Sona.kz

Рубрика: Қазақстан жаңалықтары

  • Елімізде жылына 200-ден аса оқушы қызға жыныстық зорлық жасалады

    Елімізде жылына 200-ден аса оқушы қызға жыныстық зорлық жасалады

    Оқу-ағарту вице-министрі Еділ Оспан соңғы бес жылда оқушылар арасындағы ерте жүктілік 43 пайызға төмендегенін айтты.

    Еділ Оспанның сөзінше, жасөспірімдер арасындағы ерте жүктілік немесе қажетсіз қарым-қатынастарға байланысты проблемалар бар.

    «Сондықтан да білім беру саласында оның алдын алу үшін бірқатар жұмыс жүргізіліп жатыр. Жалпы бұл статистиканы денсаулық сақтау саласындағы уәкілетті орган жүргізеді. Жүргізілген жұмыстардың нәтижесінде соңғы 5 жылда ерте жүктіліктіктің 43%-ға төмендегені туралы ақпарат бар. Денсаулық сақтау министрлігі сондай ақпарат беріп отыр. Енді бұл ненің нәтижесі деген мәселеге талдау жүргізіп көрдік. Халықтың арасында, оның ішінде ата-аналар мен жасөспірімдер арасындағы жүргізілген түсіндіру жұмыстарының осындай нәтижеге әкелгенін көріп отырмыз. Бұл проблеманың түпкі себебі қыз балаларға қатысты зорлық екенін ашық айтуымыз керек», – деді Еділ Оспан.

    Вице-министр жылына 200-ден астам зорлық қылмысы болатынын айтты.

    «Әлеуметтік желілер арқылы қыз балалар бейтаныс адамдармен танысып, олардың бопсалауына, құрығына түсу фактілері де аз емес. Сондықтан екі бағыттағы жұмысты күшейтуіміз керек. Біріншіден, зорлық-зомбылықпен күресуіміз керек. Екіншіден, әлеуметтік желіге ата-аналардың бақылауын күшейткен жөн. Білім беру ұйымдарындағы жұмысқа келер болсақ, әрине, оқу бағдарламаларының ішінде міндетті түрде жасөспірімдерге қатысты ақпараттар беріліп отырады. Оның ішінде репродуктивті денсаулық, гигиена, жеке қауіпсіздік мәселелері бар», – деді Оқу-ағарту вице-министрі.

  • Қазақстан мен Мажарстан сауда байланысын нығайтуда

    Қазақстан мен Мажарстан сауда байланысын нығайтуда

    Іс-шараның басты мақсаты – екі ел арасындағы сауда көлемін арттыру, 95 тауар түрінің экспортын ұлғайту және кәсіпкерлер арасында тікелей байланыс орнату.

    Миссияға 20-ға жуық қазақстандық компания қатысып, венгриялық серіктестермен келіссөздер жүргізуде. Бұл қадам Президент Қасым-Жомарт Тоқаевтың Мажарстанмен ынтымақтастықты дамыту жөніндегі тапсырмасына сәйкес жүзеге асуда.

  • Ерекше қажеттілігі бар жандарға теміржол билеттеріне 50% жеңілдік беріледі

    Ерекше қажеттілігі бар жандарға теміржол билеттеріне 50% жеңілдік беріледі

    • I және II топ мүгедектігі бар азаматтар мен ерекше қажеттілігі бар балалардың серіктері үшін – 50% жеңілдік
    • Пойызға міну кезінде медициналық анықтама талап етілмейді – барлық ақпарат автоматты түрде базада тексеріледі
    • Теміржол вагондары жаңартылып жатыр – 2025 жылға дейін ерекше жолаушыларға арналған 35 арнайы вагон іске қосылады

    Бұл өзгерістер 2025 жылдың екінші жартысында күшіне енуі мүмкін. Министрлік азаматтардың қолайлы әрі инклюзивті көлік қызметін алуын қамтамасыз етуді көздейді.

  • Діни басқарма ЛГБТ-ға қатысты мәлімдеме жасады

    Діни басқарма ЛГБТ-ға қатысты мәлімдеме жасады

    Муфтият жариялаған видеода еліміздің бас имамы Наурызбай қажы Тағанұлы ЛГБТ-ның үклкен күнә әрі ата-баба жолына қайшы келетін жат түсінік екенін айтты.

    «Мұсылмандар діни басқармасы өз тарапынан арнайы пәтуа шығарды және ЛГБТ-ға қатысты мәлімдеме жасады. Бұл әрине біздің ұлттық құндылығымзыға , салт-дәстүрімізге, ата-баба жолына қарсы дүние. Өкіншіке қарай, батыс елдерінде келіп жатқан қазіргі таңда, біздің елімізде де төбе көрсетіп жатқан бұл арсыздықтың алдын алуымыз қажет. Ата салтын берік ұстанған азамат ретінде әрине бұған біз қарсымыз. Өйткені бұл ашық арсыздық дүние, үлкен күнә. Бұның азабы өте үлкен», – Наурызбай қажы Тағанұлы.

  • Айтбек Амангелді Қуандық Бишімбаевтың үстінен тағы шағым түсірді

    Айтбек Амангелді Қуандық Бишімбаевтың үстінен тағы шағым түсірді

    Сот кабинетіндегі мәліметке сүйенсек Айтбек Амангелді бұл жолы арызды Жоғарғы сотқа берген.

    Айта кетейік, былтыр тамызда Айтбек Амангелді Қуандық Бишімбаевты сотқа беріп, 1,5 млрд теңге моральдық өтемақы талап еткен болатын.

    Қыркүйекте сот Бишімбаевтан 10 млн теңге өндірді. 27 қарашада Астана қалалық соты апелляциялық инстанцияда бұл шешімді өзгеріссіз қалдырды.

  • Шерзат Болаттың отбасы Айтбек Амангелді бастаған адвокаттардан бас тартты

    Шерзат Болаттың отбасы Айтбек Амангелді бастаған адвокаттардан бас тартты

    Мұны адвокат Саида Тәукелева хабарлады. Ол осы шешімге байланысты Қаржаубай Нұрымовпен ертең кездесетінін жеткізді.

    18 наурызда Айтбек Амангелді баспасөз-конференциясында Шерзаттың әкесі Қаржаубай Нұрымовтың адвокаттардан бас тартқанын айтты.

    Айтбек Амангелді бір күн бұрын Шерзаттың туыстарымен кездескенін айтты. Кездесуде Шерзаттың әжесі Гүлбар және белгісіз бір әйел болған.

    Адвокаттар сот жақындағандықтан, жәбірленушілерді жауап алуға дайындау керек деп шешкен. Дәл сол кезде Қаржаубай Нұрымовтың адвокаттардан бас тартқаны туралы жаңалықты естіген.

    «Осы кездесуден кейін екі сағаттан соң маған Қаржаубай хабарласты. Ол біздің адвокаттардың бәрінен сенімхаттарын қайтарып алатынын айтты. Басқа адвокаттарды таппақшы. Біз бұл әрекетке реакция білдірмедік, себебі Қаржаубайдың мінезін білеміз. Не болатынын көреміз. Кейінгі күндері белгілі болған ақпараттарға қарағанда, іске бес жаңа адвокат кіріседі. Біз үшін негізгі сұрақ – бұдан кейін не болатыны», – деді ол.

    Адвокат осы уақытқа дейін істелген  жұмыстың осылай аяқталғанына реніш білдіріп, бірлесіп жұмыс істеген әріптес адвокаттарына алғыс білдірді. Сонымен қатар 60 томнан тұратын қылмыстық істі оқып шығуға аз уақыт, аз күш кетпегенін де айтты.

    «Қаржаубайдан себебін сұрағанымызда «бұл телефонмен айтыланын әңгіме емес, ертең кездесіп барлығын айтып беремін» деп қысқа қайырды. Қаржаубай 15 тәулік уақытша ұстау изоляторынан шыққан кезде ешкіммен сөйлескісі келмейтінін айтқан болатын. Біз де отбасының жанында болып өз-өзіне келіп алсын деп уақыт берген болатынбыз. 18 қаңтардан кейін Қаржаубайды бүгін көрдік. Қазіргі таңда Қаржаубайдың отбасымен білікті психологтар жұмыс жасап жатыр. Алдағы уақытта бұл істі кім алса да сәттілік тілейміз», – деп жауап берді Айтбек Амангелді.

    Істің сотта қашан қаралатыны әзірге белгісіз. Қазақстан Республикасы Ішкі істер министрінің орынбасары Санжар Әділов 16 жастағы Шерзат Болаттың өліміне қатысты қылмыстық іс жақын күндері сотқа берілетінін хабарлаған болатын.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған.

  • Қазақстанда USAID қызметі тексеріледі

    Қазақстанда USAID қызметі тексеріледі

     2024 жылы Сыртқы істер министрлігі USAID қызметін егжей-тегжейлі зерттейтін, қаржы бөлінетін жобаларды, олардың мақсаттары мен нәтижелерге сәйкестігін талдайтын жұмыс тобын құрды.

    «Атап айтқанда, USAID-тің елдегі стратегияларына зерттеу жүргізіледі. USAID-тің басқа ұйымдармен, соның ішінде мемлекеттік және үкіметтік емес ұйымдармен қарым-қатынасы USAID мақсаттарына ықтимал әсерін бағалау үшін зерттеледі. Сонымен қатар, жасырын схемаларды, қаражатты пайдаланудағы сәйкессіздіктерді және мүдделер қақтығысын анықтау үшін қаржылық талдау қажет», – деді Премьер-Министрдің орынбасары.

    АҚШ Мемлекеттік департаментінің ҚР Сыртқы істер министрлігіне берген мәліметтеріне сәйкес, 2024 жылы екіжақты келісімдер аясында USAID қатысуымен 28 ұзақ мерзімді бағдарлама жүзеге асырылған. 2023–2024 жылдары агенттік экономика, энергетика, денсаулық сақтау, азаматтық қоғам және БАҚ салаларындағы жобаларға 26,5 миллион доллар бөлді. Кейбір бағдарламалар тек Қазақстанды ғана емес, Орталық Азияның басқа да елдерін қамтиды.

  • Астанада жұмыс уақыты өзгеруі мүмкін

    Астанада жұмыс уақыты өзгеруі мүмкін

      Өтебаев 2018 жылы әкімдік жұмыс күнінің басталу уақыты 08:30-ға ауыстырылғанын еске салды. Сөзінше, ендігі бастаманы үкімет деңгейінде көтеру жоспарланып отыр. Орталық атқарушы органдардың жұмыс бастау уақытын өзгерту мәселесін қарастыру қажет дейді ол.
    Бұл жарты сағат немесе бір сағат бола ма – талқылау жүргізіледі. Мәселені реттерде білім беру, денсаулық сақтау және басқа да ұйымдарының пікірі ескеріледі. Ерсін Өтебаевтің айтуынша, жұмыс кестесін өзгерту таңертеңгі және кешкі уақытта қала жолдарындағы жүктемені азайтуға көмектеседі.

    Егер қоғамдық көлікті пайдаланатын әр жолаушының жұмыс уақытын жарты сағатқа жылжытсақ, жүргізушілер де маршрутқа ертерек шығуға мәжбүр болады. Бұл қозғалысты біркелкі етуге ықпал етеді. Алайда бұл мәселе қосымша зерттеуді қажет етеді, сондықтан біз оны жан-жақты пысықтаймыз, – деді ол.

    Еске салайық, бұған дейін Шығыс Қазақстанның Тарбағатай, Зайсан, Күршім, Самар, Марқакөл және Үлкен Нарын аудандарында жұмыс уақыты ресми түрде өзгерген болатын.

    Енді бұл аудандарда жұмыс күні таңғы 08:00-де басталып, кешкі 17:30-да аяқталады. Түскі үзіліс 12:00-ден 13:30-ға дейін аралығында болады.

  • 2025 жылы Қазақстанда 200-ден аса жаңа мектеп салынады

    2025 жылы Қазақстанда 200-ден аса жаңа мектеп салынады

    2019 жылдан бастап Қазақстанда ауқымды инфрақұрылымдық жобалар жүзеге асырылып келеді, нәтижесінде 1 миллионнан астам  оқушы орнын қамтамасыз еткен 1200 жаңа мектеп қолданысқа берілді.

    Әсіресе, 2023 және 2024 жылдардың нәтижесі аса маңызды болды, бұл жылдары 510 мың орындық 422 мектеп салынды, деп хабарлайды ҚР Оқу-ағарту министрлігі.

    Бұл көрсеткіштер бірқатар негізгі мәселелердің шешімін тапты, оның ішінде 32 апатты, 71 үшауысымды мектеп және 200 мектепте орын тапшылығы мәселесі жойылды.

    Білім беру инфрақұрылымы бірнеше бағыт бойынша қарқынды дамып келеді:

    Мемлекет басшысының бастамасымен «Жайлы мектеп» ұлттық жобасы аясында 2025 жылдың соңына дейін 460 мың орындық 217 мектеп пайдалануға беріледі. 2024 жылдың өзінде жаңа форматтағы 105 мектеп есігін айқара ашты. Бұл мектептердің 40% ауылдық жерлерде орналасқан. 2025 жылдың соңына дейін тағы 112 жайлы мектептің құрылысын аяқтау жоспарлануда. 

    Маңызды қадамдардың бірі – 2023 жылы Білім беру инфрақұрылымын қолдау қорының құрылуы болды. Ол жемқорлардан тәркіленген қаржы есебінен толықтырылып келеді. Соның арқасында 100 мың оқушы орнына арналған 89 мектептің құрылысы қаржыландырылды. Оның 74,4 мың орындық 61 мектебінде бүгінде балалар білім алуда.

    Сонымен қатар, аудан орталықтары мен ауылдарда 1000 мектепті модернизациялау жеті бағыт бойынша жалғасуда. Соңғы үш жылда 4 мыңнан астам мектептің материалдық-техникалық базасы жаңартылды, 2 мыңнан астам мектепке STEM, физика, биология, химия, ротоботехника заманауи кабинеттері орнатылды.

    «Мемлекетпен қабылданған теңдессіз шаралар мектептерде бала тығыздығы мен үшауысымды айтарлықтай шешуге мүмкіндік берді. Бүгінде 3 мыңға жуық мектеп бір ауысымда, ал 4,9 мектеп екі ауысымда жұмыс жасауда. 2025 жылы тағы 300 мың орындық 200 мектептің салынуы жоспарлануда», – деп хабарлады ҚР Оқу-ағарту министрлігінің ресми өкілі Мереке Амангелдіқызы.

    Келесі қадамдардың бірі мектеп инфрақұрылымдарын бірыңғай форматқа келтіру болмақ. Ол үшін Мемлекет басшысының тапсырмасымен 1300-ге жуық мектеп реновациядан өтеді. Оның ішінде 900 ауыл мектебі бар. Бұл жоба үш жылға жоспарланған және тоғыз басты бағыт бойынша жүзеге асырылады. Оның аясында мектептердің шатырлары ауыстырылады, сыртқы қасбеттері мен терезелері  жаңартылады, инженерлік коммуникация желілері күрделі жөндеуден өтеді. Сондай-ақ мектеп аумағы абаттандырылып, көгалдандырылады.

  • Шымкентте «Nazira Gold» қаржы пирамидасының қызметі тоқтады

    Шымкентте «Nazira Gold» қаржы пирамидасының қызметі тоқтады

    Қаржы мониторинг агенттігінің Шымкенттегі департаменті  «Nazira Gold» қаржы пирамидасының қызметін тоқтатты.

    Агенттік қаржы пирамидасын құрған адамның үйіндегі тінтуді видеоға түсіріп, желіге салған. Зәулім үйдің ішінен бума-бума ақша, алтын және есігінің алдынан бірнеше көлік тәркіленген.

    «Өзін зергерлік бұйым сатумен айналысатын компания ретінде таныстырған күдіктілер салымшыларға салған сомаларынан 20-40% көлемінде ай сайынғы табыс деп уәде берген. Алайда, шын мәнінде төлемдер сатудан түскен пайдадан емес, жаңа қатысушылардың салымдарынан жүзеге асырылған. Қылмыстық табысқа күдіктілер екі пәтер, тұрғын үй және 10 автокөлік сатып алған. Тінту барысында 374 миллион теңге қолма-қол ақша және құны 300 миллион теңгеден астам 12 кг алтын бұйым тәркіленген», – деп хабарлайды ҚМА.

    Ал, интернеттен «Назира голд» туралы ақпарат іздесеңіз, ең алдымен осы компаниямен аттас компанияның мәліметтері және Назира Бибосынқызы есімді келіншектің әлеуметтік желідегі аккаунты шығады. Назира Бибосынова өзінің аккаунтына Nazira Gold деп жазған және осы компанияның әдемі кештерінен бірнеше видео жүктеген. Кеш қонақтары арасында лоторея ойнатып, көлік таратқан. Кешке Қазақстандағы танымал жұлдыздарды шақырған. Арасында алтын бұйымдардың жарнамасы да бар.