлемінде айыппұл және сумен жабдықтау мен су бұру қызметтеріне қосымша төлемдер жазған», — деп хабарлайды Алматының прокуратурасы.

    Түрксіб ауданының прокуратурасы осы негізгіз айыппұл мен қосымша төлемдердің күшін жойды.

  • Шерзат Болаттың өліміне қатысты алдын ала сот тыңдалымы өтетін күн белгілі болды

    Шерзат Болаттың өліміне қатысты алдын ала сот тыңдалымы өтетін күн белгілі болды

    Талғарда кісі қолынан қаза тапқан Шерзат Болаттың өліміне қатысты іс бойынша алдын ала сот тыңдалымы өтетін күн белгілі болды. 

     Алдын ала сот тыңдалымы 10 сәуірде Талдықорған қаласында қылмыстық істер жөніндегі мамандандырылған сотта өтеді.

    Алдын ала тыңдалымның Талдықорғанда өтуіне күдіктілердің көпшілігінің осы қаладағы уақытша ұстау изоляторында отырғаны себеп.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған.

  • Жабылған банктердің салымшылары өтемақы ала алады

    Жабылған банктердің салымшылары өтемақы ала алады

    Қазіргі уақытта Tengri Bank, Capital Bank Kazakhstan, Asia Credit Bank, Банк Астаны сияқты 9 банк тарату процесінде. Өтемақы мерзімі аяқталды, бірақ негізді себептері бар салымшылар әлі де өтініш бере алады.

    Мұндай себептерге:
    • әскерге шақырылу,
    • шетелде болу,
    • мұрагерлік рәсімдеу,
    • сотпен бекітілген өзге де жағдайлар жатады.

    Өтініштер Алматы мен Астанадағы КФГД кеңселерінде қабылданады. Қарау мерзімі – 5 жұмыс күні.

  • Қазақстан мектептерінде жаңа лауазым пайда болады

    Қазақстан мектептерінде жаңа лауазым пайда болады

    Әрі педагог-кәсіптік бағдар беруші лауазымы «Жұмысшы мамандықтары жылы» аясында ресми түрде бекітіліп отыр.

    Оқу-ағарту министрлігінің баспасөз қызметі бұл бастама оқушыларға мамандық таңдауда ерте бағыт-бағдар береді деп сендірді. Сонымен қатар, оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталғанын мәлім етті.

    Педагог-кәсіптік бағдар берушінің негізгі міндеттері:

    • Оқушыларға мамандық пен білім бағытын таңдауда қолдау көрсету;
    • Жеке және топтық кәсіби кеңес беру жұмыстарын жүргізу;
    • Кәсіптік бағдар беруге арналған іс-шараларды ұйымдастыру;
    • Жұмыспен қамту орталықтарымен, колледждермен және кәсіпорындармен байланыс орнату;
    • Оқушыларға еңбек нарығындағы сұранысқа ие мамандықтар мен заманауи үрдістер туралы ақпарат беру.

    «Жаңа лауазымның енгізілуі оқушылардың саналы әрі дұрыс кәсіптік таңдау жасауына көмектеседі, жұмысшы мамандықтарының беделін арттырып, еңбекке бейім, білікті және бәсекеге қабілетті ұрпақ тәрбиелеуге ықпал етеді», – деп жазылған ресми хабарламада.

  • Қазақстанда банк карталарын шығаруға шектеу енгізіледі

    Қазақстанда банк карталарын шығаруға шектеу енгізіледі

    Қаржы нарығын реттеу агенттігі жаңа өзгерістерді ұсынды:
    • 18-21 жас аралығындағы азаматтарға картаны онлайн ашуға тыйым салынады. Олар картаны тек банк бөлімшелерінен ала алады.
    • 14-18 жас аралығындағы жастардың онлайн банк операцияларын ата-анасы немесе заңды өкілдері растауы керек.
    • Банктер 5+ картасы бар тұлғаларды, ресми табысы жоқ 14-25 жас аралығындағы азаматтарды, Қазақстанда тұрмайтын шетелдіктерді мұқият бақылауға алады.

    Банктер клиенттен карта ашу мақсатын сұрап, оны операциялармен сәйкестендіреді. Егер сәйкессіздік анықталса, клиенттің тәуекел деңгейі жоғары деп белгіленеді.

  • Әжелер ансамблі Әзербайжандағы байқауда бірінші орын алды

    Әжелер ансамблі Әзербайжандағы байқауда бірінші орын алды

    Өнер жарысында әнші әжелерімізбен қатар Өзбекстаннан және т. б. елдерден келген 400-ден аса үміткер сайысқа түсті, деп хабарлайды елорда әкімдігі.

    Астанада Есіл ауданы бойынша Белсенді ұзақ өмір сүру орталығының зейнеткер әжелерінен құралған «Сағыныш сазы» ансамблі Баку қаласында өткен «AZERBAIJAN GRAND FESTIVAL» ән байқауында жүлделі бірінші орынға ие болды.

    Фестиваль ұлтаралық қарым-қатынас пен музыкалық мәдениетті нығайту мақсатында наурыз айының соңғы күндері «Аstana Stars» халықаралық конкурстар комитетінің ұйымдастыруымен өткен болатын.

    Әжелер ансамблінің ұжымына ҚР еңбегі сіңген мәдениет қайраткері Жанарбек Искендыров жетекшілік етеді, ал ансамбльдің белді жүшесі Шәрбат Құрманова ансамбльдің көркемдік жұмысымен және репертуарын қалыптастырумен  айналысады.

    Ансамбль өз жұмысын 2019 жылдың желтоқсан айында Сарыарқа ауданына қарасты қалалық ардагерлер ұжымында бастады.

    Өнер ұжымының алғаш құрылған кезде халық әндерін орындаудан бастаған еді. Үнемі шығармашылық ізденісте жүрген ансамбльдің репертуары бүгінде әр түрлі, ән қоржынында 80-ге жуық ән бар.

    – Біздің орталықтың өнерлі зейнеткерлері халықаралық деңгейдегі ән байқауынан жүлдемен оралуы біз үшін үлкен жетістік. «Сағыныш сазы» ансамблінің құрылғанына 5 жыл толды, жақында өзінің бес жылдық есептік концертін өткізген болатын. Бұл өнер ұжымына 62-72 жас аралығында ән айтумен әуестенетін әжелер жиналған. Ансамбль әрдайым шығармашылық ізденіс үстінде. Олардың репертуары әралуан, терме, халық және эстрадалық әндермен қатар, басқа да жанрдағы әндерді орындайды, – деп сөзін түйіндеді Есіл ауданы бойынша әлеуметтік қызмет көрсету бөлімінің басшысы Жанар Есенаманова.

    Осы байқауда бірінші орынды жеңіп алған «Сағыныш сазы» ардагерлер ансамблі Грекияның Салоники қаласында өтетін GREECE GRAND FESTIVAL байқауына жолдама алды.

  • Қазақстандық блогерлер заңсыз ұтыс ойындары үшін айыппұл арқалауы мүмкін

    Қазақстандық блогерлер заңсыз ұтыс ойындары үшін айыппұл арқалауы мүмкін

    Вице-премьер, Ұлттық экономика министрі Серік Жұманғариннің айтуынша, жыл басынан бері 1870 интернет-алаяқтық фактісі анықталды, оның 389-ы әлеуметтік желілерде.

    Қазақстанда лотереяны тек «Сәтті Жұлдыз» компаниясы ұйымдастыруға құқылы. Заңсыз ұтыс ұйымдастырғандарға 7,8 млн теңгеге дейін айыппұл салынып, табысы тәркіленеді. Биыл 113 адам жауапқа тартылып, 50 млн теңгеден астам айыппұл өндірілген.